السلام عليكم

كيفكم دبدوبين كلن بنكه وباسمه عساكم ترفرفون فوووق هاااام السحب بس


بعضكم يقوووول ذا وش فيه شهر محزززن ومقفله معه وازعاج العالم بخويه واليوم مستانس

قسم بالله اني ماادري ليه مستانس

حتى من كثر ماانا مستانس كان عندي اليوم test وكان الكلاس الاخير اليوم والامريكان قالوا ع راحتكم اللي بدو يجي ايجي واللي مابدو ع راحتو
المهم مالكم بالطويلة اقلكم من كثر ماانا مستانس كان في الاختبار عشر كلمات verb يقول حطوها باسالة yes or no بالعربي تصير عشرين سؤال مرة past ومرة presnet

واجيكم انا اخبص اوم اوم الدنيا اقوم احط مع الحاضر did ومع الماضي do

والله ياناس ان هالامريكي يوم قلت له done استانس وتشقق

قال معقولة انت انتهيت واول واحد بعد

قلت افاا عليك

والله ياعيال يوم سلمت ورقتي وجا بيشيك ع الاسم ان كاني كاتبه اولا ولمح بعض الاجابات المحترمة عندي

قسم بالله بقى يسبقني ويطب من الدور الثالث

بس العيال مسكوه وعااد هو قام يرطن بالانقليزي وماعاد عرفت وش يقول

بس في واحد من العيال اللي ماشاء الله عليه موظفينه حنا يترجم لنا اذا تنحنا
يقول لي
يقولك رح ياعليان بيتكم ولا والله لا ارجع اكلاهوما الله ابوكم سعوديين شهرين منتب عارفين تركبون جمل ع بعض

قال تبون شهادة توفل بعد


عاااد انا مانيب فاضي له ابي الفكة ابي بيتنا

والله واطلع وادعس ع الموتر الا انا هون عند اميمتي

المهم مالكم بالحتسي الطويل

انا انسان فاضي واحس بفراغ غير طبيعي

وابي اسافر وابي احد يخاويني
بس بشروط
1- ان مايكون دعلة .
2- ان يفهم مسائلة القطة فهم كامل .
3- راعي تعزيمات مايقول مامي ولا بابي .
4- مايسحب علي ويقعد يسولف مع اللي عنده بالبي بي .
5-ان يكون مالط الشنب ومتبري من الثوب من لحظة وجوده بارض المطار .

ترا اهم شرط الشنب

ماابي واحد عنده شنب تسنه ابط تيس ويقعد يتريق علي


والله من جد حااس بملل غير طبيعي رياض خرج شرقية اوووف طفش

ولا هالايام طالعين حقون الشرقية يقولون مانبيكم ياحقون الرياض

مصدقين نفسكم يالشرقية والله لو انكم الخرج ع غفلة

مادروا ان الشعب يجونهم عشان البحرين

احسن مافي الشرقية شيئين

البيبسي حقهم ومجمع الراشد مع انه صار بايخ مو زي اول

اي صح نسيت عندهم حي اسمه الحزام الذهبي خقق فلة بس المشكلة فاضي كل العالم ببيوتهم ماتلقى الا السواقين واقفين

الا ع طاري الحزام الذهبي ماتلاحظون اي واحد من الخبر تسألونه وين ساكن يقول انا سكان بالحزام الذهبي

الا تعالوا بسالكم سؤال صغنطون واتمنى ماياثر ع موضوعي

ليه ماجد مقبل اذا حذف موضوع او قفله مايعلمنا برسالة خاصة يقول ترا سويت هيك وهيك دامه خربها

والله يابو مقبل لبى قليبه بعض الاوقات يخليك تدور بكل صفحات المجلس العام تدور موضوعك وماتلقاه

الا تعالوا بسالكم بعد في اعضاء هنا صراحة مع احترامي الشديد لهم مايصلح يصيرون مشرفيين واداريين

مو لانهم مو كفوا لا والله كفو وحركييت بس ماعاد نقرا لهم مواضيع زي اول وحماس وحركييت زي اول صار المجلس بوه نووم شووي

مثل الصخرة ومثل ذايب ومثل هلالي من ارض اليمن وفي اعضاء ماعاد شفناهم مثل وليد القحطاني وموضوعه هذاك الطش فطورك وسحورك

الا ع طاااري اللطش تتوقعون باليومين الجايات يحطون موضوع هوني اسمه الطش خروفك وحطه هون

الا ع طاري الخرفااان

هذا واحد من العيال علمني ع الخرفنة وفوائدها

انا مع اني مو محتاج احد يسدد فاتورتي وهيك هيك
بس قلت يالله خلنا نفلها وش ورانا

والله لايوريكم

توهقت

طبعا انا جلست اخرفن ع اني واحد خقق مو اني بنت

ومن دلاختي توهقت بهيك واحد

الاولى واحد قال عطني رقم حسابك وثواني بحسابك 500 ريال طبعا هالكلام عقب مافريت راسه

وعطيته حسابي ونمت

يوم صحيت الظهر الا هو شاب فيني ياعليان انا تراني شفتك واعرفك وخل الكذب عنك قال حليوة قال

