01/11/2010, 11:15 PM
|
زعيــم نشيــط | | تاريخ التسجيل: 06/01/2010 المكان: حـــــــــائـــــــــل
مشاركات: 527
| |
عندما اراد ان يجرح شعور الهلاليين في قصيدته رديت عليه بهذه القصيده أتمنى أن تحوز على رضاكم عندما تعدى الشخص الملقب نفسه بنكـ مـ9ـــاجــmـــد حدوده وخرج عن التشجيع الحضاري والروح الوطنيه
وبدل مايقول هاردلك ياجماهير الهلال وتعوضون المرات الجايه
لكن للأسف فيه عقليات محدوده
تدرون وش سوى
راح لقصيده لي نزلته في منتدى الزعيم
كنت فيها انخى جمهور الوفاء لحضور ليلة مباراة الإياب مع الفريق الإيراني
وكان عنوانه عشرين عشره موعد ٍ للجماهير
ورد عليها بقصيده لاتمت للتشجيع الرياضي المثالي بصله
وحاول في القصيده أن يمجد الفريق الايراني وكأنه فريقه المفضل
ويجرح شعور الهلال وجماهيره
فقلت له الرد عليك سوف يكون في منتدى الزعيم
فرديت عليه بهذه القصيده
مع احترامي لكل مشجع مثالي ومحترم في وطننا الحبيب
فهم ولله الحمد كثيرين وهذه شخص لايمثل إلا نفسه ولايمثل اي احد غيره من جماهير وطننا المثاليين
أترككم مع القصيده
* *
وردت لأفكار ٍ تهز الطوابير
وجهه على اللي حط نفسه علامه
*
حطيت نفسك في وجيه المناظير
وأبشرك وجهك لدرب الندامه
*
ياهيه ياللي معترض مأنت والخير
وجهك على فكر ٍ براسه غمامه
*
فيها بروق ورعدها صوته يزير
وفيها المطر شهب ٍ يدككـ سهامه
*
ياهيه وقف ماتفيد التبارير
إسمع نصايح شعر وإسمع كلامه
*
ترى الرجل لامن لبس ثوب للغير
ثوب الذي غيره يطمن مقامه
*
شجع فريقكـ مثل كل الجماهير
وكل ٍ مهو مليوم لأبدى غرامه
*
من دون ماتجرح شعور الأساطير
تزحم شعور مروظين الزعامه
*
لاتزدحم بالزمل جتك النواذير
توّك حويشي مابلغت الفطامه
*
لاتختلط بالسير ياخارج السير
إلعب بعيد وكل شخص بنظامه
*
على الأقل حنـّـا وردنا على البير
وزمولنا تدحم بفعل وصرامه
*
صلنا وكافحنا كفاح المناعير
يشهد لنا شرقه وغربه وشامه
*
ولاقصرو بالواجبات المسافير
أدو جهدهم كامل ٍ في تمامه
*
لكن ترى المكتوب لازم ترى يصير
ومالك على مكتوب ربي قوامه
*
نرضى بمكتوب الولي بالمقادير
ونصيبنا مأحد ٍ يوقف أمامه
*
وخسارة الأبطال تفرق عن الغير
ولاتعتبر خسارته بإنهزامه
*
وإلياخسرنا ماحسبنا المخاسير
نخسر ولكن كاسبين الزعامه
*
خمسين كاس وكاسبينه نوادير
إليا بغو شي ٍ تعـلــّو سنامه
*
خمسين كاس وكل أبوها مشاهير
يشهد لنا التاريخ وأهل الشهامه
*
مع إحترامي للوجيه المناعير
والمحترم يفرض عليك إحترامه
*
من يحترمنا له معزه وتقدير
ونفوسنا عز و شموخ وكرامه
*
ومن يستفز النفس يلقى المعاثير
ومن يزرع الغلطه يحصد الندامه
*
بقلم : ممدوح بن زايد الشمري
* |