نحب الموج الأزق / ولكن خيبتوا ضننا ياموبايلي // اتمنى افادتي ،، ثلاث نقاط صارت لي - نادي الهلال السعودي - شبكة الزعيم

كوزميناوي · #1 02/10/2010, 11:31 PM

السلام عليكم ورحمة الله وبركاتة ،،

اسعد الله مسائكم بكل خير ،
وبإذن الله نفرح وأياكم بالأسيوية يآآآآرب ،،
ما ابي اطول عليكم ،،
اللي اعرفه ان موبايلي الهلال وبالأخص شريحة الموج الأرزق تحضى بإهتمام منقطع النظير من الشركة نفسها ،،،
لكن ،،
1- اكثر من مره ارسل لهم الرسآلة علشان يرسلون صورتك مع اللآعب ( بخمسة عشر ريال ) ولكن للأسف ما يردون علي ،،
2- اكثر من مره يفوز الهلال ولا يرسلون لي الـ 100 نقطة اللي بعد كل فوز هلالي ولا ادري وش السبب ،،
واخرتها مباراة الإتفاق أمس ،، وكذلك مباراة الغرافة ،، أقسم بالله ما ارسلوا لي ،،

3- ارسلت لهم علشان يرسلون لنا 50 مقطع فيديو خاصة ببطولات الزعيم الـ 50 ولكن للأسف اول ما اشتركت رحبوا فيني ،، واخذوا ( الثلاثين ريال قيمة الإشتراك ) وليومكم ما شفت ولا مقطع ،،

احب الهلال واحب موبايلي ،،، لكن ليش هم كذآ ،،
ليه الإهتمام بالمشتركين ضعيف بعكس اهتمامهم بالإعلام والتسويق ،

اتمنى نجد وقفه صادقه من شريكنا الإستراتيجي موبايلي بالوقوف معنا كامشتركين معاهم ،،
على الأقل لو يخصصون دعم فني خاص في باقة الموج الأزرق ،،

وياليت ياشباب من يفيدني بالثلاث نقاط السابقة
له من دعوات صادقة في ظهر الغيب ،،

اسف على الإطالة ودمتم في رعاية الله ،،

pįἠǩ яόѕз · #2 03/10/2010, 02:21 AM

بآلنسبه لموبآيلي آلهلآل مآآعندي آي خلفيه عنهآآ,,
آبجآآوبك على نقآآط آلفوز..

قبل كل شئ ,,,
رقمك من آول مآآطلعته (آلموج آلآزرق)
آو كآآن بآآقه ثآآنيه بعدين حولته للموج آلآزرق.؟
لآنو لو كنت محوله فللاسف
مآآ تشملك مكآفأة نقآآط آلفوز

لو كآآن من آلآصل آلموج آلآزرق
فبآقول لك آنو آنآآ حتى لسىآ مآآ وصلتني نقآآط آلفوز ع آلآتفآآق

بعد مبآرآة آلغرآآفه( آلذهآآب) مآوصلتني,,
وسألتهم آنو ليش مآوصلت.؟
وعطوني آيميل قآلوآ آرسلي رقمك عليه
عشآآن نشوف وش آلسبب,,
آرسلت لهم رقمي ع آلايميل وبعدهآآ بكم سآآعه وصلوني آلنقآآط
هم بعد صآآيرين الله يهديهم يآلله نشحدهم عشآآن يعطونآ آلنقآآط

تفضل هذآ آيميلهم آذآ حآآب تستفسر منهم,,,
[email protected]

كوزميناوي · #3 03/10/2010, 02:50 AM

اشكرك يالغالي من كل قلبي
الله يخليك لنا ذخر
وربي نادر الطيب اللي مثلك ،،

بالنسبة لرقمي فأنا تعمدت خصيصا استخراج الموج الأزرق لعشقي لهذا الكيان ،،
يعني رقمي من الأساس الموج الأرزق ،، وكانت امالي كبيره في هالباقه بس الآن احس اني تحطمت ،،

وازيدك من الشعر بيت ،، ولا نقطة اسيوية جتني من موبايلي ،،

وجزاك الله خير على الإيميل بإذن الله برسل لهم الآن ،،
وعسى يارب تنتهي مشكلتي ،،

اشكرك من اعماق قلبي ،،
لاهنت يابطل ،،

فايز المالكي · #4 04/10/2010, 05:58 AM

حتى انا نقاط الغرافه ماجتني لحد الان ,,, والقهر ان نقاطي 7400

أناقة هلالي · #5 04/10/2010, 10:08 AM

هلا بكم يا اخوان..

انا بصراحه ناوي اشترك بس كذا تخوفونا..

ياليت يكون فيه توضيح من موبايلي نفسها وياليت يكون هنا بالموقع معنا دعم فني خاص فينا..عشان نقدر نتعامل بكل سهوله..