|
الف مبرول للبرسا هزيمه مذله للريال و مورينيو يا شماتت فنقر فيك يا مورينيو |
إقتباس:
العام الماضي يوم جا في حلق بيب في مباراة الانتر .. انواع التعزيز له هنا الا سواه بيب ممكن مو عدل .. مابختلف معاك .. بس ماتوصل لحقارة .. ماعلينا شحالك صديقي المغترب :d .. هارد لك حبوب << كيف الدخله بس :D |
ريال مدريد وبرشلونه كــــلاسيكــــو الارض .. !!!!! ملينا من هالجمله يا ناس !!! عدل يا بش مهندس كلاسيكو الارض هو .. تشلسي - برشلونه |
^^^^^^^^^^^^^^ حبيب قلبي انا ضد حركة مورينهو بالموسم الماضي ولا قد طريت الحركه هذي لاني اشوفها من وجهة نظري حقيره و سخيفه لكن كنت مستغرب الحركه ذي من بيب بذا لانه من المدربين اللي اقدرهم و احترمه لـ شخصيته لكن للاسف انه بداء يدخل بتيار مورينهو اقول فكنا من البرسا و الريال ما ودك تجينا ايرلندا بس * شطحه بعد مبارة الريال و البرسا الـ 6 بفتره بسيطه ضيعت جوالي و قررت اطلع رقم ثاني عشان افتك من الازعاجات و يوم عطوني ارقام عشان اختار منها واحد ما جاء في بالي اللى اخوي الكتلوني و اخذت رقم ينتهي بـ 662622 هههههههههههههههههههه و بعد المباره جتني رساله من الكتلوني يقول فيها انه بيشتري لي رقم مميز جديد و بيكون فيه كميه غير طبيعيه من ( 5 , 0 ) هههههههههههههههههههه |
ياخسارتك يا مورينهو .. ما أظن اللية هاذي بتنسى أبدا ... والله كنا متحمسين للـ كلاسيكو و أنسحم في الدقيقة 15 ... والله برشلونة فضح ريال مدريد من الدفاع للهجوم .. مايستاهل كاسياس الي جاة اليوم .. خنبقو المدافعين و أولهم بيبي .. مبروك للبرسا الي أثبت أنة فريق غير غير غير عن أي فريق في العالم .. |
إقتباس:
بنظري .. احيانا الظروف تخلي الواحد يلعب بذيله شوي :D بس عموما .. حركة بيب خاصة .. تصير كثير بين اللعيبة .. وممكن بيب سهى شوي :d إقتباس:
|
مبرووووووووووك للكاتالونيه هذا الفوز ومبروووك الخمسه الحلوة هذي واحلى هديه للسبيشل فايف هههههههه |
الكبير كبير...يابلوقرانا وتم الدعس على غرور مورينهوووو.. وراحت ملايينك يا بيريز انا اليوم استمتعت اللى درجه الجنون... خلاص ماراح اتابع كوره شهر قدام لعيون بيب وابناؤه |
افاا اندقينا :cry: :d يا حسافه هياطي بس راح هدر :d لكن ما اقول الى الوعد البرنابيو < ما يتوب :d مبروك برشلونيه استحقيتو الفوز مبروك انس وبندر وحسين وابو سلطان وباقي البرشلونيين . برب صيد الانترنت :d http://cache.daylife.com/imageserve/...A7h1P/610x.jpg تسلم لي يا بطل :smilie47: |
إقتباس:
|
إقتباس:
كنـت آقـصد بالبـطولآت العـآلميه = اوروبا وكاس العالم :s2: ومـآعـليـنـآ مـين آحـسن مـدآفـع بـآلـبطوله :s2: الـمقصد كـآن الـسبب الـرئيسي فـي جلب البطوله :s2: مع الاخذ بعين الاعتبار ( صح هالجمله ؟ :d ) اني كنت معصب وحـآقد ع القـرد رآموس خخخخ :s2: وهـو ماقصـر فـي كأس العالم :s2::s3s: آمـا بيب صح آنـه مالهـآ داعي حركـتـه بـس حركـه كرستيآنو آوصخ :s2: وهـآردلك :s2: |
نيآهآهآهآهآهآ :d سلآم عليكم :d ودي أكتب شي عن الضحك والخبال اللي سواه فريقنا اليوم بس الشباب ماقصروا بقيادة الرئيس السابق ونائبه خخخخ :d عشان كذا بحلل المباراة منطقيا :d وباخص بالرد هذا خصمنا الكبير ريآل مدريد :smilie47: http://www13.0zz0.com/2010/11/30/00/660264245.jpg قلل من قيمة البرشا الفنية بشكل كبير , راهن على الفوز في الوقت اللي كان يحتاج فيه التعادل , صرح بتشكيلته اللي بيدخل فيها المباراة باليوم اللي يسبق المباراة ! للدرجة ذي مستهتر بخصمك ؟ أوكي الريال مقدم مستوى حلو ومن أفضل المستويات على الصعيد الدفاعي والهجومي , لكن البرشا برضو مقدم مستوى ممتاز ! انت بتلعب على ارض خصمك وبين جمهوره والكل عارف طبيعة الكامب نو وطريقة الاستقبال للخصم وصعوبة الاجواء فيه ! ليش مابينت قيمة خصمك لـ للعيبة ؟ ليش مثل ما أكدت على قوة فريقك بينت قوة خصمك وحذرتهم منه ؟ أغلب تصاريح لعيبة الريال ان لم تكن كلها كانت لتأكيد قدرتهم على الفوز ! حطتهم في ظغط هم في غنى عنه , كل هذي تسبب فيها مورينهو ولعبت في نفسية اللاعبين , لإن شعورهم بالثقة قبل المباراة قابلها صعوبة خصمهم وجمهوره على ارض الملعب وهي اللي دمرت الريال اليوم ! تشكيلته تبين بالفعل انه يبحث عن الفوز أو التعادل وما حط بباله قدرة خصمه الهجومية وإحتمال الخسارة , خضيرة وألونسو بطيئين كمحاور وصعب يجارون سرعة خط منتصف البرشا ليش مانزلت لاس اللي يقدر يجاري سرعة البرشا بدنيا على الاقل ! صعب المأمورية على كل لاعب في الريال وطلب منه ادوار مزدوجة , الأجنحة مطلوب تهاجم وتدافع بنفس الرتم ؟ المحاور تصنع لعب وتغطي وتدافع ؟ اوزيل صانع لعب ويتراجع ؟ طيب لو لعبت من الاساس بمحور ثالث وسحبت أوزيل ماكان اريح ؟ اقلها اذا ماغطى الجناح مع جهته ينزل المحور الثالث مكانه ! في حال نزل واحد من محاور الدفاع مع ميسي للنص وياكثر ماشفناها اليوم نشوف المحور الثالث يغطي مكانه ! توفر شئ من اللياقة لأغلب لعيبتك وتموت اللعب وهذا اللي كان المفروض يصير اليوم لو ماستهان مورينهو بالبرشا ! كل ماخربطته فوق هو الجزء اللي يتحمله مورينهو عن الخسارة :d ------------------------------------------------------ دفاع الريال :d:smilie47: أخطاء وربي ساذجة ! يعني نادرا ماتشوفها من لاعب مبتدئ فما بالك بلعيبة كبار زي بيبي وكارفلهو ؟ الهدف الأول لو تلاحظ فيا مغطيه راموس ومعه , بيبي واقف قريب راموس ليه ؟ ليه ماتغطي العمق بدل موقعك اللي مامنه فائدة ؟ شفنا البرشا في نفس الكور لكريس جهة أبيدال , بويول مع كريس وأبيدال يتحول للعمق بشكل سريع ويغطيه ! هنا تشوف المفهوم الدفاعي للتغطية , الدفاع ماهو مان تو مان وقدرتي على قطع الكرة بس ! الدفاع تغطية وتمركز وتوجيه اكثر من انها قدرات بدنية ! أظهرة الريال دفاعيا اليوم = صفر مكعب , كم انفرادة جهة راموس ؟ كم لاعب جاء في ظهر مارسيلو ؟ اوكي مارسيلو يعيبه اللعب الدفاعي لكن انت ياراموس وش عذرك ؟ الى متى هالاخطاء الغبية ؟ 6 انفرادات من جهتك وفوق هذا طرد ويمكن ايقاف اكثر من مباراة ؟ يعني الى درجة من السوء تبي توصل ؟ وفوق هذا كله تلزخ اخوياك اللي بالمنتخب ياقليل الخاتمة ؟ خخخخخ :d مارسيلو تقريبا ماقطع الا 3 او 4 كور طول الشوط الاول ؟! نسبة ضئيلة للاعب محسوب في التشكيلة ظهير دفاعي ! كتوصيل للكورة وخصوصا بالشوط الثاني ماهو عارف يوصل ؟ كارفلهو وبيبي التواصل معدوم فيما بينهم , كلن يلعب لحاله ويغطي اللاعب اللي قدامه وخلاص , مافيه اي نوع من الانسجام وتبادل التغطية وغيره من المتطلبات لخط دفاعي متفاهم ! ثقل غير طبيعي في مراقبة هجوم الخصم في المنطقة و و و و الى اخره من عيوب بانت في خط ظهر الريال اليوم وزاد من معناة دفاع الريال مركز ميسي المصيبة :d يعني يرجع للنص ويسحب مدافع معه وينزلك من الاطراف فيا ولا بيدرو وشفناها واجد وخصوصا في اقوال فيا :smilie47: ----------------------------------------- نص الريال :d:smilie47: ألونسو تمريراته اليوم ماهي بذيك الدقة واقتصرت على القريبين حوله ونادرا ماكنا نشوف تمريرات طويلة زي ماتعودنا من ألونسو , نقول ألونسو مايجيد التمرير ؟ بالعكس الظغط المضاعف والقوي من خط هجوم البرشا ومن تشافي وانييستا صعب المأمورية على نص الريال وخصوصا تشابي ببناء الهجمة بشكل صحيح , ظغط رهيب من الجميع وتحصل الكل يركض من لعيبة البرشا لدرجة ماخلصت نص الريال يرفع راسه ويفكر , بالعكس تحصله يدور الاقرب ويمرر له والاخر كذلك وتنتهي بالتشتيت لصعوبة اخراج الكرة من مناطقهم ! زد على ذلك بطئ خضيرة واللي بان اليوم بشكل كبير , سواء على الصعيد الدفاعي ولا الهجومي زاد الطين بلة على نص الريال اللي كان بحاجة ماسة لمحور ثالث يساند المغلوب عليهم تشابي وخضيرة :d http://www13.0zz0.com/2010/11/30/02/171786404.jpg أوزيل :d كنت أقول قبل واجهنا المصيبة الأعظم من قبل والمتمثلة في كاكا :smilie47: وقدرنا نصمد قدامه , فما أظن إن اوزيل كان بيسوي اكثر مما سواه البرازيلي وخصوصا في صناعة اللعب , طيب وش كان دور اوزيل في الملعب اليوم ؟ دفاعي ماشفناه ؟ ككرات ثابتة وخصوصا الركنية كلها على راس أول لاعب من البرشا :d طيب مانت عارف ترفع الكورة فوق ولو لمرة وحدة ؟ هجومي ماشفنا صناعة لعب وتمريرات حاسمة ؟ طيب وش نقدر نقول عن دوره ؟ :d أوزيل ماهو سريع عشان يجاري نص البرشا هجوميا , ولاهو قادر على المراوغة مثل كاكا وصنع الانفرادات من اشباه الهجمات ! ولاعب مستواه متأرجح ماهو ثبات من بداية الموسم وكان مرة مبدع ومرة اقل من المتوقع ليش تغامر فيه ؟ ليش تقحم نفسك في مشكلة وتنزله وببداية الشوط الثاني يوم ادركت خطاك طلعته ؟ ليش قررت تنزل بالخطة المناسبة في الشوط الثاني بينما في الاصل تحتاجها كتشكيلة اساسية ؟ في نظري المباراة ماكانت تحتاج أوزيل بقد ماكانت تحتاج محور دفاعي ثالث :d http://www12.0zz0.com/2010/11/30/02/743728019.jpg دي مآريا :d تحس في بداية المباراة إنه كان عنده اللي يأديه لكن مع هبوط مستوى الفريق ككل قل عطاءه وخصوصا في الشوط الثاني لما انتقل للجهة اليمنى , يسار كان مارسيلو يطلع بعض الاحيان معه ويسانده ولو بالقليل , لما راح جهة راموس اللي كان مظغوط بشكل كبير بحكم ان فيا لعب في حسبته وقرر على اساسها مايتقدم ويساند دي ماريا , شفنا اختفاء كامل لدي ماريا بالشوط الثاني ,في كذا كورة ينطلق ويراوغ اكثر من لاعب بشئ من الثقة بس مايحصل المساندة من احد دي ماريا كويس , لكن اليوم هبط مع هبوط الفريق ككل http://www8.0zz0.com/2010/11/30/02/343658731.jpg الدون :smilie47: سهل تنرفزه وتطلعه من جو المباراة , لو تنرفزه بشكل ذكي بتحصل انه بينطرد باقل مجهود منك :d نقطة تعيب كريس بشكل كبير , كرته مع غوارديولا ماكان لها داعي من اساس , قط الكورة اتركه وجبها تدزه وتعرض نفسك للعيبة برشلونة كاملين ليه ؟ تظغط نفسك من الجمهور ليه ؟ تدري انه جمهور وصخ :d:smilie47: ليش تعرض نفسك له ؟ خخخخ :d نقطة ثانية كريس تحسه يخاف من انه يتدخل على لاعب الخصم ويلحق ورى الكورة , يلحقه من بعيد لبعيد ولا يفكر يتدخل بحيث يكون لاحتمال انه ينسحب :s2: شفته في كثير من اللقطات اليوم يكتفي بالمتابعة من بعيد دون اي ظغط او ركض ورى الكرة زي ماشفنا من هجوم البرشا زي ميسي وفيا وبيدرو , ليش مانشوف كريس يركض ورى الكورة لين خط دفاع فريقه ؟ كريس ومن وجهة نظري :d ركزوا على وجهة نظري انه يضع نفسه قبل الشعار :d ---------------------------------------------- تقريبا هذا كل ماعندي من هذرة عن الخصم :d لي عودة تفصيلية عن عيآلنا :smilie47: سلآآآآآآآم :smilie47: |
هههههههههههههههههههه قـسم بالله قليل ادب ! < تـوهـ يـشوف مقطع راموس :s3s: بعد ماطفى عليه الدريم بوكس باخر دقيقه :cry::d استح ع وجهـك 2 بعـمر آبوك :d وآخـويـآك في المنتـخب وتـسوي مـعهم كـذا !؟ ذكـرني باسامه المولد مع السهلآوي :razz: المشكله تحمس وشال ديارا معه ! :d بس مآتنلام انت الي شفته شوي !؟ كل كلاسيكو يتمصخر من هنري وميسي وو :razz: بس اخويـآك ياطـفل وش سوو لك !؟ :d ننـتـظر الآتـحآد الاسبـآنـي وش بيسوي مـعه هـو وكـآرفـا :s3s:s121s بس يالمدريدين فـريقكـم قبـل المـطش وين تـدرب !؟ فـي حلبه مصارعهـ !؟ ومدريديه سـين سـؤآل :s2: الحـين مورينيو يـوم دخل لاس بدل اوزيل وش كان يقصد !؟ كل هذي قمطه ؟ :razz: ولا التـبديل الي مدري وش يبي يوم يدخل اربيلوا بدل مارسيلو :s5s: وع فكرهـ خلـوهـ قبل كل كلاسيكو يقول تشكيلته قبل 24 ساعه :razz: شطحه : لو آنـه رونالدو الي انكـسر كآن قـآمت الدنيـآ ومـآقدعتشي :d ع الاقـل رونالدو يتعرض لخشونه غير متعمدهـ ! بـس هذا ابن الآيش مززع ميسي بقصد !! :s3s: |
الف مبروك لكل عشاق برشلونة في العالم فعلآ ان كنت تريد المتعة شجع برشلونة |
إقتباس:
اللي حصل مع دي ماريا حصل مع كريس وخضيرة الثلاثي هذا بدا المباراة بشكل بطل وكنت اتوقع انهم بيبدعون في المباراة لكن للأسف اللي صار هو إن رتم الفريق كامل تلخبط بعد الهدف الأول وبعدها الفريق حاول يلملم اوراقه ويظبط وضعه لكن للأسف الهدف الثاني للبرشا وقف قدامهم وبكذا انتهت خطورة الفريق كامل , ماشفنا أي محاولة او مبادرة , مو ذنبهم مقابلين فريق محصن وعنده القدرة على استرجاع الكوره في ثواني الريال كان مطلوب منه إنه يدخل بـ اكثر واقعية , مورينهو للأسف مادخل اللقاء بالشكل المطلوب [ وهذا مو تقليل في المو وإن شاء الله تكون ذا النتيجة لها وقعها على مورينهو ويحسن وضع الفريق ] بلجريني العام كان اكثر واقعية من مورينهو في هذا اللقاء بلجريني دخل بخطة كانت ممتازة جداً وقدر بذا الخطة إنه يجاري اسلوب البرشا ويتبادل معهم الهجمات وكنا ند قوي لبرشلونة وخلقنا اكثر من فرصة لكن ابداع فالديز حرمنا من هدفين مؤكده لـ كريس , بلجريني دخل بـ ذا التشكيلة في الكامب نو وكان لها تأثيرها على الفريق :- كاسياس اربيلوا ..... البيول ....... بيبي ....... راموس تشابي الونسو مارسيلو ........... لاسانا ديارا كاكا كريس ................ هيقوين وبذا الخطة حط حاجز بين ثلاثي وسط برشلونة وبين ثلاثي الهجوم وبغى يخطف الفوز أو على اقل تقدير التعادل اتمنى إن هذي المباراة يكون لها تأثيرها على الفريق من الناحية الايجابية وبتتضح الأمور حول ذا النتيجة في مباراة فالنسيا القادمة |
| الوقت المعتمد في المنتدى بتوقيت جرينتش +3.
الوقت الان » 12:28 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd