جزاك الله خير على هذا الموضوع والله يهدي الجميع

مشكور اخوي الولد البار على موضوعك


انت تقول "وعندما يتقدم أحد الشباب المدخن خاطبا للفتاه ..فمن غير المعقول ردة .. بحجه انه مدخن ..!!! لذالك تسامح الناس في هذه النقطه ..ونسوا ان حكم التدخين حراااام

بصراحه انا اختلف معك في هالنقطه. انا ماقد شفت احد يسامح في هالنقطه بالذات الا نادرا. الاغلبيه يشددون على ان يكون المتقدم غير مدخن . والمخطوبه هي اللي دايما تطلب هالشي يكون في المتقدم. لكن لا يمنع ان فيه بعض العوائل تسامح به.

لكن هذا مو موضوعي. اللي احب انبه عليه هو انك صادق في كلامك فيه اشياء كثير (للأسف الشديد)
مباحه وحلال للرجال (مدري من حللها لهم) لكن لو سوت البنت نفس الشي تكون طامه كبرى ومصيبه و زلزال ...الخ

المشكله ان العاده في مجتمعاتنا جرت ان الرجل " مايعيبه شي" وهالكلمه صدقها الكثير وفهمها على ان كل شي جايز للرجال ولانه رجل فقط يستطيع انه يسوي اللي يبي وهذا اكبر غلط. ومثال على كلامك " التدخين" الرجل اذا دخن مافيها شي كأنه مسوي شي اعتاد عليه الناس ولا راح يحاسب عليه بعدين,,, لكن المرأه اذا دخنت مايبقى صفه ذميمه والفاظ سوقيه الا قالها لها ... المفترض والاولى كلا الجنسين ينظر لها بنفس العين وبنفس النظره عند ارتكاب الاخطاء. الرجل يحاسب ويشوف نفسه قبل محاسبه غيره من الجنس الأخر . وبدل انه يكيل الإتهامات للنساء لابد يشوف نفسه أول ويترك الغلط من البدايه. ومره اخرى المجتمع يلعب دوره.

تحياتي...