|
ان شاء الله مدريديه 3-0 ومشكووور على التغطيه |
. ذهاب نهائي الدوري الاسباني :s2::s2: .. مباراة صعبه التكهن .. الريال مع مورينيو اكثر واقعيه وصعب يخسر .. البرسا يبي يلحق اول هزيمة بالريال ويرد على مورينيو متسلحاً بالارض و الجمهور .. قمه واعده جداً .. الريال لو سلم من هدف مبكر ممكن يفوز خصوصاً لو كان هيغوين بيومه .. بتجي فرص للريال بس بيستفيد منها او لا ؟! .. بنفس الوقت البرسا بيلعب ظاغط زي العاده بس هل يسجل بدري ؟ .. الهدف المبكر يفرق كثير مع البرسا .. اتمنى كل الفريقين يلعبون بالاسماء المعتاده ولا نشوف غيابات او إختراعات بالذات من بيب :s5s: .. بس ماتوقع يلعب بـ بوسكيتس و زافي وانيستا بالنص .. احتمال نشوف كيتا , و انيستا يلعب جناح مكان بيدرو . المهم ترانا مسنترين هنا وبـ روابط الفريقين , فـ رجاءاً ما نبي مشاكل وترانا مبطي ما وقفنا احد :naughty: فالله يرضى عليكم هدوا اللعب وخلوا الوضع على ماهو عليه وماله داعي نخسر بعضنا علشان كورة s121s رابطة برشلونة تقديم جبّار يعطيكم ربي الف الف عافية :smilie47: |
طاقم العمل : اعداد و تقديم و تنسيق / BARCELONISTA مساعدة/ Hilali 3asal - V.valdés - ميسي - 10 - L.messi.10 تصاميم/ حسـحس يــعــطــيــكــمــ الـــف عــــافـــيــه |
احترم مشجعين برشلونة وارائهم حتى لو كانت مدري وش تبي .. بالاخير يمّثل رأيه وشخصه الكريم بس ماعندي ذرة احترام لفريق برشلونة ولاعبينه ومدربهم ورئيسهم ومقاطعتهم البايخه نبي نعثي بالكامب نو فسادا .. وبيطلعون حقين الفوسيفساء اللي كاشخين بها من الملعب يصيحون كريس.. اوزيل .. دي ماريا .. هيجوين .. قودونا الى الثورة :d اهني نفسي على الحماس السياسي مدريدية ريّحوا .. نبي نمدلهم ملد واتوقعها 4-1 ان مازادت بس عسى الله يكفنا من التحكيم سلاام ومبروك مقدماً |
^^ اففففففف شكلها فيها منتدى اسلامي اجل هههههههههههههههههههههههههههههههههههه |
باذن الله تاااريخيه للبارسا و انا اتوقعها 4 +0 |
السلام عليكم ورحمة الله وبركاته (( فيكتور // الفيس // بيكي // بويول // ابيدال // ماسكي // بوسكيتس // انيستا // تشافي // ميسي // فيا )) شخباركم ==== الكلاسيكو مباراة كبيرة تجسد متعة الليغا بأكملها وصدقوني اللي بيكسب المباراة هذي بيتصدر الين الكلاسيكو القادم المباراة صعبه على الطرفين كل الفريقين يملك الثقه فريقنا على ارضه وبكامل نجومه فريقهم يملك الثقه في مدربه وعامل الصداره بيكون له تأثيره الايجابي عليهم وايضا كل الفريقين قادمين من انتصار في التشامبينز يعني المباراة هذي تقريباً بتكون الامتع من بين السنوات الماضيه لانها تحمل افضل نجوم العالم الحاليين من الحراسه الى الهجوم خلنا ندخل في البارسا سمعنا كلام واجد ان موري بيلعب بطريقة دفاعيه بحته بحيثث انه بيدخل بثلاث محاور وهذا بكل تأكيد بيكون عبء علينا موب في الهجمه لأ الهجمه انا بصراحه اوافق المثل اللي يقول ( كثر الدق يفك اللحام ) لاكن المشكله في هجماتهم اللي بتكون مرتده او بتكون في دقائق قليلة بس انها خطره جداً ليه الخوف من هجماتهم بالشكل هذا لاننا عندنا مشكله ونقطة ضعق وفي نفس الوقت اهي نقطة قوة اللي اهي تقدم الاظهره في مساندة الهجمه والحل في المشكله هذي انك تلعب بالتشكيله هذي ولو اني اخالف بعض الشباب هنا ابوسلطان وغيره من الشباب بالطريقة هذي اللي اهي 2-4-4 وبوجود محورين بتضمن اغلاق منطقة الفراغ اللي بيشكلها الاظهره في حال مساندة الهجمه الضروري في ضل لعب الفريق المنافس بطريقة دفاعيه وبثلاث اظهره طبعا عن طريق المحاور ماسكي + بوسكيتس او حتى كيتا وبالنسبه للعب بميسي + فيا في الأمام بدون بيدرو هذي مقدور عليها لأن الفيس يقدر يلعب مهاجم ثاني بجانب ميسي اللي يعتبر جوكر في مناطق الخصم والله اتوقع الطريقه هذي اهي الافضل اللعب بمحورين لسد الفراغ اللي ينتج عن تقدم الاظهره في مساندة الهجمه بأذن الله التوفيق للفريق والثلاث نقاط المهمه توقعاتي 1-0 للريال أو 0-0 موفقين ,,, :rose: |
إقتباس:
يحي متفائل هههههههههههههههههههه :d |
|
احساسي يقول مباراة تكتيكيه بحته ممله بشكل كبيررر واتوقع تنتهي 0-0 |
إقتباس:
نقطه لفتت انتباهي .. * عام 1950-1951 برشلونه سحق الريال 7-0 في الكامب نو :) .. كنت اتمنى تذكرونهآ .. وبالتوفيق لبرشلونه :smilie47: ! |
ما راح اتكلم عن اهميه المباراه او تأثيرها على الدوري .. او الأجواء اللى تحيط باللاعبين .. إلخ كلها كلام مستهلك وتكلمو عنه الشباب فوق .. لكن على طول نخش بالمهم ..الريال يلعب ( 4-2-3-1 ) .. لكن ميزة هالطريقه انها طريقة " مرنه "على الورق معروف انها طريقه تهتم بتركيز الوسط بأكبر عدد من الاعبين .. يقدر المدرب يطوعها على اي اسلوب يبيه .. الريال مايستخدمها كزيادة عدديه بالوسط كثر ما يستعملها كإسلوب لزيادة فاعليه سرعة الهجوم على الخصم .. وهالشيء اللى يخليها غير تقليديه ..تشكيل الأجنحه غير متماثل من الجهه اليسار واللى تعتبر اكثر جهة يركز فيها الريال العام الماضي كان الريال يعتمد فقط على هالجهه هالسنه صار هناك تنويع للهجمات بسبب وجود دي ماريا ومع ذلك يبقى رونالدو مهم جداً للفريق .. لأنه ماهو فقط يلعب كجناح ايسر إنما لأنه يتقدم كثير للهجوم ويصبح مهاجم ثاني مع هيغواين اللى يميل اكثر للجهه اليمين عشان يعطي مساحة لرونالدو هالمركز صار افضل مركز لرونالدو لأنه يلعب فيه بالمنتخب وبالريال حالياً .. دور رونالدو بالفريق زاد والسبب هو التألق الكبير اللى يقدمه مارسيلو بالباك الأيسر واللى يعطي خيارات اكثر لرونالدو بالتجنيح والاختراق.. اوزيل يعتبر صانع اللعب الحقيقي للريال .. وادواره مرنه .. http://28.media.tumblr.com/tumblr_lc...b0g9o1_400.gif شخصياً اشوف ان مفاتيح المباراه بيده .. يلعب خلف المحاور وقدام قلوب الدفاع و عند الهجوم يتقدم كمهاجم ودايماً يتحرك عرضياً مابين الجناحين الأيمن والأيسر عشان يعطيهم الزيادة العدديه وبالمرتدات يميل دايماً للجهه اليسار ويدخل رونالدو مع العمق !حتى الونسو يميل لليسار اكثر عشان يغطي الفراغات اللى تصير بسبب تقدم رونالد ومارسيلو وبنفس اللحظة يتراجع دي ماريا كثير عشان يغطي الجانب الأيمن للريال بسبب نزوح خضيره لتغطيه مكان الونسو لهالسبب مانشوف اجنحه الريال يلعبون على نفس الخط لازم جناح يقوم بمهام دفاعيه على حساب الجناح الثاني ! طبعاً رونالدو يميل انه يلعب كمهاجم اكثر الوقت ولهالسبب نشوف الريال يلعب بانحراف اكثر جهة اليسار ودي ماريا يلعب بمهام دفاعيه اكثر من رونالدو ..بحالة الهجمه مثل ما قلت سابقاً .. الريال ينقلب من مهاجم واحد لثلاث مهاجمين " مسعود / رونالدو / هيغواين " هالثلاثه عندهم مهمه يشوفون كيف تمركز دفاع الخصم .. وهنا يبان دور تفاهم الثلاث مع بعض .. خلال المباراه يشوفون وضع الدفاع ويتصرفون بناءً على هالشيء إما كسر سريع للدفاع وللتسلل وذا الشيء اشوف هيغواين بطل فيها او حتى خلق مساحات لبعض ويوم اقول خلق مساحات لبعض هنا يجي دور اوزيل اللى يجي من الخلف وعادة هالثلاث مايكررون طريقة هجومهم بنفس الاسلوب ورى بعض بحيث يقدرون يحافظون على عنصر المفاجأة .. وعشان يضمن الريال ان الخصم مايقدر يكتّف احد من هالثلاث نشوف بينهم فراغات كبيرهلدرجة انك احياناً تتسائل كيف يقدرون يلعبون وهم بعيدين على بعض .. هنا تجي الاستفاده من العناصر صح .. سرعة لاعبي الريال الكبيره تخليهم قادرين على انهم يغطون المساحات بسرعه وحتى هالسرعه تساعدهم على الاستفاده من ذكاء المحاور وبالذات ألونسو اللى عنده القدره على التمريرات الطوليه اللى تكون خلف المحاور والاظهره بدون ان يترك الونسو مكانه بالمحور!نجي لدور خضيره ودي ماريا .. مثل ما تكلمت قبل شوي عن اهمية هالاثنين للريال لتوازن الفريق بالهجوم ..لياقة خضيرة ودي ماريا الكبيره تلعب دور مهم بخطة الريال .. هالإثنين دايم تلقاهم يتقدمون ويساندون الفريق بالدفاع وبسرعة يتراجعون للدفاع وبدون تعب ولا ملل .. يمدينا نشبه الدور اللى يقوم به دي ماريا مع الريال بدور راميرز مع دونغا بالبرازيل .. وهذا اللى يخليني استبعد الأخبار اللى طلعت هاليومين ان مورينيو يفكر انه يلعب بثلاث محاور لأنه واقعياً دي ماريا يلعب كمحور " وهمي " بالوسط فبالتالي الريال لما يفقد الكوره فهو يدافع بثلاث محاور بنفس الوقت .. ابسولف كيف يهاجم الريال عادةً :: اذا كانت الكوره معه : دايماً الريال بهذه الحاله ينقل الكوره للأطراف لأنه عادة محاور الخصم ودفاعه مغطي العمق .. يبدأ المهاجمين يتناقلون الكوره بينهم وخذ هات على السريع او الحفاظ على الكورة اطول فتره ممكنه .. مفتاح اللعب بهالحاله هم لاعبي وسط الريال " دي ماريا / الونسو / خضيره " اللى تعتبر تحركاتهم السريعه مهمه جداً عشان يلخمون الخصم ويفتحون مساحات بالعمق وبين المحاور وممكن حتى يسددون !عادة الريال يحب يلعب من الخارج للداخل ، يعني انه يعتمد على الأجنحه بشكل بصناعة للهجمه ماهو من عمق الملعب وبالتالي نشوف عادة سامي والونسو يلعبون كور عرضيه للأجنحه بنفس الوقت يجي دور الأظهره .. مارسيلو وراموس ما يعتبرون فقط كأظهره لهم مهام دفاعيه هم لهم دور اهم من هالشيء هم يعتبرون من مفاتيح اللعب للريال وبنفس الوقت لهم ادوار بالوسط مثلهم مثل الونسو وخضيره بصناعة اللعب وهنا يبرز دور مارسيلو الكبير بالريال اللى يعتبر هالموسم من اهم مفاتيح لعب الريال وهالشيء اللى خلا مورينيو يعتبره الوريث الشرعي لأدوار مايكون بالريال .. اذا الخصم قفّل الأجنحه على رونالدو ودي ماريا هنا يجي دور الونسو وخضيره بتحركاتهم وبتمريرات الونسو الطويله للأجنحه اللى يحاولون يتمركزون خلف الاظهره واللى يرسلون كور عكسيه بسرعه لأوزيل او هيغواين بالعمق ..في حالة انضغط الريال طوال المباراه وخسر معركة الوسط هالشيء ما يعني انهم يسلمون المباراه لأن قدرة لاعبي الريال بالإرتداد السريع والكونتر اتاااك هي اللى تفرق معهم وذي تعتبر مشكله لأي فريق راح يقابلهم .. طبعاً من خلال الكلام اللى فوق يتضح لنا الفرق الكبير بين خطة 4-2-3-1 اللى كان يلعب بها مورينيو مع الانتر وبين نفس الخطة اللى يلعب بها مع الريال .. خطته مع الانتر كانت عشان يؤمن فريقه دفاعياً ويلعبون بانضباطية كبيره عكس وضعه مع الريال اللى يبي يستفيد فيه من كل قدرات لاعبينه الهجوميه .. بالنسبة للبرسا .. ببداية الموسم يوم جاب لابورتا فيا كان صعب على برشلونه يتعامل مع وجود " فيا / ابرا / بيدرو / ميسي " كان واضح انه صعب تلعب بالأربعه مع بعض ، وواحد منهم يدفي الإحتياط .. هالكلام قبل زحلقت ابرا ويضحك عليهم غالياني هههههههه .. ولأن بيب كان مُجبر اما انه يغير التشكيله وطريقة اللعب لعيون مهاجمين بإن يسحب ميسي للوسط مثلاً مثل ماسوى مارادونا او انه يبتكر له وضع ثاني واي تغيير بالتشكيله يعني ان هناك خلل بيصير لبرشلونه وبفريق ماشي على سيستم معين فتره طويله هالخلل صعب يتصلح وصعب اللاعبين يتأقلمون بسهوله معه .. فجأة .. طلع لنا قوارديولا بمركز جديد لميسي .. العام الماضي كان الوضع الهجومي يتطلب بكثير من المباريات تغيير سريع لمراكز اللاعبين وهالشيء كان يعني ان ميسي يدخل كثير للعمق عشان يسجل والوصخ ميسي ماوفر احد هههه كان يسجل اهداف كثيره من العمق ولهالسبب بدأ بيب يجرب ميسي كثير بهالمركز بالبري سيزون والنتائج كانت ممتازة .. قاعد يلعب كقلب هجوم لكن بمهام اكبر ومتنوعه وينقز كثير للوسط بين المحاور وفوق كذا كل ماقرب من المرمى كل ما كان اخطر ! هالشيء يمثل صعوبة كبيرة للمدافعين والمحاور ماعندهم مهاجم ثابت واذا واحد من قلوب الدفاع حاول يراقبه وترك مكانه وغطى عنه الظهير فجأه يبتلشون بأجنحه البرسا اللى بينقزون للعمق والمحاور بيشكل لهم مشكله انه بيكون خلفهم تماماً مثل ما يسوي اوزيل مع محاور البرسا .. وهنا تجي متعه المباراه :smilie47: .. |
http://cache.daylife.com/imageserve/...xfdRw/610x.jpg إنهووووووووو الدوري الذي قوي :D .. ليس مثل دوري توم و جيري :D مانشستر يطقطق على بلاكبيرن بـ 7 بعد اقل من اسبوع من ثمنية المقاطعة المشردّة :D .. سبحان الله ما امداهم خخخ يحيى :( .. انا ما حذرتك :( |
فياريال 1 - 0 على سرقسطه في اللاروماريدا ماركوس سينا سجل في الدقيقه 9 الدقيقه حاليا 15 |
بسم الله الرحمن الرحيم السلام عليكم ورحمة الله وبركاته يعطيكم العافية ياعيال ربطتنا على الشغل التمام والمميز جدا ً , ومشكورين وماقصرتوا جميعا ً :smilie47: .. لكم جزيل الشكر والتقدير :rose::smilie47: ! http://upload.alhilal.com/img/019/alsasih_1121_1.gif بالفعل كلاسيكو العالم , برشا الريال " الريال البرشا .. انها المباراة المنتظرة من جميع انحا العالم بفارغ الصبر , ! مباراة صعب التوقع فيها " بنظر لـ مستوى البرشششا + الريال " مباراه الكلاسيكو تعتبر مباراه وملحمه بنفس الوقت الجميع يمني النفس بالفوز من جانب الفريقين البرشا يلعب باسلحته : الارض والجمهور والسحره الموجودين بفريقه " ميسي / انيستا / تشافي / بيدرو/ الفيس / بوسكيتس ماسكرانو وو وو " ولكن بالتاكيد الفريق الاخر العاصمي .. لايستهان به ابداً وبالتحديد الموسم الحالي بحيث ان الفريق يعتبر الافضل تهديفياً ودفاعياً ويمتلك رونالدو هداف الليغا باختصار فريق يمتلك الاسلحه اللازمه لتخطي .. عقبه البرشا العنيده ( ان شاء الله لايتخطاه ويسقط كـ عادته في ارض الكامب نو ) ، http://img18.imageshack.us/img18/6458/campnou.jpg بأذن الله سنكون الأفضل والأمتع والاكثر روح واسرار لـ الفوز ! كل التوفيق للفريق الكتلونييي .. // باعتقادي ان جوارديولا سوف يدفع بافضل واقوى تشكيله لديه ابتداءً من فاالديز مروراً بدفاعه القوي بويول وبيكيه وابيدال وداني واما بالوسط اعتقد ان وجود ماسكراينو ربما يكون مفيد خصوصاً من الجانب الدفاعي وربما يتواجد بوسكتش وبجانبهم انيستا وتشافي واما بالخط الهجومي فـ سوف يتواجد الاسطوره والخرافي واعجوبه العالم ميسي وبجانبه فيا العائد للتهديف وبيدرو المزعج باذن الله لدفاع الريال ،، ربما ان مورينهو سوف يواجه فريقاً قوياً يعتبره البعض اختبار حقيقي لامكانيات مدريد ولاعيبته وربما يكون .. اختبار لتحديد مدى جاهزيه الفريق لاحراز الدوري الاسباني ودوري الابطال خصوصاً ان الفريق ربما واجه الميلان ولكن ليس بالفريق القوي الذي يستطيع مقارعه المدريد ، ! عموماً بالتوفيق للبرشا ولمحبين الكوره الجميله ، مع أمنياتي الفـوز بنتيجة قدرها 3 اهداف / لـ ميسي " تشافي " فيا / هذا وصلى الله وسلم على حبيبنا وشفيعنا وقرة اعيننا محمد عليه الصلاة والسلام .. لنا باكات أن شاء الله .. فمان الله |
| الوقت المعتمد في المنتدى بتوقيت جرينتش +3.
الوقت الان » 05:16 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd