كنت خالي البال وأحب الطرب
مادريت ان المحبة متعبة


هيه ياخي دق على سامي شوف وضعه ولا عطني رقمه
خذ الجوال دق ماني فاضي لك
وش مسجلة عندك طيب
ماسجلته شوف نهاية رقمه 71
عبده تعال عطنا هولستن رمان وغير جمر
الو سامي الو الو ياولد تسمعني ولا وش سالفتك
هاه ياولد من انت ان كنت تدور هجولة ترا ماحولي علم انا فالملك عبدالله ماغير اطالع في هالنساوين
ياحبيبي تلعب علي انت رد علي حنيس شكله موجه موب رقم سامي
طيب حتى سامي نهاية رقمه 71 دوره بتلاقيه تحت اجل
ياخوي احفظه وفكنا من الغثا
ياحبيبي هذا فاليوم يدق علي من 5 ارقام
اقول وش رايكم نطلع ياعيال على مايتجمعون الشعب شكلهم بيتأخرون وهذا سامي مايرد بس اما الحنيس اللي قبل شوي
وش فيه
ياخي يقول اذا انت راعي هجولة ترا ماحولي علم ويقول انه جالس يطالع في النساوين عالملك عبدالله
هههههههههه اما نساوين تستهبل انت شكله توه طالع من خيمه قسم بالله
وش فيك ياحيوان قم خلنا نخلص القيم
هههههههههههههه ياخي اصبر شوي خلني اضحك
الا اقول دام الحنيس ذا يقول انه هناك خلونا نخلص القيم وندز نشوف وضعهم بس فكونا من نظام الحرش خلوا هاليوم يعدي على خير اوكيشن
من اول ياخي قرفتوني بالسوني
اوكيشنات ياكواسة

قبل وصولنا لمقر الاحتفال المزعوم واذا بالحفر والمطبات تغطيها طبقة من القراطيس المتنوعة والمتلونة

طبعا الاستفسار البسيط اللي صار في مخاتنا >>جمع مخ

وش صار ومن متى العالم متجمعين الشوارع وصخه كلها قراطيس واوراق وحالتها حاله
ذكرتني بشوارع مكة ايام الحج مع الاختلاف الجوهري انه هذي فريضة وهذي بدعة

يعني انا انسان على كثر مافيني من اخطاء لكن احب شي واحد احب الوضوح
ماحب شي يلحس مخي

يعني بالضبط بالضبط مثل اليوم الوطني عندكم في السعودية الشقيقة

ابي اعرف وش تعريف اليوم الوطني عند المسؤول ؟!
ووش يبغى الشعب يسوي في هاليوم ؟!

يبغى كل أب يجمع عياله ويقول هذا بلدكم احتفلوا باليوم الوطني ؟!

ولا يبغى الطالب يروح المدرسة وهو صاك القلابي وينتظر الوكيل يخلص من كلمتة الافتتاحية
بعدين يشارك بقصيدة كان قد كتبها وهو يتسامر مع عائلتة الجميلة اللي في كتاب المطالعه صف رابع ابتدائي ؟!
ولا يبغى كل جماعة يجمتعون ويسوون مسابقة شد الحبل وشيخهم يلقي كلمة بهذه المناسبة ؟!
ولا يبغى يسوون زي مسلسل سعاد عبدالله يتجمعون العايلة ويتصورون وكل واحد ملزق علم في خشته ؟!

جد جد انا انسان مافهمت وش المطلوب مني في هاليوم ؟!
اشيل العلم واطلع اشوف الدوريات متجمعين والعسكر مقفله معهم ؟!


ياخي شوفوا لكم حل وش تبغون تسوون بعدين قرروا اللي تبغون
يعني عطوني فايدة وحدة من اللي صار في الملك العالم متجمعين ويطالعون في بعض وبعدين وش صار ؟!
وياليت اللي حضروا اغلبهم طبيعيين
لكن اللي شفتهم حاضرين من عينة الفروسية <<الاسم حقي مقي لااحد يسرقه
وبعطيكم مواصفاتهم
هم اشخاص لو لقيت واحد منهم لوحده لاتخاف منه
لكن لو تجمعوا اكثر من شخص بدأت رجولتهم تطلع
وتطلع على هندي - باكستاني - (اجنبي عموما) -عايلة مع سواق
بالمختصر على اي شخص يستضعفونه وانه ماراح يقدر عليهم
ومع ذلك فهم اكثر ناس يفتخرون بقبائلهم وعاداتهم
مع اني مااعتقد ان الشي اللي يسوونه يوافق عاداتهم او معتقدات شيوخهم !!
وفي نفس الوقت هم من الناس اللي يعتبرون الفزعة امر واجب
حتى لو كانت الفزعة في تكسير واجهة محل او وكالة سيارات !!

