السلام عليكم ورحمة الله وبركاته


كيف الحال يالاخوان والاخوات عساكم على القوة .

في الحقيقة يالاخوان انا مدري هذا القسم خاص لشركة موبايلي او شنو ؟ لكن ابسرد مشكلتي وسبب تركي للشريحه أمس .

انا يالاخوان مطلع الشريحه جديدة من شهرين تقريبا المهم كل ماشحنت الشريحه بمبلغ مالي اتفاجأ بأنهم يخصمون مني خمسة ريال بدون سبب مع العلم اني مو مشترك في اي جوال او اي جريدة أو اي شي ثاني ،، والشريحه جديدة وماسويت فيها شي ،،، فالمهم دقيت عليهم وكلمتهم وقالولي مانقدر نعرف المشكلة لازم تنتظر 24 ساعه ،، وانتظرت ودقيت عليهم اليوم الثاني قالولي خلاص عرفنا المشكلة وصلحناها وماراح تجيك مره ثانية ،،، وصارت لي الحركة هذي مره ومرتين وثلاث مرات وكل ماشحنت ينخصم من رصيدي خمسة ريال بدون سبب وكل مادقيت اقعد على الخط اكثر من نص ساعه وماحد يرد علي مدري ليه ،،، في الاخير طفشت ورميت الشريحه ورميت موبايلي وراها ،، ومعاي كم شخص من ربعي عقب ماعرفوا مشكلتي غيرو شرائحهم للاحتيالات .

فاذا كان للشركة حل لهالمشكلة ياليت يسدحونه هنا لعله يستفيد منه غيري أما من ناحيتي فرميت الشريحه للاسف ،،، واذا الشركة ماحافظت علي كزبون وماقدرتني وحتى التعويض ماعوضتني مابيها .

بالتوفيق

آلله يكون بعونكْ
بس حبيت أقول لك ترى أنا عندي خط STC مسبوق الدفع [يعني سوا]
من عام 2006 وأنا كل ما أشحنه يآخذون 5 ريال يومياً ,’

فيعني لا تتوقع من شركة الإنفصلات إنها لاتوجد بها مشاكل !

.. .. .. .. ..

أذكر موقف جميل لموبايلي :
أخطأ الموظف بإلغاء باقة النت لدي بعد ما تم تفعيلها , وإتصلت عليهم وماتم 24 ساعة إلا وتم إعادة الباقة المفتوحة لدي , 350 ريال سعودي

اخوي اناقدصارت معي زي مشكلتك في موبايلي بس انا اشتركت في احدى القنوات
على اساس انها مجانيه لمده اسبوع توقعت بعدها بتنفصل هم ماالغوها فصرت كل مااشحن اتفجأ يخصمون لدرجة انهم حطوني مشتركه في جوال الشاعرحامد زيد
وجلست على هالحال يمكن شهرين لكن بعد كم اتصال وضح لي الموظف الله يجزاه الخير طريقة الالغاء بعدها الحمدلله ماعاد سحبوا مني وايضا لقيت طريقة الالغاء في احدى المنتديات
وبالنسبه للانفصلات او الاحتيلات تراهم اشد وابلى نصيحه ابعد عنهم ماشفط فلوسنا الاهم
عمتي جوالها سوا وكان يسحبون منها اتوقع اكثرمني وهبلوا فيها وماوقفوا سحب الابعد ماعلمتها الطريقه
وترا سوا اغلى عليك في المكالمات اذابتكلم شبكات اخرى
طلع شريحه موبايلي جديده وان شاء الله ماراح تلقى الاكل خير...

كلهم مابينهم فرق
تعبت معهم ولا فيه فايدة
الله المستعان

كلهم نصابين

أنـــآ خلآص بطلع بيجر

شاكر لكم مروركم يالاخوان والاخوات

بعدين ابوضح لكم شي ،، انا شريحتي جديدة وماشتركت في أي باقة او جريدة ابد مافيه غير اتصال واستقبال مكالمات يعني ليه يسحبون هالفلوس مني مدري .

واساسا اللي غابني انها صارت اكثر من مره واكلم الموظف ويقولي دق بعد 24 ساعه وعقب ماتدق عليهم يقولك خلاص حلينا مشكلتك ومادري الا يخصمون مني بعدين وبعدها مايردون عليك الا عقب ساعه .

الحاصل وناخوكم للاسف الدعوة سرقة ولعب على دقون سواء من موبايلي او شركة الاحتيالات او شركة شين والله يالربع اني حسيت بالمعاناة والقهر في الغربة سواء في كندا او نيوزيلندا او ماليزيا او الهند وغيرها من البلدان وشفت العز اللي هم عايشينه من حيث رخص المكالمات والرسائل اللي خلاني اعظ اصابعي من القهر ،،، لدرجة اني كنت اكلم اهلي لمدة ثلاث ساعات تقريبا من كندا للسعودية بـ عشرة ريال سعودي ،،، شرايكم بس ،،، ولا ماليزيا لاتروح بعيد كنت ارسل الرسالة بهلله واحده .

كلهم نصاااااااااابين والضحيه الشعب السعوودي الكريم

نفس المشكله صارت لي لاتخليهم اتصل عليهم
وعطهم العين الحمرا حتى يرجعون لك كل الفلوس اللي اخذوها

ثم ارسل غ1 الى 611116

أنا قد صارت لي بس افتكيت منها

كانوا كل ما شحنت يسحبون من رصيدي اسبوعي

و كان كل ما شحنت تجيني رساله من هالخنابيق قصايد مدري وش قصتها

عاد شكيت و ارسلت رساله فاضيه للقصايد ذولا
و ارسلولي خنابيقهم و ارقام القنوات و ارسل حرف (م) لمزيد من المعلومات عاد ارسلت لهم و ارسلولي رساله و قالوا انت مشترك بالقنوات التاليه << كل القنوات

و الغي الاشتراك كل قناة على حدى

و قسسم قلق

عاد الحين ما يسحبون شي

بس الي يقهرني عرضهم الي اشحن و يدبلون لك المبلغ
بعد اسبوع يسحبون المبلغ كله

كلهم نصابييييييييييييييييييييين

شباب مادري وش فيكم بصراحه ظالمين موبايلي ...

بس اللي يبي يرتاح مع موبايلي ويحس انه فعلا مطلع جوال صح ..

يطلع شريحة هلا بلس موبايلي فاتوره .. والله روووووووووووووووووووعه قمة الروعه ..
لو تكلم ليل نهار . راح تجيك فاتوره جدا رخيصه لدرجة انك تحس انهم ينقصون عليك فاتورتك يخصمون من قيمة الفاتوره .
مره خيال جربوها وماجاكم علي

هلالية حد الجنون:
ماهب انتي اللي خليتي ثمان حريم يحولون شرايحهم هههههههه ،، لكن فعلا صدقتي كلهم نصابين والضحية حنا والله .

بالنسبة للرهيب :
والله وناخوك ماحب اسلوب القوة ،، وكلمتهم وقلت لهم لكن لاحياة لمن تنادي .

بالنسبة للوف الهلال :
والله وناخوك شريحتي جديدة مثل ماقلت لك وماشتركت بأي باقة وكلمتهم ونفس العلة .

وبالنسبة للبقية شاكر لكم ردودكم ،، ونا احب اعلق واقول انا مصلحتي اهم من الهلال مع احترامي للجميع والحق لازم نقوله ،،، شركة موبايلي عادية والاتصالات ألعن من العادي والسالفة كلها لعب على الدقون وسرقة والضحية مثل ماقالت الاخت حنا يالشعب .

اجل والله لو اقولكم اسعار الفواتير وطرقها في الخارج كان تنهبلون بس خلوها مستورة وماعليها خلاف الاحتيالات كل سنة تطلع ارباع بمئات المليارات .

تحية

موبايلي غالية بالحيل

سعر الدقيقة على ايام جدي وما غيروووه

والله لو الهلال مو شريك مع موبايلي

ما احتفظ بها للحين


وكثير من الهلاليين كذا



غاااااااالية بالحيل

لن اظلم موبايلي انا يخصم مني شهريا29 ريال شهريا لخدمات اعرفها جيدا ومتاكد منها والشهادة لله مااتذكر خصم مني مبلغ الا وعرفت السبب وانا كان هناك غلطة كلمتهم وصلحوها مع اني مو من خدمة التميز او العلملاء المتميزين