[c]

مشاهد مثيره

هذا المذيع حق البرنامج ايمن زيدون موهوب انا
انا صمت زيدون

المهم حياكم الله على قلة الكلافه
قلت وش دعوى هالـMBC يحطون برامج روعه وحنا
يا غافليكم الله
لازم اطلع مشهور ويصير لي معجبين ومعجبات
اهم شي معجبات اما المعجبين ما نبي مو ضروري;)
قلت ازين موضوع وانافس فيه ابو خشه اللي حاط صورته فوق
بس انا احلى منه ذا شين وانا اطخم
<<<<<لا يكثر وانت وخشتك اشين واحد وسارق برنامج وتقول احلى من المذيع بعد
صج من قال شين وقوي عين
المهم انا جايبلكم كم مشهد يروعون
<<<<<لا تكذب ششيناااااااااااااااااات
المهم اللي يبي يشوف يقلط والتذكره بخمسة تريل((خمس ريال)) للدرجه الثانيه....

و الدرجه الاولى الاولى عشرة تريل ...

وقدام التلفزيون مئة ريال ريال ينطح ريال...

[gl]وش رايكم بالقروش اللي فوق تراهن يسون اول مو الحين هذولي على عهد الملك سعود الله يرحمه[/gl]


لكن قبل ما تشوفون تشوفون اللقطات لازم تشوفون قصتي
والاحداث اللي حصلت لي خلف الكواليس
والان قاعدين نتجهز البرنامج
ويجون يكتبون اسميي على الشاشه
صمت زيدون <<احلى مذيع بالعالم((ايه هين لا تصدقون شين;) ))
انت ياللي تقراء تشوف اسمي طالع عندك
المهم وحنا نتجهز للبرنامج وانا لبس شي يتدودل من حلقي
ما ادري وش يسمونه لكن واحد غششني يقول كرفته
واقعد بذيك الغرف الكبيره فيها اشياء حلوه ولمباااااااات اذا جاء الليل كنك بعز القايله
من شدة النجفات اللي عندهم حمراء وخضراء وبردقانيه((لون جديد)) وحركاااات
والكبوس((جمع كبس)) تمشي مليون عندهم....تصدقون غير اللي بالملعب حارتنا



يجي عاااااااااااد المخرج ويقولي ضف وجهك عند الميك اب <<<<اخص يالمثقف تعرف الميك اب
هماااااي انا حلو واطخم.....بس حطلي شي يخلي وجهي احمر كني دافور من حقين الشام
((تمنيت ارجع لايام المتوسط والثانوي على شان اطلع دافور صدقي وانجح بالرحه ما ادري له بس الدوافير الشامين هم اللي يطلعون الاوئل وحنا تخب علينا جيد جدا هذا اذا شديت حيلي))
المهم هذا اللي لطس وجهي من كل الكريماااااااااااات
وزبط شعري تخبرون راسي طالع فيه نخلتين ويجي يهبطها ببخاخ بس ريحت البخاخ شين
ويحط شي يلمع كنه فكس بس علبته غير وريحته حلوه
المهم وارجع للاستديو باصور والا اشوف المخرج يلحقني بشي مع علباتي
((وانثر اللوحه اللي مقصوصه من النص ولونها اسود
واذا سكرت اللوحه من النص تقول ابدا ويبدا المسلسل...))
المهم التفت على ابو كشه المخرج
والتف قلت خير ان شاء الله وانت كشتك
يا ليت من جاب بكره تهبطها لك
يقول انت وجهك بتصور بزبيريات
حطمني الصراحه
واقول اهجد يا اخوي انا جاي اتعلم منكم يا اساتذة الاخراج


اغدين اطلع مشهور واصور مع برتني ورزان مغربي
واقدم مع رزان ببرانامج ((بوبس اند توبس))

واقعد معها واضحك مع الشباب اللي يتصلون وتوزع بوسات يعني تحبهم...
والا اذا ضحكت رزان كنها قرد يصارخ ((اللهم لا شماته))
والااغني مع ذي الشينه

وارقص معها واستخف...وازين حركات برجلين الين يتشابكن واطيح من فوق المسرح
<<<<<<<<طموحه كبير الولد
بس تبون الصدق اذا شفتهم تحمدت ربي واقول الحمد لله اني ثقيل...خاصة ((العاهر)) رزان ام العيال



