#1  
قديم 15/12/2002, 01:53 AM
زعيــم جديــد
تاريخ التسجيل: 09/12/2002
مشاركات: 7
بنيتي هي جايعه او بالصحاري ضايعه مدري انا تلعب بي هجوسي كثير.....





بــنـيــتي .. بـــنــــيـتي ..
يــا مــا حـلاها بـنـيـتي ..
هي نـاري والله و جــنـتي ..
هي القمر في دنــيـتي ..
كلٍ حسدها بـنـيـتي ..
بــنــيــتي .. بــنــيــتي ..
يا بـنـيـتي لا تبعدين ..
وين ودك تـلعـبـين ..
يا ليت يمي تجلسين ..
يا بـنـيـتي لا تبعدين ..
لا تخافي يا يمه عليّ ..
بلعب قريبه ما عليّ ..
وشلون قولي لي ما أخاف ..
و أنتي وحيده بدنيتي ..
لو غبتي هال دنيا أعاف ..
ولا بلحظة توقف دمعتي ..
يا بــنــيـتي.. يا بــنــيـتي ..
ألهاني شغلي و إلتهيت ..
و أبعدت عنها ما دريت ..
وبلحظه جتني مسرعة ..
ملهوفة صوته ما أسمعه ..
قالت لي يا يمه تعالي ..
شفت شي مو بخيالي ..
شفت الكويت أنورت ..
هي أصبحت ..
و إلا الأعياد أقبلت ..
مــــــــــــا أعتقد ..
ش السالفة ..
قولي لي يمه وش حصل ؟
قولي لي يمه وش حصل ؟
يا بــنــيـــتـي ما أدري أنا ..
ما أدري أنا شن هو حصل ..
نيران فينا أوقدت ..
وبعض المباني هِدّمت ..
و دخان بالعالي يطير ..
ما أدري أنا شن هو يصير ..
راحت علينا كويتنا ..
يا ربي ترحم حالنا ..
يا ربي ترحم حالنا ..
يمه يا يمــــــــــــــــه ..
ش السالفة ..
ضميني يمه خايفه ..
يا بــنــيــتي ..
لا لا تخافي و اصبري ..
يمّي تعالي و اقربي ..
خليني اسأل لك و أشوف...
و اخلي هالرهبه تطوف...
يا بنيتي... يا بنيتي...
حاولت أنا أسأل وش حصل ؟
ما أحدٍ يرد لي الجواب ..
ضاع من رأسي الصواب ..
يومٍ نزل فيني الخبر ..
اللي قصم مني الظهر ..
يوم سمعت اللي يقول ..
جانا الغزو ..
تنظرني بنتي في ذهول ..
يمه .. يمه ..
يــــــــا يمه شن هو هال غزو ؟
قولي لي يمه وش حصل ؟
من هو غزانا ؟
ما أحدٍ حقد منا و جفانا ..
شن هو خطانا ؟
من خيرنا يا ما عطينا ..
و نهر المحبة ارتوينا ..
قولي لي يمه من غزانا ..
قولي لي يمه من غزانا ..
يا بــنــيـتي ..
السالفة صعبٍ أقول ..
اختصري يمه لا تطول ..
يا بـنـيـتي ..
اللي غزانا ..
ما هو عدو ..
هذا الصديق ..
هذا الرفيق ..
صدام ضيّع الطريق ..
كان العشم يم اليهود ..
نحسبه للأمة يقود ..
لكنّه ضيّع هال حدود ..
يا مردى طبعك يا جحود ..
أعماه والله هال طمع ..
وحب الجشع ..
عساه والله ينّعمي ..
وفي عيشته ما يهتني ..
الحين يا بنتي عرفتي ..
في ذا الزمن مهما فعلتي ..
والخير مهما له دفعتي ..
يعظك اللي له و قفتي ..
الحين يا بنتي فهمتي ..
الحين يا بنتي فهمتي ..
يا الله تعالي لي تعالي ..
أضمك لصدري لحالي ..
وبغمرت أحزانٍ بدت لي ..
ودموع عينٍ ما أوقفت لي ..
دق الجرس ..
و فتحت أنا بابي ..
شفت الحرس ..
يا مكبر مصابي ..
من روعتي ما حكيت ..
تلعثم لساني و بكيت ..
حاولت بيدي صدهم ..
صعبه أنا اقف حدهم ..
دشو عليّ مثل الوحوش ..
الكـــــــــاسرة ..
الجـــــــــايعة ..
لو والله ارحم هال وحوش ..
كل الوحوش أبلا عقول ..
ما تملك إحساس و ميول ..
ما أدري أنا شن هو أقول ..
ما أدري أنا شن هو أقول ..
قدام عيني مشهدٍ ..
غريب والله ما أبشعه ..
البيت هدوه وظهر..
قطع صغيره مجمعه ..
قلت أنا أخذوا ما تبون ..
كل ما عندي يهون ..
إلا أنا و بــنــيــتي ..
من يمنا لا تقربون ..
وبلحظة سمعت...
صوتٍ كبير ..
يوزع أمره للصغير ..
البنت جيبوها أسرعوا ..
صرخت أنا قلت أبعدوا ..
ضميت بنتي بقوتي .
خذوا معاها جثتي ..
هلّيت دمعي فوقها ..
لا أحدٍ يقرب صوبها ..
و بنيتي مستغربة ..
ومستنكرة ..
أمرٍ غريبٍ شافته ..
يمه .. يا يمه ..
شن هو حصل ..
هذا حلم ..
قولي لي يـــا يمه حلم ..
أشوف أنا شي محال ..
ما يحصل إلا بالخيال ..
ما يحصل إلا بالخيال ..
وبلحظة جاء من هو سحبها ..
متمسكة صعبٍ أهدها ..
و بلحظة مني إرتخيت ..
ما أقدر أقاوم ما قويت ..
خايفه عليها لو قسيت ..
يا يمه لا تهديني ..
معاهم لا تخليني ..
يا يمه ما أبغى أروح ..
ما أقوى أنا ظلم و جروح ..
طلبتهم ..
و رجيتهم ..
و حبيت موطى رجولهم ..
يا مقسى والله قلوبهم ..
ما فيه بال دنيا العريضة ..
إلا هال بنت المريضة ..
قلت ابطلب شي أخير ..
بنتي تعبانه كثير ..
ولا لي بال دنيا سواها ..
وذا دواها ..
وقبل ما أنهي كلامي ..
أخذ من أيدي هال دوى ..
وضمه في أيده و طوى ..
يا كيف قلبه ذا قوى ..
عطاني ظهره و إلتوى ..
يا عل يدينه للكسر...
ويتمنى موته من قهر...
يقعد ولا يقدر يفر...
ولجسمه الطايح يجر...
آه يالقهر...
راحوا و قفوا و أبعدوا ..
ولدمعة عيوني تركوا ..
آه اصرختها بنيتي ..
وتقطع قليبي معاها ..
آهٍ تقابل آهتي ..
أخذوني يا عسكر معاها ..
ما أحدٍ يرد لي الجواب ..
طار من عقلي الصواب ..
يا بــنــيــتي .. يا بنــــيــتي ..
وجلست أنا أنطر أي خبر ..
يطمن قليبٍ صبر ..
عاش بسهر ..
وذاق القهر ..
بنيتي ..
غابت ولا أدري بحالته ..
من عقب همٍ شالته ..
ما زالت بقيد الحياة ..
إلا تهنّت بال مماة ..
هي جايعة ..
أو بالصحاري ضايعة ..
هي نايمة ..
هي قايمة ..
ما أدري أنا ..
تلعبي هجوسي كثير ..
عقلي من جنانه بيطير ..
يا ناس هذا ما يصير ..
يا ناس هذا ما يصير ..
بنيتي...
ما كملت عشرة سنين ..
صورتها قدامي تبين ..
يا ويل هال قلب الحزين ..
من كثر همه والونين...
يا بــنــيتي يا أغلى الأمــاني ..
ما غبتي عن بالي ثواني ..
و إن كان ربي لي عطاني ..
شوفك فلا أطلب شي ثاني ..
يا بـــنــيــتي ..
مهما قسى هال وقت وقلبي يعيقه ..
همٍ شديدٍ من هو ذا اللي يطيقه ..
يتخيلك قلبي ترى كل دقيقه ..
حلمٍ لعل الله يجيبه حقيقه ..
يا بــنـيـتي ..
يا ما صبرت ..
و من فوق أنا أحزاني عبرت ..
وحبل الأمل ما قطعت ..
حتى سمعت ..
اللي يقول ..
يا فرحتك يا الله أسمعي ..
بنتك لقيناها أسرعي ..
من فرحتي غصبٍ شهقت ..
وبصوتي العالي صرخت ..
اجتمعوا من حولي كثير ..
قالوا علامك ما يصير ..
بنتي أرجعت لي ابشروا ..
لي باركوا يا فرحتي لي باركوا ..
يا فرحتي يا بنيتي...
عقب العناء ..
شفت الهناء ..
أسرعت بخطاي و مشيت ..
ومن شدة الفرحة بكيت ..
وهلّيت أنا دمع الفرح ..
و إلتم جرحٍ ما برح ..
يا فرحتي يا بنيتي يا بنيتي...
ويومٍ وصلت ..
ولمجلسٍ عامر دخلت ..
وقبل ما أسلم سألت ..
يا بـــنــيتي وينك وصلت ..
يا فرحتي يا بنيتي يا بنيتي ..
ولكن لمحت ..
شخص ٍ على شفاته كلام ..
مترددٍ ..
متلعثمٍ ..
و بنظرته حزن و ظلام ..
ما أدري أش علامة ما نطق ..
سحبته من ثوبه وسألت ..
و باللي رفع سبعٍ حلفت ..
انك تخبرني أش حصل ..
أرجوك لا تطفي الأمل ..
ويومٍ سمعت لنبرته ..
وصوتٍ يبين رحمته ..
يـــــــــــــــا حسرتي يـــــــــــــــا حسرتي...
ماتت أكيد بنيتي ..
يـــــــــــــــا حسرتي يـــــــــــــــا حسرتي...
وماتت معاها فرحتي ..
يا حسرتي يــــــــــــــــــا حسرتي ..
يا مقسى والله دنيتي ..
يا مقسى والله دنيتي ..
يا بنيتي يا بنيتي...
قال أسمعيني في هدوء ..
لقينا بنتك على البحر ..
بآثار تعذيب و قهر ..
والكسر فيها ما أنجبر...
ولا حدٍ عرف عنها خبر...
و فيها حروق ..
غطت كثير من الجسد ..
اتشوهت ..
و منها الملامح اختفت ..
يا ليت يا يمه تجين ..
وللجثة لحظة تنظرين ..
يوم مشيت...
تثاقلت مني خطاي...
يا دنيا زودتي لبلاي...
تطابقت أرضي وسماي...
أفكار تلعبي يمين...
ضاع الأمل...
مسكين يالقلب الحزين...
يوم وصلت...
وبنظرة عيوني لمحت...
عدت النظر ثم شهقت...
صرخت بالعالي صرخت...
وبربي الخالق حلفت...
هذي ترى مو بنيتي ..
هذي ترى مو بنيتي ..
قال أطلبك تتأكدين ..
عيدي النظر ..
أرجوك لا تستعجلين ..
همست أنا بصوتٍ حزين ..
والله كلامي لك أكيد ..
و احلف لك برب العبيد ..
هذي ترى مو بنيتي ..
هذي ترى مو بنيتي ..
بنيتي ..
مهما تراها شوهت ..
و إلا الملامح اختفت ..
قلبي حفظ لوصفها ..
الطول ما هو بطولها ..
ولا هي قريبه حولها ..
متأكدة .. متأكدة ..
وسحبت أنا جسمي و رجعت ..
وحفرت أنا لفرحي ودفنت ..
وجهت وجهي و اتجهت ..
للخالق الحق وطلبت ..
انه يحقق دعوتي ..
وترجع لي يوم أنا بنيتي ..
وتكمل معها فرحتي...
وكلّت أنا الله في رجاي ..
انه يحقق مبتغاي ..
الخالق الحق ومناي...
يا رب حقق لي دعاي...
يا رب حقق لي دعاي...
يا بنيتي ..
ما لاح فجرٍ أو يبين ..
أو هدني ظلم السنين ..
كل يوم أنا شوقي يجين ..
يا بنيتي ..
زاد الحنين ..
يا بنيتي ..يا بنيتي...
يا بنيتي ما أدري أنا اعتب على مين ..
هل هو ردى حظٍ تبين بعد حين ..
و إلا زمان جايرٍ ما به اللين ..
يا رب بطلب رحمتك فيني تبين ..
وتكفكف لدمعٍ سلب عمري سنين ..
يا بنيتي ..
يا ما و يا ما قلبي ساهر تحراك ..
لا ذاق نوم و لا قوى بيوم ينساك ..
يا خوفتي قرب المنية ولا ألقاك ..
و إن كان محرومٍ على العين رؤياك ..
عسى يعجل ربي بالموت وألقاك ..
بجنان خلدٍ باقيٍ من سكنها ..
ونرحل عن الدنيا وننسى تعبها ..
و أضمك لصدرٍ رجى من عمرها ..
الخالق المعبود عدلٍ حكمها ..
يا بنيتي .. يا بنيتي ..

مساء الخير حميعاً اتمنى أن يكون الجميع بصحه وعافيه يارب....

هذي هي بدايتي معكم و اتمنى من الله العلي القدير ان تحوز هذه الخاطره على رضى الله ثم رضاكم وكم كنت اتمنى لو يوجد لدي حس فني في عملية الإخراج ولكن الشكوى لله ومثل ما يقولون الجود من الموجود....

هذه الخاطره تحكي قصة طفله كويتيه اسرة إبان حرب الخليج ولا يعلم اهلها عن مصيرها حتى وقتنا الحاضر هي معاناة تجسد حال كل ام وكل أب وكل زوج وكل زوجه وكل أخ و كل اخت وكل من فقد غالي عليه من جراء الحروب ستبقى معاناة الأسرى في قلوبنا حتى يرجع كل كويتي إلى أهله وبلده وكل سعودي إلى وطنه و أحبائه وكل مسلم إلى أمنه و امانه هي خاطرة بالأصل قديمه ولكن لازلنا نتجرع مرارتها حتى وقتنا الحاضر ولا يكاد يمر يوم لا تنسكب دمعه من دموع الأمهات الثكالى على فقدان أبنائها ولكن لا نقول سوى لا حول ولا قوة إلا بالله العلي العظيم.....

وكما نسأل الله العلي القدير ان يفك أسرانا و أسرى المسلمين آمين يارب العالمين.....

والسلام عليكم ورحمة الله وبركاته

أخوكم عبدالله




اخر تعديل كان بواسطة » ريــاض القلب في يوم » 15/12/2002 عند الساعة » 02:18 AM
اضافة رد مع اقتباس
  #2  
قديم 15/12/2002, 04:28 AM
زعيــم متواصــل
تاريخ التسجيل: 17/10/2002
المكان: ارض الجزيره
مشاركات: 195
امين الله يرجعهم الى اهاليهم سالمين

تحياتي
اضافة رد مع اقتباس
  #3  
قديم 15/12/2002, 04:05 PM
زعيــم مميــز
تاريخ التسجيل: 31/08/2002
المكان: فيه احلى من الشرقيه بالسعوديه
مشاركات: 2,745
مراحب لك الاخ عبدالله

وعورت قلوبنا وشعلت في فؤادنا الحزن الذي يتجدد مع ذكر اخوانا الاسرى
الله يردهم الى اهلهم باتم صحه وعافيه.
واما القصه هذي نقطه في بحر العذاب الذي يعيشه اهالي الاسرى منذ ذلك
الوقت وعذاب كل ام واب واخ وقرايب لهم .
وما اسوئ انتظار المجهول.
>>> اللهم فك قيد اسرانا واسرى المسلمين جميعا<<<

ومراحب بك بين اخوانك.
اضافة رد مع اقتباس
  #4  
قديم 15/12/2002, 09:01 PM
زعيــم متألــق
تاريخ التسجيل: 15/09/2002
المكان: الرياض
مشاركات: 1,458
ماشاء الله عليك اخوي من اول مشاركه جيت بهذا الابداع

مشكور اخوي
اضافة رد مع اقتباس
  #5  
قديم 15/12/2002, 11:37 PM
موقوف
تاريخ التسجيل: 25/03/2002
المكان: جده ..... ياهوى الولهان
مشاركات: 732
إقتباس
إقتباس من مشاركة تحدوه البشر

مراحب لك الاخ عبدالله

وعورت قلوبنا وشعلت في فؤادنا الحزن الذي يتجدد مع ذكر اخوانا الاسرى
الله يردهم الى اهلهم باتم صحه وعافيه.
واما القصه هذي نقطه في بحر العذاب الذي يعيشه اهالي الاسرى منذ ذلك
الوقت وعذاب كل ام واب واخ وقرايب لهم .
وما اسوئ انتظار المجهول.
>>> اللهم فك قيد اسرانا واسرى المسلمين جميعا<<<

ومراحب بك بين اخوانك.

اضافة رد مع اقتباس
  #6  
قديم 15/12/2002, 11:48 PM
عضو غير عادي
تاريخ التسجيل: 14/03/2002
المكان: الـريـــــــــــاض
مشاركات: 10,107
روعه .....

الله يفك أسرى الكويت آمين ... ويصلح شعبهم و يهديه ....

