سلام يالربع

صبحكم الله بالخير والرضا والعافيه

ياني جايب لكم قصيده

مدري وش تبي

بس تروها رهيبه

كتبتها في بعض العرب

وبعض العرب ذولا صعبوها وهي سهله

وحكموا النحو والادب والبلاغة والنجوم ومدري وش في العلاقة >>> آآآآه من النسوان بس

المهم كتبت ذي القصيده

وقد لاقت رواجا كبيرا

وحاولت اسجلها لكن كل ما سجلت يجيني ضحك ويخرب المقطع

فقلت ما ربي كتب وحرمكم صوتي المدري وش

المهم نخش على القصيده >>> ما اكثر كلامه ذا الصبي


بسم الله


صاحبي يا صاحب الرفض الغيور
ما التمس لك في تمــــاديك العذر

جيتكم فرحان يغمـــــرني السرور
وجيتني مزهب صدودك والكـــــبر

مبتدأ قولي على سن العــــــــــبور
والخبر!! أنا انتظر منـــــــــك خبر

كيف تنصبني وانا راس السطور
وكيف تنوي في نهايتي الكــــسر

وليش (ا)ن وليش (كان) بكل جور
تنوي الويلات وترمي بالــــــــشرر

لا تجابهني بصــــــــــــــدك والفتور
وحكّم احكام النحو قبل الفـــــــــــــكر

الهوى فاعل بنا بمر العـــــــــــصور
والحكم ضمة حبيبي عالصـــــــــــدر

والصفة تتبع هواها بــــــــــكل طور
وقلبي الموصوف تابع لك امـــــــــر

يعني مسلّم بما تحوي الصــــــــدور
لا ضميري غير ولا هو مســــــــتتر

والفعل في غيركم ماضـــــــي دهور
وفي شموخك حاــــــــضر بحال الامر

آمري و عيـــــــــــني لكم خلي قبور
الكفن رمشي وحنوطك شـــــــــــعر

آمري ياريحة انـــــــــفاس الزهور
آمري يا ريــــــــــــح ما بعد المطر

وش بغيتي ما بغيتي من البــحور
ابحر بشعري وانقي لـــــــــك درر

كان شعر الجاهليه والعــــــــصور
يعجبك بابكي على طلن عـــــــــفر

واتوقف في ديارك والحـــــــــجور
واذكرك واستــــــــعبر بشعري ذكر

وكان شعر اهل المغازل والفجــــور
هو مناتك باوصف لحد الخــــصر

وكان شعر الاندلس نسمة وعطور
بانفحك نسمة من اطيبها عــــــطر

وكان اشعار المهايط هي الشــعور
باروي احساسك من المعنى فخر


وكان اسباب البلاغة ما تثور
باعلن الثورة بحبــــــك واستمر

وكانها الفاظ الفصاحة ياطهور
تعجبك باصفصف الفاظي شكر

وكان نور الشمس ما يحجبه نور
باحجب الانوار وأمسي لك قمر

وكان ابراج السما نحس وسرور
فانا مؤمن بالقضا ويا الـــــــــقدر

وكان مالي في حـــــــياتك أي دور
بالتمس من حـــــضرك ياخي عذر

انا راحل دون كيف ودون شور
حامل كتابي وشــــــــعري و الفكر

ياحسافة ما كتبــــــته من سطور
ياحسافة فيك يا خـــــــــلي الشعر

وسلامتكم


ملاحظة:

ترو القصيده قديمة لكم عليها بس ما بعد نشرتها فلكم حق النقل الحصري

إقتباس وكان شعر الاندلس نسمة وعطور بانفحك نسمة من اطيبها عــــــطر

ياهوووووووو خطير من شاعر

صح لسانك

صح بدنك اخوي

منور .....

الله لا يضرك اخووي

ماشاء الله موهبه شعريه رائعه

وقصائد جزله و روووعه

استمر اخووي

ياليت تسجل لنا شيله بصوتك يالغلا

ماشاء الله عليكـ ..

من جد والله انكـ شاعر ..

اجل كل ابو دايم نزل هنا وصوتكـ لاحقين عليه ض1 ..

صح لسسسانكـ ..

بعض المقدمات في بعض المواضيع تخرب ابو جمالية الموضوع ! <== ما اقصد احد ض1 ..

شششوكرا لكـ مررره

اختكم .. ميمي

إقتباس الرسالة الأصلية كتبت بواسطة يشهد الله9اني هلاليه ماشاء الله عودتنا ع شعرك الجميل... صح لسانك وفالك التوفيق ...

صح بدنك اختي ولا هنتي

منوره

إقتباس الرسالة الأصلية كتبت بواسطة عاشق ياسر القحطاني20 الله لا يضرك اخووي ماشاء الله موهبه شعريه رائعه وقصائد جزله و روووعه استمر اخووي ياليت تسجل لنا شيله بصوتك يالغلا

يسلمو يا ذيب

وبالنسبه للشيله خلها بعدين فديتك

إقتباس الرسالة الأصلية كتبت بواسطة Meme ماشاء الله عليكـ .. من جد والله انكـ شاعر .. اجل كل ابو دايم نزل هنا وصوتكـ لاحقين عليه ض1 .. صح لسسسانكـ .. بعض المقدمات في بعض المواضيع تخرب ابو جمالية الموضوع ! <== ما اقصد احد ض1 .. شششوكرا لكـ مررره اختكم .. ميمي

شوكرا ميمي وصح بدنك اختي

وصدق بعض المقدمات مدري وش تبي

.






وعليكم السلام ورحمة الله وبركاته ..
والله اشتقنا لاشعارك ض1 ..
ماشاء الله عليك بارك الله ..
جميل جدا , صح لسانك و1 ..
بالتوفيق لك و1 ..

إقتباس الرسالة الأصلية كتبت بواسطة HILALYA ]~ . وعليكم السلام ورحمة الله وبركاته .. والله اشتقنا لاشعارك ض1 .. ماشاء الله عليك بارك الله .. جميل جدا , صح لسانك و1 .. بالتوفيق لك و1 ..

تشتاق لك الجنة ياعسل

صح بدنك

منورة