السلام عليكم ..

هذا الموضوع تكرر كثير في كثير من المنتديات العربية !! لكن له روعته ... وذلك في معرفة السر في إختيار بعض لألقاب فقد تكون بعض الأسماء والألقاب مجهولة كالإعصار او غريبة مثل aaf1234 .... ؟؟

عموما نود المشاركة ..

كوكتيل

الاعصار من الالقاب المجهولة ياكوكتيل
تدري فيه شي يمكن ما قد قلت لك عليه وهو ان لقب الإعصار معي من عام 1990 تصدق عاد طبعا فيه اشياء كثيرة قبل الانترنت .
الاسم ما اخترته ولا شي ولا أذكر بالضبط كيف ووشلون !!
إجابة غامضة صح ؟
استعملته قبل الانترنت في الشبكات المحلية اللي كانت في الرياض قبل أربع سنوات ومنها شبكة النادي وشبكة الجامعة طبعا كان فيه تشات وكثير من الأخوان اللي معنا حالياً كانوا أعضاء في ذلك الوقت وأولهم أنت

الموضوع حلو وأتمنى من الزملاء والأخوان المشاركة وأولهم واحد مع اسمه خمس تسعات

أكتفي بذكر حديث الرسول "صلى الله عليه وسلم" :

[ بدأ الإسلام غريبا وسيعود غريبا فطوبى للغرباء ]

ولقد اخترت هذا الاسم راجيا أن أكون من الغرباء الذين ذكرهم الرسول
عليه أفضل الصلاة والتسليم .

عموما" الغريب " اسمي منذ سبع سنوات وقد نشرت لي قصائد في بعض المجلات والجرائد تحت هذا الاسم .

والله الإحراج ...!!

ورطتني يا كوكتيل .... !!؟؟

إسمي اللي أنا مختارة لو قلت علشان سامي ... معقوله ... ولكن وش دخل التسعتين كذا ؟؟؟

أنا نفسي ما أدري ...!!

لكني من طبعي أحب الشيء الغريب ...!! قلت خلني أحط التسعتين بشكل جديد ...

مالي داعي أنا عارف ... لكن هذا تفكيري ...!!

ولكم تحياتي ...

أخوكم / سفر المرزوقي .

كوكتيل يعطيك العافيه على الموضوع بس قبل ما نبدا ما قلت لنا عن "سر" كوكتيل..
لا تكون من مدمنين كوكتيل العجمي <<<<<<< دعايه
على العموم انا كان لي توقيع ممكن يدل على سبب اختيار مجموعة هلال وهو:
قالوا من انت وقـلت مجمـوعة هــلال........من كل كاس وكاس تلقون عندي
عندي سامي الذيب وابويعقوب زلزال......وتيماوي ودوخي وخميس جندي

بس غيرت التوقيع لعل من يقراالتوقيع الجديد يستفيد "واكسب اجره ان شاء الله"
شكراً اخوي على الموضوع وياليت ما تقطع...

السلام عليكم ورحمة الله وبركاته

الاعصار انا عارف سبب التسميه وخلها مستورة :P.

الاخ الاستاذ الغريب :
اه مااغرب الاسلام الان ، ادامك الله للاسلام والمسلمين انه اجمل اسم وبصراحه اذا كنت اخترته لذلك حقا فانت كبير الاعضاء هنا .

الاخ كوكتيل انا اخترت اسم سلمان لانه اسمي اما موضوع التسعات فاخترت خمس تسعات لانه رقم صالح النعيمه كابتن الهلال سابقا خمسه والتسعه رقم سامي الان .

حلو الموضوع ياولد الكوكتيل .
ولد الاعصار ياحبي لك (م - ر - م - ز ) رتب هذه الحروف وتعرف وش اقصد .

والسلام ختام

طبعا انا علشان سامي الجابر
هو صح عالمي من قبل بس توها تجيه الفرصة
والذئب لقبه المعروف
وبسسسسسسسسس

انا بصراحه .
اكتب بجميع المنتديات با اسم سام9
واختيار للاسم اقتبسته من اسم الذئب سام6 لكني شفت ان سته قليله قلت زودها ثلاثه .وصار سام9
ولكن يوم جيت اسجل هنا بنفس الاسم ماقبل التسجيل وكلمت المشرف سلمان بو خمس تسعات .وقلتله المنتدى مايقبل التسجيل با اسم سام9 قال لي فيه عضو باسم سامي9 ولذلك لايقبل التسجيل باسمك هذا فقلت اخترلي اسم
فقال سجل باسم عضو فسجلت بهذا الاسم .

اما انا عاد ماهو عاجبني اسمي (طيب ليش تسجل فيه) سؤال حلو انا جديد علي
الانترنت وما لقيت لي اسم حتي اسمي الحقيقي ماخوذ اللي هو مشاري مع ان
مسترج وش زينه بس ماهو اغلي من مشاري اللي هو انا

بسم الله الرحمن الرحيم

السلام عليكم ورحمة الله وبركاته ،،، وبعد

الشكر الجزيل للأخ العزيز ( كوكتيل ) على هذا الموضوع المتميز حقاً .

وكأني به مثل الشهد بيننا قليل في العسل ولكنه ألذ ما فيه .

أما عن سبب اختياري للأسم المستعار ( الكاتب النحرير ) فأكتفي بما جاء في التوقيع


أخوكم :

الكاتب النحرير

موضوع حلو جداً
أنا أخترت mksa طبعا هو يرمز m = محمد ، ksa = السعودية (عشان ما أضيع أصلي )
أما ليش أختره لأني لقيت محمد بالعربي والانجليزي محجوز فقلت حظك ياولد كالعادة مثل الزفت خله مثل الإيميل .

بصراحة انا كمت اكتب باسم القلب الشجاع من شدة اعجابي بفلم القلب الشجاع
ولكن بعد دخول الإنترنت للملكة اردت ان يكون لي لقب او اسم مستعار وهو نفسه الإيميل
ولكن يبدوا لتأخر دخول الإنترنت للسعودية اخوانا العرب والمغتربين اخذوا كل الألقاب وحتى اسماء المواقع
فبحثت وكل مره اصادف بان علي وضع ارقام مع كل اسم حتى توصلت للأولاني
ووضعته بدون ارقام ولم اجد اي شخص بالإنترنت يحمل هذا الأسم
لنه اسم بايخ بس اهم شي فريد من نوعه
ولكن للأسف بعد دخولي للمنتدى ومشاركتي فيه
تفاجأت بموقع يحمل اسم الأولاني
ايضا الإيميل في الياهو وا ينا و مكتوب قد حجزوا
ويبدوا ان فكرة الإستنساخ اعجبتهم

اهلين ...اولاً الى كوكتيل والاعصار ..يخوي شدعوة ماعرفتوني؟؟؟ انا المقنع زورو ...انا الكاسر ...ايام شبكة الجامعة وشبكة النادي قبل ماتدخل خدمة الانترنت الى السعودية نسيتونوا والا كيف؟ ...عموماً انا كنت بسجل باسم المقنع زورو ...بس ماجا الظاهر ...وسبب اختياري لاسم جابر العثرات ...انني ذات مرة كنت حاضر لاحدى مباريات الزعيم في استاد الملك فهد الدولي وشدني علم كبيرررر كتب عليه : جابر العثرات 9 ....قلت حلوة ياولد ....اانا اموت في سامي والاسم خش مزاجي قلت يله وش ورانا سجل سجل

تحياتي واشواقي

انا الصراحه من حبي لمدينه جده

السلام عليكم .. وبعد :-

موضوع شيق .. وممتع ... ولطيف من نوعه ...

نعم .. في الحقيقة موضوع يستحق الاحترام والتقدير ... شكراً كوتيل....

وبدون اي فلسفة اسم (الريان) نسبة الى الحي الذي أسكن فيه ... وقبل كل شيء ... هو اسم لباب من أبواب الجنة لا يدخله الا الصائمون .....

وأيضا اسم (الريان) ... دائماً ما ادخله به المحادثات بأنواعها ... ببساطة .. أنا عشقت هذا الاسم ........

وشكرأً من الاعماق ... على هذا الموضوع الحيوي ... وأتنمى من كل عضو في المنتدىان يسجل إعجابه بالاسم الذي وقع اختياره عليه ... وما الدافع الى اختياره.... ولكم خالص تحياتي ...

عاشق الموج الازرق : الريان