السلام عليكم

إلى متى والتدخين في الملاعب مسموح؟؟؟؟؟؟؟؟

لماذا يمنع كل شي بالدخول إلى الملعب والتدخين مسموح؟

وهو اضر واخطر من أي شي آخر!!!!!!!!!

يامسئولين تعبنا من التدخين يكاد الجمهور كله يدخن والعياذ بالله

من الكبير إلى الصغير يدخنون اللهم اني اسألك العفو والعافيه

والتدخين من اكبر اسباب عزوف الجماهير عن الملاعب!

واتمنى منع التدخين بالملاعب واتمنى ابتعاد الجماهير عن التدخين لأنه كما نعلم جميعا مضر بالصحه..

اتمنى يجي يوم اسمع خبر يقووووول .... (( منع ادخال علب التدخين والولاعات للمنشآت الرياضية منعا للحريق و حفاظا على صحة المجتمع ))

لكن يبدو لي المسؤوولين عاجبهم الوضع !!

قسم بالله ملينا من التدخين اختنقنا منها

إقتباس الرسالة الأصلية كتبت بواسطة Ṩσσłŧẵή ^ لأن المسسؤليــن أغلبـهم يدخنون =] ع العموم فكره جميـلـه لكن مآ أتوقـع يطبقونـه =]

هذا اللي حاصل يا أخوي ...

ليس فقط الدخان
أسمع سالفتي أنا:
سبق وأن حضرت مباراة في ملعب الآرسنال (الإمارات) بلندن تخيل وصلت للملعب لم أجد تدافع وتزاحم كما هو الحاصل لدينا ،،، بل هناك بوابات إلكترونية ويوجد بجانبها حرس الملعب ولكن لم يكلمني أو حتى يطالع فيني لم يفتشني أحد كما هو حاصل عندنا ( ما بقى إلا يقولون أفصخ ثوبك) بعد ذلك دخلت الملعب ووجدت كرسيي حسب التذكرة نظيف وغير محجوز ـ عندنا تجي تلقى المقاعد محجوزة،،،بعد ما طلعت من الملعب حلفت إني ما أدخل ملاعبنا أبد مالم يحترمونا ويعاملوننا مثل الأوادم

يا رجل من جدك انت تتكلم

اذا المدربين يدخنون في الملعب >>>> بعض الاندية تمنع الاعبين من التدخين

وفوق كذا

المخرجين يتفنون في اخراج كحيلان وهو يدخن يعني وش تترجى من الجمهور العادي

وعلى قولت الجماعه العسكري يمنع الولاعه ولا يمنع البكت هع هع هع >>>>>> بيشغل السجاره بجواله مثلا

المورد العذب التذاكر عندهم مرقمه تجي مبكرا او متأخرا مكانك موجود مو مثلنا كل واحد حاجز عشر مقاعد لزملائه

نرجع لموضوعنا ...

اللهم اني اسألك العفو والعافيه الحين مايقدرون المدخنين ولايحترمون اللي جالس عندهم

لا استئذان ولا حاجه علطول يشب الزقاره ولاحتى يصبرون حتى تنتهي المباراة والمباراة كما نعلم ساعتين مدتها!!!!!!!!!

الله يهدينا وياهم

وشكرا لتفاعلكم واتمنى ان يصل كلامنا إلى المسئولين

العبارات اللى يكتبونها الجماهير لتشجيع اللاعبين وحماسهم ممنوع !!!

فنايل عليها صور نجوم الأندية ممنوع !!!

اللى يدخل المويه الى استاد الملك فهد الدولى ممنوع !! وصار لى انا شخصيا .. حينما منعنى العسكرى ادخال عبوة موية للملعب ، وما لقيت الحل إلا انى رميت عبوة موية الجديدة فى الزبالة مباشرة .. ودخلت الملعب ..

لكن بكت الدخان .. يجيب الريحة النتنة

قهرررررررررررررررررررررررررررررررر وبس

اي والله انك صادق...اصلا ابوي مايوافق اروح الملعب بسبب التدخين والالعاب النارية ..ومرة شفنا على برنامج (99) طلعولنا فضايح بعدها ماقمت اروح الملعب بسبب انهم مايفتشون زين