|
عزيزي القارئ تعال هنا !! عزيزي القارئ .. إسفط على جنب .. أبي استفرد بـ عزيزي المسؤول شوي .. عزيزي المسؤول .. عندك ولد عاطل؟؟!! عزيزي المسؤول .. أحد من عيالك مامعه موتر؟؟!! عزيزي المسؤول .. أحد من عيالك ( جواله شحن ؟؟!!) عزيزي المسؤول .. عمر أحد من اقاربك طلبك سلف؟؟!! عزيزي المسؤول .. عمره ( طفت ) فيك السياره وانت بطريق الملك فهد الساعه ثنتين ونص الظهر .. :cry: وجوالك مافيه رصيد .. وماعندك بليز كول مي مخلصها الصباح يوم ترسل للبنقالي عشان يدق وتقول له حول لي رصيد ..!! وفوق هذا مكيف السياره خربان ..!!!! عزيزي المسؤول .. انا دجيت بالثانوي .. أدري موب بسببك .. طيب دجيت بعد الثانوي؟؟ .. برضوا موب بسببك .. طيب قلتوا لي هات شهاده .. جبتها بـ فلوس = معهد أهلي .. :cry: طيب قلتوا لازم نسبه من المعهد وتقدير جيد .. حصلت على ممتاز .. :cry: طيب قلتوا .. هات شهاده ثانيه غير التمريض .. عندي شهادتين { حاسب + أنجليزي } .. طيب قلتوا .. خبره ماعندك .. إشتغلت بمستوصف أهلي لمدة ثلاث سنوات .. طيب قلتوا .. أصبر .......................... خمس سنين صــــــــابــــــــــــــــــر ..!! عزيزي المسؤول .. تبي اجيب واسطه؟؟!! ................................................. ماعندي .. أنتحر؟؟ ... بتقول أهــاا هذي أخر البطاله شوفوا لنا حل لـ شبابنا .. ماتدري انك أول من ضيّع الشباب؟؟!! ( على فكره عزيزي المسؤول .... أمي تبيني ) : وزير الصحه وهقني وقال ( نحتاج التمريض لـ مدة عشر سنوات ) الله وناسه تشققت شدوقي .. يعني متوظف متوظف الله لايعوق .. رآحت الفلوس للمعهد وراح منها نسبه لـ هيئة التخصصات ونسبه لـ وزارة الصحه لأنها أجازت للمعهد الأهلي .. وأنا .. رحت فيهـــــــــــــــــــــــــــــــــاا ..!! : تخيل معي عزيزي المسؤول : عمري وصل حده .. عاطل من خمس سنوات .. موظف بمستوصف اهلي وراتب 1700 ريال ..!! < يمديني أتزوج عزيزي المسؤول؟؟!! -- ياعزيزي المسؤول اطال الله عمرك كما اطال عمر ابليس ..!! ما أبي شي زياده عن حقي .. عطوني مثل ماوهقتوني .. والا اذا انحرفت .. والا صرت ارهابي .. ترا انتم السبب .. وموب اذا انتحرت قلتوا عالم نفسيات ..!! ( على فكره مره ثانيه عزيزي المسؤول ... أمي للحين تبيني ) والا وش فرق طلاب الحكومي يتوظفون قبلنا وحنا لا .. << موب حسد بس لنا مثل ما لهم .. :cry: يعني حنا عيال البطه السوداء؟؟!! لكم المايك ! الموضوع كاتبه اخوي ونزلته له s13s |
الله يرزقك انت و أخوك و يوظفكم وش نسوي اذا كل شي بالواسطه الله يعينك |
قهرررر موضوعك تتشعب منه مواضيع ابتداء بالأعداد الهائلة للخريجين العاطلين من الجنسين وخصوصآ الأناث انتهاءآ بمسألة الواسطات اللي وضعت ناس في غير محلها بالعامي مايستاهلون الوظيفة بينما الأحق والأفضل محروم من فرص العمل وعلى كل حال أناهنا لا أعمم ولكن هذا موجود في واقعنا! بس الواحد يجتهد ويتوكل على رب العالمين وماأضيق العيش لولا فسحة الأمل |
إقتباس:
صـراحـه والله العـظـيم ماألـوم أخوك لـو طقـته النفـسيه :cry: يعـنـي هـم نكبـوا الشـباب وقـالوا لـمدة عشـر سـنـين حنـا نحتـاج لممرضـين وآخرتـها نـشوف إنهـم ماأخذوا إلا أعداد قـليلة جداً بالمقـارنـه مـع عدد الخريـجـين .. أنـا أعرف واحـد مـن الشـباب زي سـالفـة أخوك أخـذ الشهـاده ولانفـعته لكـن الحـين قـدم عـلى وظيـفة عسـكريـه ومـاشاء الله الحـين بالدوره ويـتخـرج عـريف عـشـان الشهـاده اللي معـه .. ع العـموم قـل لأخـوك يهونهـا وتهـون إن شاء الله والله يوفقه وياك وكل مسـلم :rose: |
هلا انس :) تعبنا وحنا نتكلم ! بس وش نقول ! صدقني لو معك واسطة بـ تمشي ! واحد اعرفه قبل سنتين متخرج من الثنوي بـ نسبة 74 ! :( والحين داخل قسم من احسن الأقـسام ! :( الشكوى لـ غير الله مذله وانا اخوك ! والحمدلله على كل حال عوافي |
عزيزي المسؤول راتبي الشهري , 8300 ريال ... ما أملك بيت , وإيجار شقتي فالشهر 2833 ريال .... مصروفي من مواد غذائيه بسيطه و وتسيديد فواتير كهرباء و هاتف , 5300 ريال تاريخ 13 ياعزيزي المسؤول ملحط أنتظر ليلة 24 !! قدمت على منحه , وبالوساطه طعلت ... وين طلعت في مخطط قريب من رماح.!! مافيه لازفلت ولا إناره ولا خدمات !! مافيه الله يكرمك إلا الحمير و الكلاب .. يعني خارج النطاق العمراني ؟؟ والمخططات التجاريه في أروع الاماكن بالرياض وسعر الأرض مايقل عن 600 ألف المهم قلن ببيع ولقيت حق مكتب يقول تبيع 15 ألف ؟؟ 15 ألغ والله متسوى روحه وجيه على الديوان والبلديه !! لا واللي أكتشفته أن البناء ممنوع حالياً ههههههههه يعني تعطيني منحه وتمنع أني أبني .. والله شر البليه مايضحك يعني طق خيمتك وانتظر الموافقه ! المهم رحت وقدمت على البنك العقاري , من شان 300 ألف ريال < وصفقني هالمبلغ إذا يبني لك دور واحد قالوا: أنتظر على الأقل عشر سنوات !!!!!!! ياناس هذا قرض مو شرهه كيف انتظر !!! وفجأه قررت أن أترك راتبي لمدة عشر سنوات ماراح أصرف منه ولا ريال واحد مساجدنا فيه الخير , ببيع فصفص و مساويك والأهم يكون مجموه راتبي 996000 وأروح أدور بيت أسكن فيه !! عزيزي الله يكون في عونك وعون أخوك والله يرزقكم بواسطه تدبر لكم وضايف هذا أنتم عطاليه شلون معاناتكم بعد الزواج !! ولا تدري إذا توضفت لاتتزوج :) هذا إذا توضفت :) وعذراً على الإطاله تحيه |
| الوقت المعتمد في المنتدى بتوقيت جرينتش +3.
الوقت الان » 04:26 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd