السلام عليكم

كيفكم ياحبايب

والله من زمان ماكتبت هوني ولا رديت هوني لي مدة والله

والله من هالدوام القلق تخيلوا معي دوام ومشوار 75 كم مرتين باليوم وساهر مفتح عيونه علي لابارك الله فيه
ومن زين الحال من الساعة 4 الى الساعة 11 الليل متواصلة محاضرات

ينفقع راسك وتكره حالك

الله يصبرتني هالخمس شهور ع الرياض

طبعا اللي كرهني بالرياض اني من يوم بدا الدراسة الاسبوع الماضي وبديت اتردد ع الرياض

صارت لي مشكلة بتعرفونها بعد شوي
وبعدها سافرت امي واختي للشرقية وبيجلسون سنه هناك

طبعا صار بيني وبين اعز اصدقاي وتقدرون تقولون اعز الناس بحياتي سوء فهم بوقت غير مناسب

طبعا هو امه بالمستشفى وبعيده عنه مو بالسعوديه ومايقدر يشوفه بسبب البعد
وصار بيني وبينه سوء فهم وزعل علي وعجزت اراضيه

وصرت اشوفه يروح للناس اللي ماكنت ابيه يجلس معهم راح رجع لهم

كثر ناس قالوا لي لاتذل نفسك عشان شخص ومدري ايش

بس ماقدرت ابتعد عنه

لاني عشت معه احلى ايام حياتي

اللي قاهرني اننا اتفقت انا وياه اننا نبقى سوا ونوقف مع بعض ونساعد بعض لين نموت
بس اللي صار من مشكلة عادة لقيته كرهني ولاعاد يبيني اكلمه

حتى صرت ادق عليه 6 الى 8 ساعات متواصلة ابي اتطمن عليه واشوف وش مسوي القاه مايرد علي

اخرها اليوم من الساعة 11 الصبح وانا اتصل فيه كل عشر الى نص ساعة ومارد علي الا الساعة 8 ونص العشا
واتفقت معه ع اني اسحب ع الكولج واجي الخرج اسهر معه
ويوم جيت الخرج ورحت اخذ لي دش لقيت منه مسج انه ممكن مايقابلني

يوم اتصلت عليه قال لي ان فيه النووم وتعبان ومن الصبح مانام وكان طالع مزرعة واحد من العيال ( وهو عارف اني اتضايق ان دريت انه طالع مع هالناس )

اللي قاهرني انه يعرف قد ايش انا اعزه واقدره وله مكان كبير بقلبي

ماعاد انا عارف وش اسوووي

لا دراسة صارت لي نفس لها ولا انترنت صرت استمتع فيه زي اول ولا دوران بالشوارع صرت احبها بدونه ولا ربعي ابيهم عقبه

ناس كثير قالول لي انساه بس محد منهم عارف مكانته بقلبي ومعزته

وش الحل بنظركم

اتمنى مالقى ردود ترفع الضغط زي اخر مرررة

ولا انسى اخوووي ماجد مقبل لبى قليبه ياهو تحملني المرة الاخيرة لو غيره كان صكني ببلوك عن الشبكة

مشكور اخوي الطوفان الهلالي ع مرورك

ياحظكم الكويت قريبة منكم هذا احلى شيء عندكم

وبانتظار ردود باقي الاخوان

هلا هلا ............بولد الخرج

اول شي بسئلك هذا صديدزك حق الكويت؟؟

ثاني شي فادت اقتراحتنا عليك يومك تسألنا تتعيد معه ولا مع اهلك؟
ّ
ّ
اذا الجواب يب ... هنا يمدينا نحط اقتراحتنا على خويك

شوف ... انتبه تسمع الي يقول خليك منه؟؟؟؟؟؟؟

انت اكثر واحد بتتحسف

وهذا صديقك او اخوك الي ماجابته امك

وعاتي لو جلست تسأل عنه مرارا وتكرارا حتى لو هو زعلان

حاول تدخل شخص بينكم تحبونه انتو الاثنين

ان شاءالله ترجعوا زي اول واحسن

تحياتي

إقتباس الرسالة الأصلية كتبت بواسطة ام متعب التميمي هلا هلا ............بولد الخرج اول شي بسئلك هذا صديدزك حق الكويت؟؟ ثاني شي فادت اقتراحتنا عليك يومك تسألنا تتعيد معه ولا مع اهلك؟ ّ ّ اذا الجواب يب ... هنا يمدينا نحط اقتراحتنا على خويك شوف ... انتبه تسمع الي يقول خليك منه؟؟؟؟؟؟؟ انت اكثر واحد بتتحسف وهذا صديقك او اخوك الي ماجابته امك وعاتي لو جلست تسأل عنه مرارا وتكرارا حتى لو هو زعلان حاول تدخل شخص بينكم تحبونه انتو الاثنين ان شاءالله ترجعوا زي اول واحسن تحياتي

ماشاء الله

للحين تتذكرين سوالفي السابقة

تصدقين عاااد انتي من الناس اللي توقعت اني القى ردهم بموضوعي وماخاب ظني لقيت ردك سبحان الله

ايه وانا اخوك هذا خويي حق الكويت اللي انتي ان ماخاب ظني قلتي عنه بعض الناس يسمون عيالهم اسماء اشوام <<<<<<<يعني حتى هو يتذكر بعد

ايه وانا اخوك اقتراحاتكم نفعتني وعيدت معه وكان احلى عيد مع ان اهلي مو موجودين


المشكلة وانا اخوووك ان مافي بيني وبينه احد

اسراري واسراره بيننا ومستحيل القى احد هو يحبه الا اخته وانا مااقدر اكلم اخته يعني مستحيل القى احد غير اخته

بس حاول تشجع نفسك بنفسك حاول تفكر بشكل إيجابي وجدي ,,
ظروفي مش ولابد بس بـ اتحدى الظروف

والله وانا اخوك خله !! ولا تروح له !!

دامه تركك وحاولت فيه وبينكم معزة من اول ولا فادت !!

معناها انه مقتنع قناعة تامة انه مايبيك !!

فبالامكان انك تخليه اربع شهور ست شهور وترجع تكلمه !!

اما انك تزن عليه فأنسى واسأل مجرب !!

إقتباس الرسالة الأصلية كتبت بواسطة الفهد والله وانا اخوك خله !! ولا تروح له !! دامه تركك وحاولت فيه وبينكم معزة من اول ولا فادت !! معناها انه مقتنع قناعة تامة انه مايبيك !! فبالامكان انك تخليه اربع شهور ست شهور وترجع تكلمه !! اما انك تزن عليه فأنسى واسأل مجرب !!

أعجبني رأي الفهد


هي نصيحة لك وللجميع ..وقت الزعل أترك صديقك بعض الوقت لا تلاحقه

بالإتصالات والمسجات وحاول تتناساه بأي هواية عندك وياليت تجرب


تقرأ القرآن والله ستجد راحة عجيبة ويمنحك الله قوة وحتى التفكير عندك يكون


إجابي وربي يلهمك التصرف الصحيح وعن تجربة أقرأ سورة البقرة ..


بعد هذه المدة قد تكون أسبوع أبعث رسالة أكتب فيها( طمني عنك وعساك طيب )


فقط وأتركه مدة ثانية .. ولكن لا تترك علاقتك بربك الصلاة المفروضة في وقتها حافظ على السنن


لاتنسى صلاة الوتر يمكن تقول في نفسك وش ها النصائح ؟؟أقولك


هذه الأعمال بأذن الله تمنحك القوة والراحة وتملأ قلبك نور وبصيرة


ومن غير أي جهد منك يعود لك صديقك ويتأسف منك لأنه ضايقك ...


وأنت حاول تقنع نفسك الا تتحكم فيه من يماشي ومن لا يماشي لأنه بيأخذ هذا الأمر سلاح


ضدك أي خلاف بسرعة يذهب لمن نصحته الا يذهب لهم ...


وعندما تعود المياه المجاريها بينكما أخبره لماذا أنت لاتريد منه أن يماشي هؤلاء !!


نصيحة أخيرة :لا تترك نصيحتي الأولى وهي المحافظة على قراءة القرآن والصلاة في وقتها


وصلاة الوتر ..والدعاء في السجود أن الله يريح بالك ويسعد حالك ويدلك على الخير .


ترى في يوم من الأيام بعد أعوام من عمرك المديد بتذكر نصيحتي وتدعي لي الله يوفقك .


ويسخرك لطاعة ربك ويسخر لك صديقك وتكون قرة عين له ..

هلا والله اخوي ,,

صدق الشاعر اللي يقول ..
عادة سيئة فينا , نحب اللي يجافينا .. واللي حبنا نجفاه , ولو هو ميت فينا
شف يالغالي اول شئ لازم نعرف وش المشكلة اللي صارت بينكم حتى نقدر نحلها .. !!
لكن نصيحة .. طالما انت مبين له انك متعلق فيه وما تقدر تستغني عنه , رح يتمادى اكثر ..
لكن وضح له انت ان باسلوبه هذا معك ممكن يخسر نفسه قبل يخسرك .. وحاول تثقل عليه شوي ..
بليف مي .. اذا كان لك معزه وتقدير عنده رح يرد مثل اول واحسن ..
وبعدين حط في بالك ان الدنيا ما راح توقف على احد نهائيا , مهما وصل حبه وغلاه ..

هذا والله اعلم ,,

يعافيك ربي ,,

إقتباس الرسالة الأصلية كتبت بواسطة الفهد والله وانا اخوك خله !! ولا تروح له !! دامه تركك وحاولت فيه وبينكم معزة من اول ولا فادت !! معناها انه مقتنع قناعة تامة انه مايبيك !! فبالامكان انك تخليه اربع شهور ست شهور وترجع تكلمه !! اما انك تزن عليه فأنسى واسأل مجرب !!

كلامك سليم ..

الله يوفقك بدراستك

واهم شيء في الحياة هي الدراسة لانها هي بتحدد مستقبلك

بتوفيق يابطل