شفتوا قهر أكثر من كذا !!!!!!!! سـاعدوني - صفحة رقم 2 - نادي الهلال السعودي - شبكة الزعيم

فراشةالزعيم · #1 28/10/2010, 05:02 PM

السلام عليكم ورحمة الله وبركاته

الأتصالات ومعاناة العملاء

أنا شريحتي سوا وكل ماأشحن شهرياً يسحبون علي 20 ريال
علشان خدمة توقيت الصلاه

رسالة وسائط يرسلون لي فيها صوره صغيره وحتى الوقت مو واضح فيها

ويشهد علي ربي أني ماأشتركت في هالخدمه نهائياً وجوالي مايستخدمه أحد غيري !

المهم اتصلت عليهم وقلت شيلوها عني انا ماأبغاها

قالوا مانقدر لازم أنتي تلغينها

قلت طيب عطوني رقمها أنا ماأعرفه ولا أشتركت فيه بتاتاً

قالوا مانعرفه لازم أنتي تلغينها من عندك

وكل ماأرسل على نفس الرقم إلي تجيني منه الوسائط ألغاء تجيني رساله

عزيزي العميل انت غير مشترك في اي من القنوات
على هذا الرقم

>> أذبح عمري أنا

تخيلوا أحياناً أقعد بالشهرين ماأشحن علشانهم

يرسلون لي

عزيزي العميل, ليس لديك ما يكفي من الرصيد للأشتراك في جوال اوقات الصلاة ابهاMMS.
كلفة هذه الخدمة 20 ريال سعودي شهريا.

(حسبي الله ونعم الوكيل)

..

في الأخير

خطرت لي فكره وصرت ماأشحن جوالي إلا بعشره علشان مايسحبون الـ20

تخيلوا صاروا يسحبون مني 3 ريال على كل شحن

أقسم بالله قهر

يمكن سحبوا علي أكثر من 400 ريال بهالشكل

تعبت لاأشحن مثل الناس ولاشي

المشكله رقمي أحبه ماأبي أغيره

إلي عنده حل ينورني