السلآم عليكم

انــــــآ اعرف انو هذا القسم مخصص بس لموبايلي الهلآل

بس شفت انو النـــآس حــآطين موآضيعهم وشكآويهم ف قلت معهم

الحين

يآموببآيلي

ترى مآآيصلح اللي قآعد يصير

مرهـ مايصلح

يعني انحشنا من stc تجون انتوا تسوون نفسهم ف اشياء كثيرهـ

عشان مانلعب على بعض انتوا كنتوا بس الحين للأسف مادري شقول

اشياء مرهـ رفعت ضغطي
ادق عليكم يطلع لي الميوزك اللي يفقع الاذن

طبعاً اذا جت الميوزك أفلقووووني اذا احد رد

احياناً وانا رآيحه الجامعه ادق عليهم ويطلع الميوزك اقوول اجرب بلكن يردون

وربي اوصل وهم ماردو يعني مافيه امل

شي ثاني
رحت لموبايلي طال عمرهم ابي اخلي خطي بأسم

حولت وكل شي قال خوذي هالورقه ودخلي الرقم بعدين مدري وشو وبعد اسبوع روحي للفرع الرئيسي<<ليش مدري

عاد صلحت الخطوات وكل شي تمام

ادق عليهم بعدد شهر

اقول خطي بأسم مين

يقول مــو طالع عندي

انتِ محدثه بياناتك بس للحين ماصار شي

وطبعاً للحين وانا مجهولة الهويهـ للأسف


لآآ ويوم رحت ذاك اليوم بعد قآآل لي اللي عند الباب حق الارقام

معك محرم

قلت لآآ

قآل تفضلي

سسلآآآمــــــــــــــــآاات

الحين كل فرع سياسته تختلف عن الفرع الثاني

يعني فرع يطردون وفرع عادي

وبعدين مافيه فرع نساء الا وآآحد وف قلعة وادرين

حـــآطينه عند المملكه وأنوآآع الزحمه

يعني نوووكومنت

شي آخر

ابوي رآح يبي يحول خط اختي

قآل له عيآ يضبط



كيـــف


ابوي يسأل الموظف كيف

قآل مدري

ههههههههههههه رهيبه يــآموبايلي

اجل مــآيدرون



انتبهوا لأنفسكم قبل لآآتصيرون زيهم

مايهمني اذا موضوعي بينحذف او لا

بس جد ملينا

يعني مافيه مكان اكتب فيه الا هنا

موقعكم ماشاء الله عليه رهيب احط الهويه يطلع غلط <<

اقول موضوعك غريب وامكشلتك هي انك تروحين لفرع رئيسي للتحديث
ويكون فيه مكان قسم للنساء عشان بدون محرم يا بطله

مشاكلكم غريبه ولما تتصلين انا اشتغل في موبايلي نرد عليك بعد 15 دقيقه اكثر شي
الا اذا قال لك الرد اننا مشغولين لك كل تحياتي ونرجو المصداقيه وعدم المبالغه في المواضيع

ورب الآيــــــــــــــــآت <<تؤمن برب الايــآت

اني مـــآبآلغت بحرف

وكل العملاء عارفين هالمعـــآنـــآة طال عمرك

شوف

الحين اليوم ردو علي بعد انتظار 10 دقايق وكان الرد الالي قاعد يقرق

بس اذا جت ميوزك أنـــآ أتحدى اي وآحد يقول انكم تردون

معليش فيه اشياء الواحد يبالغ فيها وفيه اشياء لآآ

يعني وش مصلحتي بالله اذا قعدت أتفلسف

؟؟؟؟؟؟؟؟؟؟؟؟؟


سآلفة المحرم

أنـــآ رحت لفرع خريص عـــآدي

اما الفرع ذاك هو بالعليا بس ماعرف وينه

بس انه مو اللي ف طريق الملك عبدالله <<الرئيسي اذا ماخاب ظني


وسآلفة التحويل لفاتورهـ ليش الموظف مايدري وش فيه بسم الله عليه؟؟

انا ادري انو فيه اشياء طبيعي تصير يعني موبايلي مو معصومه

بسسسسسسسسسسسس مرهـ كثرت الاخطـــآء

طيب تعآل

البلآآآك بيري

اليوم ارسل 26 مسج <<بدون مبالغه ترى

تبي مبالغه بأقول 50<<محد بيتسطر

عشان افعل الخدمه مآآتفعلت



انت ليش معصب علي طيب؟؟؟؟؟؟

شسوي اذا مشاكلي غبيه



المهم

شكراً والله يعافيك انك رديت

مرهـ شكراً جعلك ماتموت

صادقة بكل كلمة قلتيها بخصوص اتصالك على 1100 إذا طلعت لك موسيقى قفلي الخط وشوفي لك رقم موبايلي فاتورة او اي رقم اتصالات وكلمي على الرقم 0560101100 على طول يردووون عليك ... لأن إذا كان فيه ضغط على 1100 تعطى الأولوية للفواتير وعملاء شركة الإتصالات وايضا ارقام الشحن اللي يشحنون بإستمرار ... طبعا هذا نظام الشركة

