اسعد الله مسائكم سيداتي انساتي سادتي
هذا ناصر الاحمد يحييكم ويقول لكم اي واحد يدور معلومة مفيده ولاشي الله لايهينه يمسك اقرب مخرج :d

عندكم نص مليون عضو دوروا عندهم الفوائد والحكم وكل اللي تبون :d
بس عطوني الاستثناء انا واخوي والاخ super buffon توه متفعل وناشب لام ام رابطة اليوفي :s2:
وهو بالمناسبة انسان يحقق جميع شروط الفهاوة ويقال عنه مركز الجاذبية على الارض :smilie47::s2:

محسن

شفت الحياة بشوفتك واضحكت لي
واتبسمت دنياي والهم بافراح

حتى عيوني في البكاء ماشكتني
جفت عيونن دمعها منك فوّاح


من جديد رابح وبالمناسبة نقولة happy birthday ربوحة :smilie47::d

وايه انت لاتحسب اني معطيك هالبيتين يعني اني بنسى الغداء:mad:
هالانسان تراه واعدني من يوم الثلاثاء الماضي بغداء ولين اليوم ماشفت منه شي :mad:
وحرجت عليه بوسط الكلية قبل امس قدام الشعب :s2: ومع كذا وجهة مغسول بمرق جاحدني لين وقت كتابة الموضوع :s2:
وهذا انا الحين اعلنت في الشبكة وخلال اسبوع ان ماغديتني بتلاقيني معلق لوحات على المخارج :s2:
موب عيد الفطر شفنا لوحة خوخة كل عام وانتي بخير على الملك فهد؟ :d
وذيك اللي في جدة سامحيني ؟:d

هالعيد بتلاقي على مخارج الدايري لوحة موحدة:d
ليدر يهنيكم بالعيد وتراني انتظر غداك لين الحين يامحسن :s2:
يعني باختصار بتغديني بتغديني الله لايعوق بشر :d

وابشركم ان هالاثنين مايدلون طريق المجلس واخوي قروشنا على عضويته فالاخير ماسوا فيها شي
يعني مسببة زحمة عالفاضي :s5s:
وترا اليوزر موديل 9 العداد اصفار مخزن في بايكة :d
والسوم 550 واحد يفرق السوم وياجعلها الف مبروك عليه :d

والحين اتمنى من الجميع
الضغط على ctrl+w

>>مانسحب علي خشتة ابد ابد من هالحركة >>بحكم ان مال اهلي علاقة باي اختصارات في الحياة
وقريت توقيع الاخ فاينل وشوي الا مدري وين طارت الاشياء من قدامي :s2:


وفي الحقيقة شدني وجذبني وتلني موضوع ماجد مقبل تلة الشاص للهمر :d

بمعنى اخر ماجد انت الهام الهام ولا نوف اطلع برا مشرف وسامج بعد :s2:

السؤال المهم
هل حنا نعرف شي اسمه العلاج .؟؟:d

يعني اتمنى منكم حاليا يروح كل واحد ينفض ام صيدليتهم اللي في البيت ويجي يعطينا المحتويات :d
بالنسبة لنا الصيدلية ماتكفي لذا حاطين الزايد باكياس :d
11 كريم :d
17 كرتون حبوب :d
والغريب ماعندنا شراب >>صفو النية ياعيال :d
وهذي الاصناف بس بدون التكرار يعني طبيعي جدا من النوع الواحد يكون فيه اكثر من حبة :d
ومن غير الضروريات من البنادول والاكسترا والفيادول والاسبرين :s5s:
من جد من جد شكلي بشارك ماجد بالمشروع بس انا اغراضي اصلية ياتجاري :s4s:

واذا احد تعب ولا صار فيه شي
ناخذ فرة على الادوية اللي عندنا هذا تبع وش وهذا تبع وش :d
لقينا لنفس المرض استعمل منه بنفس اليوم بسبب ان المستشفيات مامنها الا المرض:d
وثاني يوم يروح لاي دكتور اذا ماتحسن واكيد انه مايتحسن دامه صارف العلاج لروحه :d
ثاني يوم وثالث يوم يستعمل الادوية اللي عطاها اياه الدكتور:d
ماصار تحسن نقلب على الطب الشعبي وتعال شف الخلطات :s5s:
ماصار تحسن يالله على الشيخ يقرا عليك :s5s:
وعاد هنا شوف الاستعباط كيف :s5s:
تلاقي واحد صيته واصل لاخر الدنيا فالاخير تشوف اسعاره يلحس مخ مخ مخك
الموية ابو 3 ريال بـ 25 ريال :s5s:
زيت ابو 5 ريال بـ30 ريال:s5s:
والعسل ابو 200 ريال بـ500 ريال :s5s:
ولا انسى موية الورد مدري وش المهم سعرها بحدود 7ريال وهذا يبيعها على 35 ريال :s5s:
وكلها طبعا بحجة انه مقري فيها :s5s:

يعني هذا الشخص اللطيف اللي يروح له مايطلع باقل من 200 -300 ريال اغراض من غير رسوم الدخول ب50 ريال :s5s:
يعني لو فرضنا معدل الحضور عنده 100 نفرة يعني يوميته ماتقل عن10الاف والحسابة بتحسب :s2:
>>بمعنى اخر هنا يطلق على الشخص الحرية المالية :s2:
طبعا هذا احد اللي كانت امي تروح لهم بس من فترة الحمد لله اقتنعت انها تقرا على نفسها:d
بس اعجبني فيه عمي لاننا رحنا لنفس الشيخ وكان يرقيه ويقرا عليه ويتفل :d
الا يقوم عمي ويصفقه ابعد الله يلعن هالوجة انت مطوع انت تتفل على الرييل :s2:
ومن بعدها وانا اقول حلال الفلوس اللي ياخذها لو كل يوم يجيه واحد مثل عمي :smilie47::s2:

ولا المشكلة في امي انها الله يهديها كانت تروح لواحد في اليمامة اسمه ياسين اوشي كذا
وقطعت القراية عنده لانها تقول مايصلح >>الظاهر يوم شافت اسعاره لان الدخول ب5 بس والموية بنفس السعر:d
المهم انه طلع في قناة بداية وهو من اللي يطلعون الجن :d
ويوم انشهر الا تجيها ذيك المكالمات من جميع انحاء حريم العالم:s2:
كلهم يبون الوصف :s2: وقبل كلهم كانوا يقولون لها موب زين :s5s:
وطبعا ذولي من صديقات الماما :s2:
والله لايوريكم اذا انحجرت وانا اسمع سوالفهم :cry:
مادري وش يقولون واخلي امي مترجمة بيني وبينهم :s2:
مرة وديت امي لعرس وجيت اني برجعها الا يجون يركبون معها ثلاثة وانا مخي الحس وشلون ذولي ضايعين يعني ولا محد يبيهم وامي تتبناهم :s2:
وشوي الا يبدون بالسواليف ووحدة منهم علقت على جملة وتعيدها وانا مفهي :s2: وكلهم سكتوا في نفس الوقت
وقمت اهوجس لايكونون شافوني وانا اقز في الجمس :s2:
شوي الا امي تقول رد على خالتك >>انا وجهي يقول هاه :s5s:
وانا طبعا مدري من وين هالحرمة ولا ادري وش تبي بس الحمد لله ان امي سلكت لي وقالت لها في الملك سعود
--> وهنا اول مرة اعرف معنى جملة وقد تنفس الصعداء :s2:
وعلى هالحال بالسواليف كل وحدة تسولف بلهجتها ولا اظن وحدة فيهم فاهمة الثانية :s2:

لكن كل شي يهون عن مرة لما كنت نايم وفجأة صحيت على سوالفهم:cry:
يعني مثل كل مرة اذا قالت امي بيجي عندها احد اصرف نفسي واطلع >>نصاب ينكرش على وجهه بس مايبي يعلم :s2:
لكن هالمرة داهمونا ولا كان يمدي امي تصرفني حتى نايم في المقلط :s2:
وجلست منحجر بدون نت ولا جوال >كلها فالصالة :d
وماعندي غير التلفزيون افرفر فيه واسمع من هالسواليف اللي مدري وش تبي :s2:
وغالبا ماتطلع عن بداية واعشاب وباركوا لي خطبنا للولد :d
وانا طبعا اسمع هالسواليف عرفت انهم كثير واقل شي 7 او 8 الموجودين لكن لما راحوا سألت امي
وش عند الحارة متجمعين عندنا قالت لا ماغير ام محمد وام فيصل ونورة >>ليه مسمينها باسمها مدري :s2:
المهم ان الاصوات الغريبة والكثيرة طلعت من ام فيصل
وبصراحة لو امون عليها كان اخليها تسوي ديو مع ابو بكر سالم ماشاء الله عليها تغيير طبقات سريع سريع :s2:

المهم وين رحت انا :s2:
نرجع لسالفة الادوية:d

وبعد الشافي والتعافي
يتم الاحتفاظ بجميع الادوية والاعشاب وارقام الشيوخ ومع كل مرة تتكرر العملية :d

يعني بالله كذا انتوا تعالجتوا ولا حولكم شي اسمه علاج ؟:d
ولا غير كذا تلاقي الشعب مرة في مستشفى حكومي ومرة خاص مش حالك ومرة في خاص شفط جيبك :d

من الاول روح لدكتور واثق فيه واستمر على العلاج للمدة المعينة اللي يطلبها منك --> لبى قلبي وانا انصح حسيت اني كويس :wub::d
لكن حنا للاسف اول مايحس الواحد انه تشافى شوي راح حط الادوية في هالاكياس ويالله ياكريم :d

هل انتوا تمرون على هالمراحل ولا حنا لحالنا يعني؟ :d




بريك

الشباب خذوا ديو قزاز:smilie47: والبنات عصير طماطم:d والشيبان موسي شعير :d












♫ `•. ღ ميلي عليه ميلي ღღღ ياأم الفستان النيلي ღ .•` ♫





ساهر
ماتبي تنام ياحياتي :s3s:

يالالي يالالي يالالي والبارحة ساهرن مانامت عيوني
ارفع ارفع ارفع
:cry::cry::cry:

اولا راح نعطيكم الجديد بخصوص الكاميرات وبعدين نعطيكم معلومات ممكن تكون جديده عليكم :d

http://www.aleqt.com/a/448738_126342.jpg
على التخصصي قبل تقاطع الدايري الشمال + وحدة قبل نفق الناصرية
>>الثانية ذي شطفتها على 90 والسرعة المحددة 70 ولا عطتني شي وكان الوقت الصباح :d
وفيه وحدة على الشيخ جابر وانت جاي من خريص عند الدريس الظاهر
بس تراني شطفت الشارع امس ولالقيتها :s2:
او يمكن انها موجودة بس اني منلحس :d

http://dc02.arabsh.com/i/01591/x93g9wjnf6ig.jpg
هالجيوب الجديدة ميتسوبيشي واعلنت لكم في توقيعي لي شهر كامل :d
المهم ان حقين الجيوب حقيرين وشريرين--> :d
مرتين الاقيه على خريص بعد مخرج ام الحمام والاقيه فاتح الباب ومنزل السيارة شوي في البرحة
يعني اذا مادققت بتقول مبنشر وفوق كذا انها الوان ومظللة :s3s:
وطبعا تواجد الجيوب والباصات غالبا على الشوارع اللي محددة سرعتها بين 70 -90 يعني ماتشوفها على دايري
وطبعا هذي الاجدد

وحنا شفنا اعلاناتهم الغبية في كل مكان وهياطهم الواضح على الشعب
ومسألة انك مقفوط مقفوط
وتشيل اللوحة الامامية بتنقفط بالخلفية
واساسا اللوحة لو لزقت عليها بتدخل البيانات عن طريق الشريحة اللي في اللوحة
ولا الشريط الجانبي اللي كنا نشيله من الريال زمان :s2: >>احد يتذكر الموضوع ذا ووش المتعة فيه ؟ :s2:

المهم اقولكم كل هذي :s3s::s3s::s3s::s3s::s3s:
فقش × فقش
ومن اول ماصدر نظامهم وحنا قايلين لكم انه نظام اعلامي فقط لاغير وماحد مصدق :d

طبعا الحلول للشعب الكويس

افضل شي انك تكون توك معدل في الصدام الامامي وتكون معك ورقة من الورشة بدون تاريخ بهالخصوص
وتكون فاك اللوحة واذا قالك شي لزق الورقة في خشته وقولة توني مطلع السيارة ومابعد ركبت اللوحة :d
او تاخذ مخالفة اللوحة ابرك من انك تاخذ اكثر من مخالفة :d

ثاني افضل شي انك تكون مكيس اللوحة >>بلاستيك قوي ومغبرها >>تغبيرة من داخل البلاستيك:d
>>هالنوع لاصحاب الهليات والدداسن والجيوب :d

ثالث افضل شي انك تعفط او تغطي جزء من اللوحة >>من الطرف بحيث انه يخفي رقمين فقط >>وماحد يقزك الا اذا قابلت دورية وجه لوجه :d

والافضل انك تلتزم بالقواعد المرورية مثلي وتكون كويس :d
يعني مسألة عفط اللوحة وانت تهجول ولا معك شي :d

