انواع البزران - نادي الهلال السعودي - شبكة الزعيم

الزعيم سام6 · #1 23/10/2010, 08:54 PM

البزر المفهي

هو بزر مايدري وين الله حاطه
أي شي تقوله له بيقول هاه
مستقبله :
هذا مستقبله غير واضح المعالم لكن مااراح تتعدى شيين يستمر مفهي وهذا الأغلب
أو يتعرض لصدمه تخليه يطلع من فهاوته شوي ..
مثال :

البزر الجنتل مان أو الجنتل بيبي :

بزر غالبا يكون اطخم ..تشوفه دايم متكشخ ويتروش كل يوم ويتعطر .. لسانه معسول وهالشي مخليه مخقق كل بنات الحاره
مستقبله:

يكون من اكبر المرقمين في ديرتهم ويكون اسمه في اللوحه السوداء عند الهيئه

مثال:

بزر زلابه:

غالباً مايكون تربية عجز .. مدلع حتى اخر قطره .. لكنه للأسف زلابه سريع البكاء لو تقول له كيف الحال قعد يبكي ..

مستقبله :

يستمر زلابه الين يتزوج ويصير خاتم في أصبع حرمته

مثال :

البزر المهايطي :

هو البزر الذي يهايط وهو ماعنده ماعند جدتي يكون عرضه للتصفيق والتكفيخ نظراً لمهايطاته الدائمه
مستقبله
يستمر مهايطياً للأبد وقد يفقد حياته بسبب الهياط..
مثال

البزر الملقوف :

هالبزر عكوز بكوز في كل مكان مركوز ... لا تستبعد ان تجده في أي مكان
مستقبله :
بيجيب العيد وماظنتي بيصير له مستقبل ..

مثال:

البزر الدافور :

هذا البزر دائما متفوق في دراسته دائما يحب يتعلم ويتثقف هالعينه
مستقبله :
دكتور .. مهندس .. او أي شي زين أما إذا كان عندنا بالسعوديه فآخرته مصكوك بعين
مثال:

البزر اللي عليه حركات ويسمى أيضاُ البزر المتميلح :
هذا النوع خطير جداً ودايم يجيب المصايب
وهو من النوع اللي مايهرول عبث
مستقبله :
احتمال يجيب العيد أيضاً
مثال:

بزر مدمن تلفزيون أو بزر دلخ :

24 ساعة عند التلفزيون يتأثر على طول أي شي يشوفه يروح يسويه

مستقبله:

يظل دلخاً للأبد
مثال:

للأسف مدمن مسلسلات مصريه ..

بزر رومانسي :
راعي جو .. حساس ..

مستقبله :

شاعر
مثال:

بزر رايق :

24 رايق من زود الروقان عنده تشوف عليه احيانا حركات غريبه
مستقبله :

مستقبل زاهر إن شاء الله

مثال

البزر اللي مدري وش يبي
ماينعرف له مره تقول إنه ذيب مره تقول إنه زلابه
مستقبله :
ياأنه يطلع ذيب أو يطلع زلابه وهذا المتوقع
مثال :

يالله عاد كل واحد يقول لنا هو اي واحد كان من ذا البزران <<<

طارق عن حبك مو تايب · #2 23/10/2010, 09:27 PM

ما يصلح واحد يجمع كل هالصفات

اعرف واحد يومكان بزر كان

دافور و رومانسي و دلخ و مدري وش يبي و اخيرا و لس اخرا ملقوووف حتى النخاع

اللي يبي يعرف منهو يعلمني وتراه صدق

ايه صوح انا كنت رايق

حروف الغلا · #3 23/10/2010, 09:58 PM

ولد أخوي محمد مدمن تلفزيون و مسلسلات و غاث أهله بالعربي الفصيح ، ينفع مترجم تركي ..
و انا على ما اذكر كنت مكس من كل نوع ...
و في النهاية ظهرت شاطرة شطرطر ...

