ولهامسون بدى يرجع مستواه واليوم بدع . نيفيز تكفون مانبيه . لي يونج شهيل ولا الرهيب فيه افضل . . ياسر هذا وانت لحالك شلون لو مهاجم معك وش تسوون ؟
السلام عليكم
الحمدلله على الفوووووز وقسم بالله مرتفع ضغطي من الدقيقه الاولى . فرررررص بالهبل تضيع والله حرام
وحارس الحزم مدهر على الهلال اليوم . وين حراسته السنعه بمباراة الاهلي ولا مباراة النصر !!
والله قهر تخيلو اكثرر من خمس عوارض . وهجمات وفرص ضايعه . والله قهر مانفوز
بس الحمدلله الحمدلله بفضل الدعوات ثم حماس اللعيبه وضغطهم واصرارهم ع الفوز فزنا وتصدرنا مؤقتا طبعا
لكن اكيد هالفوز مهم مهم بالنسبه لروح اللعيبه
نقاط بالنسبه للمباراه
ولهامسون . والله اليوم مبدع ومتفنن وبادي مستواه الاول يرجع يارب لك الحمد . وصراحه يكفي ميزه وحده بويلي انه سرييييع . ومستحيل تلقى بالدوري السعودي لاعب سريييييع مثله ينطلللللللق من الخلف ويصنع لك خطوره حتى لو مستواه نازل . وسرعته هذي مهمه . والدليل ضربة الجزاء اللي اليوم . والله لو ماهو لاعب سريع ككان يمديه صدها الحارس . بس عشانه دزز لااله الا الله
.
ياسر . اتمنى هالاهداف اللي جبتها تزيد من حماسك واصرارك وحسك التهديفي وانت يابو عبدالعزيز والله تستاهل . وبإذن الله لو كان معك مهاجم ثاني بتبدع انت وياه . لو الهلال معهم مهاجم ثاني كان ماشفتو الفرص اللي ضاعت اليوم ضايعه . على الاقل تسجيل 6 من هالفرص الضايعه
.
نيفيز . اناني وولاتمريره صح . مدري ليش طلع الفريدي وخلى نيفيز !!! اتمنى نيفيز هو اللي يروح بالانتقالات الشتويه . لانه خلاص ماعنده شي يقدمه
.
رادوي . لاتعليق . فنان . يقطع كرات . يهجم . يمرر . يصنع . والله هذا اللاعب ولا فلا
.
الفريدي . احس نفسه يجيب هدف نقشه هههههه مدري ليش
بس والله ماقصر اليوم لعب وفن ومهاره يكفي مسبب خطوره وهجماته وتمريراته مسببه ازمات للدفاع الحزماوي . بس ناقصك يافريدي شوية سرعه وعدم بطء باللعب اقسم بالله ياشيخ تصير اطلق واحد
.
لي يونج . اعتقد مستواه مو مثل اول كثير ينكب . والله لو يجيبون شهيل ولا حسن معاذ ولا الرهيب . انه افضل ويوفر علينا معادلة اجنبي = بسعودي .. ونجيب بداله يامحور مع رادوي ونفس قلب رادوي اسد وفنان . ولا مدافع
.
خط الدفاع الهلالي ابد لم يختبر اليوم اختبار حقيقي .. الفرج . ماقصرت والله بس عليك رفعات مدري وش تبي
الشلهوب .. من شفتك جاي مسرع بالهجمه المحققه قلت ابد بيجيبها وبالاخير شوته غريبه وخفيفه ؟؟! . وماقصرت في بعض الكرات .
بالاخير اقولكم مبروك الفوز . واللاعبين الى الان ماادري وش قصتهم مع الفرص الضايعه
.
احسن لاعب هلالي اليوم . ولهامسوووووووون .
صنع جميع الاهداف وهو اللي تسبب بضربة الجزاء .
عادت روح الهلال يازعماء فهنيئا لنا