عائلتنا الكريمه كبيره جدا بحكم عاداتنا في الجنوب

الوالد مخلف عيال واجد وبنات واجد

وعيال اخواني وخواتي كثير درجة اني الخبط فيهم :to:

وفي الصيف ذا يوم رحنا الديره حسبناهم انا واخوي وطلعوا 54 نفر :s2:

بس فيه ولد فيهم اسمه علي ولد وحده من خواتي

رهييييييييييب :naughty:

لكن ملسون s121s

عمره تقريبا 9 سنوات

كنت في الديره في الصيف

وكنت طالع مشوار للمطار

وقال باروح معك ياخال

قلت يلا البس وبسرعه

وطول ما كان معي في الموتر

يسولف وربي ما سكت دوخني :mad:

وذباته رهيبه بس بريئه جدا

المهم طريق المطار طويل ويغريك تسرع

وساهر للحين ما وصلنا الله لا يوصله بالسلامه :ranting:

المهم انه نرفزني الولد شوي

والتفت ابي اسطره

فطلعت عالرصيف :d

وخميت لي كم نخله من نخل البلديه اليابس

ووقفت السياره

بالنسبة لي انسكرت رجولي وراسي صار كله دم

والملسون ما صار فيه شي

سليم وربي حتى ذرة غبار ما وصلت له

فنزل من السياره

وناديته يفتح لي الباب لانه معلق

قال شدخلني فيك

نسيت انك كنت تبي تضربني قبل الحادث

وبعدين ما ابي اقرب منك

قلت ليه

قال احس ملك الموت حولك وما ابيه يعرف وجهي هههههههههههههههه :s2:

فعصبت وصرخت عليه ...........



المهم كلمت اخوي فجاني هو وابو الولد

والحقيقة نسيبنا اجودي

اول ما جاء نصاني على طول وما التفت لولده

المهم خرجوني وقام ابو نسب يخاصم ولده ويقول ليش ما ساعدت خالك

تدرون وش قال الولد ؟؟


قال كيف اساعده

اموت بداله يعني ههههههههههههههههههههههههههههههه

قال ابوه ومن قالك انه بيموت

قال انت !!!!!!!!

قال متى ؟؟؟

قال يوم تسولفون انت وامي عنه وتقول لامي اخوك هذا والله بيموت في حادث اذا ما ترك السرعة عنه

فناظرت في نسيبنا

فاستحى وقال ما عليك منه بزر ومثلك خابر سواليف بس


قال الولد لا مو سواليف كل يوم تحش في خوالي :s2: :s2:

الاب وربي وجهه طاح ويبي يسكت ولده

ثم قال الولد تدري ياخال انه يوم قال انك بتموت قال امي بسم الله عليه

فقال من زين اخوك وابوك مشالله عليه عنده عيال واجد



طبعا اخوي ميت ضحك وانا شوي اضحك وشوي اتوجع واقول لاخوي كل ما ضحكت اوجعني صدري

وطلع عندي ضلعين مكسوره :s2: :s2: :s2:

المغزى من السالفه ثلاث :

الاول : ضحك ووناسه .
الثاني :: براءة اطفال بجد .
الثالث : كل واحد فيكم يذكر موقف مشابه لنكبة البزران



ودمتم بود