ماأردى من الاتصالات الآ المرور !!!!!!!!!!!!!!!!!!!!!!! - نادي الهلال السعودي - شبكة الزعيم

جنتلمان · #1 09/12/2002, 01:57 PM

صبحكم الله بالخير وكل عام وأنتم بخير ولو أنها متأخره شوي

كنت فاضي قلت ياولد اتصل على المرور شيك على مخالفاتك

وادق عليهم لابارك الله فيهم

واسئل عن المخالفات قال لي الموظف عليك الآتي

:
(1).. 13 مخالفة سرعه

(2).. 5 مخالفات قطع أشاره

(3).. مخالفتين السير ليلاً بدون أستعمال أنوار <-- هذي صادقين فيها ماله داعي أحط

(4).. 3 مخالفات تضليل

(5).. مخالفة كسر كلبشه

<--- صح أني كسرتها بس والله العظيم ظلم

(6).. 3 مخالفات قيادة السيارة بعكس طريق السير

<--- ما اذكر أني عكست الطريق

(7).. مخالفة عدم التوقف أو تخفيف السرعة لتمكين المعاقين من المرور

(8).. مخالفة عدم الوقوف عند إشارة STOP

<-- والله بلشه اذا ابوقف عند كل لوحات قف !!!!
(9).. نسيان لمبه السياره الداخليه مشتغله

<--- في ذمتكم هذي تدخل تحت أي بند

قيمة المخالفات من غير مخالفة كسر الكلبشه 23700 ألف ريال

والمبلغ كتابه ثلاثه وعشرين الف وسبعميه ريال

أما مخالفة [ كسر الكلبشه

] وسعرها مابين الـ7000 والـ10000 الآلآف كنت رايح للجامعه ومالقيت موقف للسياره فيه ظلال قمت وقفت على الرصيف تحت شجره وكان عندي اختبار المهم طلعت من الاختبار مزفت كالعاده والآ والقى عنتر زمانه واقف عند السياره

واجيه والقاه مركب الكلبشه وشاق ومخربش التضليله بمفتاحه

وصلت حرارتي للـH وقتها قلت له فك الكلبشه وهات القسيمه وخلنا نتوكل على الله قال بتجي السطحه ألحين ورح خذ موترك من الحجز

قلت له لاتجبرني على شي مابي اسويه قسماً بالله أخذ فيك أعدام بس أذكر الله وادحر الشيطان وفك الكلبشه .. قال يعني معك سلاح

<-- يبي يخلص الدفتر اللي معه بأي طريقه

وأقوم واطلع مفتاح العجل وأطق القفل مرتين وبقوه وأكسر نظارتي علشان أبي آخذ الاطار علشان أفك الصواميل

<-- شر مقعد

وأفكها وأنطلها في نص الشارع واركب واحرك وهو مثل الصنم ماتكلم

انا ماهمني المبلغ لأني مانيب دافعه الله لايخلينا من أياد

بس اللي قاهرني إلى متى هالاشكال تسترزق من ورانا ؟؟ ومتى بيكنون على قد مسؤولية الدفاتر اللي معهم ؟؟؟

وش رايكم بالتوقيع الجديد ينطبق على حالتي معهم

مخاوي البطولات · #2 09/12/2002, 02:32 PM

إقتباس


	قيمة المخالفات من غير مخالفة كسر الكلبشه 23700 ألف ريال والمبلغ كتابه ثلاثه وعشرين الف وسبعميه ريال

الحين لو أنك متبرع بها للهلال قبل أزمة الفلوس مهوب أحسن؟؟

هالحين هاليوزر هو اللي كسر الكلبشة ؟؟

إن كنت هو .. فالصراحة ما بيّن

وإن كنت مهوب هو .. فمثل ما توقعت <--- عجز يرقعها

..

تحياتي للقويين واللي ماههمم أحد مادام أياد عندهم<--- من هو أياد !!<-- والله مدري

جنتلمان · #3 09/12/2002, 02:53 PM

هلا أخوي بدر

<--- علشان ماتستهين بيوزر جنتلمان

إقتباس


	الحين لو أنك متبرع بها للهلال قبل أزمة الفلوس مهوب أحسن؟؟

ايه والله بس وش اسوي مادريت الآ اليوم الصبح

والحين فيه ابوعبدالرحمن الله يوفقه ويجعله
ذخر

<-- ماقصدك يالجوفي اقصد الريس

إقتباس


	هالحين هاليوزر هو اللي كسر الكلبشة ؟؟

ترا مفتاح العجل له مميزات واجد واهم من تركيب الاستبنه

واسم [ كلبشه ] يخوف والا هي خرطي اصقعها صقعتين وأنت معصب وتنفك براغيها

وبيني وبينك كنت خايف أنها ماتنفك واتفشل قدام العسكري

إقتباس


	من هو أياد

أياد شغلته يسقط هالمخالفات من الكمبيوتر وبيجي اليوم اللي يسقطونه في السجن بسببها

تحياتي إلك ;) ..

قرقاص · #4 09/12/2002, 03:23 PM

نسيان لمبه السياره الداخليه مشتغله !!!
في الليل ولا في النهار

Abu saad 66 · #5 09/12/2002, 03:33 PM

23 الف ..

اللهم اني لا اسئلك رد القضاء ولاكن اسئلك اللطف فيه

سلملي على أياد ..

اقول عندي مخالفه عدم التوقف عند نقطه تفتيش ... ظنك أياد ينفع

كل عام وانت بخير وعيدكم مبارك ..

العرفج · #6 09/12/2002, 03:41 PM

لووووووووووووووووووووول والله انك مصرقع كانه انت اللي كسر الكلبشه

مع اني مستغرب وشلون خابرها ماتنفك ولا بلحام

بس انت رهيب

بردت حرتي فيهم

23 الف

قهر مافيه تخفيض

ابو العلالي الهلالي · #7 09/12/2002, 04:08 PM

والله طلعت جنتل ياجنتل

بس يستاهلون ماينفع فيهم إلا كذا ...
ولا اوصيك على حقين الأتصالات

صمت العيون · #8 09/12/2002, 04:28 PM

هلا بابو خط احمر

شكلك موهوب سهل

...تخوف

ذكرت تسع مخالفات مظلوم فيها بس ما قالوا انك تفحط;) ;) اعترف بسرعه بدون ما تتجاوز السرعه القانونيه

إقتباس


	(5).. مخالفة كسر كلبشه <--- صح أني كسرتها بس والله العظيم ظلم

اخص اخص يا النشيط...ولا مظلوم ما يجتمعن ذولي

على المخالفات صدق من قال انك تباري السيسان

[c]تقبلوا تحياتي

[/c]

أحمد15 · #9 09/12/2002, 04:53 PM

هههههههههههههههه

والله والل 23000ريـــــــــــــــــــــــــــــــــــــــــــــــــــــــال
والله انك تخوف علىى قوله أخوي صموتي ...

أخوك / أحمد

Daredevil · #10 09/12/2002, 05:08 PM

إقتباس


	إقتباس من مشاركة ابو العلالي الهلالي والله طلعت جنتل ياجنتل بس يستاهلون ماينفع فيهم إلا كذا ... ولا اوصيك على حقين الأتصالات

فتى المدينه · #11 09/12/2002, 07:08 PM

نسيان لمبه السياره الداخليه مشتغله !!!
في الليل ولا في النهار

كايدهم · #12 09/12/2002, 07:32 PM

لا الولد حريف

..

وبصراحه خوفتنا من ذا المرور .. الله يستر لا يقولون وراك موقف عند باب جيرانكم وهذي عليها مخالفه

!!!

جنتول .. يوم انك تطلع من الاختبار وقابلت الشرطي .. وراء ماخذت لك فانتا تريح اعصابك

!!

وجعل اياد يجحدك ان شاء الله

!!

اخوكم ناصر · #13 09/12/2002, 09:51 PM

ياساتر ياجنتلمان ، كل هذا مسويه وتقول مظلوم

تحياتي ، ناصر

EYAD - 21 · #14 10/12/2002, 12:36 AM

اولاً: عمره مقبوله يالقاطع !
ثانياً: لو اني ماعرفك كان ممكن اتعاطف معك واقول مظلوم لكنني متاكد 100% باستحقاق 99%المخالفات عليك

واضف على قائمة مخالفاتك مخالفات عدم حمل الرخصه والهروب من نقطة تفتيش وفيه مخالفه مستحي اقولها

اول مااشوفك اقولها لك

ومخالفه الاشاره اللي صدمت فيها قبل شهرين ومُقدّره عليك بمبلغ 10000 الالاف .
هل فيه انسان عاقل يقطع طريق الرياض - مكه في 4 ساعات وبسرعه240

وتقول مظلوم !

إقتباس


	(1).. 13 مخالفة سرعه

خاف ربك ! اذا ماخفت على نفسك خاف على ارواح الناس !

إقتباس


	(2).. 5 مخالفات قطع أشاره

ماجد أبسألك سؤال واتمنى جواب محدد ! وش الفائده من الاشارات ؟

إقتباس


	(3).. مخالفتين السير ليلاً بدون أستعمال أنوار <-- هذي صادقين فيها ماله داعي أحط

الحمدلله انهم ماظلموك !

إقتباس


	(4).. 3 مخالفات تضليل

انت تدري ان تضليل زجاج السياره الامامي ممنوع ليش تضلل ؟! حتى لو كانت 01 فمابالك 04 !!!!!

إقتباس


	(5).. مخالفة كسر كلبشه <--- صح أني كسرتها بس والله العظيم ظلم

الاعتراف سيد الادله انت كسرتها كيف تكون مظلوم ؟!

إقتباس


	(6).. 3 مخالفات قيادة السيارة بعكس طريق السير <--- ما اذكر أني عكست الطريق

المشكله اني كنت معك قبل 4 اسابيع وعكست الطريق وماراعيت هويتي كملازم اول في المرور !!

إقتباس


	(7).. مخالفة عدم التوقف أو تخفيف السرعة لتمكين المعاقين من المرور

هذي عند طرق المشاة والمعاقين وشئ طبيعي انك تهدئ لان الافضليه لهم في السير او في قطع الشارع !

إقتباس


	(8).. مخالفة عدم الوقوف عند إشارة STOP

غالباً ماتكون لوحة قف متواجد في الشوارع الفرعيه المؤديه للعامه او الرئيسيه ولعلمك لوحة ستوب مثلها مثل الاشاره الحمراء في القانون !

إقتباس


	(9).. نسيان لمبه السياره الداخليه مشتغله

هذي ماقدر افتيك فيها بعد مارجعت سجلّك الناصح بياضاً في الكمبيوتر ! اتضح لي قيمتها 300 ريال فقط

وبالتالي هي تحت بند المخالفات ذات النقطتين !

إقتباس


	ومالقيت موقف للسياره فيه ظلال قمت وقفت على الرصيف تحت شجره

هذي بحد ذاتها مخالفه !
وتندرج تحت بند المخالفات ذات النقطتين ( استعمال الارصفه او الممرات الخاصه بالمشاة ) لكن الرجل المُكلف ما اتخذ في حقك العقوبه المقرره !! ( وتقول لي مظلوم

! )

إقتباس


	واجيه والقاه مركب الكلبشه وشاق ومخربش التضليله بمفتاحه

الرجل ماعمل الا واجبه !
والقانون واضح في حالتك !
تظليل السيارة غير المسموح به :
# المرة الأولى :
1- غرامة مالية بالحد الأوسط بقيمة 500 ريال.
2- إزالة التظليل .
# المرة الثانية :
1- غرامة مالية بالحد الأعلى بقيمة 900 ريال .
2- إزالة التظليل .
3- حجز المركبة لمدة أسبوع .
# المرة الثالثة :
1- غرامة مالية بالحد الأعلى بقيمة 900 ريال .
2- إزالة التظليل.
3- حجز المركبة لمدة شهر .
وانت طبق في حقك 3 مخالفات تظليل لكن ما لم يتم توقيفك ولا حجز المركبه ! ( وتقول لي مظلوم

! )

إقتباس


	وأكسر نظارتي علشان أبي آخذ الاطار علشان أفك الصواميل

اعرفك اذا صرت معصب ماتعرف امك من ابوك !!

إقتباس


	الله لايخلينا من أياد

( أفرك ) يديك الله لايهينك وطلع البوك

إقتباس


	أياد شغلته يسقط هالمخالفات من الكمبيوتر وبيجي اليوم اللي يسقطونه في السجن بسببها

هذا المتوقع !

فيه قانون يقول:
الاجراءات المتخذه عند حصول المخالف على (18) نقطة خلال سنة هجرية :
المرة الأولى / سحب الرخصة لمدة 3 أشهر .
المرة الثانية / سحب الرخصة لمدة 6 أشهر .
المرة الثالثة / سحب الرخصة لمدة سنة هجرية كاملة .
المرة الرابعة / سحب الرخصة نهائياً .

وأنت تجاوزت 25 نقطه في اقل من سنه ورخصتك لازالت مُفعله ! ( وتقول لي مظلوم

! )

البارق · #15 10/12/2002, 01:14 AM

يا بعد تسبدي والله يا إياد ..

والله إنك كفوووووو ( على قولت ابو لما

)..

أجل كل هالبلاوي ويقول مظلوم بعد..

تصدق إني جاني الصياح يوم قريت موضوعه .. بس اشوى انك علمتنا..

طيب إياد.. وش رايك إننا نوقف يوزره في الشبكه لين إنه يسدد...

وللجميع تحياتي ،،،

أخوكم / البارق