تكفوووون ياعيالي .... صورة معبرة عن الف مقال !!! - نادي الهلال السعودي - شبكة الزعيم

aborakan · #1 03/11/2010, 01:48 AM

تكفون ياعيالي لا تغلطون غلطتي .. تكفون لا تشجعون فريق لايعرف المنصات الا في الذكريات .. تكفون شجعوا فريق متعود على منصات التتويج كل عام .. تكفون لاتشجعون فريق لم يحقق بطولة من 12 عام .. تكفون شجعوا فريق يحقق البطولات كل عام ... تكفون لا تشجعون فريق يعيش في الاحلام والاوهام .. تكفون شجعوا فريق يعيش في الواقع .. تكفووووون ياعيالي افرحوا وعوضوا احزاني سنوات طويلة .. تكفون خلوني اشوف البسمة على شفاهكم كل عام .. البسمة التي نسيناها من زمان

مساهر · #2 03/11/2010, 01:50 AM

ياليت لو نفكر بوضع الهلال ومبارياته القآدمه

افضل من صوره لمباراة قبل جولتين ورآحت

وبالتوفيق للزعيم

\\

سعود البرشلوني · #3 03/11/2010, 01:51 AM

الحمدلله انهم هلالين

وعلى فكره اعرف ناااس واجد والله يقولون لعيالهم لاتشجعون النصر

sami with love · #4 03/11/2010, 01:51 AM

والله اذا تبي الصرآحه مااحب الموآضيع اللي تتكلم عن انديه ثانيه غير الزعيم !

اشكر الله وادع لنآدينآ دوآم التتويج والمستويآت الرآئعه .. فهذآ الاسلوب تركنآه لهم !

ويعطيك العآفيه على الصوره ..

خالد الكريري. · #5 03/11/2010, 01:52 AM

لا ان شاء الله ما راح نشجع غير الزعيم

ومشكور ع النصيحه يا ابو ركان

hilali_Marwan · #6 03/11/2010, 01:53 AM

شوف مني مستعوب يعني الصوره تدل

ان الرجال النصراوي متأثر من الحال الي هو عليها وما يبي عياله يصيرون مثله ؟؟

او حزين يبي يصير هلالي بس ما يقدر حدد ؟؟

برزن بريك · #7 03/11/2010, 01:54 AM

ياربااااااه على الصورة

فعلا عن الف مقال

باذن الله الجيل القادم جيل هلالي بحت

هلاليتي عذبتهم · #8 03/11/2010, 01:54 AM

كثييييييييييييييييييير نااااس كذا..
عوووافي..

ابو غسان2009 · #9 03/11/2010, 01:59 AM

الصورة معبرة صراحة
الله يكون في عونه ويوفق عياله
على فكرة هذه بداية تحول الاب لتشجيع الزعيم

غشاهم موج · #10 03/11/2010, 02:00 AM

على بالي شي يفيد الفريق ... استغفر الله بس

ما ادري موضوعك وش يبي !!!

وكل واحد حر فيما يختار

والحمد الله حبنا لزعيم بفطره محد ارغمني بزعيم حتى مستقبلا لا ارغم ابنائي اعتقد !! لهم حريه الاختيار >>> واكيد زعماء بفطره

__________________________
..............
__________
,,,,,,,,,
.
.
.
غشاهم

موج

عااشق ياسر 20 · #11 03/11/2010, 02:10 AM

والله احسن لهم من الضغط والسكر لين كبروا

بالتوفيييق لزعيمنا

شاعر الهلاال · #12 03/11/2010, 02:11 AM

عزالله انه وصاهم
صوره معبره صراحه
عساهم يسمعون نصيحة ابوهم

هلالي وكلي تحدي · #13 03/11/2010, 02:23 AM

اللهم لا شماااااته

ارجووو انه يتم طرح موووضوووع اكثر فااااااااايده

هذا الموووضوع مااااله اي دااااعي

وعلى فكره الدنيا دوااااره حمدووو ربكم ...

aborakan · #14 03/11/2010, 02:25 AM

إقتباس

الرسالة الأصلية كتبت بواسطة مساهر


	ياليت لو نفكر بوضع الهلال ومبارياته القآدمه افضل من صوره لمباراة قبل جولتين ورآحت وبالتوفيق للزعيم \\

ابشر يازعيم والعذر والسموحة ما ازيد اكررها !! بس قلت نفرفش شوي

aborakan · #15 03/11/2010, 02:26 AM

إقتباس

الرسالة الأصلية كتبت بواسطة سعود البرشلوني


	الحمدلله انهم هلالين وعلى فكره اعرف ناااس واجد والله يقولون لعيالهم لاتشجعون النصر

هههههههه حتى انا اعرف نصراويين متعصبين ولكن عياله يشجعون الهلال