وهالعينه هي اللي تخرب سمعة عيال الرياض
وهي اللي اوقات الاحتفالات وهالعينه هي اللي خلت الدوريات والشعب يشبون على الهجولة زيادة

وماراح اذكر وش سووا في يوم الوطن
غير موقف واحد
وسط الشعب اللي يرقص واللي يتحرش كان من هالشعب حوالي 15 شخص يتحرشون في دورية
ويطهبلون بالعسكري ويطلع كم واحد فيهم فوق الدورية لين قدح العسكري ودعس وخلاهم يطيحون

يعني ابي افهم انا الحين الشخص اللي مسؤول عن الامن في هالمنطقة حاطين لي جميع الوان الدوريات و600 الف سفتي تقول فيه مصيبة صايرة فالاخير تصير مثل هالاشياء ولا احد يسوي شي ؟!!

وش الفايدة اجل مجمعين العالم ومخلين العسكر مداومين على ايش ؟!
اذا راحت هيبة رجال الامن في يوم الوطن ومن قبل فئة من السهل انك تسيطر عليها
يعني لو ان اللي اعتدوا من طبقة عالية وخايفين منهم نقول نمشيها لكن حتى ذولا ماتقدرون تأدبونهم ؟!


ودوريات الامن ازرق واخضر وقوة المهمات والواجبات وقوات طوارئ الخاصة
مابقى الا يطلعون لنا فانات ويحطون لون وردي ويسمونها قوة مكافحة البنات

كثرة دوريات وكثرة اقسام فالاخير اسم بدون اي فاعلية لو يضمونها للدوريات العادية
كان تنحل بعض المشاكل وياليت اساسا احد يعرف وش واجباتهم كل هاللي ذكرتهم



وانا قد صارت لي سالفة ومن بعدها غسلت يدي بكلوريكس
وسالفة ثانية حصلت لخويي وبعدها تروشت بكلوريكس وقليلا من التايد الممزوج بالديتول

قبل كم سنة تقريبا اربع سنوات كذا على ايام جوال n73 وفي اول يوم من رمضان كنت في منفوحة
وكنت اكلم ومادريت الا الجوال بيد البزر اللي عالسيكل قدامي

ودقيت على اخوي وجاني ومعه خويه ويالله على محلات الجوالات قبل يبيعه لانك ماراح تحصله بأي طريقة ثانية
رحت للي في منفوحة قبل يجي اخوي ولا لقيته
وعلى ماجاء اخوي رحت انا وياه للمحلات اللي في غبيرة الا الاقي الاخ في المحل وخويه جالس عند الباب
دخلت وانا مستعجل مسكت اللي جوا واللي عند الباب مافكرت فيه اساسا واخوي كان يمشي متأخر شوي
لاني انا مستعجل ابي الجوال بأي طريقة ماكنت ابي يروح الجهاز لاني ابغى الارقام اللي فيه

المهم لقينا صاحب المحل رايح لمحل ثاني عشان يفك رمز الحماية وعطانا الجوال والشريحة طلعت مع الحيوان الثاني

كنا نبي الشريحة وبعدها بنفقع وجهه ونفكه لكن بعد كم كف يحلف ان الشريحة مع خويه

قلنا بس مالنا الا الدوريات نتصل وبالفعل جوا خلال 5 دقايق او اقل شالوه ولحقناهم ودونا قسم الخالدية مدري وشو شي زي كذا
وانا جلست الا يسألني العسكري وش الموضوع قلت له السالفة انسرق الجوال ومسكت الحرامي وهو ناوي يبيعه

وكل شوي يجي عسكري ولا يجي بحث ويسألني وش عندك هنا وانا اعيد له واكرر انسرق الجوال ومسكت الحرامي في السوق ناوي يبيعه وكلهم يردون بنفس الرد ايه فلوس الحلال ماتضيع

جلست على هالحال نص ساعه لين جا ضابط مادري وشو المهم الا يقول انتوا موب تبعنا
السرقة صارت في منفوحة لذا تروحون لقسم منفوحة

قلنا طيب ووطبعا وهم ينقلون هالحرامي يمشي عادي بدون كلبشات ولا شي
وهو اصلا مامعه هوية لانه توه صغير يعني لو هرب ماحد بيجيبه لو ايش
المهم رحنا الا انتظروا فيه مشكلة بين صعايدة وباكستانية

على ماخلصوا الا يرجع يسألني على ان كل شي قدامه في الورق واعطيه السالفة
قالي طيب وش تبي تسوي قلت تسجنونة ولا وش المفروض تسوون فيه قال ايه خلاص تمام
وهو قبل سلمني الجوال وبعدين قال هات الجوال اذا تبغى نحوله للمحاكمه لازم يكون الجوال موجود حتى تتطلع عليه المحكمة !!

وهنا انا كنت لحالي في المكتب ماغير انا والعسكري بغيت اطب في خشته
يعني وشلون تطلع عليه المحكمة
طيب لو اللي انسرق بيتي بتجيبون البيت وتحطونة في هالظرف ويطلع عليه الشيخ !!

ولا تطلعوني برا وتقفلونه لين تحاكمونه !!

المهم قلت خلاص باخذ الارقام بس منه وشوي الا يقول وتراجع الحقوق مدري الادعاء العام مدري وشو بعد 3 اسابيع قلت ايوه وبعدين قال وتجلس تراجعهم لين يحولونة المحكمة وتشهد وعاد شف متى يحولونة

انا هنا قلت يابوي هات الجوال بس والولد طلعوه مانبي فاضي انا اقعد اراجع
قال خلاص وش تبينا نسوي فيه بس
قلت صفقوه لين يذن واحجزوه قد ماتقدرون
قال خلاص بنخليه لين بكرة وانا الحين اوريك فيه ويدخل عليه ويسطره بكم كف


وانا بعد هالسالفة صراحة عذرت الحرامية لان اكيد الكل مثل وضعي ماحد بيستغني عن جواله ولا يجلس يطامر عشان يسجنونة ومدري وش نسوي


ولا تعامل هالعسكري يعني ابي اعرف بأي حق يصفقه ؟!
يعني انا مقهور منه واقدر اصرف انه حاول يهرب وصفقته بس العسكري ليه ؟!!

اما سالفة خويي فهي عبارة عن ادلخ قضية في تاريخ الاقسام السعودية


المهم خويي ذا دخل قسم العليا وماكان عنده اي بلاوي مجرد قضية بسيطة وتنحل ودية مستحيل تروح لمحاكم اوكي
وكان دخوله حول الساعه 10 الليل

طبعا جلسنا نحاول نطلعه شي وحنا نكلم العسكري مافاد

المهم على الساعه 1 رحنا جبنا له دخان وكذا وعطيناه اياه ودخلوه التوقيف مع الشعب
ونتصل على 5 الفجر الا الاخ مايقول ولا كلمة بس يضحك

قلنا عادي عادي تصير مثل هالشطحات يعني ماصار شي

وطلع اليوم الثاني العصر وكنا في استقباله
المهم انه يقول الاخوان اللي معه فالتوقيف ثنين بياعين وواحد مستخدم وواحد غزل وواحد قتل وواحد قضية اخلاقية بس موب غزل وعاد انتوا افهموا

المهم واحد من البياعين كان معه حشيش وعطى اللي يبغى منهم وهم يحششون وهذا معهم مايدري اساسا وش يسوون خلقه
يعني خوينا دخل القسم صاحي وطلع محشش
وصارت له حفله تعارف ماحصلتش كل اللي معه عرفوا رقمه وصار بينهم تواصل لين الحين وللاسف طاح في اللي مايتسماش والسبب قسم شرطة ؟!!

يعني ان هالشي يصير في السجن ماراح استغربه لان السجن حسب الاشاعات تصير فيه اكبر نسبة بياعه على مستوى الممنوعات

بس قسم شرطة ؟! ولا القسم اللي اغلب رواده من الشباب اللي مالهم دخل في الحياه
يعني اللي يحتفلون بمباراة وهم توهم بالثانوي يروحون هناك ويتكفل القسم بتوفير اساليب الدشرة المزعومة

ومثل خوينا ذا يتريش بسرعه وعلى دلاخة وشعبنا حتى مايعرف يستعمل
هذا شرا حشيش يخلصه في نفس اليوم وهو المفروض يخلصه على 4 ايام
ولا جاه احد وقاله والله انا كنت مسافر من الرياض لابها وجدة والرياض الدمام وجلست اربع ايام مانمت
يقوله ليه قال ادف حبوب
يجي خوينا هالدلخ ويدور حبوب وياخذها بدون اي سبب وجيه على ان مافيه سبب وجيه بس عالاقل سبب عن سبب

يعني مالك


ولا تعالوا الاهم الموضوع الاكبر موضوع القوات الخاصة
طبعا حولهم عدة اشاعات اللي يقول مسموح يطلقون عليك بدون اذن
والثاني يقولك يقدرون يمسحون بأي واحد الارض ان كان مواطن او مسؤول او امير
لان معهم تصريح من الامير نايف
والثاني يقول من الامير سلمان
والثالث من الملك عبدالله
وطبعا ان هذا التصريح بعدم تعرض مهما صار منهم

يعني مثل هالاشياء بالنسبة لي كشاب سعودي ومشتبه فيه بنظر اي دورية من الالوان السابقة
ابي اعرف هالكلام صحيح ولا كيف ؟!













♫ `•. بنت الصحافة الجميلة ღ نجم سماها متعلي ღ تشفي القلوب العليلة ღ ولاشفتها قمت اهلي .•` ♫






بمناسبة اليوم الوطني قررت عدة قرارات عامة للشعب وخاصة لي انا نفسانيا
القرار الاول
قررت انني ان فكرت يوما من الايام في الزواج فلن اتزوج بغير احد بنات هذا البلد المعطاء

وقد جاء القرار لكي احث البنات على الجد والاجتهاد فأنا لن اتزوج بشخصه ليس لديها شهادات و10 سنوات خبرة بس لسى ماحددت مجال الخبره

وجاء القرار الثاني من مصلحة نفسي الشخصية

فقد قررت ان اصبح دافورا وهنا استعير من كلمات الفنان القدير ابو بكر سالم
كفانا

وبالبداية خلوني اقولكم قصتي مع الدفرة وكيف كنت دافورا


وكنت في الابتدائي دافور بمعنى الكلمة
النسبة ماتقل عن 96% او 97%
عريف الفصل
طالب نظام
مشارك في الاذاعة
مشارك في اغلب الرحلات
حصلت على افضل حارس في الدوري سنة خامس
حصلت على كأس البطولة سنة سادس
رئيس نشاط قسم الرياضيات >>اللي هي الحصة السادسة يوم الثلاثاء
منظم رئيسي لاغلب حفلات نهاية الفصل
مشارك في العديد من المسابقات مهما كانت
وحصلت خلال هذه السنوات على 4 اطقم كاسات وفناجيل ومدري وش
600 مليون قلم مايكتب
الساعة القديمة ذيك اللي ضد الموية ابو 35 ريال
600 مليون ساعة خراش

والعديد من الانجازات الفردية التي تحققت بفضل الله ثم بدعم سمو سيدي الامير سلطان بن فهد بن عبدالعزيز


يعني بالمختصر كنت الطالب المثالي او الطالب الحلم اللي كل مدرسة تتمناه

بسم الله علي بس كنت كويس من يوم انا صغير

المهم طلعنا المتوسط وتعرفت على شلة الله لايعيدها من شلة من بعدها عرفت معنى كلمات محمد سليم

سلام ياعاشق الكسرات
عساك تفهم معانيها
احذر من معاشر الشلات
واسال مجرب وقع فيها
هذا الزمن زمن الوحده
خلك لوحدك تعيش مرتاح

ومادري وش الباقي بس الظاهر انه بدا يسولف عن عليشة والملز

المهم بعد ماطلعت من سادس ابتدائي ونسبتي 97%
جيت اولى متوسط والنسبة 83 %
ثاني متوسط حملت النصوص وتجاوزته في الدور الثاني
وماستلمت الشهادة لين الحين قالوا لي ناجح قلت طيب وجيت ثالث

طبعا الشلة الموقرة كانت مكونة من 6 اشخاص
واخر الاخبار ان واحد في اليمن وهذا اللي ودي بس اقابله
وواحد في الكويت الله يستر عليه
واثنين في ابو زعبل الله يهديهم ويانا
وباقي واحد محدش يعرف عنه حاقة

ولله الحمد احد افضل قرارات حياتي اني ماعاد عرفتهم بعد المتوسط ولا كان صارت علوم
وعلى كثر ماني متحسف على كيف غيروني لكن الحمد لله من بعدها ماعاد فيه شي ماقدر اقاومة
لاني عرفت كل شي بدري وكل المغريات وكل مايتمناه اي زاحف في تلك المرحلة متواجد ومررت من خلالها صامدا ومقاتلا وكل شي كذا

ولما طلعت الثانوي جلست على نفس حالتي الا ان الفيديو بدأ يروح وقته ولما راح الفيديو راحت الافلام الكويسة
قبل كان فيه متعة على ايام الفيديو عالاقل لما تروح الشميسي وترجع تلاقي الفيديو موب صافي وتروح تشتري الشريط ذاك اللي يصفيه يعني متعة بمعنى الكلمة وايام رمضان اسجل طاش ومابعدها وتتلخبط الاشرطة
الافلام مع التسجيل مع الهجولة واجلس افضي نفسي يوم كامل عشان بس ارتبها

المهم في فترة الثانوي مازلت على تناحتي واهتمامي بكل شي مافيه فائدة
وخلصنا وعدينا ثالث وبعض اختبارات الوزارة مافتحت فيها الكتاب

والجامعة دخلناها ولا احد فينا فاهم ام نظامهم
وكان نظامي خلال الثلاث سنوات اللي راحت كنت اداوم ونص دوامي بين المطاعم جالسين نسولف ونسحب على المحاضرات
ولا نجلس في اي مكان فالكلية وتمسك تنتيف على الشعب
بالعربي كنت اروح الكلية للتسلية فقط لاغير

بس قفلت معي صراحة هذي المفروض اخر سنة وانا مازلت فاغرا في جنبات الكلية >>اروح على الجملة والله المفروض تسجل في التاريخ

المهم بعد قراري رجعت اروح للمكتبة وكذا
شريت دفاتر للمحاضرات واقلام 3 الوان وكل المحاضرات احضرها

والاهم غيرت روتيني
خلال الاسبوعين الماضيين نومي كان الساعه 9
والكل مستغرب لكن فعلا ناوي التغيير وقادر عليه بإذن الله
تعبت كل ترم وانا حامل حامل حامل ياخي ابي اولد وارتاح

والاهم مابغى اتجاوز المواد لمجرد التجاوز لكن بنفس الوقت ابغى اشوف الالف مرتزه عند اغلب المواد

وطبعا كل اللي حولي يقولون ابطيت عظم وردد ياليل مطولك وهالكلام لكن ماعلي فيكم
انا انسان عشان بس اغير رحت الحلاق امس وحلقت شعري عشان بعض الدكاترة الملاحيس
ورجعت الا يجيني التنتيف واحد يقول نوال الكويتية والثاني يقول شوجي

عموما اتمنى ان في نهاية الترم تغنون لي فايز انت فايز ومابغى اسمع خسر خسر خسر


وابغى اسمع منكم احلى صفقة واحلى تحفيز
ولو فيه احد بيتحدى نفسه معي يعلمني ووعدنا بإذن الله في نهاية الترم راح انزل لكم درجاتي هون ومقدار التغير على المعدل





انتهى موضوعي الشيق والجميل

بس عشان يجيكم شحن ب20 ريال
انسخوا اللي تحت وحطوها في الردود


انا احب رابح انا احب رابح انا احب رابح


جربوها انا جربتها وشحنت لي مرتين
واذا كنت مشرف وكتبتها راح يجيك 20 الف في حسابك



وفيه رسالة للحوامل اذا تبغى تولد بدون الالام

تكتب راشد بايخ راشد بايخ راشد بايخ

صدقوني يابنات انا كنت حامل ببنت ولما ولدت طلع لي بنت وولدين وواحد منهم سميته طوني والثاني سعيد


مافيه شي يكرهني حياتي كثر ماشوف هالبياخات







واحلى ماشوف لاقريت



تحياتو