بسم الله الرحمن الرحيـــــم


السلآم عليكم اعزائي الزعماء ..

اسف على قلة مواضيعي لأنكم ما شاء الله ما خليتوا شيء لغاية ان المشاركات تزداد كل ثانيه

المهم ما لكم بالطويله ..

لاعب كرة القدم الإبداع بدون اخلاق ليس كافي لإرضاء الجماهير و العكس يكون صحيح


استغربت من حدة النقاش الذي دار بين عبدالكريم الجاسر و الهرفي ( فهد الهريفي ) بعد

ما اضتع ركلة الجزاء نجم الكره السعوديه و الهلاليه الاعب الذي اسر قلوب المتابعين والنقاد

وكل من يعرفه ( محمد الشلهوب ) وكان يتكلم عن الوطنيه ليتجه يناقض نفسه بقوله

يوم غيره المدرب عطا الكبتنيه هلالي !! لمن يقال الان اين الوطنيه , انا بعد ذيك

المباراة دخلت منتدى النصر ودي اضحك على هالخبلان , المهم انصدمت يوم شفت

ان كذا واحد كتب موضوع يسب الشلهوب و تلقا الي يردون يقلبون عليه لدرجة

ان واحد قال يا خي انت وش تبي الشلهوب احبببببببببه وياليت بالنصر زيه لا عب

خلوق و مثال مشرف للكرة السعوديه , استانست صراحه يوم شفت مثل هالعقليات

الي ما كنت اتوقع يوم اني اراء مشجع نصراوي يقول هالكلام .


غيره , اراء بعض الانتقادات الحاده من بعض الأعضاء هنا الله يعطيهم العافيه ضد

جيريتس , الي يقول نكب الهلال والي يقول طلعنا من الاسيويه , أولا ً الهلال خرج

بعدة اسباب ابرزها الضغوط النفسيه و كان واضح على الاعبين حيث ان الضغوط

النفسيه دائما ً ما تسبب ارهاق بدني كان واضح على لاعبينا و هذا شيء لا يختلف

عليه اثنين , كما ان الاداره شاركت فالخطأ بإبقاء جيريتس بعد انتهاء الموسم

الماضي كان من الافضل ان تقوم بالتصفيق لجيريتس بحراره و الترحيب بمدرب

يكون على مستوى مواكب للراحل .. فجيريتس يا اخوان و الله ان له فضل على

الهلال ما يلاحضه الا مشجع كان مع الهلال في كل 90 دقيقه لعبها الهلال من

مواسم عده , غير فكر اللاعبين , استطاع ان يتوج هلالنا بالدوري بـ هزيمتين

وتعادلين ..... الخ لو نعد بيجي بكره و انا اكتب .

( جيريتس شكرا ً من اعماق قلبي فالذي بذلته لهلالنا يكفي ان اغفر لك
ذنبا ً لم اقتنع يوما ً انك اذنبته )




اما بالنسبه لكالديرون اتمنى له التوفيق واراء ان لا مانع في ابقاءه ان قدم

مستويات جديره بأن يكون اسمه مرتبط بإسم الهلال , و اتمنى ان يمشي

على خطاء جيريتس , تكتيك و تشكيله تعودو عليها اللاعبين , حتى لو

كان له تكتيك يراه افضل يأجله للموسم القادم لأن لا يوجد لديه المزيد

من الوقت ليعود اللاعبين على ما يدور في رأسه .


لآ اعلم ما يحدث فالبيت الهلالي هل هوو نوم او غموض في ظل اننـا

لم نسمع مفاوضات مع لاعبين محليين , اتمنى ان يكونوا يستعينوا

على قضاء حوائجهم بالسر و الكتمان .






اعزائي الزعماء اياكم ان تنسوا يوما ً بأنكم تشجعوا نادي من عظمته انه

إذا فاز فرح نصف الشعب السعودي , و إذا انهزم فرح النصف الآخر ,





تقبلوا اجمل و أرق التحايا ً ..


اسف على الاطاله