اولا الف مبروك عشان المناسبة الحلوة
ثانيا هذي قصتي
انا سويت فلم اكشن وتشويق لمين ما قدرت أنقل رقمي
من شركة الاستهبالات السعودية الى موبايلي
وخصوصا ان رقمي موجود معاي من 7 سنوات
وصعبة أغيره وأيضا مميز
أول مرة رفضوا الطلب والسبب باقي علي 35 هللة
واسوي طلب ثاني وسددت كامل الفاتورة
لكنهم رفضوا الطلب وحجتهم خطا في بيانات رقم بطاقة الاحوال
دقيت على stc وسالتهم كيف خطأ في رقم الاحوال ؟
قعد الموظف يقول كلام مو مفهموم ومسوي نفسه يشرح
والمسكين مضطر يسوي كذا
وطلبت مرة ثالثة تغيير المشغل ورفض الطلب وقال الموظف دواعي أمنية
هنا بدأ الأكشن عندي
توجهت فورا الى stc
في حي المرسلات في الرياض
وعلقت بطاقتي الجامعية ودخلت
وموظفين الأمن يحسبون إني موظف
ودخلت داخل وشرشحتهم وجننتهم
قال إيش ، دواعي أمنية >>>>>>> انا ابي اعرف كيف فكر فيها هالمجنون ؟؟
المووهم طلبت تغيير الخط للمرة الرابعة ودفعت لهم زيادة 40 ريال
وتعرفت على أغلب الموظفين في هيئة الاتصالات
واجي أصبح عليهم يوميا لمدة أسبوعين واللي منهم نصراوي أجننه واهبل فيه
وما أتكلم الا عن تاريخ العالمية وهزيمتهم من ريال مدريد والترجي التونسي
طبعا الموظفين الهلاليين مبسوطين مني كثير حتى ان واحد يقول لي
هات ملفك أبحاول لك مع المدير يوظفك ...
أما النصراوية إذا شافوني يتهربون مني
والموظف اللي إجتهد وعمل اتصالات كثيرة مع stc و موبايلي من أجل نقل خطي
( نـــصراوي ) مو لأنه راعي فزعة ، بس ما يبي يشوفني مرة ثانية

وسلامتكم