18/12/2002, 03:41 PM
|
| مشرف سابق في منتدى المجلس العام | | تاريخ التسجيل: 17/12/2000
مشاركات: 8,956
| |
عادي && طاح الحطب && وحلوة الحياة !!
[c]
اخواني الاعضاء
تحية عطرة
اسمحوا لى ان اعرض لكم بعض من المشاهد التي كثيرآ من نراها
المشهد الاول:
وحدة مزيونة بالحيل
بس تخون !!!!
وش اسوي بجمالها ؟؟
بياخذها الزمان و تبقى عجوز.....
عادي........طاح الحطب.......... و حلوة الحياة
المشهد الثاني:
سيارة مسرعة ........
وتدعس لها مسكين ...
والعسكري صديق الطايش .......
والخطا نصه على المسكين ......
والباقي على الطايش..........
وفي الليل ..... الطايش يلعب بلوت
عادي........طاح الحطب.......... و حلوة الحياة
المشهد الثالث:
غني و ظالم ........
مغرور و فاسق......
يطرد المساكين......
ومجلسه عامر.......
كلن يبهـّر له........
و مع ذلك يجمع حسنات.......من كثر اللي يسبونه
عادي........طاح الحطب.......... و حلوة الحياة
المشهد الرابع:
يكد يدرس و يشتغل .........
لاجل يبني مستقبله .......
تزوج و جاب عيال ...... ثم تقاعد
صار يسكن في مكان ..... و أم عياله في مكان
والسبب العيال ......
صار دار المسنين بيتهم ............
عادي........طاح الحطب.......... و حلوة الحياة
المشهد الخامس
تغازل و تاخذ ارقام...........
و تطلع مع هذا.....و تواعد هذاك........
و يوم طاح الفاس في الراس.......
بكت........
و راحت تشكي لامها غدر الزمان.......
طبطبت عليها امها وقالت:
ولا يهمك .....سفرة بسيطه.... وشوية سيولة
و ترجعين بنت......
عادي........طاح الحطب.......... و حلوة الحياة
المشهد السادس:
مرفوع الكفن أبيض ......
وصاحبه وسط البياض.........
بعضهم يبكي.......و بعضهم عادي
دفنوه.....و تبكبكوا شوي
و اخر الليل سكارى.........
عادي........طاح الحطب.......... و حلوة الحياة
المشهد السابع:
ملتزم ......
يصلي كل الفروض........
و اذا تعب..... فوت صلاة الفجر
واذا شبع راحت صلاة العصر......
عنده دش.......ويكذب كثير
واذا صحى الصبح ..... مشـّط لحيته
عادي........طاح الحطب.......... و حلوة الحياة
المشهد الثامن:
قارورة مويه ......
ما تضره .......طايحة في السيارة
يناظرها بغضب.......زعلان منها
ويفتح الشباك .....و يرميها وسط الطريق
واذا اجتمع مع الشباب قال :
متى بنتحضر !!
عادي........طاح الحطب.......... و حلوة الحياة
المشهد التاسع:
اهم شي الثوب نظيف ....... و الشماغ مكوي ......
و القلم ماركة...... والساعة تضوي ......
والجزمة جلد....... والسيارة عجب ......
و تلفونه ما يسكت......
إما بنات .....
أوالبنوك تبي فلوسها .......
عادي........طاح الحطب.......... و حلوة الحياة
المشهد العاشر:
سطحية ....... ومغرورة
غبية ...... ومتكبرة...... ويا ليتها حلوة
تبي زوج مواصفات ......
ما يقول لا ....... ويكره الاستراحات
لازم وسيم ..... وانيق..... ومتعلم..... ودخله ممتاز
ويحب السفر .........
وبعد سنين ...... تلاقي نفسها في الانترنت
تدور واحد يقبل بها .......
عادي........طاح الحطب.......... و حلوة الحياة
المشهد الحادي عشر:
فتح الكمبيوتر ......
و دخل للمنتدى ...... وكلامه ما يتعدى ان الموضوع روعة ورهيب
وهو ماقراه ولا يعرف كاتبه ........
بس يبي يزيد المواضيع موضوع .......
ويزيد همومنا هم .........
علشان يصير صاحب الألف موضوع ......
ويتميز ........
والمشكلة انه يتميز ...........
عادي........طاح الحطب.......... و حلوة الحياة
المشهد الأخير:
الكذب اثم ......... ومع ذلك نستخدمه
وندري ان هذا حرام ........ ومع ذلك نجربه
نتذكر السهرة والفرح والسفر .......
وننسى الجالسين على كتوفنا .........
ونتناسى ان معهم كتاب يسجل افعالنا و نياتنا .......
كل شي محسوب .......
حتى النظر ......
نسينا ان ورانا يوم ...... علاماته قربت
ومع ذلك كلنا ناسين .......
أن بقيت على حالك تتناسى ....... لازم تعرف إن :
ذالك اليوم مش عادي
وانت الحطب ......
و ما به حياة .......
( بتصرف )
وتقبلوا تحياتي وجل تقديري
محبكم سهل 888
[/c] |
ايه قصدك يعقب البارق 
الوضع المتطور