والثاني هذا واحد خرجاوي

صجني الله يقلع بليسه
خذ رقمي

وصار يدق علي الساعة 3 الفجر

وصرت العب فيه لين يسكر

جاا ذاك اليوم الفجر وانا بسابع سابع نومة ويدق وانا اعطيه بيزي ويدق ثاني واعطيه بيزي ويدق ثالثة واحطه سايلنت ويق رابعه واعطيه سايلنت

صجني ومني فاضي له
ويدق بالخامسة وارد عليه والعن سابع سابع سابعه

انا ع بالي اني عقب ردي هذا ماعاد شايفه
مادريت الا وهو هقب يومين يتصل علي العشا

يقول انت الي راد علي ذاك اليوم الفجر

قلت له لا هذاك اخوي

الا ع طاري الاخوياء


قبل يومين متكي بالمخطط مع العيال وتعبان نفسيا وحالتي حاله ومني حول العيال وحسوا اني متغير

جاا واحد منهم توني متعرف عليه من فترة قريبة

قال علاوي امش خلنا ناخذ لفة بالمخطط ونسولف رحت معه

قال وش فيك من اللي مضيقك

قلت ابد مافيني شي بس مهموم وتعبان

قال تبي تنسى الهم وهالحركيت
قلت ايه

قال خذ

قلت عفوا مااحب ادخن بس شيشة

قام يضحك قال يادرج هاذي مو زقارة عادية

واجلس اتمقل فيها والقاها مو زقارة اصلية يعني مفككة ولفها غير الزقاير العادية

قلت وش ذا الزقارة

قال حشيش خذ لك كذا مزة بتنسى همك كله وتوسع صدرك وتراها ماتسوي شي لاتصدق التلفزيون
ترا هالايام اغلب الناس يستخدمونها

والله انا خفت منها وتركتها ولا الشيطان قاعد بجرجر بيدي يقول خذها بس


الا ع فكرة ماتحسون اني طولت عليكم بهالموضوع والله براسي سواليف واجد بس بخليها بمواضيع ثانية

الا قبل لاانسى ترا العنوان دلالة ع العطلة وع الفكة من الرياض

الله يسعدك يا شيخ ويديم هالابتسامه

لكن تدري وش انبسط انك فليتها ونسيت همك وسالفه خويك لكن تحسفت عليه كثير

لانك قمت تصادق حشاشين الله يستر عليك

والله تطلعوا اهل الخرج منتهين


شسمه ............. الحين فيه صدق ناس تسدد فواتير <<بدت تفكر اتاجر وتشتغل شغله شريفه


تحياتي

.






وعليكم السلام ورحمة الله وبركاته ..
والله يا انت مغبر ض1 , ماشاء الله ناوي تسافر اجل ض1 ..
والحين انت للحين تمشي مع حق الوشسمه ض1 ؟
لا يكون الجواب ايه بس , اجلس بدون صداقات ولا تصادق هالاشكال ..
والا على قولت بطلة بلغ عنه وخلك وشسمه , ما تدري وش الاجر الي بتحصله ض1..

بالتوفيق و1 ..

,





هلآ وغلآ وين هالغيبة

وشسمة اللغه الإنجليزية يبغالهآ حفظ كلمآت وممآرسه ,ومداومه على الحفظ
آمآ يوم تقول شروطك والله لو مقدم على وظيفة وزير آريح من شروطك

كل التوفيق يآرب , بالسفر والدرآسه

هلا والله بالخرجاوي من زمااان ماقرينالك موضوع

اهم شي انك تنسى الهم ترى والله الدنيا ماتسوى كلها كم يوم ليش تضيق صدرك
ولاعااد تصادق محششين انتبه منهم
وان شاء الله تسافر مع اللي تبي والمكان اللي تبيه

يالله تشاو

إقتباس ماابي واحد عنده شنب تسنه ابط تيس ويقعد يتريق علي

التيس له ابط؟ <<مالقيتي توقفين الاعند ذي

اما صقيقك هذا الله يكفينا شره

^
^
ههههههههههههههههههههههههههههههههههههههههههههههههه
وش ميزان حسناته قصدك الحشيش ولا وش بالضبط

ياشين النسخ بعض الاحيان

^

مصعبه ليه طيب ؟!


//

إقتباس ولا هالايام طالعين حقون الشرقية يقولون مانبيكم ياحقون الرياض

المشكله مسوين حمله صرفوهم ومدري وش ؟!

آجل ديره مافيهآ الا موظفين ارمكو وكم نفر من الدفاع الجوي
مسوين فيهآ باريس مدري روما
المفروض تحمدون ربكم ويديكم مقلوبه اذا فكرنآ نسير عليكم

مووزووعك راايق ودلاله على فضاوتك التي كويسه
الله يعيننا عليكم يا اهل الرياض دايم لقلق وتسوون زحمه والشارع فاضي الراشد بيهج :P

وعلى طاري الحزام الذهبي
يالبى 71 فيه حيااه في دشير تفحيط مطاقق نسوان بالشارع كل يوم مسيرين على فلانه
هذاك الحي لسني احبه يخوف احس بيووتهم فيها جن <<< والله من الحسره

موصيني الامريكي يقول اذا فلان كتب موضوع

قفله .