احداث قبل المباراه وبعدها... الهلا ل (( الزعيم )) والأتفاق
قبل كل شي السلااام عليكم
اخوكم ذهب الى المباراه قبل صلاه المغرب في تمام الساعه 4.30 م.. <<<<<<<<متحمس يبي يشوفها ويعايد اميرنا المحبوب وكل هلالي ما علينا.... والجو كان شي,,, ايقنت ان هذا اليوم بإذن الله الفوز للهلال.. الدقائق تمر كنها ايام,, والصبر ينفذ الى جى وقت صلاه المغرب وخرج من كانو بالملعب يعني مباراه الشباب والرياض عصر وتفاجأت اسئل كالمجنون مباراه الهلال صح والله ولا حد عبرني وعرفت انهم من الرياض وهو مهزوميين وقلت الحمدلله مو ما طلعت مباراه الزعيم.. بعد الصلاه اخوكم قام ينتظر المقصف عشان التذاكر لووووووووول تخيلت وشلون العمر يمضي ومازلت احب الهلال مثل اول يوم رحت للملعب وكانت لها ذكرى خاصه فقد فاز الهلال على الأهلي باربعه وكانت روعه بجمهور الهلال وتمنيت شوف جمهور عام 1404 هـ يغطي الملعب... ما عليك قمت اهذري شكلي.. احتري احد يجي من الجمهور والا حقين التذاكر والله ما عندك احد.. سئلني احد البائعين خارج الملعب المباراه منقوله قلت لها ايه توك تدري(( شكله متوقع يكسب الله يرزقه وويوفق كل مسلم))) ضاق صدره وقلت الله يعيني انا اللي متشوق اشوف الهلال وبعد 30د فتح المقصف وخذت تذكره كني ازاحم نفسي على اني انا اللي اول ابشتريها تصدقوووون ما جى احد !!!!!!!!!!!!! من الجمهور طبعا. وتحسفت كييف ما يعايدون الهلاليين ناديهم ورئيسهم ,, يالله بديت احتري الين تفتح البوابه يعني افتح يا سمسم. ما عندك احد.... وبدا قله من الجمهور يزحفون الى الملعب وارى في اعينهم التعجب وين جمهور الهلال.. شكلهم مو متوقعين مثلي.. يعني وصل العدد 30 شخص او اقل ما ادري ضعيف في الحساب ولحظه دخولنا وصل باص الزعماء وصل موكب زعيم الأنديه. وقلت انا وشخص خلنا نروح نشوفهم ونكلمهم.. ونحمسهم,, ما صدق خبر اللي معي اللي تعرفت عليك عند البوابه.. واول شخص نزل كان س الذئب يا بعد قلبي.. نا ديت سامي.. تصدقون هذا الرجل باخلاقه وقف وقام ينظر الينا واشرت له اثنين.. ورد على بطريقه الذكاء اللي ما عرفتها الا بالملعب وهي, غمضه مع ابتسامه ((( عرفت انه يقول لا تخاف مو لازم اجيب اهداف ..))) تصدقون والله زاد الأمل الى 99.9 /100 ان الهلا ل سوف يفوز انشاء الله. جلسنا كان وقت صلاه العشاء.. وبعد الصلاه اتابع من حولي من الجمهور الا هم اكثر بقليل بصراحه ذهلت معقوله وين الجمهوووووور..ووالله دمعه نزلت من العين من دون قصد عشان سمو الأمير عبد الله بن مساعد.. وفجأه وقبل المباراه ب7 د بدا زحف الجمهور وكأني لم اصدق ان هالجمهور بيجي ما شاء الله صح ما يوفي بالغرض ولا تشجيع وحب لهالزعيم ولا كن الحمدلله انه في الملعب العدد هذا اللذي ليس بالكبير ولكن فوق المتوسط.. المهم بدأت المباراه .... وبعدها انتم شفتوووووووو هااااااااااااا واستمتعتم وكن سامي وده يرد على من يقولن بينه وبين بلاتشي خلاااااف ولكن سامي كبير بعقليته كبير بفنه الله يخليه ويحفظه .وهو في الحقيقه رد في الملعب ردا قويا كالذئب سام 6
مقتطفات....
الجمهووووووووور هتف لسامي_ بلاتشي_ يوسف _ الدعيع وبعدها لكل الاعبين عند نزولهم للملعب
......
بلاتشي بدا واضح عليه انه يعرف من يدرب ...
_______________________
خرووووج . الكابتن. فهد المفرج على النقاله خارج الملعب .. واعتقد انه اصيب اصابه بالغه الله يستر عليك يا ولد المفرج وسلامات ما تشوف شر
...........................
جمهووووووووووووووووور الزعيم ياكد انه مع الهلا ل زعيم اسيا مهما كانت الظروووووف
__________________________
اقووووول شكلي طولت عليكم .. الحين .. كل عام وانتم بخير ومبروووووووووووووووووووووووووووووووووووووووووووووووووووووووووووووووووووووووووووووووووك النتيجه والمستوى وانشاء الله من افضل الى ارووع
اخوكم اســــــــــــــــــير الذكــــــــــــــرى
الوضع العادي