والحين معلومات للمدافعين عن نظام ساهر :d
هل تعلم ان نظام ساهر يدوي بمعنى ان الصورة لابد تروح لموظف وهو يطلع رقم اللوحة !!
على عكس ماتم اعلانه من المرور وان مسألة اللوحات والشرائح غير مطبقة ولا انا كان رحت وطي!! :d
لاني استعمل مبدأ 3 افضل شي بمعنى اني اغطي جزء من اللوحة
يخفي رقمين بس ولاتسجل علي مخالفات وانا مسوي هالحركة !!

http://www7.0zz0.com/2010/08/21/12/688290475.jpg
وبهالصورة مثلا يخفى الرقم 6 و0 والشريط والشريحة ماسويت فيها اي شي لاخدشتها ولا غطيت عليها :d

وبالنسبة للبخاخ اذا فيه احد مجربه شخصيا ياليت يفيدنا مع اني اتوقع انه فعال :d
والدليل انهم بعد اعلان النظام باسبوعين اعلنوا ان البخاخ مايجيب فايدة :s2:
والشعب اساسا لسى مافهم النظام والبخاخ ماكان موجود الا بالغرابي وب
120 وماظن احد يشتريه بوجودة كاميرات على التخصصي في ذلك الوقت فقط فقط فقط !!:s2:


وبعد ماعرفنا انه يدوي (بالاستنتاج:s2:) اذا نظام ساهر يستثني الشاحنات والسيارات الثقيلة ؟
لان الشاحنات والسيارات الثقيلة سرعتها المحددة لايمكن تتجاوز 80او 70 كم على الدوايري :d
بينما السرعة المضبوطه عليها الكاميرات 120 لذلك ماراح تصورها :d
فهل هذا تشوفونه من العدل خصوصا ان كثير من الحوادث المميتة خارج حدود المدن
يكون فيها احد الطرفين شاحنة والمرور مو ناوي يعودهم على النظام حتى داخل المدن
ونشوف في الصباح المرور يوقفون الشاحنات ويصايحون عليهم في الدايري
والمفترض ان الشاحنات توقف لحالها بدون مايضطرون لتوقيفهم :s5s:


واخيرا وليس اخرا حصر للكاميرات الثابتة في الرياض والمشاهده من قبلي انا شخصانيا :d

على طريق الملك خالد تحت مخرج الملك عبدالله (في الاتجاهين)
الدايري الشمالي قبل مخرج 2 وانت جاي من الغرب (في الاتجاهين)
طريق القصيم مقابل نادي الشباب(في الاتجاهين)
فيه وحدة بعد اخر محطة وانت جاي للرياض >>على بداية النور :d(مش متأكد بخصوص الاتجاهين ):d
طريق مكة قبل كبري لبن (في الاتجاهين)
مخرج تسعه بين مخرج 5 و6 (في الاتجاهين)
التخصصي قبل مخرج الدايري الشمالي وانت متجه شمال + وحدة قبل نفق الناصرية وانت متجه جنوب
ولاننسى العليا صار ملغم من الكاميرات مثل اللي تحت
فوق كبري الفحص (طريق الدمام) (في الاتجاهين)>>شكرا حمودي :smilie47::d

المهم شكلها مختلف عشان يقولون يعني اننا شغالين صح :s2:
وهذا شكلها
http://www.alriyadh.com/2009/06/06/img/067043.jpg

وفالاخير اقول اصلا كلها ماعاد لها داعي لانك مستحيل تتعدا 90 على اي دايري:cry:

ومن فشل المرور في المدن وطرق الرابطة بين المدن
لكني اتوقع لكم الفشل الاكبر والاكبر بعد عدة سنوات >>لما تخلص مشاريع جامعة الملك سعود
جامعتي اللطيفة

يعني الحين زحمة وكل اسبوع واحد ناشب في دوار من دواراتكم :d
تخيلوا لاجوا البنات

يارباااااااااااااااااااااااااااااااااااااااااااااه
>>احسن تعليق :d

طبعا اللي مايدرسون في هالجامعة اقولكم تحمدوا ربكم مليون مرة :d
لان الغباء اساس في جامعتي اللطيفة:d
يعني شفتوا ناس متعذبين في المواقف ويبنون مواقف ماتكمل الفين سيارة ويحطونها كلها مطبات ؟!!:s5s:
يلعن خيرهم على المطبات
يعني على مطباتهم لااحد يدخلها الا اصحاب الدداسن :d
ولا انهم يوفرون لنا دداسن عند البوابة كل واحد يسلم سيارتة وياخذ ددسن ويدخل :d
وفوق هالزحمة يعني بيجون البنات وبتجي زحمة الباصات والسواقين والشيبان
وانتظر الاخت تكمل الميك اب وتطلع والسواق برا مقفل مخرج 9 ينتظرها :s2:


يعني الحين بسأل هم دايم يقولون اوقات مباريات الهلال ان فيه تنظيم للمرور فالاخير يكون التنظيم
تقفيل كل الشوارع وانك تديور مع الدمام وفي حالات مانديور الا مع طهران:s5s:
والحجة ان فيه 70 الف ومدري ايش فلازم يوزعونهم :s5s:

طيب الحين بعد سنتين او ثلاث او خمس راح تنتهي الكليات في الجامعة + الفنادق وجميع المرافق

بمعنى ثاني راح يكون في هالمنطقة اكثر من 80 الف شخص
كيف راح يتعاملون معها ؟

بتخلص المشاريع اللي في الشوارع اللي حوالي الجامعة ؟!
ولا نفس المنوال ماتبدا الثوارة الا بعدين :s5s:

يعني الحين اهل السلي متقروشين من مخرجهم والسبب ان الثوارين يشوفون الاسواق تنبني ولا يعدلون في شوارعهم :s5s:
ونفسهم الثوارين يعرفونهم اهل السلي حرامية وعيال هوهو في نفس الوقت :mad:
يزفلتون الشوارع اللي مافيها شي واللي تحتاج زفلتة مايسوونها
طيب ياعيال المدري وشو اذا بتزرفون بتزرفون بالمرة سووا شي مفيد :mad:
يعني الحين اي واحد يروح لمخرج 17 ويدخل يمين شارع 1 هذا توهم قاشرينه عشان يرجعون يزفلتونه
والمشكلة انه مافيه شي سليم لكن نفس اللفه مسببة ام المشاكل واتحدا اي حامل تمشي معها :s3s:

والثوارين نفسهم بغوا يتسببون لي في حادث على الدايري الجنوبي قبل اسبوعين تقريبا
والسبب الثوارة المتأصلة فيهم
تخيلوا واحد يمشي في طريقة وفجأة تطلع عليه صبه بدون اي تحذير وبجنبه مصري على ددسن !!:cry:
بمعنى ثاني حادث شنيع !!

وكل سالفتهم اصلا غبية ولا بيسوون مخرج لصناعية بايخه ما لام امه داعي في الحياة ولا احد يجيها من الاساس :s5s:
واشك انها مملوكة لشخص ووصى بهالتوصية الميمونة :s5s:

وامانة الرياض يبيلها تعديل اجل مخلين ام الهضاب والتلال في الشوارع ويضبطون الارصفة :s5s:
اساسا من امارتهم >>احد قد راح الامارة عن قريب ؟:d
انا رحتها قبل فترة ودخلت من عند التفتيش عادي لكن خويي كل مامر من عند جهاز كشف المعادن يطلع الصوت :s2:
والولد مامعه شي بس لحسة في الجهاز وجلسوا ينفضون فيه لين اقتنعوا ودخل ولكن وهو طالع مسكوه وفتشوه ليه مدري :s2:
بالسعودي اغسل يدك وتروش دامها كذا :d



بريك

الشباب خذوا لكم هولستن رمان:smilie47: والبنات حليب بالموز:d والشيبان العبيلة الجديدة>>ناوي يلجلج بالشيبان :s2:












♫ `•. ღ مرت علينا ونظرة العين بالعين ღღღ مدري تناظر عيني ولا رفيقي ღ .•` ♫




جماعتي ياعزوتي ياهياطي وقروشتي :d

ابشركم اخيرا تكرمت انا العضو المذكور اعلاه وتنازلت بعد محاولات ومحاولات وحضرت اجتماع لجماعتنا اللطيفين :d

