الف مبروك لدولتنا ,, المملكة تتصدر القائمه لأكبر نسبة عاطلين في العالم بـنسبة 76%! - نادي الهلال السعودي - شبكة الزعيم

موديل توب · #1 30/10/2010, 06:35 PM

عدد سكان المملكة 27 مليوناً والسعوديون 18 مليون نسمة
بلغ عدد المواطنين السعوديين 576ر707ر18 نسمة.- بلغ عدد الذكور من المواطنين السعوديين 173ر527ر9 فرد، أي ما نسبته 9ر50 في المئة من مجموع عدد المواطنين. وبلغ عدد الإناث 403ر180ر9 مواطنات، أي ما نسبته 1ر49 في المئة من عدد المواطنين.

الله أكبر لأول مرة في العالم عدد المقيمين في الدوله نصف عدد السكان

بلغ عدد المقيمين في المملكة من غير المواطنين401ر429ر8 نسمة

للاسف وصلني ايميل عبارة عن صورة أمراة تغسل سيارة في مواقف المولات عشان تكسب لقمة الحلال , سبحان الله وحلالنا موزع في كل ديره بالملايين وحناً ماعندنا الا برجين ( 2 برج

) نقدر نفتخر فيهم ولا وبرياض بس

ولا في ناس ماهي قادره تاكل وتشرب مثلنا ولا والي ادهى وأمر , ان حنىً أغلى دوله نفطية ولله الحمدلله

اللهم لك الحمد لو كان ماعندنا نفط كان حنىً من الدول الناميه مدري النافيه

بينما امريكا الي ماااقدر اقارنها بأافضل الدوله لكن شوف الفرق الكبير جداً جداً
نسبة السكان 7 مليارات تقريباً ونسبة العاطلين 9%

الله واكبر شوف السيطره الكبيره على عدد السكان لاحظ كيف اتوقع لو عدد سكان امريكا 18 مليون كان كلهم وزراء

شطحه

<< فرنسا

اترك لكم التعليق على هالصوره وبها اختم موضوعي

والله شيء يحز بالخاطر لما تشوف هالصوره وتسمع

- تبرعت المملكة بـ 44 مليون ريال للبنان

- تبرعت المملكة بـ 14 مليون لشيشان

- تبرعت المملكة بـ 2 مليون للبحرين

انا ماااعترض على التبرعات لكن اقول الأقربون اولى بالمعروف يعني في اول زيارة لي لدولة البحرين شفت الابراج الي ماشفتها بالرياض كلها مع احترامي لهم
وش ناقصهم بالله دوله صغيره الله يحفظها لهم وخيرهم كثير والله يزيدهم لكن حنىَ دوله كبيره وخيرنا كثير ويتوزع

خلاص انفجرت مرارتي مافي اتكلم

Meme · #2 30/10/2010, 06:46 PM

الله يباركـ بعمركـ وايامكـ يااارب ..

وعقبال مدري مين .. !

لو هي موقفه ع الابراج مسستعده اسوي ميه برج ض1 < طسي

من جد ماهي واقفه ع الابراج ..

شوكرا لكـ مره

اختكم .. ميمي

مـوت ومـيـلآد ! · #3 30/10/2010, 07:02 PM

سسسسسجل عندك عآطلآت

, انآ وطف طف وبآروت وام متعب

!
كم صصصآروآ احسبهآإ بالله

!

إييييييييييييييييييييه وش نقوول وششش نقوول بسسس

!
المشششكله والله ان المعدل حلو

, ومعي بعد حسن سيره وسلوك

, وش يبون بعد

, ومع ذلك مافيه وظيفه

!
~

بعدين حنا وش دخلنا نتبرع للبحرين ولبنان

, قلنآ بآكستآن عآدي قلنآ فلسطين اكيد محتآجين قلنآ اندونيسيآ اكيد عشآن تسونآمي
قلنآ العرآق عشآن الحرب قلنآ وووووو الله يكثر خير المملكه لغيرنآ

!
المفرووض يستتغلوون هالفلوس لصصصآلح دولتنآ

!
مملكه وش كبرها ووش عرضهآ محتآجه لأكثر من اهتمآإم

, ومع ذلك لاحيآة لمن تنآدي

!

لكن مانقول إلآ ( الله يعظم اجرنآ بسسس

) !

رجل من عالم آخر · #4 30/10/2010, 07:06 PM

إقتباس


	- تبرعت المملكة بـ 2 مليون للبحرين

مليونين لا تعتبر شيء .. فالملك قبل عدة اشهر تبرع بمليار لمدينة طبية
و هنا الجميع يعاني مع ملحق الشميسي !!

BaRiO · #5 30/10/2010, 07:07 PM

وعليـكم السلآم ورحمـة الله وبركآتـه

+

انا معك بكل اللي تقوله واحب اقولك على شغله

الحيآه صعبه وانا اخوك وذراعك اللي تجيب فيه شهآدتك هو اللي تكون فيه حيآتك
يعني هالعآطلين اغلبهم مايعرفون يقروون ويكتبون وش تسوي فيهم الدوله ؟
حنا الان في تطور عظيم ووصلنا بمستويات دراسه متقدمه
حتى حقين الباكلوريوس مايلقون وظايف حلوه وعلى كيفهم
بعكس حق الماجستير ولا لا ؟!

بعدين على كلام التبرعآت شف السعوديه كم تدقع سنويا للضمآن الاجتمآعي

بآشرآف ابومتعب

هذا غير ان دخل البيوت بنفسه ومحد سواها قبله

انا مع الدولة دائما في شغلة العطالا والوظايف لاننا نبي نتقدم نبي نستفيد من الخبرآت

نبي نكون مجتمع متفهم ومحافظ على العادات والتقاليد وهذا اهم شي

بشرحلك وضعي في الجآمعه علشآن اوريك الصعوبه اللي نواجهها انا وجيلي

في المرحله الثآنوي وضعوا قرآر الترآكمي علشآن يميزون الطآلب المجتهد من الطآلب الـ ( الدآج )
وضعوا اختبآر القدرآت لقيآس ذكآء الطلآب وتصفيت اعدادهم واختيآر الافضل فيهم
وضعوا اختبآر التحصيلي لقيآس كمية حفظ الطآلب للمعلومآت في خلآل ثلاث سنوآت
وضعوا السنه التحضيريه لتنآفس الطلآب على التخصصآت القويه واختيآر الافضل منهم
وضعوا اختبآر التخصص للتنآفس عليه من قبل افضل المرشحين للطلاب

وش رآيك الدنيآ مسكره بوجيهنا صح ؟!
بس راح تلقى الاجآبه اذا مريت على الجامعات والمدارس وعدد المتفوقين راح تشوف شي يسعدك

وراح تبشر بمستقبل زآهر

اعذرني اذا طلعت عن الموضوع
لكن اتوقع ان الموضوع يتعلق في هالنقطه

يعطيـك العآفيه

+

تركي السلماني · #6 30/10/2010, 07:11 PM

يأخوي مالك داعي خربت علم فرنسا !

ألا على الطاري يقولون ولي العهد مزوج ثلاث ألاف شاب يمني !

و الدولة مرسلتن أنواع الفلوس لباكستان !

لكن اللي يقهرك ليتها تاصل لهالمساكين و الضعوف .. لكن يبلفها هالكبارية !

تحياتي يابطل

.MeZoOo · #7 30/10/2010, 07:24 PM

اذا الاجنبي من الجنسيات العربيه
مثل اللبناني 80 الف
والفلسطيني 60 الف
والاردني مو بعيد عنهم,,,
تبي السعوديين يتوظفون وش خلوا للشباب السعودي
والمشكله اذا جاء يقدم السعودي على وظيفه غالباً
لايزيد راتبه عن 2500 او 3000 ...
الله كريم,,,, ربكم يزينها

احتيآج · #8 30/10/2010, 07:30 PM

سؤال متأكد من نسبه العطاله بامريكا ؟

مدري احس قليله !

تعقيب ع رد الاخ

إقتباس

الرسالة الأصلية كتبت بواسطة BaRiO

يعني هالعآطلين اغلبهم مايعرفون يقروون ويكتبون وش تسوي فيهم الدوله ؟

معليييييييييييش ! كلهم شهادات لا و معدلات عاليه بعد !

إقتباس

الرسالة الأصلية كتبت بواسطة BaRiO

حتى حقين الباكلوريوس مايلقون وظايف حلوه وعلى كيفهم

بعكس حق الماجستير ولا لا ؟!

حقين البكالوريا هم لقوا و قالوا لا عشان يتشرطون بالوظيفه الحلوه
بعدين الماستر اسمحلي ما ياخذه الا حقين الواسطات !!
يعني اللي تخرجوا بمعدلات عاليه من الجامعه مالقوا لا وظايف و لا فرصه ياخذون ماستر !

sugarfall · #9 30/10/2010, 07:37 PM

من راقب الناس مات هما لو كل واحد بيجتهد في مدرستة صارت السعودية الدولة الأفضل في كل شيء
الله يخلي أبو متعب أبو الجميع

بس جد الان السعودية موفرة دراسة بلاش ومستشفيات وعلاجات بلاش

ياخي والله فلة بس تحتاج عالم واحد في كل مجال
المشكلة إنه السعودي يحتقر نفسة وبعضهم يقول أنا وين والدفارة وين على قولتهم وين
سلامات
وإذا شاف الوضع مو عاجبة قال الدولة

قلة حياء
أتمنى لك التوفيق
تحيتي قبل مودتي

abo.a7mad · #10 30/10/2010, 07:49 PM

أنا أقول أصبروا 30 سنة قادمة لين يموتون هاللي ماسكين المناصب أمثال وزير جمعية حقوق الإنسان وإن شاء الله يتغير الوضع

HILALYA ]~ · #11 30/10/2010, 07:51 PM

.

تعيش المملكه تعيش تعيش ض1 ..

leader ksa · #12 30/10/2010, 07:53 PM

إقتباس

الرسالة الأصلية كتبت بواسطة موديل توب


	بينما امريكا الي ماااقدر اقارنها بأافضل الدوله لكن شوف الفرق الكبير جداً جداً نسبة السكان 7 مليارات تقريباً ونسبة العاطلين 9% الله واكبر شوف السيطره الكبيره على عدد السكان لاحظ كيف اتوقع لو عدد سكان امريكا 18 مليون كان كلهم وزراء

>>اسمح لي قرقاص استخدمت ثلاث فيسات

كيف امريكا 7 مليار وسكان الارض كلهم اصلا 6 مليار

وبعدين سالفة 76% طلعت من الغبي الفقيه واذكر اول ماطلعها حس انه انسان قوي بسم الله عليه

تعرف ان نسبة 76 % يعني 3 اشخاص من اصل 4 عاطلين

يعني لو انتوا اربع اخوان في البيت فيه شخص متوظف بس

وبعدين وش دخل عدد الاجانب في الموضوع اصلا ؟

الحمد لله على كل حال

:: HILALI :: · #13 30/10/2010, 07:58 PM

موضوعك مستهلك جدا =)

يعطيك العافية (l)

المشجع الوفي · #14 30/10/2010, 08:05 PM

الفلوووووس تطلع بره....
و حنا أحق بها هنا و محتاجينها أكثر...

و حتى لو طلعت مثلاً 20 مليون من عند الملك لأعمال صيانه و إعمار في الاحد المدن
نقول مثلاً (الأحساء يالبى أهلها

) و الفلوس في طريقها تمر بكم واحد و كل واحد أخذ له من الفلوس شوي

و ما وصلت بلدية الأحساء

إلا و هي 10 مليون

و الـ 10 مليون ما توصل للشركة الي بشتغل فيها إلا و هي 2,5 مليون

و تقوم الشركة و تشتري أسواء أنواع المعدات و المواد بمبلغ ما يتجاوز الــ مليون
و رواتب العماله حتى ما وصلت 100 الف و الباقي للشركة ....

و أنتهى الامر من مشاريع بقيمة 20 مليون
الى مشروع بــ ما وصل 1,1 مليون

و المشروع بياخذ وقت 50% أكثر من الزمن المتوقع له

و بعد ما يخلص يظل كم شهر و بعدها بدأنا يحتاج صيانه و تطلع مصاااااااايب الي بنوا...

بالعربي لا زم أول كل واحد يحاسب نفسه و لا يصير في مكان إلا و هو قدر مسؤوليته و أمانته و بعده ...

امكن صرنا بخير

...,,,...

I B R A H E M · #15 30/10/2010, 08:07 PM

إقتباس

الرسالة الأصلية كتبت بواسطة موديل توب


	الله أكبر لأول مرة في العالم عدد المقيمين في الدوله نصف عدد السكان بلغ عدد المقيمين في المملكة من غير المواطنين401ر429ر8 نسمة

أجل لأول مرة يوصلون نصف عدد السكان

رح شف البحرين اللي أنت فرحان فيها و شف كم نسبة الأجانب إلى المواطنين

و بطريقك سير على قطر و الإمارات و شف نسبة الأجانب

و بعدين تعال تكلم يا فهيم

إقتباس

الرسالة الأصلية كتبت بواسطة موديل توب


	بينما امريكا الي ماااقدر اقارنها بأافضل الدوله لكن شوف الفرق الكبير جداً جداً نسبة السكان 7 مليارات تقريباً ونسبة العاطلين 9% الله واكبر شوف السيطره الكبيره على عدد السكان لاحظ كيف اتوقع لو عدد سكان امريكا 18 مليون كان كلهم وزراء

أجل عدد السكان 7 مليارات

شكلك ودك تكتب موضوع بس ما تدري وش تكتب