والتحديث اللي عملتيه يظهر عند الموظف بأن الرقم عليه تحديث بيانات لكن الأسم ما تغير ...إذا بغيتيه يتغير اطلعي على فرع موبايلي اللي بطريق الملك فهد قبل المملكة ع اليمين مبنى توارن تحصلين فيه فرع نسائي رئيسي يتوضح لهم التحديث اللي عملتيه ..ويغيرون الأسم في نفس الوقت ...

بالتوفيق لك

إقتباس الرسالة الأصلية كتبت بواسطة الزعيم للجميع صادقة بكل كلمة قلتيها بخصوص اتصالك على 1100 إذا طلعت لك موسيقى قفلي الخط وشوفي لك رقم موبايلي فاتورة او اي رقم اتصالات وكلمي على الرقم 0560101100 على طول يردووون عليك ... لأن إذا كان فيه ضغط على 1100 تعطى الأولوية للفواتير وعملاء شركة الإتصالات وايضا ارقام الشحن اللي يشحنون بإستمرار ... طبعا هذا نظام الشركة والتحديث اللي عملتيه يظهر عند الموظف بأن الرقم عليه تحديث بيانات لكن الأسم ما تغير ...إذا بغيتيه يتغير اطلعي على فرع موبايلي اللي بطريق الملك فهد قبل المملكة ع اليمين مبنى توارن تحصلين فيه فرع نسائي رئيسي يتوضح لهم التحديث اللي عملتيه ..ويغيرون الأسم في نفس الوقت ... بالتوفيق لك

يس خيووو ممتاز

انا اخذ جوال اي انسان وادق ويردون

<<قهر قسم بالله

اي اخوي انا عارفه الفرع النسائي بس زحمه<<الصرآحه مارحت له بس يقولون

عموماً احس سياسة التحديث وسو وحط ودخل هالرقم مرهـ مالها داعي


شآكره لك

اختي يكو في علمك تدرين ان الفرع الي يستقبل وحده بدون محرم وش تكون عقوبته

تغريم المحل واقفاله واذا تبين يردون عليك من الساعه 8 الى 4 العصر هاذا الوقت فاضيين ويردون بسرعه

إقتباس الرسالة الأصلية كتبت بواسطة ألفتى ألذهبي اختي يكو في علمك تدرين ان الفرع الي يستقبل وحده بدون محرم وش تكون عقوبته تغريم المحل واقفاله واذا تبين يردون عليك من الساعه 8 الى 4 العصر هاذا الوقت فاضيين ويردون بسرعه

طيب دام هذي سياستهم يفتحون فروع نسآء
<<فرووووع موب فرع

اخوي انا متى تبدا اتصالاتي غالباً من 10 الصباح لـــ3 العصر <<الوقت الفاضي عندي

وكله ميوزك

اذا رحموني مررره ردو علي بعد صلاة العصر

مشكووور اخوي ع المعلومـــآت
لآخلآ ولآعدم

إقتباس مشاكلكم غريبه ولما تتصلين انا اشتغل في موبايلي نرد عليك بعد 15 دقيقه اكثر شي الا اذا قال لك الرد اننا مشغولين لك كل تحياتي ونرجو المصداقيه وعدم المبالغه في المواضيع

يابيي قل خيرا أو اصمت

ولا تفقش علينا مع عدم احترامي لك


وربي ترصونن 30 دقيقة وبعدين تقفلون الخط


اها بس انت اللي لاتقعد تدافع وتخربط

كل راتبك وابلع العافيهـ


وربي كلمتك هبلت فيني وانا من حين حيني موبايلي فاقعين مرارتي


اتمنى ردي يبقى لان اللي جرب هالشي راح يتكلم بكلامي دايركت وشلون لاجاك موظف وقعد يهايط اولاه بس

إقتباس الرسالة الأصلية كتبت بواسطة التميمي الهلالي 506 يابيي قل خيرا أو اصمت ولا تفقش علينا مع عدم احترامي لك وربي ترصونن 30 دقيقة وبعدين تقفلون الخط اها بس انت اللي لاتقعد تدافع وتخربط كل راتبك وابلع العافيهـ وربي كلمتك هبلت فيني وانا من حين حيني موبايلي فاقعين مرارتي اتمنى ردي يبقى لان اللي جرب هالشي راح يتكلم بكلامي دايركت وشلون لاجاك موظف وقعد يهايط اولاه بس

أخوي حتى لو كنت متنرفز اتمنى الاخلاق ماتخرب
الرجال ماقال شي هو قال اللي يعرفه
انا مثلك بس شنسوي؟؟
شكراً لك

والله مشكلتك غريبه من موبايلي

إقتباس الرسالة الأصلية كتبت بواسطة 3bdulslam والله مشكلتك غريبه من موبايلي

والله ماشوف فيها شي غريب

اذا كنت من عملآء موبايلي انت اللي غريبه ماعندك هالمشاكل

شكراً

للأمانه انا رقمي فاتورة ويردون علي في اقل من 3 دقايق
يمكن يفرق عندهم فاتورة او شحن او على حسب العميل
لانو جوالي ماشالله مكسبهم هههههههه
عالعموم الله يعينك
لو انني منك اقوله اي معي محرم ..
اكيد عندك محرم فالبيت يعني ماتكذبين هع
هههههههـ ابي بلنتي ـهههههه
هههههههـ ابي تعيدون البلنتي ـههههههه

خذي العلم مني انا احد موظفين كول سنتر 1100 هذي الله يسلمك تحويله اسمها سبووورت اذا سمعتي صوت مسيقى سكري احسن لم لانه بيدق لين مده ساعه ويفصل هذي تحويله للي يدق اكثر من مره على 1100 او الي شحنه قليل او مسبب قلق للشركه
هذي تصريفه من الشركه يعني مااحد راح يفيدك حتى لو تحدثين يعني المشكله مالها حل لان عندنا كثر من تحويله وهذي التحويله هي ادمر تحويله يعني الله يعينك بس

إقتباس أخوي حتى لو كنت متنرفز اتمنى الاخلاق ماتخرب الرجال ماقال شي هو قال اللي يعرفه

قريتي كلامهـ زين

إقتباس مشاكلكم غريبه ولما تتصلين انا اشتغل في موبايلي نرد عليك بعد 15 دقيقه اكثر شي الا اذا قال لك الرد اننا مشغولين لك كل تحياتي ونرجو المصداقيه وعدم المبالغه في المواضيع

يقول انتم نصآبين !!

وش اللي هو يعرفهـ المشكلهـ انه يكذب ويقول لاتبآلغون !!

لو هو مسسكت ماقلت شي وربي


واللي يقول فآتورهـ ومدري وشو

جوالي انا فآتورهـ ومن الفئة الذهبيهـ ويرصونن بالنص سآعهـ

بلاش مجاملات اولاهـ

يوم موبايلي موبايلي وحنا نمدحهـ بالمجالس ونوصي العالم تشتركـ وننقل ارقام اهل بيتنا

ولا غلطوا بحقنا ناكل هوا ونسكت ؟؟ معصي

ومازال لدي الكثير ولكن في فمي مآآآآء


مع احترامي لك أختي صاحبة الموضوع

إقتباس الرسالة الأصلية كتبت بواسطة الهـــــايـــم خذي العلم مني انا احد موظفين كول سنتر 1100 هذي الله يسلمك تحويله اسمها سبووورت اذا سمعتي صوت مسيقى سكري احسن لم لانه بيدق لين مده ساعه ويفصل هذي تحويله للي يدق اكثر من مره على 1100 او الي شحنه قليل او مسبب قلق للشركه هذي تصريفه من الشركه يعني مااحد راح يفيدك حتى لو تحدثين يعني المشكله مالها حل لان عندنا كثر من تحويله وهذي التحويله هي ادمر تحويله يعني الله يعينك بس

ههههههههههههههههههه والله اني اشحن كثير مره

موب شوي

حرآآم عليهم

انا مره كلمت من رقم ثاني وقلت له ليه يصير معي كذا

قال لي انو يمكن انتِ حاطينك ع تحويله وزي كذا وتحويلتك مضغوطه

أثآريهم كذا النصابين

حقرقر

الشرهه ع اللي يمدحهم