والا اقل شي اقعد على الكرسي الطويل ووقدامي تلفزيون...واشوف دفتر الشيكات حق جورج
وانا غارق باحلامي ومخطط اتصل على ولد خالتي بالسؤال الاخير عند المليون
علشان ينقهر وانا اقالي اكشخ
والا يصكني جورج بسؤال من اول شي قال وش اسم امك
مير اتحطم اذا قلته فشيله قدام الناس....واذا ذبحته باتورط وانا ما فزت ولا ريال ويسجنوني
المشكله حقين الجوازات رفضوا يعطوني جواز الا قايل لهم اسم امي وانا رافض ولا سافرت
والمهم قلت ما فيه حذف اجابتين قل شو بتئصد ((وش تقصد)) قلت ابد ما ابي الا سلامتك
قال طيب شكلك تستحي تقول اسم امك
رفع عندي الضغط والسكر والملح والبهارات وكل شي
قلت اهجد لا اتمردغ في حوض بطنك
المهم بدينا باول سؤال والا اللي يكبس النور كني((ببار)) بعيوني قلت رحت وطي
واللي يرزح((هالموسيقى)) فوق اذاني تجيب الجلطه وتلعب بالاعصاب
ويصكني جورج باول سؤال ضيعت فيه جربت كل المساعدات
وبقى الاتصال بصديق وانا ودي اتكيشخ قدام ولد خالتي واتصل عليه بسؤال المليون
ويرن التلفون والا يرد اخوه النتفه الصغير ويكلمه جورج قرداحي يقول فلان موجود
يرد عليه هالنتفه اخوه لا موهوب موجود وش تبي فيه...علمه جورج انه من برنامج من سيربح المليون
الا ولد خالتي دلخ يغمى عليه يقوم بسرعه ويقول احلف قل قسم بالله انك جورج
وجورج يضحك وعيونه غاصت بشدوقه ما شفتها من كثر ما يضحك...الدلخ يقول طيب ودي انا اشارك
وانا مقفله معي مير اصرخ عليه اقول ناد اخوك لاجي باول طياره اتمردغ فيك...
مير الله يفشله الدبشه يقول:والله لاعلم ابوك انك بمن سيربح المليون ...وووووو...طلع الفضايح
والا اسمع صوت اخوه ومير تفتح اساريري <<<اساريري اسمعها دائما اذا احد استانس
ويمعط السماعه من اخوه النتفه ويتكلم بدون نفس وش تبي... من انت
مير اقول تسمعني يالدلخ انا ولد خالتك طالع بمن سيربح المليون
عاااااااد الدبشه يقول احلف ما اصدق انت وخشتك قاعد على الكرسي الطويل قدام اللي يقول جواب نهائي
قلت ايه هو....ومير يصرخ ويقول ولد خالتي والنعم فيك...ويقعد يقص قصة حياته...ويعصب جورج
ويقول اخلص تونا بالسؤال الاول وولد خالتك الدلخ اللي هو انا ما معه شي
نبي تساعده...ويقول ابشر والمهم بالاخير يكرشني جورج والحلقه منعوها الرقابه في اشياء ممنوعه
بس تصدقون من ذاك اليوم والسعودين طاحوا من عين جورج قرداحي

من زينك عااااد يا جورج اللي يقول الحين انت وخشتك نتالي معماري اطيح من عينك
دن لاترفس ببطنك
بس تصدقون هالعبه خطره جدا ولا انصحكم تشاركون لان تسبب انخفاض بالدوره الدمويه
وتصيب الانسان بالدلاخه خاصة اذا سمع المليون



عاااااااااااد جاء التصوير بميوزيكانا
عاااااااااااد يازين عندهم هالحركااااااااااات اللبنانيات شي
مو السعوديات الله يحفضهم<<<ما يقدر يقول شي
وتدخل ذيك الخبله الصغيره

ولابسه الضيق ومير اسطل
قلت باصير كومبارس ارقص مع ذولي
قلت هيك بترئص معنا
قلت ايه مو عاجبك...
نتالي: ابدا لكن شخصيتك كنك درويش
المهم اروح البس احسن من الملابس اللي كنت ناوي البسها في برنامج مشاهد مثيره
لبس جنز الله يفشلني منشق مع الركبه وقميص شفاف
اللهم لك الحمد الحين البدله الرسميه مو زينه والجنز المتعرفط ومشقق مع الركب احسن
بس ما يهم اهم شي ارقص مع ذولي



وعالم السيارات ما اقدر اتكلم فيه لاني اشوف المواتر تبدى سعابيل تتقاطر



والا اطلع بصدى الملاعب واصور مع احد الرموذ الكره الثعوديه...واقعد احش معه بنادي الهلال
تصدقون شفت الصك اللي يمكله اللي مكتوب انه بيفوز على نادي الهلال لمدة خمسين عام مقبله
وشفت اشياء كثييييييييييييييييييير صدق من قال انه احد رموذ الكره الثعوديه...وكل اوراقه مقطعه من الجرايد خاصة الرياض والجزيره ومن عكاظ يعني ما عنده الا الجرايد اورق لثبوت ان الهلال مو نادي...لكن نادي الهلال تاريخه يشفع له مو رمذ موهوب رمذ
والمذيع الشهري ماخذنا على قد عقولنا.....



والا اقل شي يسون مقابله مع بوش كوفي عنان بشان ضرب العراق في برنامج الاسبوع السياسي مع نيكول تنوري الشينه
واقعد معهم اطلع اللي بحرتي واحش بصدام...واقول ان امريكا بتسوي فيه عمايل على شان ما يعودها....واشوف اشرطه رهيبه لحبيب قلبي الشيخ اسامه بن لادن الله يحفظه....ويجي ياسر عرفات لمقر الـmbc ويقد يبوس ((حامت تسبدي)) وبداء يسعبل ....



المهم المخرج يوم شافني وصلت للسياسه
يمسكن مع مقفاي ويكرشني برى مبنى الـmbc
عاااااااد انا مسيكين اباري السيسان ودموع اربع
ومير ادخل عليه اغديه يصير فيه ذرة شفقه
وتخبرون انا حبوب حنين
واجي ادخل على المخرج بمكتبه بطريقه احاول اخليه تتحرك الاحاسيس
اول شي رجفت الباب وادخل واقوله حاقد على شان باطلع مشهور
والا تقفل معه ويشيل كرتون المناديل ويصبخني مع وجهي
اشوى انه ما اخذ الطفايه والا كان الحين ما طلعت بالتلفزيون

وانحاش برى مكتبه والا اشوف نتالي معماري

ومير افتح كشرتي خمس وعشرين بوصه
وتقطر سعابيلي اول مره اشوف شي شين
بس يوم شافتها سطلت ما ادري وش فيني توقف قلبي واحس اني بديت اعرق زود
وبدا قلبي يتراجف...تشوفون الخروف بعيد اللحم ((عيد الضحيه )) تشوفونه كيف يراجف
قلبي يسوي مثله....<<<يا ملحك وانت مسوي تحب تراك شيفه

والمهم اقعد اتطلبها عااااااااااد هي بتؤلي شوبدك <<<يلعن بغى يغمى علي عقب هالكلمه
واقولها وانا خلاص مسطل وخرب الميك اب اللي لاطسينه بوجهي
اقول: الله يرحم والدس ويخليلك امميمس وابيس
الترجمه((الله يرحم والديك ويخليلك امميك وابيك))


وتدخل على المخرج وبتؤله من شاني من شان خاطري شوف الزلمه شو عامل بحاله
وانا مير يغمى علي.....

((امي وهي امي اللي هو انا قطعه منها ما قد قالت لابوي شوف ولدك
بالعكس تعطي ابوي الخيزرانه وهي تصفقك...وتشجع ابوي وتقوله طقه زود خله يطلع رجال
وانا التفت على امي اقول غاثيني الحين شباب المنتدى كل يوم يقولون اني بنت وانا رجال
وتطلعين انتي مثلهم تخورين وتقولين عني مو رجال...تراني باتمردغ فيس
الا ابوي يلشطن ذيك اللشط مير اصرخ بكل قواي وينهد حيلي من قوة الصرخه وجلدي طلع ازرق
ويقول اذا ما تركت عنك الدلاخه باترفس فيك))
((امي اذا دلعتني تلحقني قوطي الصلصه القديم والا قوطي قشطة التاج))
((واذا دلعتني زود قالت كل تبن))

المهم نرجع لسالفتنا والا يغمى علي يوم بتؤل للمخرج شوف شو عامل بحاله
ويغمى علي وبتشوفني وبتركض تجي لمي
وتصفقني كف...وتزين زي اللي بالمسلسلات...وتقول للي عندها جيبوا ماي ((ماء))
وتجي تمسح وجهي

((مو زي ابوي يكب مويه بارده من البراده))
((والا يوم اذا اغمى علي امي جابت فشكة بصل وتحومها حول خشمي والا ابوي قال جيبوا فكس
والله يا هو حار الفكس..توني ادري صرت كني بزر ضايعه مصاصته
خل خشمي يلعلع من الحراره))

نرجع للخبله نتالي وتمسح وجهي وبتؤل شو فيك يا عمري
والله وبغى يغمى علي مره ثانيه لكن ستر الله لانها صفقتني
وقالت مو بتله يغشى عليك<<<اخص قلبت من لبناني الى قروي
عااااااااااااااااااااد من الذهانه قلت ابي تنفس صناعي ما اقدر اتنفس
والا وجهها يحمر ويطلع بنفسجي وبتؤل للي جنبها تعال سوي لشاب تنفس صناعي
والله يوم شفت اللي بيسوي لي التنفس مير اقمز واقول ما فيني شي
اما باقعد له والله لو يزين لي خالد الملا التنفس الصناعي ارحم لي من هذا الشين


المهم قمت ويقول المخرج على شان نتالي والا مو على شانك بانخليك تصير مقدم برامج
قلت بقلبي لانك تعزها ولا تعزني لكن مردوده
المهم ويجيبون لي كنادر اول مره بحياتي اشوفها...وطاق هالكرفته ويبدون يصورون
وكانت نتالي الله الله بالعلوم الزينه نبيك تكون احسن مذيع بالـMBC
<<<<<<اعديتها خليتها تتكلم قروي
ونصير احسن ثنائي تصدقون
بغى يغشى علي مره ثانيه لكن سترها ربكم....

عااااااااااااد اقعد اتلفت من كميره لكميره يعنني مذيع واقدم
[gl]وهذهي المشاهد [/gl]
لكن قبل ما تشوفون المشاهد اقولكم
هذا حال الفضائيات العربيه
مسابقات ربويه....رياضه وتتحول للسب واللمز....غناء وفجورو......فيديو كليب يعرض مفاتن المراءه....افلام ومسلسلات تدعوى الى الحرام...الجيد منهم واللي فيه خير... تكلم بطريقه غير مباشره عن الاضطهاد بفلسطين
واصبحنا طوعا للهونا ونسينا الامه الاسلاميه التي تنزف
وهذي هي الخطه لاشغال عقولنا بالفضائيات
فهذي رزان مغربي تستضيف مطربات عالميات وبطريقتها الصبيانيه بمعنى انها تحاول استثارة الشهوات
وهذي نتالي وزميلتها وهناك قنوات اخر تعمل مثل هذه البرامج تجمع اكبر كم من النساء عاريااااااات وتستعرضهم مع الفسق بالغناء
وهذا الرياضه يصل بها الى السب والشتم ...والطعن بذمم الاخرين والتهجم بعوئلهم
وهذا المسابقات اصبحت ربويه لكن لم نرى من يتكلم
وهذا برامج السياسه اصبحت منبر لرفع الاصوات فقط دون عمل اي شي يذكر...ولم يستطسعوا الحديث عن ما تعمل امريكا
وبما ان كان محور حديثنا بالـMBC فقط اعجبتني بنقطه واحده وهي
برنامج الشيخ عائض القرني والشيخ سعد البريك البرنامج الوحيد الذي لا يتخلله موسيقى ولا فواصل اعلانيه....وفيه من الخير الكثير جزاهم خيرا على هذا البرنامج وجزاء الشيخين خير الجزاء على ما يعملان من توعيه الاخرين

بقى المشاهد في الرد القادم
[/c]