بسم الله الرحمن الرحيم
تقديم :
عارف إن الموضوع مكركب ويحتوي على موضوعات مختلفة بس تعرفون حنا بعصر السرعة ( قسم بغا يقول عصير السرعة ) وللأمانة واحشيني كلكم واحد واحد ومن حبكم مو قادر استغني عنكم على الرغم من إن راسي فيه ألف شغلة ( وش عندك يالوليد على غفلة
)
فأتمنى أن تجدو لدي مايعجبكم واذا ماعجبكم يمدحون المحل الثاني
عسكري في مهمة سواليف
يوم الأربعاء وأنا راجع من نجران لمكة من الحماس الزائد كان قدامي عند نقطة باص وصاحب الباص شكله خوي العسكري اللي واقف ودقوها سواليف وطولو وأنا أتحرى وراهم فدقيت بوري فإضطر العسكري يمشي خويه اللي بالباص ويتسقعدلي أول ماوصلت له قال هات الرخصة قلت تفضل قال الإستمارة قلت تفضل
قال صفط على جنب
قلت : لاحول وش هالنشبة وش يبي أموري كلها تمام
قال : افتح الشنطة وفتحتها وقعد يدور فيها
وفتح الأبواب كلها لدرجة إني حسيت انه سمكري مو عسكري يبي يتأكد من سلامة الأبواب
استقعدلي وكنه يقول مادام مستعجل الحين أوريك وجلسني ربع ساعة كلها تفتيش وبيني وبينكم شكله حقد علي بسبب البوري
بالنهاية قال شفتك مستعجل قلت اشوف يمكن معاك شي تفضل استمارتك ورخصتك
بعد مامشيت قلت لو إني تحملت ثقالة دمه وهو يسولف مع خويه اللي بالباص دقيقة وبعدها امشي ماكان احسن من إنه يستقعدلي بهالشكل
فإنتبهو أخواني الزعماء تدقون بوري لأي أحد عشان مايصير فيكم زي اللي صار لي لاحد يقولي والعسكري مو غلطان . لأن الأخ ساب عمله وواجباته ودوره الأساسي ليتفرغ للسواليف مع الأصدقاء والإستقعاد لبعض الناس اللي يدقون بوري مستعجلين ( تراه مايقصد نفسه
)
يالله مع الباب
بالسوق سمعت وحده تقول لزوجها نبغا هناك ورد عليها زوجها : أقول مع الباب يالله
حسيت إن الزوج وربما يكون أخوها طفشان من الفرفرة بالسوق وهنا لدي تعليق قد يتفق معي البعض وقد لايتفق
إذا كان الزوج مشغول لهالدرجة فمن باب أولى أن تكون الزوجة على علم بذلك كي تقدر له ذلك ناهيك عن أن الأسلوب التي طرحت به العبارة ليست عبارة منمقة تدل على إحترام متبادل بين زوجين .
قد تكون الزوجة سامجة لدرجة أنها كسرت رجله بكثرة الفرفرة بالمحلات فهنا يجب عليه أن يخبرها بالتعب بطريقة لبقة وليس بكلمة لاتدل على تقدير مشاعر الطرف الآخر .
يتبادر إلى ذهني سؤال :
لماذا حين يدخل الرجل السوق تكون نفسيته مرتفعه ويطلع بنفسية سيئة وقد تؤدي لحدوث مشكلة بالمنزل ؟
لن ألقي باللوم علينا نحن الرجال فالنساء يتحملن معنا المشكلة
في السوق تجد الشخصيات المتعددة ولعلي أتضايق من الشخصية التي تجد حرجا بوجود المرأة بصحبتها وهذه موجودة فهناك من يتحرج من زوجته لدرجة انه لو حصل واحد يعرفه تحصله ودي يتلثم
سلامات ماهذا التفكير ؟
أكثر نقطة أود التركيز عليها هي أن في حالات كثيرة من المشكلات الزوجية تأتي بعد زيارة للسوق وخصوصا بأوقات المناسبات .
ولن نجد حلاً أكثر مثالية من إنتشار المولات والأسواق النسائية التي يعمل عليها طاقم نسائي بالكامل . وبكذا يرتاح الزوج العصبي والزوج غير الصبور من أعباء السوق التي تتسبب في تغيير نفسيته ومزاجة وبالتالي تعامله مع جزءه الآخر .
غداً عيد وكل عيد وانتم بخير
غدا هو عيد الأضحى المبارك كل عام وأنتم بخير وعلى طاري التيوس والخرفان وش رايكم كل واحد يتبرع بكبدة تيسه ويرسلها لي ( بتفتح محل كبدة إنت ؟
) أما اللي ذابح خروف فأنا مسامحه ( ألحين كلهم يقولو ذابحين خرفان عشان يفتكون
) .
أنا من عاداتي بالعيد أشيل جزء من اللحم وأودية لمطعم باكستاني ويسويلي مقلقل
واذا كثر من الفلفل الحار حقهم عاد خذها ماحد قدي
.
ماحس بطعم المقلقل الا بمثل هاليوم . من مواقفي مع التيوس
في العام الماضي أو اللي قبله ولا أذكر أرسلني الوالد لمزرعة أجيب تيوس العائلة منها ولما وصلت للمزرعة العامل اللي بالمزرعة لما جاب تيس من التيوس قال امسكه لغاية ماجيب حبل .
عاد خذها أخوكم مايعرف يمسك دجاجه كيف بتيس هالكبر
مسكته مع الإف ام تبعه
وكان يبي يفر ومن قوة المسكة انكسر بيدي وسال دم منه
قلت ياولد وش السالفة الحين كسرت القرن حق التيس إن قلت للوالد يمكن يذبحني بداله قلت للعامل تراه انكسر
قال عادي مافيه شي هنا ارتحت
ووديته للمسلخ . ولاعلمت أحد بالسالفة عشان مايسوولي قلق .
بعدين حاسس إن التيس مو شديد أجل تيس وينكسر قرنه
أبد وجيه فقر مو وجيه نعمة
هالصورة اللي بالأسفل هي صورة لشباب مستلمين أول راتب بحياتهم العملية كمعلمين وبحسب حساباتي 80 ألف استلموها بهذي الليلة قولو ماشاء الله لافقع عيونكم
لكن شوفو وش عشاهم
أنا حلفت إني أصورهم وأخليها معي تذكار والحمد لله على النعمة غيرنا ماحصلها
لكن انا يوم شفتها انصدمت حسبتهم جايبين ذبيحه
جابو تونا أجل وش عقبوا لآخر الشهر
القرد الشقي في منطقة عسير
آخر شي أقدمه لكم وأتمنى أن يكون موضوعي خفيف عليكم هو هذا القرد الذي عرف أنني بخاف من القردة وانا من لقافتي جاي اطنز عليه وبقا ياخذ البلاك بيري من يدي ( يبي يعلمكم انه معه بيبي
حركات
)
.. عليها طعم 
كسرت قرنه
وكورن فليكس محيوس
مدري ليه كان ودي لحظتها اصكه بالعطر اللي عندي على هالاسلوب
![الصورة الرمزية الخاصة بـ HILALYA ]~](images2/images14/images/avatars/hilal/47.png)
الوضع المتطور
