السلام عليكم ...

انتهت اليوم مباراه ليفربول والمان بفوز المان بهدفين مقابل هدف سجل للمان فورلان وسجل لليفر الكابتن هيبيا .

المباراه كانت جيده المستوى واللعب كان مفتوح لاقصى درجه ... وهذا الي جعل المباراه جيده .

عموما هذي صور للفوز المانشستراوي وان شاء الله تكملون انتصاراتكم يالمان وتختتمونها امام الارسنال الاسبوع الجاي .






شوي ويفصخ شي ثاني من قده مسجل هدفين على ليفربول .

لعب لليفر كل من :

Liverpool: Dudek, Carragher, Henchoz, Hyypia, Traore (Riise, 79), Murphy, Gerrard, Hamann, Smicer (Diouf, 70), Baros (Heskey, 59), Owen.
الاحتياط : Diao, Kirkland

انذار اصفر : Smicer

لعب للمان كل من :

Man Utd: Barthez, O'Shea, Brown, G Neville, Silvestre, Solskjaer, Scholes, Fortune (P Neville, 81), Giggs, Forlan (Stewart 94), van Nistelrooy (May, 90).

الاحتياط:Chadwick, Stewart, Ricardo


حصل على انذار اصفر كل من : van Nistelrooy, Brown, Forlan, Silvestre
.

.

مبروك للمان والمانيه

وهاردلك لليفر والليفربوليه

لكن تونا ماوصلنا نصف الدوري

تحياتي.

ليش زعلااااااااااااااان يا أبو حنفس

والله الحظ
ماقول غير لو كان الحظ رجلاً لقتلته

أأأأأأأأأأأأأأأأأأأأأأأأهـ بس ..
مابقى غير الكمخه فورلان يسجل بالحمر .. هزلت

والا الكمخه الثاني دوديك ..
شكل العدوى انتقلت من بارتيز ابو الكباري لحظرته

والله القهر

ياهلا والله الصراحة ما شفت المباراة الله يهديهم هذا وقت مباراة


لكني عارف ان الفوز للمان وهارد لك يابوعبدالرحمن ترا الرواقة زينة

اخوي احمد 15:

ابو حنفس! !!! , بالعكس ياخوي ‍‍‍‍منب زعلان ولا شي بس بغيت اصيح من الثور ديودك والثور اللثاني اوييه الي ملعبه

ابو بخاخ

بالعكس ماازعجناكم بالصداره لانه شي عادي ليفر وتصدر بعدين تعال بعد فوزكم الكبير هذا وين رحتوا ؟؟ الرابع ويخب بعد

وبعين وين ذا اللسان ياخي موسمين مهجدكم ليفربول ذهاب واياب لكن للاسف خربها ديودك الموسم هذا

هلالي الجوف :

:sad: ذا ((( الديك ))) طلعنا من التشامبيونز ليج وخلا الليفر ينهزم ثلاث مباريات بالدوري بعدين معه ؟؟

بس ولو لازم نخلي المان يفرح معقوله موسمين ((( صاكين ))) عليهم ؟

تحياتي لكل من رد او بخ على الموضوع

ياابو حنفي
شجع غير الليفر احسن لك
لانه نادي نفسه قصير
يتصدر مرة واخر الدوري ياخذ الرابع
ويذكرني بفريق النصر اللي عندنا
من يوم راح ماجد وهم منتهين
وكذلك الحمر من يوم راح راش وبارنس وهم منتهين

شجع الارسنال احسن لك
وياانا مقهور على تشجيع ليفربول هذه الليلة
بس كره بمانشستر

وبالتوفيق للذئاب

مشكووور ابو حنفي على هالتحليل الرائع

مو معقول ؟!!

ابو سعود الهلالي :

المعذره اخوي ماشفت ردك لانه كان نفس توقيت ردي ,,, واكيد انك عرفت ان ديودك بيحرس يومك عرفت ان المان بيفوز . ومشكور على ردك .

زعيم روما:

يقولم المثل الي بيته من قزاز لايرجم الناس ,,, يبن الحلال حرام عليك روما اقل فريق بمجموعته بالتشامبيونز ليج تسجيل اهداف ,, يعني فريق يعاني عقم هجومي من بعد ما تعرض باتي قول لاصاباته المتعدده وتهميش كابيلو له ,,, ايضا روما من اكثر الفرق العام الماضي ان لم يكن اكثرهم يتعادل بمبارياته واعتقد انه العام لو فاز (( بمباراه وحده ))) من هالمباريات الواجد الي تعادل بها كان خذ الدوري . نصيحتي خلك بلاتسيو بس فريق جماعي درجه اولى ومتصدر الدوري الان .


مدمي الشباك سام6 : العفو اخوي ومشكور على ردك


ابو بخاخ : عقبال احد المراكز المتقدمه

MAX MAN: ياخي حرام عليك كيف مو معقول ؟؟؟ بالنسبه لديودك شي عادي .

هاردلك يابو حنفي شي طبيعي ان المان يفوز هذولا عمامهم
وبدري على الليفر والله اليوم المان نجوم حتى بارتيز ماشاء الله صدق انه
حارس كبير مهما قيل فيه

ومبروك ياجنتل الفوز والتوقيع ;) قامت في التواقيع
واللي عجبني اليوم في المباراه هو مثل ماقلت
هالدبشه فورلان مشى دوديك على أربع مثل الحمير

Blue Fire : ياحلوك وانت متحمس هدي يبو الشباب ترا المان توه بالرابع يعني too far

الف مبرووووك شباب على فوز مانشستر بالمباراه

إقتباس والله الحظ

أستغرب صراحه فريق ناقص 6 لاعبين دوليين وعلى أرض خصمه وبين جمهوره وعلى قول المعلق كان صاحب الاداء الافضل خلال الشوط الاول وضاغط طيلة الربع ساعه أو الثلث ساعه من الشوط الثاني وبعدين يكون هذا حظ أه بس لو أنفرد نيستلروي في الكوره اللي جاته بعد الهدف الثاني كان ثلاثه على روسكم

الله على دفاع مانشستر والغريب أن جاري نيفل صاحب اسوأ أداء دائما كان نجما للمباره حتى أن هدفهم كان دربكه أمام خط المرمى.

والله ضحكت على فيرجسون لما دخل ديفيد ماي العجوز هذا الاعب أعتقد له سنه مالعب مباراه رسميه والبلى انه شال كوره حلوه والله :p

بارتيز صراحه كان نجم وأيضا سكولز بتحركاته الرائعه .

الف مبروك لكل عشاق الشياطين وهاردلك أخوي أبو حنفي وصدقني لو جيرارد لوييه أدخل عنصر المفاجأه في اللعب لكان وضع المباراه غير لكن لعب بنفس الاسلوب بحذافيره كما يلعب مع الفرق الاخرى وأعتقد هذا الشئ مكن فيرجسون من خطف المباراه

وهاردلك أخوي ابو عبدالرحمن واذا جاء يوم وتمنيت ليفربول يفوز بالكاس فإني أتمناه يفوز عشانك انت وأبو حنفي والكوره فوز وخساره


اخوي جنتلمان تــــوقــــيـــع حلووووو;)


تحياتي

اليسنادرو :

مشكور عزيزي على ردك الرائع والجميل بنفس الوقت وفعلا انا اتفق معك بالنسبه لعنصر المفاجاه في مدرب ليفربول ؟؟!!