إقتباس كنت اعرف إن فلم ستيف اوستن كان الناس من كثر ما يعجبهم حركاته و قفزاته صاروا يقلّدونه حتى سمعت إن ولد من اولاد الحارة : حارة الراوي " طلع فوق جدر و جمّع الناس كلّهم و قال لهم شوفوا قفزت ستيف اوستن .. قفزت ستيف اوستن .. كلّهم طالعوا فيه و مسكين يوم نقز طاح و تعوّر و جلس يصيح

الحمد لله على سلامتك يا فــهد

واشوف ان مافيه فرق عن ايام زمان واللحين الا انهم غيروا ستيف اوستن وصار اسمه شاروخان

تحياتي .

اتفق معك اخوي.. ياليت احد من شيبان المنتدى يجي يسولف علينا شوي

حنا يالجيل الجديد نحتاج نعرف تفاصيل الماضي

المشكله تدري وشو..؟؟

ان الشيبان و العجاي في المنتدى يصغرون انفسهم موب رادين عليك...

عالعموم شكرااا لك


............................................................

الصخره مسوي طالع منها..؟؟

بودي لو طرحت اسئله معينه لكي نتمكن من الرد عليك وتكون محدده ومتجدده

هههههههههههه شيبان المنتدى ماراح يردون
مسوين انهم صغار
لكن مالنا الا قرقاص

إقتباس الرسالة الأصلية كتبت بواسطة STS2005 الحمد لله على سلامتك يا فــهد واشوف ان مافيه فرق عن ايام زمان واللحين الا انهم غيروا ستيف اوستن وصار اسمه شاروخان تحياتي .

الله يسلّمك

هههههههههههـ


منوّر يا ملكـ

إقتباس الرسالة الأصلية كتبت بواسطة الـصـخـرة اتفق معك اخوي.. ياليت احد من شيبان المنتدى يجي يسولف علينا شوي حنا يالجيل الجديد نحتاج نعرف تفاصيل الماضي

هلا بـ The Rock
منوّر

سوالف زمان لو احد قصّها عليك تقعد تسمع لها ما تمل منها
احسن شيء فيها البساطة و عدم التكلّف

والله مدري علمي علمك
غيري يعلمك كيف كانت
العيشة وكل شي قلتة

أنت من تشوف أبــو طلال اذا كتب موضوع يكتب ( أخوكم الصغير ) تغسل يدك لكن الله يمد بأعمارهم على طاعته !

يأخوي أنا أبي أتكلم عن حياة السابقون الأولون في عهد الملك خالد كان عهد جميل جداً و زاخر بالخيرات كما يروي أبائنا عنهم .. من عرض سوالف جدي عن الملك خالد أنهم مرة طالعين من حايل للديرة كعابي و كان بذيك الأيام زيارة الملك خالد رحمه الله إلى حائل و كان الأمير يحب الطلعات و التخييم و هم متجهين للقرية جاهم الليل و حولهم خيام و سيارات و للعلم السيارات بذاك الزمن قليلة جداً جدا و جاهم واحد من حاشية الملك و قال الملك خالد يسلم عليكم و يقول أن دراهمه خلصن و لكن هذا اللي بقى معه و أعطاهم فلوس و كان لها أثر ذيك الفلوس في نفس جدي إلى زمنّا هذا و كان الملك خالد سخي بدرجة كبيرة جداً و لك أن تقرأ كتب التاريخ عنه .. فإن صحت العبارة ( الملك خالد هو التاريخ بحد ذاته ) !

أما من ناحية حرب الخليج اتجه أغلب أهل الكويت إلى حائل و جلسوا فيها إلين مافرجها الله لهم بفضل الله ثم فضل القوات السعودية و دعاء الجميع لهم !

فيه شارع بحايل اسمه شارع الحب :

و أغلب أهل ذاك الحي أو أهل حائل مايعرفون وش سبب التسمية و السبب ياطويلين العمر أن كانت أغلب العوائل الكويتية ساكنه هناك و كان الشيبان الزاحفين و الشباب المراهقين يروحون يفرفرون بذاك الشارع و اذا سألهم أحد و ين رايحين يقولون رايحين لشارع الحبايب و من ذاك الوقت إلى يومك هذا و الشارع على اسمه ماتغيّر أبد مع اختلاف بسيط و انهم غيروا اسمه م شارع الحبايب الى شارع الحب !

بالنسبة لستيف أوستن :

كانت المصارعة إثارة من نوع آخر .. و الكلام هذا قبل حوالي أكثر من عشر سنوات على مأظن فكانت تجي المصارعة يوم الثلاثاء فقط و الوقت كان الساعة ثنتين بالليل و مدتها من خمس و أربعين دقيقة إلى ساعة بسس يعني قسم بالله كنّا أنواع العذاب مع هالوقت الفاشل و خصوصاً في أيام الشتاء اللي ماتجي ثنتين ألا بعد جهد جبار و شرب عشرين فنجال قهوة و و الله العظيم كنا نطبق حركاتهم بسس مأحد تجرأ وطبق حركة ستيف أوستن لإنها صعبة حيل و لكن حركات روك و الطقة الباقين طبقناها بكل أريحية


هذا اللي عندي ألحين و اللي عندهـ شئ لا يبخل علينا و خصوصاً الداهية ( قرقاص ) و سالفته مع الكويتية اللي تقابل معها وجها لوجه يوم راح بأمه لم الكويتيين

الصراحة ذكي الصخرة طلع منها يعنني صغير