بآتس أسوء شي بالحياة لما ترجع لجو الدراسة وتحصل الدكاترة كل واحد يحدد لك تاريخ الميد تيرم وكل هذا بأول يوم وتكتشف انه في يوم واحد يتصادف اختبارين زد على ذلك الأسآيمنتآت اللي طآلبينها منك وواحد منها 1500 كلمة بالانقلش أنا لو أجمع كل اللي كتبته بالانقلش بحياتي كلها مايجي 700 هذا من جده يوم يحط لنا هالاسايمنت ؟ شايفنا عيال نيوتن مثلا ؟ ولا قلتلهم واجد قالوا لك من طلب العلا سهر الليالي ألعن أبو ذا العلا اللي عيا لايجي خخخخ
مآعليكم مما ورد أعلاه
نجي لنقآشكم
الكآبيتآنو
قيمة ثابتة بخط دفاع المنتخب الإسباني وبرشلونة , لاعب يشيل خط دفاعك اذا ماكان في يومه ! لاعب يوجه كل اللي بالملعب اذا تآهو عن أماكنهم ! لاعب يثبت ولا يتوتر حتى لو مستوى كل اللي حوله كان مهزوز ! يتفائل ويشد منهم في حال فقدوا الأمل بالمباراة ! كل هذا فقط كعامل نفسي ومعنوي لقيمة بويول في الملعب , طيب عن أداءه الفني ؟
بويول صلب ضد أفضل من يمتازون بالقوة البدنية , يقدر يزاحمه ويلتحم معه حتى لو كان عامل القوة البدنية في صالح الخصم , التحامه مايعتمد فيه على قوته البدنية ! يدور الوقت المناسب اللي يلتحم فيه وتشوفه اغلب الوقت يتفوق ! سريع , ويجاري اسرع لاعبي العالم , ويمكن قلت باخر السنين بحكم فارق السن ! إرتقائه إسطوري ! لنا في هدفه في ألمانيا لمحة عن قدرة الطيران عنده خخخخ يعني وين ماتبي تختبر بويول بتحصل انه مصيبة
هذي نبذة صغيرة عن الكابيتانو
النمس
صلب دفاعيا بكل ماتحمله الكلمة من معنى , يتدخل في الوقت اللي المفروض فيه يراقب الكرة فقط ! وهذي ميزة تفرقه عن غيره , بدنيا صعب تجاريه لو إنك شآكيل أونيل خخخخ سريع بشكل غريب بالنسبة لقامته البدنية , يعني من شفته يركض جنب إيتو وانا داري انه سبرنت خخخخ كارتقاء مايحتاج يرتقي لانه طويل خلقه خخخخ لكن مع هذا ارتقائه عالي زيادة على طوله , كل ذا يخلي بيبي من أفضل محاور الدفاع بالعالم
السؤال هنا وش يفرقه عن بويول ووش اللي يتميز فيه الثاني عن الآخر ؟
----------------------------------------------
بيبي فيما يخص انه كان شايل الدفاع من يوم جا للريال دفاع الريال اللي كانوا فيه عاهات ماكانوا مدافعين خخخ اجل هلقييرا ؟ اكيد انه بيشيل هلقييرا وسلجادو وبافون ومن هم على شاكلتهم لانهم كانوا في اسوأ مستوياتهم فطبيعي تشوف بيبي شايلهم حتى كانافارو ماكان في افضل مستوياته في الوقت اللي لعب فيه بجنب بيبي
الكلام لو شفته يشيل مدافع مثل كارفيلهو يعني ابي اشوف في يوم كارفيلهو طايح مستواه ويجيك بيبي ويكون هو المنقذ ذاك اليوم
هذا فيما يخص انه يشيل من حوله
---------------------------
نقطة أخرى بيبي نكبة ومن النوع اذا نكبك مايعرف يجيب العيد بشويش خخخخ يعني اذكر اول مباراة له اتوقع بالسوبر سبب هدف وانطرد خخخخ مباراة خيتافي ماكتفى بانه يسبب بلنتي راح مزع الضعيف الى درجة اني شكيت ان لاعب خيتافي جاه نزيف داخلي بظهره من قو التشويت اللي جاه خخخخ توقف مدري كم مباراة
انا هنا ماذكر على اساس مباراة وحدة الكلام هنا هل بويول في يوم من الايام تسبب بنوع من النكبات زي كذا ؟ ماتوقع
اللاعب القائد مايفقد تركيزه في الملعب , ولا يتصرف برعونة مثل بيبي في كثير من المواقف , بيبي يفقد التركيز واجد وتحصل انه يتسبب باخطاء اقل مايقال عنها بدائية
--------------------------
بيبي مدافع ممتاز ! ولا يختلفون اثنين على صلابته دفاعيا ! لكن بويول يتفوق عليه في عدة نواحي , كقيادة وكتركيز و و و و
الفرق بين المدافع الممتاز و المدافع القائد هو اللي يغلب في نقاشنا هنا وبالتاكيد يصب في مصلحة اخونا حسين عفون كآرلس بويول خخخخ
إذا كانك تلمح لمباراة إنتر وبرشلونة في نصف النهائي فلا تنسى أن الإنتر كان فايز في الذهاب 3 / 1 , ولا تنسى أن تياقو موتا انطرد ( ظلم ) بعد تمثيلية بوسكيتس في اول نصف ساعة
شتبي مورينهو يسوي ؟ يفتح الملعب وهو ناقص محور علشان تسجلون اقوال ؟ ولا يحافظ على تقدمه في مباراة الذهاب ؟
لا لا لا ما ألمح ولا شيء لكن هذا هو موينهو دائماً ( جبان ) لعبه دائم مايكون دفاعي .. طبعاً هو حر بالتكتيك والتشكيله الي يبيها لكن مورينهو معروف بـ لعبه دفاعي !
وبالنسبه لطرد موتا !! ترا قد سوى نفس الحركه بالضبط يوم كان لاعب مع برشلونة وآخذ عليها الكرت الأحمر !!
إقتباس
حافلة الريال تتعرض للهجوم
ولم يصب احد بأذى
نشوف وش بيسوي اتحاد الغفلة
كفوووووووووووووووووو والله قال إيشش قال حسن إستقبال قال ! خخخخخخخخخخخخخخخخخخخ
^^^
حراااااااااام عليكم شوي شوي تراهم ياااااي ههههههههههه
عز الله انه قدع اللي سواه ,,
ان شاء الله باقي تكسير الروس في الملعب ,,
بالتوفيق للبلوغرانا في المباراة ..
هذـآ قـآله بيب فـي الـمؤتـمر الي تـرجمـه ونـزله آبـو سـلطـآن فـي الـرآبـطه ! وفـلتـعذرني يآبو سـلطـآن على اني آخـذت هالجزء وجبتـه هـنـآ مـن دون استئذآن
إقتباس
- اخيرا تحدث جوارديولا حول ما أشيع أنه قام بتأخير التدريبات حتى تكون له الفرصة للرد على تصريحات مورينهو فقال : هذه ليست مناظرة بيننا لو أردت الرد عليه كانت عندي العديد من المناسبات وحصلت على فرص عديدة في السابق لفعل ذلك ... كما تعلمون اليوم هو يوم الانتخابات في كاتالونيا وهناك العديد من الأنشطة داخل المدينة الرياضية .. أيضا أناس كثير متواجدين مع عائلاتهم يتواجدون خارج المدينة الرياضية للمشاركة في الانتخابات وانا لا أريد العمل تحت كل هذا الضجيج والإزعاج وهذا هو السبب في تأخير التدريبات حتى الفترة المسائية ليكون التركيز فيها بشكل أفضل .
حلو النقاش عن هالثنائي , كل واحد له ميزه تفرقه عن الثاني , مثلا بيبي متميز بكور مان تو مان ونادر انك تلقى لاعب يعدي منه اذا تواجهو وجه لوجه , ايضاً بالسبرينتات واذا دز المهاجم ما تدري الى النمسيس شاطف ومديور ومعه الكوره بس مشكلته مثل ما قال ابو دحه مطفوق بشكل موب طبيعي بعض الفترات تجيه لحسه يعجز يمسك نفسه لازم ينكب ولا ما يرتاح .
اما بويول مدافع هادي وماعليه اختلاف صحيح مستواه الان موب مثل اول لكن حتى وهو كذا مدافع مميز , متميز بالضربات الرأسيه وقياده الدفاع لكن يعيبه البطئ يعني اذا تواجه مع المهاجم وهم منطلقين صعبه عليه يقطع الكوره يا يكسر الاعب يا يقوله رح سجل
المهم ان المدافعين كلهم مميزين وصعبه نفضل واحد على الثاني لانه مثل ما قلت كل واحد له ميزه مختلفه , وش رايكم نحكم من متش اليوم ..؟
الشنبات هذولا جايين من نيويورك عشان يحضرون المتش , عاد الدب اول واحد هو الي مخطط للشيء هذا ويقول مفكر من 2007 اننا نحظر لكن ما قدرنا الى هالسنه , يقول ابي اشوف كريستي ودي ماريا يذلون فالديز
تلعب على نفسك انت ؟ من بدآ الموسم وحنا نشوف لاعبين برشلونه ومدربهم يتكلمون عن مدريد ومورينهو والعكس بعد نشوف لاعبين الريآل يتكلمون عن فريقكم , موب عيب هالشيء اذا اني اتكلم عن خصمي , حق لي أني احاول اتكلم اقل شيء التأثير على الخصم الي بيصير , عن نفسي قريت تصريحات كثير من بيكي وابيدال وبيدرو وميسي ... الخ
ماعاد بقى شيء على المباراة .. مورينهو المهايطي اعلن التشكيلة وانه راح يلعب كالمعتاد
بعيدا عن الهياط بالطبع اتمنى المباراة مدريدية لكن اتوقعها 2/1 للبرسا او 1/1 مهو تقليل في الريال لكن البرسا صعب صعب على ملعبه وهو في اسوأ حالاته فكيف بمثل هالوضع ..