صباح الخير والزعامة...

لا اتوقع ان ترد جماهير الهلال دعوة محامي الهلال الامير بندر بن محمد،،خاصة وان هذه المباراة تعتبر ديربي من جهة ومباراة مفصلية من جهة اخرى فاعتقد ان هذه المبارة هي من يحدد مسيرة الهلال في سبيل محافظته على لقب الدوري..

قد تعتمد هذه المباراة بشكل كبير على نفسيات اللاعبين!!! ومما يحسن نفسية اللاعبين ويرفع روحهم المعنوية هو تواجد جماهير الهلال في الدرة ومؤازرتهم للاعبين وللإدارة ومطالبت شبيه الريح بالبقاء..

**الجميع يرى الثقة والروح العالية للنصراويين قبل المباراة حتى اننا رأينا رئيسهم يخرج علينا بالامس في برنامج كل الرياضة ويطرح التشكيلة التي سيلعب بها فريقه وهذا ما لم يحدث من قبل!!!!

حتى وان كانت معنوياتهم مرتفعة فاعتقد ان السبب في ذلك جماهير الهلال وغضبهم على الفريق بعد الخروج المرير..

حيث ان اغلبية جمهور الهلال اعلنوا عدم حضورهم مباراة الديربي فلا اعلم اهذا غضب ام كما تقول جماهير النصر انها خوف من الهزيمة ؟؟؟؟

الجماهير تناولوا اللاعبين والمدرب بكل شي وتناسوا ان الفريق يعتبر منظومة عمل متكاملة من ادارة وجهاز فني واداري وجهاز طبي ولاعبين وجمهور واعضاء شرف داعمين..


***اتمنى وقفتنا جميعا ولنرى ان من قدم ومازال يقدم للهلال الملايين هاهم يحضرون حتى التمارين فلنرى الامير عبدالله بن مساعد والامير فهد بن محمد وغيرهم كثير لم يقاطعوا حتى التمارين..

••قبل الختام اطرح تشكيلة خصمنا هذا اليوم التي اعلنها رئيسهم

عبدالله العنزي

حسين عبدالغني - محمد عيد - جون ماكين - الدوخي

بيتري - غالب

القحطاني - فيقارو - الزيلعي

ريان بلال


ختاما؛؛؛؛؛
هذا اليوم هلالنا بأمس الحاجة لنا فلنحضر ولنساند فكم افرحنا هؤلاء اللاعبون فلندعمهم عندما احتاجونا لرفع معنوياتهم.

انا راح اتكلم بصراحه

اليوم اتوقع هزيمة الهلال

ولكن نقول ان شاء الله يخيب ظني وننتصر لأن المباراة اتوقع واضحه

والبعض يمكن يوافقني الرأي لاكن أنه متأملين من مبداء (تفاؤل بالخير تجدوهـ))

وان شاء الله ان شاء الله يخيب ظني لأني والله متوعد فقراوين أن أوريهم نجوم الليل في عز الظهر

والله اني مثلك انا خايف من مباراة اليوم ليس خوفا من النصر ولكن خوف من عدم ظهور الهلال بالمستوى المعروف..
واللي يجعلن اتفاءل اليوم هو ان اللاعبين يريدون مصالحة الجماهير بعد الخروج الاسيوي

يالله ياجماهير الزعيم الهمة الهمة...توجهوا للملعب...
انا لااريد ان تكون هذه المباراة اول ديربي يكون جمهور النصر اكثر من جمهور الهلال

رئيس مستقيل
ومدرب قاعد يخبص ويبي الفكه باي طريقه عشان يذلف للمغرب
ولعيبة ماتحترم الشعار

شيء طبيعي يكون في ردة فعل من جمهور الهلال .. على العموم اللي بيحضر كثر الله خيره وهذا دليل انه هلالي اصيل مو اي كلام .. وبالنسبه لي راح اكون حاضر بحرك عقب شوي وبالتوفيق للزعيم

والله تبي الصراحه مباراة اليوم نفسيه اكثر من انها مباراة ديربي و ...الخ
الهلال ما امداه طالع من صدمة اسيا وعتب الجماهير واليوم الاعبين يبون يقدمون
الي يقدرون عليه لجل يرضون الامير عبدالرحمن بن مساعد ويرضون جماهير الزعيم

وانا اقولكم اذا مرت اول 15 دقيقه ع خير ان شاء الله الفال كويس ويدخلون الاعبين جو المباراة
وتذكرووو كلامي
والله يستر بس
ويارب فوز الزعيم اليوم

انا اشوف انه ما راح تضبط نفسية اللاعبين ويقدمون اللي عندهم الا لما يشوفون الجماهير الهلالية حاضرة

اما اذا شافوا حضور جمهور النصر وقلة جماهير الهلال فهذا يبي يحطمهم

وكل واحد منا يتخيل نفسه مكان اللاعبين وراح تصدق كلامي

ما في خوف ولاشي تراه النصر
لكن ع الفريق اول شي احترام الخصم ثاني شي المحافظة ع المرمى اول 20 دقيقه ~


وان شاء الله ابارك لكم جميع بالفوز الليله ‘


بالتوفيق للجميع وللهلال =)

عوافي خيو

انا معك يازعيم نصف الارض حضوور الجمهوور اليوم هو دفعه معنويه للاعبين
وانا بأذن الله حاضر اليوم

الاخوان اللي يقولون اللعيبه ماهمهم الجمهور ولا قدموا شي يرضي والله يا ما افرحونا وعشان مباراة ننسى كل شي

والله المباراة هذي نفسية من الدرجة الاولى فما نبغى نفرط فيها ويصير لنا زي ما صار للاتحاد العام الماضي

يعطيك العافية ... وبا التوفيق للهلال في مبارات اليوم ,,, وانشاء الله الحظور يكون قوي