طبعا راح اقسمهم لكم حسب الاعمار وحسب تأثيرهم على جيلنا سلوكيا ومعرفيا وهايطيا:d
فئة من هم اكبر من 50 سنة
>>وهم ناس صنعوا جزء من التاريخ والعادات اللي كانت حسب معتقداتهم البسيطة بمثابة الدستور وكانوا ناس فعلا مهمين ومسوين شغل كويس :d
فئة من هم اقل من 30 سنة
وهي الفئة اللي انا فيها ومايحتاج بما اني فيها فالفئة كلها كويسة :d
فئة مابين 30 و50 سنة
هم ناس ماسووا شي غير تأسيس وتكريس الهايط والقروشة للأجيال اللي بعدهم :d
هذولي هياط بعلوم الرجال وهياط بالعادات وهياط بالدراسة والجد والاجتهاد:d
وهم نفس من يهايط عليك الرياض قبل ماكانت غير البطحاء ومنفوحة :s5s:
والرياض قبل والرياض قبل :s5s:
وهم نفسهم من كانوا يتكون في المقاهي جنب مقبرة العود:s5s: والحين حاذفين والدينا قبل بريدة بكم كيلوا ولا يقولون الشيشة مضرة :s5s:
وهم نفسهم اللي كانوا خاقين مع اميرة الفضل ويعتقدون انها اطلق بنت :s2:
وبعد ماطلعت صورها قالوا اصلا الاذاعة للمراهقين :s2:
وهم نفسهم اللي أسووا الدوران وكانوا يدورون على شارع العصارات:s2: ولا ابشركم شارع كله كباري ومقاهي ومطاعم مندي :s2:
والحين يقولون وشهولة الدوران ليه ماتركدون :s5s:
ولو شفنا وش وضعهم راح تلحسون معي انا ادري:d>>قفطتكم ولا :s2:
ومن ناحية علوم الرجال هذا لانهم تربوا في الديرة وجوا الرياض وقت شبابهم وسووا فيها نحن الذين لم نتأثر بمجتمع اهل الرياض
والمشكلة والله مالهم علاقة في اوقات الحروب والغزوات مثل فئة مافوق 50 :d
ودراستهم مش حالك في الحياة :s5s: اغلبهم ماتخرجوا من الثانوي :s5s:
وعاداتهم ياخذون من العادات القديمة لكن تجي من ناحية الفلوس وزوجاتهم وتتغير ام عاداتهم :s5s:
وهم الحين ماسكين ام الوضع في الجماعة وساحبين على ام الشيبان عندنا مادري ليه :s5s:
وهم اللي مسوين انك رجال خلاص تجلس ثابت في مكانك ولاتتكلم ولازم من لوازم الرجولة عندهم
زبيرية + سبحة + انك تشرب دلة كاملة لحالك:s5s:
>>وانا ولله الحمد ماستعمل اي وحدة منهم :s2:

والحين بعطيكم نماذج منهم :d
منهم واحد بسميه محمد >>ناشبين لي جماعتنا في كل مكان واخاف انهم معي حتى هنا:d
هذا شخص اكبر مهايطي على وجه الارض :d
في كل عزيمة او اجتماع او زواج او اي شي تلاقيه يسولف في الذبايح والمطابخ :s3s:
وحاطينه مستشار للذبايح ويعطيهم اخر اخبار السوق واسعار المطابخ ويوصي بالمطبخ الفلاني :s3s:
والمطبخ الفلاني لا مايصلح ذاك اليوم عازمنا فلان وطابخ عندهم ولايسوي طبخهم وهياط واجد:s3s:
ومستحيل طبعا انك تلاقيه بدون البكارية ولايهون ذاك الشنب يحلفون ان كل اخوياه في الدوام يوقفون تحته عن الشمس :s2:
وحتى ان وزارة الزراعة وقعوا معه اتفاقيه عشان يعرفون نظام الريّ اللي يستخدمه في شنبه :s2:

وعلى كل هياطه انا ماعمره ذبح ولا سوا عزيمة وجت الذبايح ولا الطبخ زين :s3s::s2:
وفوق كذا في كل مرة يهايط ويهايط ويهايط :s5s:

وقبل كان عيب انك تجيب قهوجي يصب لهم وكان هالشخص هو الوحيد اللي يهايط ويقروش ام وضعنا :s3s:
لانه عيب وشق جيب قهوجي يصب والصغار اجل وين راحوا ووين حق الضيافة ووين حق مدري وشو :s3s:
وفجأة بدون اي مقدمات تذكر كان فيه اجتماع للجماعة وكان هو اللي ماسك الموضوع
ولقيناه جايب قهوجي >>طبعا شبوا عليه الشيبان الا يرد عليهم عيالي موب قهوجيين ولاهي بعزيمتي :s5s:

