الجزيرة الرياضية سوتها فينا اليوم حسبي الله عليهم
الاشتراك الجديد بـ 400 ريال للقنوات من + 1 إلى + 10 لسنة واحده
والتجديد بـ 350 ريال لسنة واحده واضافة + 9 و + 10 بـ 70 ريال
وبشروط غريبة وليس لها مبرر وخاصة موضوع تغيير الكرت قالوا للي موجودين
1 - اللي كرته قديم تبع ART يرميه لانه ما يقبل + 9 و + 10
2 - اللي كرته تبع الجزيرة وباقي في اشتراكه اقل من شهرين لازم يجدد بـ 350 ريال
**************************
واليكم السالفه كلها من طقطق للسلام عليكم
مباراة اليوم بين الهلال والقادسية على + 9 حسب تأكيد العامل في المحل
انا في الرياض والمحل مليان بجماهير الهلال عشان اضافة + 9 و + 10 لعيون الهلال
المعروف أن + 9 و + 10 كانت تنقل كأس العالم واليوم ينقلون عليها مباريات الدوري السعودي
المشكلة ان معي كرت الـ ART وجاي بـ 300 ريال لتجديد الاشتراك
قالوا الاشتراك زاد 50 ريال عشان نضيف لك + 9 و + 10 ويوم شافوا الكرت
قالوا ما يقبل اضافة + 9 و + 10 لازم تشترك من جديد بكرت الجزيرة بـ 400 ريال
فأضطريت اني اشترك من جديد بكرت قيمته 400 ريال بدل من التجديد بـ 350 ريال
المشكلة في اللي جاي يبي اضافة + 9 و + 10 واشتراكهم باقي فيه أقل من شهرين
المساكين جددوا بـ 400 ريال حبا في الهلال
ودي افهم ليه الجزيرة الرياضية تسوي هالحركة المتزامنة مع نزول الرواتب
وإلا يبون يسوون فينا ما سوت الـ ART !!!!!!!!!
اليوم 400 وبعد سنه 600 وهلم جرا
الوضع المتطور