حبيب الزعماء · #4 23/10/2010, 10:06 PM

البزر اللي عليه حركات ويسمى أيضاُ البزر المتميلح :
هذا النوع خطير جداً ودايم يجيب المصايب
وهو من النوع اللي مايهرول عبث
مستقبله :
احتمال يجيب العيد أيضاً
مثال:

احم احم اعجبتني الصورة بس كنت اسوي بغير هالطريقة

كنت مسوي اني ابي اشبك بنت زايرة جلست الاحقها بالطرطعان عشان اخققها

ما دريت الا انا شاق فستانها وابوها ما قصر معي

هلالي لابعد حد · #5 23/10/2010, 10:12 PM

أنا غير البزر الهادئ جدا جدا
ولا أقولكم مادري

سمانا هلاليه · #6 24/10/2010, 06:31 AM

مااااابي اقووول اناا كنت اي وااااااحد فيهم

لكن بزر هالحين مثل بزر مدمن تلفزيون أو بزر دلخ :

24 ساعة عند التلفزيون يتأثر على طول أي شي يشوفه يروح يسويه

مستقبله:

يظل دلخاً للأبد

الجابر القادم · #7 24/10/2010, 02:26 PM

مستقبلهم في الحــب كبيــر ..

..
ثـآآنكسـ ..

المشجع الوفي · #8 24/10/2010, 05:14 PM

هههههههههههه

أنا أضم مجموعه منهم بس ما ني بأعلم...هههههههه <<<< تكفى يا.....

ام متعب التميمي · #9 25/10/2010, 04:04 AM

ههههههههههههههههههههههههههههههههههههه

رهيبه والله

9متيمة الزعيم9 · #10 25/10/2010, 06:44 AM

ههههههههههههههههههه

أعجبتني(الطفل الدافور)

إذا كان عندنابالسعودية آخرته مصكوك بعين

™ تركي ™ · #11 25/10/2010, 12:38 PM

أما انا جمعتهم كلهم .. وأنوآآع الفهــآآآوه هع

يعطيك العافيه أخوي

الزعيم سام6 · #12 27/10/2010, 03:06 AM

إقتباس

الرسالة الأصلية كتبت بواسطة طارق عن حبك مو تايب


	ما يصلح واحد يجمع كل هالصفات اعرف واحد يومكان بزر كان دافور و رومانسي و دلخ و مدري وش يبي و اخيرا و لس اخرا ملقوووف حتى النخاع اللي يبي يعرف منهو يعلمني وتراه صدق ايه صوح انا كنت رايق

الله يعافيك ع المرور يابطل ,!

,,,

الزعيم سام6 · #13 27/10/2010, 03:07 AM

إقتباس

الرسالة الأصلية كتبت بواسطة ™ تركي ™


	أما انا جمعتهم كلهم .. وأنوآآع الفهــآآآوه هع يعطيك العافيه أخوي

الله يعافيك ع المرور يابطل ,!

,,,

الزعيم سام6 · #14 27/10/2010, 03:08 AM

إقتباس

الرسالة الأصلية كتبت بواسطة عاشقة محمد


	ولد أخوي محمد مدمن تلفزيون و مسلسلات و غاث أهله بالعربي الفصيح ، ينفع مترجم تركي .. و انا على ما اذكر كنت مكس من كل نوع ... و في النهاية ظهرت شاطرة شطرطر ...

الله يعافيك ع المرور يابطل ,!

,,,

الزعيم سام6 · #15 27/10/2010, 03:08 AM

إقتباس

الرسالة الأصلية كتبت بواسطة حبيب الزعماء


	البزر اللي عليه حركات ويسمى أيضاُ البزر المتميلح : هذا النوع خطير جداً ودايم يجيب المصايب وهو من النوع اللي مايهرول عبث مستقبله : احتمال يجيب العيد أيضاً مثال: احم احم اعجبتني الصورة بس كنت اسوي بغير هالطريقة كنت مسوي اني ابي اشبك بنت زايرة جلست الاحقها بالطرطعان عشان اخققها ما دريت الا انا شاق فستانها وابوها ما قصر معي

الله يعافيك ع المرور يابطل ,!

,,,