اخر تعديل كان بواسطة » الحاتمي في يوم » 16/12/2002 عند الساعة » 12:21 AM
اضافة رد مع اقتباس
  #7  
قديم 15/12/2002, 11:51 PM
زعيــم مميــز
تاريخ التسجيل: 10/10/2002
المكان: الرياض
مشاركات: 2,112
الله يفك اسرهم .
اضافة رد مع اقتباس
  #8  
قديم 17/12/2002, 08:42 PM
زعيــم مميــز
تاريخ التسجيل: 29/05/2002
المكان: مقاطعة الدلم, ولاية الخرج الجنوبية
مشاركات: 7,753
اللــــه يفك أسرهم بأسرع وقت ويرجعوا لأهلهم وديرتهم سالمين وغانمين
اضافة رد مع اقتباس
  #9  
قديم 17/12/2002, 08:51 PM
زعيــم نشيــط
تاريخ التسجيل: 21/07/2002
المكان: قلب الهلال
مشاركات: 878
إقتباس
إقتباس من مشاركة العرفج

اللــــه يفك أسرهم بأسرع وقت ويرجعوا لأهلهم وديرتهم سالمين وغانمين

اضافة رد مع اقتباس
  #10  
قديم 19/12/2002, 10:00 AM
زعيــم جديــد
تاريخ التسجيل: 09/12/2002
مشاركات: 7
[c]بسم الله الرحمن الرحيم

قبل أن أقوم بالرد على الأخوة الأعزاء أتمنى أن أقوم بتوضيح عدة نقاط

النقطة الأولى إني أنا سعودي أصلا وفصلا ومن لهيب وحرارة نجد يعني مانيب كويتي كما يتوقع البعض

النقطة الثانية هذه القصة من نسج الخيال كتبت على آهات و دمعات المحزونين ولا ترتبط بالواقع ولها مناسبة

النقطة الثالثة مناسبة هذه الخاطرة بعد حرب الخليج بسنتين أو ما يقاربها كان هناك برنامج في قناة الكويت يأتي في رمضان وهو عبارة عن لقاء مع أهالي الأسرى وكنت مدة البرنامج ما يقارب الساعة أو أقل وكنت أحس بالألم والحسرة من جراء مشاهدة دموع الأمهات والآباء والأخوات والزوجات والأحباب ويعلم الله أن كل دمعه من دمعاتهم كانت تقطع نياط القلب وتبكي مقلة العين واعلم أن شعوري في تلك اللحظات لا يعادل ولا جزء يسير من مشاعرهم و آهاتهم على أحبابهم و استمررت في متابعة البرنامج طول فترة عرضه ومع كل عرض تزداد الحسرة في قلبي حتى خرجت هذه الخاطرة....

النقطة الرابعة أنه مهما اختلفت الجنسيات و تباينت ألوان البشرات فألمنا واحد و آهاتنا واحده إخوتنا في الكويت أو في فلسطين أو في العراق أو في أفغانستان كل إنسان بريء يعاني نئن لأناته ونبكي لدمعاته ويحترق القلب لآهاته.....

النقطة الخامسة أما مناسبة طرحها في هذا الوقت بالذات كأني أرى العالم مقبل على حرب لا نعلم لها من نهاية وكأني أرى مشاهد البكاء ستتكرر وصور قتل الأبرياء ستظهر و آهات الأمهات الثكالى ستسمع و أنين المرضى والجرحى ستصدع ولكن نسأل الله العلي القدير أن يلطف بنا ويرحم حالنا ....

لي عوده مع الردود بإذن الله
[/c]
اضافة رد مع اقتباس
  #11  
قديم 19/12/2002, 02:05 PM
نجمة المجلس العام
وعضو سابق باللجنة الإعلامية
تاريخ التسجيل: 03/09/2001
المكان: على جناح الحب وبساط الأمل
مشاركات: 3,624
كلمات أشعلت الآهات في وجدان كل قلب مسلم ،،،،،
كيف لا وهي تحمل معاناة شعب وصرخة أم وأمل بعودة أب وأخ وبفرحة لقاء أبن وبنت
تتجدد الذكرى مع كل حدث بمشاهد لا تتزال عالقة في مخيلة كل شخص شاهد صور الحرب
نسأل الله ان يفك أسر أخواننا في الكويت وفي كل مكان
وبداية اكثر من رااائعة بمشاركة أشعلت حرارة الحرف بالمشاركة
اضافة رد مع اقتباس
  #12  
قديم 19/12/2002, 02:15 PM
عضو سابق بلجنة تطوير المجلس العام
تاريخ التسجيل: 10/06/2002
مشاركات: 2,338
الله يفك اسر المسلمين بكل مكان
وسلمت اخوي رياض
اضافة رد مع اقتباس
  #13  
قديم 19/12/2002, 02:17 PM
عضو سابق بلجنة تطوير المجلس العام
تاريخ التسجيل: 29/04/2002
المكان: الــريــاض
مشاركات: 3,921


الله يفك أسرهم

ويرجعهم لأهلهم سالمين معافين
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:28 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube