|
العنصرية ضد العرب والمسلمين في الولآيآت المتحدة ! السلام عليكم :rose: كيف حآلكم ان شآء الله طيبين :d < مآخذ F في المقدمآت :razz: في البدآيه احب ابآرك لقطر شرف تنظيم كآس العآلم , واحب اقولهم انتو نظموا واجتهدوا والحظور علينآ اذا عطآنا الله عمر :smilie47::d واحب ابلغكم ان الامريكيين عندنآ زعلآنين يقولون وشلون دولة عربيه مسلمه تآخذ مننآ كآس العآلم :laugh: شخص آمريكي : مرحبآ انا : اهلين , آمر :d شخص امريكي : لا بس بغيت اسآل انت من وين ؟! انا : اوه , انا من السعوديه :wub: شخص امريكي : اهااا , انا اول مره اشوف شخص من السعوديه :s5s: انا : هههههه نآيس تو ميت يو :d شخص امريكي : انت مسلم صح ؟ انا : ايه انا مسلم :yes: شخص امريكي : طيب بسآلك سؤال , انت ارهآبي او تعرف احد ارهآبي ولا قد شفت اسامه بن لادن !؟ انا : لا يبوي انا انسان عآدي ومانيب ارهآبي وحتى حنآ ترا عندنآ ارهآبيين ونعآني منهم :s5s: شخص امريكي : اوكي اوكي :d سوري ع الاسئله المزعجه :razz: نهآية المحآدثه :d انا من خلال تجربتي البسيطه في جنوب آمريكا المعروفه بتآريخها للعبوديه ضد الزنوج و الخوال باللغه العآميه السعوديه :d تنقسم قسمين .. 1 - المنآطق الريفية و المدن الصغيره 2 - المدن الكبيره واللي فيهآ اعراق مختلفه بتكلم عن النقطه الاولى , الناس السييئين فيهآ نوعين , القسم الاول اشخآص عنصريين جداً يعطيك نظرآت كأنك قتلت اهله و دمرت كل مبآني امريكا :s5s: و لا تستغرب يجي شخص يقولك انت ارهآبي , تقوله ليش طيب :d يعطيك كلآم سخيف يا يقولك اسامه بن لادن سعودي , او انت مسلم و كل الارهابيين مسلمين ! , وكلام اعلامي كله خرابيط ! تجي توضح له و تفهمه ما يرضى , وهنا مآ لك الا تقوله اوكي على رآحتك وتسلك له وتعطيه اكبر ابتسآمه :d النوع الثآني , كلآمياً كويس معك لكن تحس انه يكرهكك بأفعآلك , ما تلقى منه مسآعده او شيء يبين لك انه طيب معك ! بس حفآظاً على سمعته او مكآنه ما يقدر يقولك اي شيء فيه عنصريه او غيره وطبعاً لا تستغرب تجيك اسئله غربيه عجبيه تحسسك بأنك اخطر شخص بينهم ! , اسئله مثل تعرف تسوي قنبله :to: ولا معك في شنطتك اسلحه ! :laugh: واكبر خطأ اذا سويت نفسك خفيف دم وقلت ايه معي فرد في شنتطي , هذا اول خطأ سويته , لانهم يآخذون اي شيء تقوله بجديه ! لا تحآول تمزح معهم في هالآمور هذا كله في المدن الصغيره والريفيه , طبعاً هاذي فئه قليله يعني ما نسبته 20 % فقط الباقي من النآس طيبين و تعاملهم حلو , حتى بعض المدرسين والمدرسآت لو عرف انك طآلب اجنبي و لغتك ضعيفه يتعاون معك ويساعدك حتى لو تجلس معه حصص زياده ومجانيه ومعها احلى ابتسآمه :wub: :d وحتى ينبسطون اذا قلت لهم بسوي عرض عن السعوديه او الاسلام ولو حبيت يعطونك حصه كآمله تشرح فيها :) * وفيه فئه بسيطه في الريف الجنوبي ما زآلو يؤمنون ان الرجل الابيض مكانته اعلى من الاسود :d لذلك بعضهم ما يعتبره عيب لو كآن عنده صديق اسود , لذلك في فترة الانتخآبات الامريكيه اغلب الجنوبيين صوتوا لجون مكين السبب الاول لانه ابيض والثاني لانه جمهوري . المدن الكبيره و اللي فيهآ اعرآق كثيره مريحه جداً خصوصاً للعرب والمسلمين , يكون فيه امآكن مثلا مسآجد او احتفآل اسلامي بالاعيآد او مثل هالامور مو مثل المدن الصغيره :) بس برضو ما تسلم في المدن الكبيره من الاشخاص اللي يجون من المدن الصغيره وينشرون افكآرهم الظآله بين النآس :d وما تسلم بعد من الاسئله الغربيه اللي ذكرتها . هذا الكلام طبعآ كله في الجنوب الامريكي , في الولايآت الشمآليه و كآليفورنيآ ممكن تحصل من هالفئه لكن اقل بكثييير , لانها في الاصل والتاريخ ولايات حريه مافيها عبوديه للزنوج مثل الجنوب ! ما يستفآد من الموضوع بإختصار : * اي شيء تقوله حتى لو مزحه او نكته يآخذونه بشكل جدي ! * حاول تكون لطيف وابتعد عن الآفعآل الغربيه لانك بتكون محط الانظآر خصوصاً في المنآطق الصغيره * اذا جتك اسئله غربيه تقبلها بصدر رحب و جاوبها بجديه وفهمهم الحقيقه بدون تعقيد * لا تحآول تقلل من احترآمك للشخص بسبب دينه او جنسيته * العنصريه العرقيه او الدينيه مرفوضه في آمريكا ولو وآحد وصفك بالارهآبي تقدر تشتكي ضده ولو ثبتت التهمه عليه يكون العقآب قوي وهو السجن لفترآت طويله هذا فيديو مسويته قنآه abc الامريكيه عن معآملة الامريكيين للمسلمين الفيديو في ولاية تكسآس وهي ولايه في الجنوب ايضاً <object width="480" height="385"><param name="movie" value="http://www.youtube.com/v/PqbQWxHIn4U?fs=1&hl=en_US"></param><param name="allowFullScreen" value="true"></param><param name="allowaccess" value="always"></param><embed src="http://www.youtube.com/v/PqbQWxHIn4U?fs=1&hl=en_US" type="application/x-shockwave-flash" allowaccess="always" allowfullscreen="true" width="480" height="385"></embed></object> لو نلآحظ ان الاشخآص العنصريين او السيئيين 2 من بآقي الاشخآص اللي في المخبز :d آسف ع الإطآله , :rose: |
اتوقع الاعلام في امريكا له دور كبير في تشويه صورة المسلميين للشعب الامريكي واتوقع المحادثة اللي بديت فيها كلامك يمر فيها الكثير من الطلاب خلال دراستهم هناك والسبب انهم لا يعرفون عن المسلمين أي شي! لكن انا اتوقع ان اغلبية الشعب الامريكي الان او في المستقبل القريب, راح يتفهم ان الارهاب لا يمت للأسلام والمسلمين بصلة والسبب لأن هناك تقريباً 32 الف طالب سعودي يدرس في امريكا على حسب كلام الملحق الثقافي (شطحة: يا هل ترى لهم وظايف اذا رجعوا!) :s5s: وبداية السنة القادمة راح يروح 6 الاف طالب مبتعث ضمن برنامج خادم الحرمين للابتعاث الخارجي الذي تم تمديده 5 سنوات أخرى, هذا غير الطلاب من باقي الدولة العربيه هذا العدد الكبير من الطلاب الذين يتوزعون في 50 ولاية امريكية, اكيد احتكاكهم مع الامريكان راح يساهم في تحسن وجهة نظرهم عن الأسلام و المسلمين من خلال المعامله الحسنة بالمناسبة هاذي من اهم فوائد برنامج خادم الحرمين للأبتعاث الخارجي :yes: شكراً :rose: |
مشكووووووور الفيديو رائع و يدل أنه الشعب الأمريكي ليس بجميعهم عنصرين بدليل تعاطفهم مع الفتاه المسلمه و الأخرى أيضا يعطيك العافيه و الله يعينك على الغربيه و الله يرجعك سالم غانم لبدك و لأهلك لتنفع و تخدم بلدك تحياتي |
الاعلام الامريكي والاجنبي بشكل عام يلعب دور كبير في تشويه او اظهار صورة العرب والمسلمين بصوره سيئه ، هذا ناتج عن احداث سياسيه كلنا نعرفها ماتمت بالمسلمين ولا بسماحة الاسلام بأي صله .. المشكله الكبرى هي ان الشعوب الامريكيه والاجنبيه بشكل عام كل ماتعرفه عن الاسلام والعرب هو الارهاب والقنابل ومن هالخرابيط !!! .. لو يدرون ان الاسلام يحارب الارهاب كله وان هذول ماهم الا جماعات ماتمثل الا انفسها فقط ولا تمثل الاسلام ولا المسلمين . الله يعينك على الغربه ويوفقك :rose: |
يآخي وين تبي تروح لـ امريكآ واعلآم امريكآ اذا آعلآمنآ وبعض القنوآت ان لم اقل كلهآ تحآرب الاسلآم وتعطي فكر عن التشدد وتربط الملتزم بالارهآبي :yes: واكبر مثآل قناه العبريه اقصد العربيه :d فمآ بآلك بآعلآم من بلآد الكفآر ؟! عالعموم معلومآت مفيده :d إقتباس:
|
إقتباس:
شكل الإنذار ما كفاك s121s إن شاء الله كلها يومين و بأحط نفس توقيعك و يا شامت لك يوم :naughty: إيه وشسمك أنت يا صاحب الموضوع سلم لي على عيال عمي:smilie47: و ولد عمتي :wub:و ولد خالتي :ba1: و قلهم أني أحبهم :s5s: ^ نظام قروي يحسب أمريكا زي الدوادمي :to::d |
لا تشغل نفسك في الكيفية التي ينظرون فيها نحونا .. فكر ماذا يمكن ان تقدم لهم ؟ الله يوفقك ،،، |
يعطيك العافية أخوي على الموضوع... ولايات الجنوب مازالت تحتفظ ببعض العنصرية رغم إمتلائها بالأمريكان السود و أعتقد أن العنصرية ما زالت تختفي شيئاً فشيئاً... بالنسبة للعنصرية ضد العرب أنا عشت في أمريكا و واجهت ترحيب كبير و شيء لا يمت بالصلة للعنصرية حتى عند معرفتهم بأني مسلم يبادروني بتحية الإسلام و تجد الأمريكي يقول : السلام أليكوم ... كيف هالك ؟:d كل شعب تجد فيه طرق تفكير مختلفة عن الآخر و الشعب الأمريكي شعب كبير و متعدد الأعراق و الثقافات و الأديان لذا توقع أن تجد جميع طرق التفكير و الإعتقادات فستجد العنصري و اللاعنصري و الذي لا يبالي من اين أنت و الذي يدعم الأقليات و قس هذا التنوع في جميع مجالات الحياة... تحياتـ ي ـــ |
فيديو مرا مؤثر و الله أنا عايش ف المانيا الحمد لله يا رب بالرغم من كثر اللي سمعته عن شعبهم و كره للمسلمين تعقدت لكن الصورة الحقيقية غييييير كثيرين منهم يعرفون تحيتنا السلام اليكوم ض1 و فيها كثير عرب و مسلمين حتا عندنا مقها شيشة اسمه الخيمة ض1 موضوعك رايق و استفدت منه شكرًا لك |
على فكره هذي نشوفها حتى عندنا هنا على المستوى الشخصي يعني كثير نشوف ناس مثلا في مغسله او بقالة او اي مكان فيه بياعين هنود او بنغلاديشين ونشوف بعض الزباين يتكلمون معهم بطريقة فيها اهانه ومع هذا ما نعترض على الشخص ولا نقول له حرام عليك تهين العامل لانه هندي او بنغلاديشي التمييز العنصري موجود في كل مكان سواء ضد دين او جنسية وجا الوقت اللي ندفع فيه ثمن اهانتنا للعمال والاجانب والاستهانه بهم وصرنا نعيش نفس الموقف اللي كانوا يعيشونه في تعاملنا معهم . على الاقل في الفيديو فيه ناس امريكان دافعوا عن المسلمه لكن عندنا من يدافع ان اي شخص اجنبي من العماله تجيه اهانه ؟ يعطيك العافيه . |
حياك الله اخوي Manchester Lover حقيقة امس شاهدت مقطع في اليوتيوب عن هذا الموضوع .. واعتقد انه معبر جدا :d YouTube - He is not a Terrorist عموما الامريكان ليسوا سواء :yes: بالتوفيق لك ,,, |
الموضوع جميل و طرحه أجمل من الكل .. |
. . يعطـيك الع ــآأإفيـــه..\ق1 |
انا بتكلم عن بريطانيا بما اني لي اكثر من سنتين هنا وزيارتي اكثر من مكان بأوربا الشعب نوعين فاهم وداج الداج كنك تسال واحد من شيابنا الاوليين وتقوله وش الفرق بين لندن وباريس بيقولك كلها امريكا :P يعني عندهم كل افريقيا والشرق الاوسط وباكستان كلهم عرب وهذي فئه قليله جدا وطبعا الناقل الوحيد لهم هو الاعلام وكلنا عارفين من ورى الاعلام في العالم ومن يتحكم فيه الفاهم هو الي يعرف كل شي عنك ومو شرط يحبك بس فاهم وعنده دراية بكل شي ويفرق ايش عربي وايش مسلم ومو بالسهل تجي تقعنهم انك صح وفي النهايه كل واحد يختلف عن الثاني...اجل عندك ناس وأأمة تدعي على الدول الغربيه كان مافيها مسلمين |
والله العنصرية بكل مكان حتى بالسعودية وماراح تنتهي الا اذا طبّق الشخص التعاليم الاسلامية الصحيحه ! اما عن أن أمريكا بحكم أني جنبك بولاية " أركنساس الريفية " وطبعا بمدينه يسمونها مدينة الكنائس ! فيه ناس طيبه وناس قذره !! البيض متعصبين بصفه عامه ويحسون انهم أفضل ناس والبقية أغبياء ! مع أن هالوقت الاسود هو المهيمن بكل مكان ! عموما مافيه مثل شمال أمريكا والولايات الساحلية لان أهلها يتكونون من بلدان كثيره .. اما الولايات الجنوبية متعصبين بيض والاصول انقليزيه ولا أيطالية ! أما على الي بالمقطع الـ*********** ! والله لاشتكي عليه وأجيب العيد فيه ! لو يكذب عليك هنا الشخص بشيء يضرك وتشتكي عليه يروح غلطه ! يعطيك العافيه على الموضوع الرائع والله يوفقنا ويوفقك ومتى الرجعه بالكريسميس :D أذا كنت من أهل تكساس راسلني على الخاص لاهنت |
| الوقت المعتمد في المنتدى بتوقيت جرينتش +3.
الوقت الان » 03:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd