[c]السلام عليكم أخواني أخواتي

هذي بعض المواقف المرجوجه من بعض الطالبات انقلها على لسان بعض المعلمات

(1)

طالبة في ثالث ثانوي علمي في مادة الاحياء

السؤال يقول عن طريق ماذا يتنفس النبات؟

تخيلو الاجابة عن طريق الرئتين ؟؟؟؟؟؟؟؟

(2)

طالبة في مادة الجغرافيا

يقول السؤال ماذا يحد سوريا شمالا ؟

تخيلوا الاجابة قالت سوريا

ذكيه هالبنت ماشاء الله

(3)

طالبه في مادة الفيزياء

ماعرفت تحل المسآئل الموجوده

كتبت بالنص :

( لللللا .. للللا .. لللللا .. انا احب النوووووم

لللللا .. للللللا ... للللا .. واحب كمان الفيزياء ) >> مع التطنز

(4)

طالبه في أولى ثانوي في ماده E

ترجمه عن الجمل حيوان من الصحراء

وجت هالبنت

وقالت :

القمل حيوان يعيش في الصحراء !!

(5)

طالبه في أولى ثانوي في مادة E

ترجمه عن مركبه فضائيه

وجت هالبنت

وقالت :

الفياجرا سبب من اسباب استمرار التناسل البشري

صراحه ماندري اذا كانت البنت قاصده لعب والا على نياتها

(6)

طالبه في الجغرافيا

كتبت في الفراغ عن عاصمه اوربيه (............... مدري .............)

وكان الجواب اصلا مدريد !!

وحسبت المعلمه الاجابه صحيحه ... مع انها قالت مدري

(7)

طالبه في ابتدائي

كانت تنقلهم الاستاذه املاء

كتبت الطالبه :

عاصمه المملكه العربيه السعوديه هي الرياض فاصله وتقع مدينه
الرياض وسط المملكه فاصله و ....

وكانت تقصد بالفاصله هذه العلامه ==> ,,,

_ _ _

وهناك المزيد من القصص المصرقعه .. يمكن اذكرها لاحقا

وياليت تضيفون شيء من عندكم .. لنتمتع بذكاء عقول اجيالنا القادمه :sad:

وش رأيكم ؟؟؟[/c]

والله أنتي منسمه من جد

ونااااااااااااسه أجل مدري

لا انا متأكده أنت البنت أصلاً ما تعرفها

ولا طالبه الفيزياء فاضيه

صدقيني ويني وين الدراسه خخخخخخخ

اختج متخرجه هذا ثالث سنه لها وبتدخل الرابعه السنه الجايه

المهم

لسه ما بعد أسمع من خالتي إبداعات البنات

اذا قالت شي جيت وكتبت

مشكووووووووووووووورة وتسلمين

بس حبيت أسأل أنتي معلمه

تحياتي: الكرز

لا تتطنزون على العالم يا جماعة

<<<......... ماودي أقول مزين مثلهم


تشكرات زرقاء ............ وموضوع لزيز

ياااااااااهلا باختي وردة الإبداع

ماشااااااء الله عليك متخرجه ومبسوطه ... ومكبرة الوسادة

ياااااااسلام .... عقبالي

انا لسه طالبه في الجامعه ... بس لي علاقات قويه مع المعلمات

ويااااااااازين طلّتك في هالصفحه

لعاد تقاطعينا ... كرريها

yazeed_9


انا ودي ... استعرض هالمشكله ... لانها العرض اولى خطوات الحل

ولاتعتقد اننا نتطنز عليهم

وشلون اتطنز وانا ... أعتقد اني كنت من ظمنهم ؟؟؟؟؟؟؟

اعتقاد فقط

خخخخخخخخخخخخ

على العموم ... لاتستحي اذا كان لك مواقف مصرقعه

انشرها ... لعلنا نستفيد ونفيد

وتشكراتي على مرورك اللزيز

أختي زرقاء

موضوعك مافيه غلط على أحد

بالعكس يا ليت الكل يشارك

بس لاتشرهين ........ من زمان عن المنتدى

وبالتوفيق

إقتباس إقتباس من مشاركة yazeed_9 لا تتطنزون على العالم يا جماعة <<<......... ماودي أقول مزين مثلهم تشكرات زرقاء ............ وموضوع لزيز

[c]احس ان الدلاخه تنبع من عقول فارغه كقوطي الببسي في عنفوان شبابه
((واتحداك ان فهمتي شي من اللي قلته ))

نجي للجد

هذي الظاهر السلبيه طغت على عقول ابنائنا الطلبه
وحلها ما لهم الا الخيزرانه وتمردغ فيهم
او كل واحد يجلس ببيتهم يلقح نخل
اما البنااات فيقولون المواعين على المجلى واجد والاهل كل شهر
يدفعون للخدامه راتب ...لو يوفرونها ويخلونك بالبيت افضل

وهذي حلول مدروسه وشرط تفلحون

ولا ننسى الاشاده بالموضوووع الممتاز والاكثر من رائع;)
[/c]
جميع ما قيل لا يعبر عن كاتب الرد ،،،

اذكر كان معنا واحد موب سهل في المذاكره الاول دايم في كل شيء ماشاء الله
فيه سؤال ماعرفه قفلت معه مليوووون

وحط الجواب اسئلوا لبيبه ؟
(( بخط كبير وعريض وقعد يشكلها بعد ))
ولبيبه هي /
شاطره ماهره
طبعا مثل هذا الجيد يدارونه ويقولون وش تبي بس تدلل ويعطونه الدرجه كامله واللي يبي
لكن احنا نراجع في سؤال يقولك الدكتور والا المدرس اقووول وش تبي انت تراك اشغلتنا
(( يعني ضف ضف ))
فيه فرق بينا هو يراجع ياخذ الدرجه كامله
واحنا نراجع علشان باقي لنا درجه على النجاح
عشنا وشفنا

yazeed_9

ياهلابك مرتن ثانيه ... شرفتنا

وما فينا .. شرهات

ولاحاقه >>> بالمصري

اللي فينا ... نور المنتدى بوجودك

_ _


العلي96

مشكـــــــــ على مرورك ـــــــر

[c]احس ان الدلاخه تنبع من عقول فارغه كقوطي الببسي في عنفوان شبابه

كخخخ ,, واذا فهمته وش لي ؟؟؟

أقولك :

احس ان الدلاخه تنبع من عقول فارغه >>>> صدقت

كقوطي الببسي في عنفوان شبابه >>>> هالجمله أحس انها من سواليف القايله

_ _

كل واحد يجلس ببيتهم يلقح نخل
لكن
سؤال بديهي
اللّي ماعنده نخل , وش يسوي ؟؟؟؟


_ _

المواعين على المجلى واجد

هاااااهاااهااي , الله يرجك ياشيخ .. وش درّاك عن كثرة المواعين ؟؟؟

>>> كأنك تشوف مجلانا

طيب واللّي عندهم كم بنت .. يتهاوشن ويتعاضن في سبيل انهن مايغسلن المواعين

وش الحل في هالحاله ؟؟؟

_ _

أقول خل المويه تجري في مجاريها

وخل الجماعه يدرسون ... كودهم يفلحون

بس نحط ... شويه ملح على عقولنا

وان شاء الله عقب سنه والا سنتين

ماراح اكتب موضوع مثل هذا [/c]



جميع ما قيل لا يعبر عن كاتب الرد

بصراحه موضوع لذيذ وذكرتيني يوم كنا في ثالث متوسط...

كانت المدرسه حاطه في الإمتحان النهائي جدول عن المملكه العربيه السعوديه الأولى والثانيه والثالثه متى بدأت ومتى انتهت ..

المهم يوم طلعنا من الإمتحان إلا البنات متحمسين يدورون في الكتاب متى انتهت السعوديه الثالثه..
الله يخلف بس...


ولك اجمل تحيه يا غاليه مني

يقولك في بنتين في ثالث ثنوي((انا وحدة منهم))..
المهم اللي صار كان عندهم امتحان في مادة الجغرافيا..
المهم السؤال كان فراغات عن مضيق او بحيرة اللي اهو..
اهي موجودة في اميركا..
خويتكم كتبت واشنطن وصاحبتها كتبت نييوروك..
يعني نستهبل على المعلمة..

وفي سالفة جديدة الحين في ثالث ثنوي..
اسم عالم بمادة الحديث..
انا اذكر انة اسمة جزئين..
....قطني.وافكر وافكر وافكر وافكر..
وذكرت ان المقطع الاول في حرف الراء..
وطيب والسوات..
اختكم ماتغدت اليم اللي قبلة ..
ومن اثر الجوع..
كتبت الرز قطني والجواب الصحيح الدار قطني..

وتحياتي..

((يقولك في بنتين في ثالث ثنوي((انا وحدة منهم))..))..
اقصد ثالث متوسط السالفة قديمة يعني..
اغلاط املائية شنسوي..

إقتباس كتبت الرز قطني والجواب الصحيح الدار قطني

المفروض تعطيك عليها نص الدرجه لأن الجزء الثاني صحيح ;)

تحياتي لك ولصاحبة الموضوع وللجميع مره ثانيه