يعني حذف ام اللي كان مزعجنا عليه سنوات وسنوات وانا اصبصب لهم قهوة وشاهي :cry:
كل شوي الا جايك واحد وخذ الدلة وصب له وجب له التمر :cry:
وبسرعة خذ براد الشاهي وصب لفلان خلص فنجالة :cry:
وخلص شاهي وقهوة الا فيه واحد بارد توه ماقد خلص فنجال القهوة الاول :s5s:
ولا يخلص قهوة لين يقلطونه على العشاء :s3s:
ولا يجيك شايب يطقطق فوق راسك مبروك الخطبة على بنت فلان واانا اتنح بكل براءة واقول وشو :cry:
وعاد يكون فلان هو اللي ماتدانيه ولاتطيقه في الحياة :s3s:

وحنا عندنا قصة غريبة مثيرة وغبية في نفس الوقت :s2:
فيه واحد الله يهديه فاهم ام ام الكورة غلط ولاهو اول واحد لكنه الوحيد اللي عذب وانهى اغلب مواهب كرة القدم عندنا بسبب انه يلعب بخلفيته :s2:
وعاد تخيل وانت صغير وجالس تطقطق فيه الا يعطيك هوزة وحدة الا انت طايح وحالتك صعبة :s2:

المهم ان هالشخص تضارب معه ثلاث اشخاص في مناسبات مختلفة بسبب انه يكسر وكلهم حلفوا انهم ماعادوا يلعبون مع الجماعة بسببه :d
واللي زعل منهم وماعاد شفناه يحضر الاجتماعات
لكن فالاخير كلهم الثلاثة تزوجوا بناته :s2:
لحسة مخ اقسم بالله جماعة مدري كيف :s2:



والاخ الثاني من هالفئة
مسوي نفسه انا الدافور فالاخير متخرج من الثانوي وهو مادرس 9 سنوات بالكامل :s5s:
مايكون فيه احد يدرس في الصف اللي هو فيه لذا ينجحونه للي بعده وجاي يطقطق في كل مرة الدراسة والدراسة :s5s:
لكن لااحد يطلع بعثة لانكم لسى شباب بتطلعون وتدشرون :s5s:
وهالشخص كان السبب في تحطيم اكثر من 5 شباب من جماعتنا زي الورد مثلي انا ووجهي اننا ننحرم من البعثات :cry:
وبعد سنتين الا عياله كلهم طلعهم بعثات :mad:يعني يهايط على الشيبان ويقنعهم ويسبب قلق عالفاضي:mad:
لابو جووك والله :cry::mad:
يعني هالشخص حرم الوطن من شبابه اللي كانوا ممكن يصنعون الفرق لو فرقتوهم برا :d
بس للأسف اجتمعوا وضاعوا :cry:

مجرد هياط على هياط ولكن قالت له زوجته سفر عيالك وهو سفر ابوهم ونسى كل وهياطه وعاداته ولا من متى نشاور الحريم ؟:s5s::d


وفيه شخص ثالث بسميه حسن :d
وهذا حسن يعتبر الرجل الاول في الفاشن ولو يعطونه فرصة ان يغطي على ايلي صعب :s2:
وهالشي اكتشفناه لما جمعوا ام ام جماعتنا في روضة خريم قبل 5 سنوات يمكن
وحنا كنا جايين متأخر شويات تعرفون فلة في العاذرية وذولي يبونا نجيهم مع الفجر :d
المهم جينا الا اكتشفنا هالكائن وهو لابس
بنطلون اصفر + تيشيرت احمر +جاكيت اخضر+ شرابات بنية + بوت اسود
ومن يومها ولقبه عارض الازياء :s2:

بس موب منه من عايلتهم كلها ملاحيس بمعنى الكلمة :d
هم مسوين يعني اني حقين تضبيط سيارات وواحد منهم طلع كابرس 2003 على وقتها
وشوف عاد انواع الشطرطونات النيكل على كل شي (اصطبات + شبك + لوحات ...)
وشوف خلفية السيارة ss وعلى القزازة ss وبجنب اللوحة من اليمين واليسارss :s5s:

ومن بعدها انتقلت العدوى الى بقية السيارات صارت كلها شطرطونات نيكل
وتظليل نيكل وواحد منهم معه صني وحط عليها ss:s2:

وفيه واحد انا اعتبره القنبلة :s2:
الانسان المعجزة :s2:
وبتعريف خاص هو افضل انسان تطقطق عليه وتقضي وقت فراغك :s2:
انسان بخيل لابعد درجة حتى البخل يقول اعوذ بالله منك :s2:
وبسميه علي :d
وهو قبل كان في ابها وتوه جاي الرياض من اقل من 8 سنوات >>من اللي اسميهم المهاجرين الجدد:s2:
وطبعا من ابزر الاشياء اللي مسويها انه اول ماجا طلع له تلفون وحط له قفل :s2:
وهو طبعا مليونير ومع كذا يوم جاء الا سكن في ملحق وجلس فيه حول 4 سنوات لين طرده صاحب البيت :s2:
ورحمه واحد من جماعتنا وسكنه في دور بنفس سعر الملحق اللي كان ساكن فيه :d
قام قسم الدور لشقتين واجر وحدة وخوينا الثاني مايدري عنه ويوم درا الا يكرشه وطلع واستاجر له شقة ومدري كيف اقتنع بهالفكرة العظيمة:s2:
وطبعا مايبغى يسكن في احد عمايرة ولا يبني له قصر بحكم انه يخلي القرش الابيض لليوم الاسود:s2:
وهذا دايم اللي يرددها علي بحكم انه دايم يستلمني اذا قابلته ومسوي يعطيني نصايح بخصوص اني شاب مقبل على الحياة :s2:
ودايم انا اطرطع بجوه:s2: واخلي واحد يدق علي وابدا اعطيه سواليف فيها فلوس وصرف وهذا بجنبي ينهبل :s2:
ومرة كنت واقف اسولف مع واحد من الشباب حول مطعم وكذا وان المطعم كويس بس غالي حبتين وجاء علي ذا وكان خويي يسولف ان جاء حسابه مع خويه 200 وعليها :d وشوي الا يدخل هذا ليه الخساير ليه ليه ليه:s2:
اقولك اسمع مني ترا هالايام مايعيش الا اللي يجمع فلوسة
وافضل شي لك ياابني >>يسولف معي كذا :s2:
انك تروح حراج بن قاسم وتشتري لك من نواشف خذ لك كرتون تونة وكرتون قشطة:s2:
وبالذات التونة مفيده مفيده مفيده ووخلهم خلهم يحطون عليها كشنة كشنة كشنة وتكفي 5 اشخاص :s2:>>نفس نظام ابو زنيفر:s2:
وخذ معها تميس وهذي احلى عشا واليوم الثاني خذ لك قشطة بدل التونة عشان تغير لاتزهق ولاشي :s2:
>>هنا نقزت في وجهه طيب مافيه احد في بيتنا غيري انا وامي وش نسوي ببقية التونة ؟:s2:
قال تحطونها في الثلاجة وتفطر عليها احسن من اكل المطاعم كلها ماتصلح تضر الصحة :s2:
ومع طيحة الاسهم خسائرة تعدت100مليون ويقولون ان وحدة من بناته قالت جعله يطيح معها:s2:
>>اللي يرحمون عايلتة خلفته كلها بنات ومافيه احد يتقدم لهم بسبب ابوهم :cry:
واللي تخرجوا من بناته موظفهم لو في وظايف ابو كلب ويستلم رواتبهم واللي في الجامعة يستلم المكافأة:to:
ولين الحين مافيه جوال في البيت الا معه واخيرا فتح لهم تلفون البيت واشترك في النت عشان الاسهم
واخيرا البنات استفادوا من ابوهم :s2:

وهو في كل اجتماع يبثر ام الشعب بالاسهم وهم يبغون ينسون :d
لكن هالمرة عطانا سالفة الاسهم وختمها بحكمة جميلة يقول والله خسرت كثير والحمد لله باقي الكثير والكثير :s2:
والعالم هنا يطالعون فيه وكلهم احس بقلوبهم سؤال واحد
طيب والمطلوب ؟:s2:


وفي ختام الموضوع احب اسأل اهل القصيم وش تحسون فيه لما تسمون البوفيات مقاصف ؟:s2:
انا قد شطفت القصيم وماتذكر منها الا سالفة المقاصف :s2:

مثل خالي عنده بقالة في ديرتنا ويبيع بلوك واسمنت وبلاط :s2:
وومحل خضار وفواكة عند العيد يبيع شروخ :s2:
ويلوموني لاقلت الرياض وجده وبس والباقي خس :smilie47::d


كل عام وانتوا بخير :smilie47::rose: >>القلب للعيال والورده بعد :d
وبخصوص الاحتفالات بانقطاع الفورد احب ابشركم اني كلمت امارة منطقة الرياض وخليته عيد سنوي :s2:

ومعلومة بسيطة تراني انا اللي كتبت الموضوع :smilie47::d
>>يعني موب يجيني واحد يقول الموضوع طويل تراني اعرف اقسم بالله عندي هالمعلومة :s2:

تحياتو:rose: