|
بالله هذولا مراسلين ؟ !! يكعرش جلدي من مصالتهم التقديم على وظيفة ( مذيع ميداني ) او ( مراسل ) في الرياضيه السعوديه هل هي بالواسطه او من ( سبق لبق ) وإلا الأكثر اخطاء .. او بالملاغه والمصاخه .. قسم بالله عيب ... عيــــــــــــب الناس وهي تنتقد قناتنا الرياضيه السعوديه تراها ماتبالغ .. سوء في أممممم ( بصراحة بكل شي ):s5s: أختار القناة السعوديه كنوع من الدعم للقناة الوطنية لكن الشق أكبر من الرقعه .. قل ماعليه تتغاضى عن التعليق .. يجيك محللين على مستوى متدنى من الثقافه الكرويه .. ومن جفره لدحديره .. وياقلب لااتحزن أسماء غريبه نشوفها في القناة الرياضيه .. يحز في خاطري أقول عنها فاششله .. بس هي فعلا فاشله والجماعة مصرّين عليها ... أسماء حاجزه الأماكن ( قطوعه ) وعليهم حلف مايقومون من مكانهم .. الناس طبيعي ملت من وجيهم ومن تكرار كلامهم .. وحواراتهم .. وطبيعي تمل منهم لو كانوا شخصيات مقبوله .. شلون عاد هالشخصيات أصلاً ممله ... ممله ياخي مذيعنا خالد النفناف أتوقع هذا إسمه .. والله كعركش ( كش ) جلدي وحسيت إن احد صاب على جسمي مويه بارده من بوردته .. وعلى قولة المصريين ( واد غلس أوي ) الأسئله سقيمه ومكرره على أيام سلمان العيسى وأكرم صالح يومهم يعلقون .. لاحظوا أسئلة عبدالله العضيبي كيف واقعيه وخارجه عن الروتين .. راقبوا أسئلة بقية المذيعين الخليجيين كيف ثقتهم بأنفسهم وحوارهم مع الضيف .. منبداية اللقاء لين نهايته واللقاء تحس إنه ودي وفيه حميميه .. وحماس وهي كلها ثواني بسيطه .. أما حبيب القلب مازولا .. خالد النفناف : مبروك الفوز ياكابتن ؟؟ ويكررها المشكله وحنا مافزنا .. متعادلين مع قطر .. وبعد الهدف من المدافع حقهم .. ومتشقق ابو خلود بالتأهل .. ( الفوز ) على كلامه .. ودخل غرفة الملابس .. وسوى زحمة ماسووها يوم المنتخب ياخذ بطولات كاس آسياء كلها .. ولاحتى سويناها يوم نتأهل لكاس العالم .. وهو تأهل في كاس خليج بتعادل من هدف بالغلط وبمستوى يفشل .. وحتى مذيع إسمه الحميد .. وهم إثين واحد عبدالعزيز والثاني .. ودي تشوفون طريقة مقابلته للجمهور وأخذ آرائهم في برنامج الظاهر ( جماهير ) وردة فعلهم .. ؟!! يعني مثال : يسأل واحد من الجماهير عن فريقه وهو مهزوم .. بس يقرب المايك ويناظره ؟؟ :d المشجع يحتري سؤال .. مايدري وش يبي .. والمذيع ناسي إنه ماسأله ؟؟ بس حط المايك عند خشته وسكت .. والمصيبه يناظره بقوة .. تحس إنه جوعان ويشوفه سدويشه :s2: المستوى عند بعضهم ركيك .. ضعيف بقوه .. بالعربي يفشل انا ماني والله ضد السعوديين .. والدليل عبدالله العضيبي ياما كتبت عنه ووالدحيم بعد .. وغيرهم .. وحتى محللين فيه سعوديين .. فيصل أبو ثنين والخالد .. ومقدمين برامج مثل بتال وتركي وعادل الزهراني وغيرهم .. بس المصيبه في هالبعض اللى يفشلونا .. والله يفشلون إلا على طاري الفشيله .. ماتلاحظون محمد العرفج اللى راح لقناة أبو ظبي الرياضيه انعوح لسانه وصار يتكلم بلهجه غريبه .. لاهو اللى لهجته نجديه ولا إماراتيه :naughty: ضاع بالطوشه .. معليش لاحظوه وهم يقدم .. تحسون إن وده يخش بس عجز .. تذكرت المصري اللى يتكلم كويتي .. يبي يقول صج .. قال صش :s4s: وعلى فكره .. لايقولون بكرا هذا العمل على قدر الإمكانيات .. ترى الكويت أقل منا إمكانيات وشوفوا برامجهم مافيها تكليف .. والكلام فيه أريحيه وواقعيه .. مافيه ( شحطه ) ورسميات تقول بعرس تحياتي للجميع اخوكم الصغير ابو طلال :rose: |
ع طاري محمد العرفج .. والله ياهووو مراااسل .. وياااهوو مذيع .. الصراحه فنااان .. محمد العرفج أضاف الكثير لقناة أبوظبي .. حواراته .. نقاشه .. آراءه .. أسئلته ... كششششخه الصراحه .. أنا وحده من معجبين محمد العرفج .. :rose: |
الظاهر إنك ماشفت السبايك الي برنامج كواليس ههههههه |
إقتباس:
والله صدقت يا ابو طلال :D .,, بخصوص المذيعين انت شف النفناف واغسل يدك :D |
ههههههههههههههههههه فيه سؤال للنفناف ابي اتذكرة عجزت صراحه سؤاله سؤال غبي جداً بس نسيت اتذكرة |
يا عمي اصلآ من يشوف برنامج ارسال والمذيعين الي فيه يغسل يده وجه وقفا والى بعض المذيعين الي مرتز قدام الكاميرا وبارد وبالقوة يتحرك عشان الشماغ ما يخرب تقول كنهم باخين في خشمة فليت |
أما حبيب القلب مازولا .. خالد النفناف : مبروك الفوز ياكابتن ؟؟ ويكررها المشكله وحنا مافزنا .. متعادلين مع قطر .. وبعد الهدف من المدافع حقهم .. ومتشقق ابو خلود بالتأهل .. ( الفوز ) على كلامه .. ودخل غرفة الملابس .. وسوى زحمة ماسووها يوم المنتخب ياخذ بطولات كاس آسياء كلها .. ولاحتى سويناها يوم نتأهل لكاس العالم .. وهو تأهل في كاس خليج بتعادل من هدف بالغلط وبمستوى يفشل .. :to::ranting::to: وحتى مذيع إسمه الحميد .. وهم إثين واحد عبدالعزيز والثاني .. ودي تشوفون طريقة مقابلته للجمهور وأخذ آرائهم في برنامج الظاهر ( جماهير ) وردة فعلهم .. ؟!! يعني مثال : يسأل واحد من الجماهير عن فريقه وهو مهزوم .. بس يقرب المايك ويناظره ؟؟ :d المشجع يحتري سؤال .. مايدري وش يبي .. والمذيع ناسي إنه ماسأله ؟؟ بس حط المايك عند خشته وسكت .. والمصيبه يناظره بقوة .. تحس إنه جوعان ويشوفه سدويشه :s2: الحمدلله احد لاحظ مثلي وانا اناظره اقول بس واحد من الجماهير الحين بصطره كف بارد ومايعرف يسأل مخليها على الله كانه يقول بحط المايك عند الشخص وهو يتكلم صرت اغير القناة من بروده المستوى عند بعضهم ركيك .. ضعيف بقوه .. بالعربي يفشل انا ماني والله ضد السعوديين .. والدليل عبدالله العضيبي ياما كتبت عنه ووالدحيم بعد .. وغيرهم .. وحتى محللين فيه سعوديين .. فيصل أبو ثنين والخالد .. ومقدمين برامج مثل بتال وتركي وعادل الزهراني وغيرهم .. :ba1::ba1::ba1::ba1::ba1::ba1::ba1::ba1: إلا على طاري الفشيله .. ماتلاحظون محمد العرفج اللى راح لقناة أبو ظبي الرياضيه انعوح لسانه وصار يتكلم بلهجه غريبه .. لاهو اللى لهجته نجديه ولا إماراتيه :naughty: ضاع بالطوشه .. معليش لاحظوه وهم يقدم .. تحسون إن وده يخش بس عجز .. تذكرت المصري اللى يتكلم كويتي .. يبي يقول صج .. قال صش :s4s: محمد العرفج كنت اظن ماعنده سنون من كان في الخشبيه لين راح لنجيب وهو مكتم لين جت مباراة الهلال وذوبهان الله لايعيدها وشفت سننه وحتى ضروسه من كثر الوناسه بهزيمة الهلال تحياتي لك اخوي :ga: |
إقتباس:
قبل كم يوم مباراة السعودية :ba1: مع الكويت الظاهر جاء العرفج وتكلم في قناة ابو ظبي انا شكيت في سمعي . وش فيه لهجته صارت خليجية بحتة :d:ba1: وين راحت اللهجة اول ايام القناة السعودية :smilie47::laugh: ليش حنا السعوديين اذا رحنا اي مكان نغير لهجتنا الى لهجة الطرف المقابل حتى مع المصرييين اذا تحاورنا معهم نتكلم مثلهم ..!:wub: ابو طلال ميغسي اووي :rose: |
الخشبيه مستحيل تتطور الا اذا تغيرت بشكل كامل مو بس يغيرون الشعار و خلصنا ! الكاميرات و المراسلين و المخرجين لازم يشوفون لهم حل ، وبعدها ممكن تتطور |
هههههههـ والله يابو طلال شفت مقابله لنفناف خالد مع لاعب قطر البلوشي ياهو قد يفحط لين قاله سؤالين والمشكله السؤالين مالهم داعي :s3s: |
الله يعطيك الف عافيه انا تابع خليجي20 على الدوري و الكاس عندما تبدأ مباراة المنتخب اتابعها على الرياضية السعودية تحياتي لك |
اصلاً مراسلينا فيهم الخير والبركه بس ما يبدعون الا اذا رااحو للقنوات الثانيه الله يعطيكم العافيه |
نعم ,, نعم ,, يكعرش جلدي من مصآلتهم ولآهيب غريبه ع الرياضيه السعوديه :) |
هههههههههههههههههههههههههههههههههههههههههههههه والله صدقت يا ابو طلال .,, بخصوص المذيعين انت شف النفناف واغسل يدك بفلااش بعد |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 09:19 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd