ليه دايم لما ننهزم نقول فلان وعلان ونقول :- لو كان ,اوصار , ونتشائم ليه ما نكون كجمهور الفرق الكوريه يحليلهم من يخشوا
الملعب وهم يشجعون لين ينتهي المباراه وهم في نفس الرتم تشجيع وتصفيق مع العلم ان فريقهم مهزوم يحليلهم وهذا التشجيع لكي لاينهار فريقهم ويتحفزو للمباره الجاية
اما نحن اذا ما فاز الفريق سوينا منه صاروخ عابر للقارات بس ينهزم ويخسر صار المدرب ماينفع واللعيبة والاداره ما ادوو الي عليهم في احد يسال نفسه وش كان احساس هالعيبه ليله ما قبل المباره كيف نام وش صارلهم وين كانوا من متى ما شافوا اهلهم
خليكم مكانهم والضغط النفسي الي هم عليه ما قبل المباره ويزاد الطين بله لما تشوف حضور اكثر من 68752 شخص في الملعب جاي يازرك مدري وش بيكون شعورك... وناهيك دور الاعلام والاقلام الصفراء وما ادراك من المحلليييييين الرياضيييين ؟؟؟؟؟؟؟؟؟
انا اتحدا من اي واحد انه يوقف قدام 2000 شخص ويتكلم او يلعب كوره ؟؟؟؟؟؟؟؟؟؟ فكرو فيها راح تلقوا الاجابة
وما اقول الا ان رجال الهلال بيضلوا مبيضين الوجه حتى بعد الخساره راح نكون قلبا وقالبا مع الكيان الازرق وبرفقة قائد المسيره الحالي صاحب السمو الملكي الامير عبدالرحمن بن مساعد يد بيد كي نتخطى كل العثرات باذن الله تعالى ودام عزك يا هلال