موآقف متنوعــــــــة حصلت لي .. - نادي الهلال السعودي - شبكة الزعيم

محبة الرحمن · #1 05/12/2010, 05:36 PM

السلآم عليكم ورحمة الله وبركآتة ..

يسعدلي صبآحكم ومسآئكم ..

كيفكـم مع البرد والدارسـة..؟!

اليوم بسوالف لكم ..يعني الموضوع مو جدي يعني سوالف بس مو شآت لا

..
موآقف صآرت لي ..

ولكم التعليق عليها
ومع العلم اول مرا اكتب موضوع كذا ..
يعني يمكن ماوفق فيه ..وانتو عاد سلكو ..

موقف موجع وحزين ..

اليوم بالمدرسـة ضربتني المديرة ضربة ..الله لايوريكم ..

قسسمن اني يدي للحين منتفخـة ..
والسبب يعود لاني لابسة جكيت مخآلف ..

وانا والله بنيتي اني ادفئ مو اخالفهم ..
مع العلم جت على طول وافتحي يدك ..

وتقول انها منبه علينا بالطابور والضحية الي مايحضر الطابور ..بيآكلها ..

انتو وشو رآيكم بضرب المدير او الاستاذ للطلابة خصوصآ بالبرد ..؟!
انا الي أعرفة ان الوزراة مانعة الضرب بالمدارس خصوصا مدارس البنات

..
هل هاذا صحيح ام لا ..؟

انا بوجهة نظري غلط الضرب وانه اسلوب غير حضاري ويدفع الطالبة للعناد

>شعب سعودي
احنا كبآر لو جت وقالت انا ماقلت لكم وكذا وكذا ..
واخر مرة تلبسونهم واطلعو لفصولكم..
احس اننا بنفهم اكثر وماراح نعاد ..

موقف محرج

احنا بالمدرسة مانعرف اسماء الاستاذات كلهم ..
ونسمي كل ابله بلقب ..
والوكاد ابلة العلوم نسميها زيتونة >الي تجي مع بباي في فلم كرتون ..
انا الله يسلمكم مسوية عند ابلة الرياضيات ((تويتي)) اني عاقلة وهادية ودافورة ..
ذك اليوم رحت لها وقلت ممكن يأاستاذة اروح للأبلة زيتونة ..؟!!

هي قامت تناضرني ومستغربة وكذا عاد انتو دور وجهي وقتها ..

وموقف ثاني

مرة كان علينا فنية والابلة قالت ماراح اعطيكم درس وطلعت من الفصل ..
قمت انا وصديقاتي ((9بنات)) نلعب كورة بالعلبة الماء ..
وجت ركلة جزاء لنا وجيت بلعبها ومتحمسة مرا ومااتصدقون لو قلت لكم
اني حسيت اني بااستاذ الملك فهد ..والجمهور حولي ..وكذا
والمرمى كان باب الفصل ..
ويوم لعبت الكورة فتحت الابلة الباب الا العلبة الماء بوجها ..
دوروني ذاك اليوم ..

طبعا مو لازم اقول وشو العقاب ..

الا برائكم ايش ممكن يستقل الطلاب اوقات الفراغ بالمدرسة ..؟!

موقف حزين ..

احنا قبل سنتين توفتة وحدة من زميلاتنا ..الله يرحمها ويسكنها فسيح جناتة
وذاك اليوم وحدة كانت ناقلة وارجعت للمدرسة ..
وجت وين فلانة مشتآآقة لها وكذا ..
الا احنا تبرد وجيهنا ..

وشو نقول لها ..؟!
اخاف نصدمها ويصير فيها شئ ..والتزمنا الصمت وصرفنا الوضع ..
الا وتجي وحدة مطفية النور
وتقول انتي صديقة فلانة ..؟
الله يرحمها وشو سويتي يوم سمعتي خبر وفاتها ..؟

الاهالمسكينة تنهار ..
وينقلب الفصل للحزن ..
والله ماينسى هاليوم ..

والله ودي اكمل واسولف لكم بس خلاص انتو مستغروبين مني
واكيد بتقولون ان فيه احد سارق يوزري وكاتب هالموضوع ..
لالا بس حبيت ادعبكم واغير الروتين الي بموآضيعي دائم ..

شكرا لكم على القراءة ..

ودي