نادي الهلال السعودي - شبكة الزعيم - الموقع الرسمي - جمهور يحطم منتخب بلاده ..لاتستغربوا هذي هي الحقيقه

السلام عليكم ,,
لهالذي الدرجه حنا متخلفين؟؟.....منتخبنا لازال بالبداية ومستواه نقدر نقول مقبول..مباراة سوريا كان اللعيبه بمسوى جدا رائع خصوصا الجنوبي ورضا تكر ولايهون طلال ...نجي لمحمد نور الاعب المثير للجدل ..ياخوان الاعب هذا يمتلك مهارات فردية خياليه ولاعب حماسي ومجهووده جدا رائع ..اللي مستغربه انه في اخوان هنا بالمنتدى طايحين سب في اللاعب لمجرد انه اتحادي ..انا معكم ان اللاعب سيئه اخلاقه بالملعب وخارجه .صحيح ان اللاعب مصدر خشونه بالملاعب السعودية لكن اللي يقدمه مع المنتخب اكثر من رائع ..انا ماتكلم عن اضاعته للبلنتي وللانفرادتين امام سوريا لكن دققو بالهدف الثاني ..البدايه من ضغط على الكوره ومحمد نور كان السبب ..محمد نور يمارس ضغط على الكره في منتصف الملعب بشكل جدا ممتاز ..انا معكم انه يحتفظ بالكره احيانا بشكل مقرف لكن اتوقع مع الوقت بتروح منه لانه عندنا مدرب لازم نثق فيه..مو معقول نستمر سب في اللاعب..شباب اللي مو معجبه هذا المنتخب رجاءا لايتابع مبارياته ويرتاح ويريح..مو معقول كذا ياشباب ..كل لاعب له عيوبه ومزاياه ,,انتقدو بشكل يقبله المخ..نفس الوضع للاعب الجنوبي ..انا بكل صراحه غير مقتنع بالاعب كلاعب دولي..لكن الحق يقال مستواه اما سوريا كان مستوى خرافي..قتاليه على الكره ..عرضيات ورفعات جدا ممتازه ..الاعب مستواه اما سوريا افضل مستوى على الاطلاق قدمه اي لاعب في البطوله..ماراح اغير حكمي عليه الا اذا استمر على مستواه هذا باقي المباريات ..
رجاءا هذا منتخبنا اصبرو عليه ..انتقدو زي الناس او ريحونا منكم ..لازم تفهمون انه كوريا كانو اغبى منا كرويا وكنا نضحك عليهم ..صبرو على منتخبهم وكان مفاجاه كاس العالم...حنا لدينا الامكانات بس ماعندنا صبر ..ولاعندنا ناس تشجع بعين المنتخب ..كلنا نشجع بعين الانديه ..المنتخب برايي ناقص نواف وينقصه ايضا وسط ايمن متحرك..
اتمنى من اداره المنتدى يركزون على اداء عمر الغامدي لاني مو ملاحظ وجوده ..يمكن يصير زي خميس ,,ماكنا نلاحظ اداءه الا اذا فقدناه ...اتمنى هالشي
تقبلو تحياتي