|
بالعكس .. بتّال يواصل إبداعه ماكتبت العنوان مخصوص علشان ( خالف تعرف ) لاوالله .. بس حلقة البارحه في برنامج ( في المرمي ) زاد إعجابي بالإعلامي المميز بتال القوس .. ليه كل هالهجوم على برنامج رياضي يقوم بتخصيص دقائق بسيطه لإستضافة نجوم سابقين على طبيعتهم ليتكلموا عن تجربتهم او ذكرياتهم خصوصاً وأن المستقبل والحديث عنه لايهم المشاهد .. ومايهمنا هو خفايا وخبايا هذا النجم في الماضي ورياضة الماضي من حلوها ومرها .. ظهور النجم فهد الغشيان بهذه الحالة مهي ذنب بتال ولا حتى المعد ... فالمعروف أنه يتم إبلاغ النجم بالمقابله والترتيب لها بمده كافيه لكي ( يختار لبسه .. وحديثه .. والشخصيات اللى يبي يتطرق لها .. ) يعني ماصار شي بالصدفه ... وهذي غلطة فهد الغشيان إن كان هنالك غلطه ... ظهوره بهذا الشكل ليس عيب البرنامج ولا قصور في حق بتال القوس .. بالعكس .. هذا تميز وسبق .. الكل يعرف إن الكابتن فهد الغشيان مختفي عن الساحة الرياضيه .. وإنه غايب او مغيب .. او ( وصل لحد الغرور ) أو ( التشبع ) من الظهور .. وقدر عليه الرائع بتال القوس وأظهر كونكوورد الزعيم السابق .. فهد الغشيان .. والحمد الله أنني رأيته بهذا الشكل .. وياليتني ماشفته بهالشكل !! :cry: البرنامج الناجح هو من يقدم ضيفة للجمهور على حالته الطبيعيه .. وهذي مع الأسف حالة فهد الغشيان .. تكلم فهد .. وقال .. وأخذ جوه .. يبقى الجمهور العاقل له الحكم من خلال حديثة وأسلوبة وطريقة كلامه ومابين صحت ماتحدث عنه .. او حتى إتهامه للكل دون أستثناء .. إلا فيصل بن تركي :ap: يحب فيصل بن تركي .. ومالوووه ؟! اللاعبين كلهم شحاذين .. ومالوووه ؟! رؤساء الأندية منافقين وكذابين .. ومالوووه ؟! الإحتراف في الهلال كان عفن .. ومالوووه ؟! مااحد من اللاعبين الحين يعجبه .. ومالوووه ؟! يقول اللى يقوووله .. ماحد يقدر يسكر فم أحد عن الكلام .. لكن الشرهة على اللى يصدق مثل هالكلام والمثل المصري يقول :: إذا كان اللى يتكلم مجنون .. فاللي يستمع عاقل :yes: نعم .... فهد الغشيان كان أخطر جناح أيمن عرفتها الملاعب السعودية وانا شخصياً كنت أعشق لعبه وكان رقم 2 بعد يوسف الثنيان :smilie47: وكنت اعشق لعبه .. لكن مالي بأخلاقة وأسلوبه لأنه مايهمني إلا لعبه في هالمستطيل الاخضر .. غيره مالي فيه إذا بنزعل فالمفروض مانزعل على بتال وبرنامجه الناجح ولانزعل على فهد الغشيان في ظهورة المخجل .. المفروض نزعل له وللحالة اللى وصل لها .. وكيف أهمل عمره وخلى جمهور الهلال وغيره يتمنى إنه كان مختفي على هذا الظهور ( الغبي ) لنجم كبير كبير كبير جداً ظهر مصطفى أدريس في حالة أسواء من هالحالة ... ماحد تكلم عن سوء البرنامج ومقدمه ... ترى مو شرط يكون كل لاعب هلالي محترم ونظيف وخلوق ؟ ومو لازم نشخص فيه بعد الإعتزال .. انا ماودي أذكر أسماء .. سواء اللاعبين اللى نسمع عنهم امور سيئه ولا اللاعبين اللى تفتخر بوجوده ظمن تعداد المملكه واحد سكانها مثل النجم الرائع ( نواف التمياط ) الله يخليه لعين ترجيه .. لكن في الوقت نفسه كلنا نذكر أخوه وشقيقه ( محمد التمياط ) :cry: البرنامج ناجح ... اجل تبون برنامج سلمان المطيويع يروح نص الكلام بمدح نواف وسلطان ... وإلا إبراهيم الجابر يقدم وهو طاق أربع علب نشاء بظهره .. وكل كلمه ( حكومتنا الرشيده ) ؟؟ وإلا مصطفى الآغاء يقراء رسايل سخيفة مالها بالرياضه .. اللى يقول خشمك كبير واللى إذنك كبيرة ؟؟ وإلا جايزنلكم بدر الفرهود .. الثلجه أو الهويمل الميت .. وإلا محمد الشهري يروح نص كلامه ( يعطيك العافيه ) وبس .. بتال غير انا ياواحد كانت نظرتي لبرنامج بتال إنه مخصوص لمحاربة الهلال .. وانا أعلم إن بتال نصراوي .. لكن مع المتابعه ويعلم الله إني صادق .. ماينصف الهلال مثله .. الإنصاف المطلوب .. مهوب الترفيع اللى ماله سنع .. وعلى فكره .. رغم إنه نصراوي .. ينتف النصر تنتيف غير طبيعي .. كل ماشفته قلت .. ليته هلالي وياخذون أحمد العجلان ويصير نصراوي ونزودهم صالح الطريقي s121s نرجع لموضوع فهد الغشيان ولقطه إستضافته .. لم يسقط أحد .. بل تجلت الحقيقه ( في ظهوره فقط ) كما هي دون رتوش او تزيين .. هذا لاعب وجاكم بوضعه الطبيعي ( أما في ماقاله ) فالعاقل يقدر يحكم .. ويقولون لاشفت الواحد يقول صدقني .. ويكثر منها تراه يكذب !! معقوله نصدق فهد في هالحاله .. ونكذب شبيه الريح ومالنا إلا الظاهر .. والغيب عند رب العالمين :yes: اخوكم الصغير ابو طلال |
بالله اللي يعرف المقطع وين الاقيه ابي اشوف السالفه الاعضاء شايلين على بتال ... ابي الحلقة بليييييز يعطيك العافية |
مشكلتنا شعب اول ما يجي على بالنا العيوب والانتقاد واللغط ... الخ ياخي بتال اعلامي ومهنيا فهو يبحث عن الاثاره والوجبات الاعلاميه الدسمه ,, فلماذا يلام ؟؟ يعني ذالعالم راحوا يتكلمون ويقولن بتال وبتال ومدري ايه , وتناسوا وهمشوا صلب الموضوع اللي هو كلام الغشيان الله يصلحه , كل شي ينهضم الا مسألة ان اللاعبين شحاذين , هو لأنه وارث من ابوه الله يرحمه قام يتكلم بعزة النفس والغطرسه ويتغنى بها , لكن لو انه مثل غالبية اللعيبه اللي فشلوا دراسيا ورزقهم واقف على الكوره كان عرف ان الله حق الغشيان مع احترامي له فهم الجرأه غلط وقام يلخبط ويخمبق , والشي الوحيد اللي قاله منطقي اللي هو انه فعلا ماعندنا احتراف , هو شبه احتراف |
اخوي طلال قسم بالله موضوعك راااااائع وعقلآآآآآآآني وكلامك سليم لله دركـ بتال افضل مذيع عربي مذيع صريح جرئ مع الكل هلاليين نصراويين اتحاديين حتى مع سلطان بن فهد نفس الاسلوب والجرآآهـ .. وبتال وش علاقته بكلام الضيف واسلووووووبه ياليت عندنا كم بتاااااااااال موبتال واحد |
كلامك غير مقبول اخوي انت تناقظ نفسك !! إقتباس:
كميرا لايف واللي بيسب يسب بكيفه ؟؟ وهات يا برامج من هذا النمط !! باختصار بتال الغايه لا تبرر الوسيله دوما |
برنامج بتال ناجح جداً لكن هل هذا وقت مناسب لـ خروج هذا الشخص هذا وقت اشغال ابو فيصل عن الفريق عشان يرد على هـ ذا الشخص كلنا مجانين وشحاذين كان من المفترض حذف بعض الكلام الغير لائق الي يشوه سمعت السعوديه في دول الخليج والعالم العربي ولكن برنامج بتال ناجح جداً واكثر من رائع بس كل شي له وقته :) ابو طلال ياكبير لاهنت :) |
والله انـكـ صادتـس من اروووع البرامج الحواريـة .. |
ابو طلال ياكبير لاهنت وبيض الله وجهك على الكلام الرااااااااااائع نااااااااااادر زيك لاخلا ولاعدم تحياتى لك وهذا الرابط من اليوتيوب http://www.youtube.com/watch?v=wY8Q8sRIbds |
توقيت عرض من يشغل الجمهور الهلالي؟ اين المهنيه انت تظهر لاعب في تلك الحاله!! اتضح الهدف وسقط القناع الحمدلله وكلما اقترب الزعيم من الذهب سنشاهد العجب العجاب |
كلام من ذهب ابو طلال.. اتوقع بأنك تعديت خطوط المجرة.. بنثر كتاباتك وابداعاتك ابو طلال.. لاندخل نحن في النوايا لكن..! نحسن الظن.. لكن الحمدلله على كل حال.. مشكور ابو طلال مرة اخرى |
رغم اني اكره بتال لاشياء غير الكورة لكن كل كلامك درر وصدقت بيض الله وجهك ليت الجميع فاهم مثلك |
وأنا اخووك بتال مذيع ناجح والبرنامج كذلك بس تجيب ضيف بجيح بهذا الاسلوب والالفاظ ..هذي سقطه بتاريخ البرنامج بعدين العالم العربي كله يشووفك وش توقع يقولون عن الكره السعوديه ..نفاق وشحاذه !!! ولا تنسى التوقيت ..توقيت المقابله غلط الهلال مقبل على مباراه مهمه في بطوله قاريه وتجيب هاللقاء صدقني هذي محاوله لزعزعه الاداره والاعبين وتشتيت اذهانهم .. ودي لك وبالتوفيق للزعيم ,, |
ياخي فهد دمر نفسه بنفسه هو الوحيد الي يعرف معنا الاحتراف لحاله والله يعطيك العافيه على طرحك الرائع بس من وجهة نظري انا ان بتال غلطان مهما كان فيه كلام مايقبله اي برنامج وهو عادي يعرض على برنامجه فيه شي اسمه احترم المشاهد |
انا من وجهة نظري أعتبر برنامج بتال القوس نجح في نجاح باهر في الوصول للهدف , وهو إنه يسوي صدا في المنتيدات ويكون حديث المجالس وهو الحاصل الأن بالفعل :: :: :/ |
والله أنا يعجبني .. وبصراحة هو أفضل مذيع .. يا أخي ( له هيبة ) . |
| الوقت المعتمد في المنتدى بتوقيت جرينتش +3.
الوقت الان » 05:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd