اول شي انا اعز هذا المنتدى معزة خاصة...بس اذا كان موجود علشان تمجيد الهلاليين لأنفسهم..فأفضل اني اكون مشاهد...فالرجاء انه ما احد يأخذ الكلام الي ابقوله على انه حب في زعزة اوضاع النادي, او خلافه... واذا كانت ادارة المنتدى رأت اي خطا في كلامي فالرجاء حذف الموضوع كاملا.. وأخطاري بالإيميل..
بالأمس القريب كنا نتغني بنتائج الهلال في جميع الألعاب, وجميع الدرجات, ولكن هذي الألعاب بدت تختفي شيئا فشيئا بدءا من كرة السلة, الي جا وقت الهلال فيه صيطر على بطولات العام كاملة, ومرورا بباقي الألعاب, وكرة الطائرة جاها وقت كنا نقعد نستنى المباراة بالساعات, وهذا الوقت ليس ببعيد..
المهم, قد يقول شخص, اهم شي الكورة(القدم طبعا), وانا ما راح اختلف مع هذا الشخص, لأن كرة القدم بنادي الهلال هي الي عرفتنا نتابع السلة والطائرة وأخبار الكراتية, كلها لعيون الزعيم, بس الحين كرة القدم في النادي صارت تخوف, وانا ما اتكلم عن الفريق الأول, الفريق الأول هو احسن فريق كورة في المملكة في هذا الوقت, انا اتكلم عن القاعدة, قبل سنوات كنا الأوائل في كل شي,واذا ما كنا الأول كنا ننافس على المركز الأول على الأقل, وهذا الي طلع لنا الاعبين الي بالفريق الأول الأن.
لكني صدمت يوم عرفت ان فريق الناشئين يصارع من اجل البقاء!!!..
وين المدرسة؟.. وين النجوم الي يبون يغذون الفريق بعد خمس الي ست سنوات؟؟ وين التخطيط الهلالي البعيد المدى؟؟.. ولا نبي نبتل اذا صار ناقصنا قلب دفاع, نشري قلب دفاع, واذا صار ناقصنا ظهير نشري ظهير.. وطيب اذا صار ناقصنا قروش... وش نسوي؟؟
المفروض اننا نخرج لاعبين علشان نبيعهم, موب نحطهم على قائمة الإنتقال؟؟
يا جماعة المفروض اننا نتعلم من اخطاء غيرنا, غيرنا ما كانوا يهتمون بالقاعدة, شوفوهم الحين يشترون انصاف الاعبين, والاعبين منتهيي الصلاحية!!!
اتمنى انه مسألة الناشئين والشباب ما تمر على الهلاليين مرور الكرام, وانا ما وجهت اتهامات لأحد, ولكن ما نبي نتائج الفريق الأول تنسينامشاكلنا..
وبعدين بالنسبة للي يتعذرون بأن النصر يشرك لاعبين كبار, ما طول عمر النصر وهو يشرك لاعبين كبار, ما ضرنا, ولا ضر الناشئين الي اخذوا بطولات المملكة سنوات متتالية, ولا نسينا سعود الحمالي وغيره؟؟
الرجاء عدم اخذ الموضوع على انه هجوم شخصي على أحد..
كلام مقنع
بخصوص القاعده الهلاليه,,, يجب الأهتمام بها ,, ويضا يجب فتح المدرسه الهلاليه,,, لتنجب لنا من هم هلاليي الأصل و المنشاء,,, نعم نريد لاعبين من اصل هلالي,,,مثل يوسف الثنيان, سامي, التيماوي, التمياط,الشلهوب , و كثير كثير من لم يحضرني ذكرهم
,,,,,,
اما بخصوص ان المنتدى لتمجيد ما هو هلالي ,,, فا اسمحلي اقولك لالالا
لأن كثير من المواضيع تتكلم عن المشاكل الموجوده في الهلال مثل ,,, المحترفين, المدرسه الهلاليه, وغيرها الكثير ,,,
شكرا مره اخرى واسف على الأطاله
فعلا كلامك واقعي في هذا الموسم درجة الناشئين والشباب مستوى متواضع جدا ولابد من حل سريع وفي اعتقادي انه بسبب تعيين فهد المصيبيح اداري بالفريق الأول اهملت هذه القاعدة .ففهد المصيبيح لايعوض ..