|
ياعالم اركدو وارحمونا من هالمواضيع بسم الله الرحمن الرحيم في يوم اسود على كل هلالي قدر الله وتجمعت الظروف السود من اصابات وغياب اظطراري لبعض اللاعبين وزد عليها ارضية ملعب لك عليها شوي:yes: مع زيادة ان المباراه في ايران وتعرفون وش ايران وتعرفون بعد وش الايرانيين واصواتهم النشاز اللي تخوف من ورا الشاشه كيف عاد بناس تلعب بينهم صراحه رحمت حال لاعبينا :cry: المهم دخلو المباراه ومن وجهة نظري والله ماكنت اتوقع هالطريقه باللعب والقوه والجماليه اللاعبين ماخلو شيء ماسووه ولكن تسجيل الاهداف عاد توفيق من الله الكل شاف فريق يلعب غير مكتمل الصفوف ولكن اجبر هالايراننين على احترامه خوفهم ارعبهم لاخر ثانيه الله عليك من هلال كبير والكبير الله :wub: طيب وبعدين انهزمنا بــ 1 مقابل صفر :alzaeem: منطقيا نتيجه ايجابيه بالنظر للمكان والاصابات والغياب ليش كل هالخوف والتشاؤم وكثرة المواضيع اللي تسد النفس :s5s: البطوله راحت الاسيويه ولت لغير رجعه ماراح يتاهل الهلال بهاللاعبين مافيه اسيويه ,,,,,,, الخ وتطول القائمه المتشائمه الي تسد نفس النفس لاتتنفس:ranting: ياعالم ندخل المنتدى نبي لنا موضوع يرفع ارواحنا المعنويه شوي مو مواضيع يقراها الواحد وكأنه مهزوم عشره صفر لا ياخوان المطلوب منا اذكرو الله استغفرو شجعو بعض شجعو اللاعبين حيوهم اهل الرياض احضرو التمارين سولفو معهم اضحكو انصحوهم وصلو اصواتنا لهم بهالشيء راح يدخلون رايقين للمباراه مافيه ضغوطات عليهم صدقوني بهالاشياء راح نفوز بعد توفيق الله في الملعب اذكرو الله صلو على النبي ولاتلهيكم المباراه عن الصلاه وادعو كريم مايرد من دعاه اتركو عنا التفنن بالتشاؤم والمواضيع السود واذكرو واحد احد امره بين الكاف والنون |
اي ولله ياكثر المواضيع اللي تسد النفس اللي يقول مستحيل الهلال يفوز واللي يقول مستحيل ناخذ كأس اسيا بهذولا اللاعبين واللي يقول جيرتس تفكيره مو معا الهلال ولله بعض الناس تسد نفسك عن الدخول لـ المنتدى |
|
والله كلامك عين العقل نتمنى من الجميع رفح روح الاعبين لانهم والله العظيم يستاهلون |
عـوااااااااافــي يالغالــي والله العظيم بعد المبارة بيومين دخـلت المنتدى بسبب هذه المواضيع واذا دخلت ما اقر اي موضوع مشكوووووووووور,,, ثقتنا بهلالنا كبير بعد توفيق الله |
والله كلامك عين العقل بتوفيق ,,,, |
انا اتمنى موقع الزعيم يتقفل الا بعد المباراه ادخل للمنتدى ابغاء اقرى شي يخلني اتفائل احزن واطلع |
يارجال ازين خلهم خايفين وان شاء الله الخوف يجيب الفوز ازين من يصير ضامنين الفوز ( تذكر مباراة الغرافه ) ,, ونخسر اخر شي ازين والله |
يالبى قلبك كلام عقلاني لا يصدر الا من شخص عاقل تحيتي اليك |
والله كلامك عين العقل الله يوفق الهلال |
والله انا معك صح نخاف بس مو كذذا الاعبين عليهم كذا وكذا والي يقول ماراح تجي بهالجيبل والي يقول ام صلاص وام صلاص انا لو العب مثلا مع الهلال وادخل واشوووف هالمواضيع لااصيح وافكر ولا انا زين ولا دخلت الملعب اخاف لازم نرفع المعنويات ياخي |
الدعاء الدعاااء الدعاااااااااااااااااء اللهم وفقنا في مشوارنا الأسيوي وبلغنا النهائي والفوز به :smilie47: اللهم اكتب بطولة آسياا هذا العااام للهلاااال :smilie47: اللهم اجعل النصر حليفنا في المباراة القادمة ضد الايرانيين :ba1: اللهم وفق الهلال فوق كل ارض وتحت كل سماء :ba: الله ينصر الهلال ياااااااااااارب :rose: |
ادارة منتدانا انتم اكوس الادارات كلها لاهنتو والله لكل من مر من هنا وشاركني موضوعي زدتوني شرفا يعلم الله الله يوفق زعيمنا دوم اللهم انصر الهلال على كل من عاداه وحاك الدسائس له وفرح لهزيمته واشغله في نفسه يالله اللهم اجعل الهلال هلالا في كل زمان ومكان اللهم بدل فرح من فرح بهزيمة الهلال الى حزن وغم بفوز الهلال على ذوب اهن والفوز بالبطوله اللهم انت الكريم انت الواحد الاحد الفرد الصمد انصر الهلال يارب |
إقتباس:
يعطيك العافية ع الطرح وبالتوفيق للزعيم |
والله انك صادق وبالتوفيق انشالله لزعيمنا |
| الوقت المعتمد في المنتدى بتوقيت جرينتش +3.
الوقت الان » 05:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd