بــدونـ اســـم ..!! - نادي الهلال السعودي - شبكة الزعيم

شوق الكويت · #1 30/09/2010, 12:11 PM

بسم الله الرحمن الرحيم

مدخلـ :

يحكى ان امرأة زارت صديقة لها تجيد الطبخ لتتعلم منها سر "طبخة السمك" ..

وأثناء ذلك لاحظت انها تقطع رأس السمكة وذيلها قبل قليها بالزيت فسألتها عن

السر, فأجابتها بأنها لاتعلم ولكنها تعلمت ذلك من والدتها فقامت واتصلت على

والدتها لتسألها عن السر لكن الام ايضا قالت انها تعلمت ذلك من أمها (الجدة)

فقامت واتصلت بالجدة لتعرف السر الخطير فقالت الجدة بكل بساطة: لأن مقلاتي
كانت صغيرة والسمكة كبيرة عليها...

(ومغزى القصة :ان البشر يتوارثون بعض السلوكيات
ويعظمونها دون ان يسألوا عن سبب حدوثها من الأصل) !!‬

....

قبل سنتين تقريبا واحنا قاعدين بالبيت اتصل علينا اخوي وقال ان مرته ولدت ويابت بنت

راحوا له امي وابوي واحنا قلنا بنروح بالليل
المهم رجعت امي وقعدت تمدح بالبيبي

<< طبعا حفيدتها لازم تمدحها

المهم وصار الليل خذينا امي ورحنا المستشفى وكانت غرفة الاطفال تحت وغرفة

مرت اخوي فوق فقلنا حق امي خلنا نشوف البيبي قبل بعدين نروح نسلم على مرت اخوي قالت اووكي

دخلنا غرفة المواليد ولا نقول حق امي اي وحده فيهم تبعنا ؟

قعدت تفكر تقريبا نص دقيقه ...! واشرت بيدينها قالت هذه

ونادينه السستر قلنالها قربيها لنا شووي لان في زجاج بينه وبينهم المهم ونقعد

نصوور بجوالاتنا اللي يشوفنه يقول اول مره يشوفون بيبي

وانا اقول خشمها سبحااان الله نفس خشم اخووي واختي تقول ايي صادقه والعين

على امها ولا شوفي صوب الجبهه نسخه من خالتها ... وخذ عااد ياتشبييه

ماخلينا فيها ولا قطعه الا ولقينا لها احد يشبها من العايله

وكل وحده تصدق على كلام الثانيه

وطلعنا من عندهم . تونه داخلين الغرفه على مرت اخووي
ولا نشوفها ماسكه البيبي وتبوسها

يعني اللي تحت مو تبعنا !!

احنا صار بأشكالنا جذي

وكل وحده فينه بهدووء تمسح الصوور اللي صورتهم تحت

بس يبقى السؤال ليش وقتها حسينه ان فعلا البيبي اللي تحت يشبهنه ؟؟

ومرره ثانيه كنت قاعده مع بنات ونسوولف ونشوف التلفزيون ولا طلع المذيع
ويقول خبر
(( ان نوع من انواع العلك فيه خمر ومنتشر بالكويت ومحد درى عنه بالبلديه ولا الداخليه )) .
اول شي احنا شهقنا وبعدها بدينا كل وحده تتذكر يوم كانت تاكل هالعلك تحس بدووخه !!

والثانيه تقول احس عيني فيها غمامه ومااشوف اللي جدامي لو كليت هالعلك !!

وكل وحده قعدت تشررح شنو كان يصير فيها لما تاكل هالعلك

وماهي لحظات الا والمذيع يقول : طبعا هذا الخبر إشاعه !!

سبحان الله لما سمعنا الخبر تهيألنا ان فعلا كنه نحس بدوخه ونسكر يوم ناكل هالعلك !!

هذه إعتقادات داخليه الانسان يحس فيها وهي غير حقيقيه وغير موجوده !!

مثل البيبي يوم قالت لنا امي هذه بنت اخوكم حسينا شكلها نسخه اخوي ومررته

ومثل مرات لما تطلع إشاعه عن لاعب مثلا يقولون انه فيه مرض مثلا
كلنا نشوفه وقت المباراه ونحس ملامحه تعبانه ومريضه وشكله تعبان مع انها إشاعه لكن كنه معتقدين انه فعلا مريض !

هذه هي الحياة

مجرد نقنع انفسنا ان احنا ناس فاشلين وكل هموم الدنيا فينه راح نتعايش مع هالشي والعكس كذلك !

ياما ناس عايشه وحيده وبغربه وفيها مرض ومتأخره بالدراسه وغير مستقره بحياتها الاجتماعيه لكن .
. مجرد انها تقنع روحها انها انسان يمتلك كل مقومات السعاده .. راح يعيشها ويلقى السعاده !

خلاصة الموضوع

حياتنا احنا اللي نشكلها على كيفنه نقدر نخلي نفسنا اسعد ناس ونقدر نخلي
نفسنا اتعس الناس بغض النظرر عن ظروفنا المحيطه فينه

.

احرصوا انكم تشكلونها بالطريقه اللي تخليكم مبسوطين وبسيطين

مخرجـ :

يحكى بأنه بيل جيتس كان يبحث عن وظيفه وذهب للتقديم على شركه للحصول
على وظيفة مراسل .. وتمت الموافقه على كل شيء وسُئل هل لديك بريد الكتروني ؟!

فقال : لا

قيل له : إذن انت غير مقبول فكيف لموظف بهذه الشركه الكبيره لايملك بريد الكتروني !!

خرج مهزووم وقرر ان يبدأ العمل لوحده ويعتمد على نفسه فبدأ بالعمل بمجال الكمبيوترات شيء فـشيء .....

إلى ان اصبح صاحب شركة مايكروسوفت واغنى رجال العالم .!

وفي أحدى مؤتمراته سئل هل تملك بريد الكتروني ؟!

قال : لا

قيل له : صاحب شركة مايكروسوفت وليس لديك بريد الكتروني .!! لو كان لديك بريد الكتروني ماذا ستكوون ؟!!

سكت قليل وابتسم ثم رد : : لكنت مجرد مراسل في إحدى الشركات .

:

شوق الكويت

*الجوهرة الزرقاء* · #2 30/09/2010, 12:25 PM

يعطيك العافية شوق

فعــــــــــــــلاً قناعاتك تشكل حياتك

أمتعنـــــــــــي موضوعك

مَاهِينُورْ · #3 30/09/2010, 12:41 PM

أهلاً شوق
الحمد لله على السلآمة
موضوع جميل وحلوه الفائدة الي أستنتجتيها من المواقف
أما موقفكم مع بنت أخوك , المفروض عقب هالموقف ما نصدّق تشبيهاتك أبد !

بــدونـ اســـم ..!! ~> من الي بدون اسم لا يكون بنت أخوك إلى الأن ماسمّيتوها ؟:|
~> سامجة p:
أما موقفكم مع العلك , دائماً تصير لي مواقف مشابهه
أقرأ عن أعراض مرض وأحسّ إنه فيني
لكن الحمد لله ما أستسلم للوساوس

الله يعطيك العافية شوق
سجّلت دخوول عشان الموضوع ومافي بالي أيّ ردّ من الكسل
بس حبّيت أتشرّف بالتواجد في المقدّمة

شمـ v.i.p ـوخ · #4 30/09/2010, 12:47 PM

سعادة الانسان من ذاته .. وهوا اللي يكونها
والصعوبات اللي يواجهها يعتبرها دافع للافضل ..

حلو الواحد لمى تواجهه مشكله في طريقه يعتبرها تحدي بينه وبين نفسه ..
ساعتها بعطي افضل ماعنده ليثبت نفسه ..
صحيح ساعات اول ماتواجهك عقبه بطريقك تضيق وماتعطي نفسك الفرصه لتشوف الجانب الايجابي من هالعقبه ..
بس بعد ماتقنع نفسك بالعكس وتنقل لنفسك تفكير ايجابي عنها
بتلقى انها دافع لك اكثر من كونها عقبه بطريقك ..

بس اهم شي نشيل النظره السوداويه من داخلها .. وساعتها المحن كلها بنشوفها كمنح ..
هالكلام يمكن هالفتره انا بقولو لنفسي قبل اي احد ..
والله يوفق الجميع يارب ..

شوق يعطيك الف عافيه
موضوع جا ع الجرح زي مايقولو واحس اني خرجت عن موضوعك شوي

وديـ ..

قرقاص · #5 30/09/2010, 01:04 PM

مرحبا شوق الكويت

الأنسان وقناعته الداخلية هي من يصنع الظروف النفسية المحيطة به !!!

في الطب وفي عالم الأدوية يوجد مايسمى الدواء الوهمي PLACEBO !! وهو عبارة عن كبسولات لا يوجد بها دواء وانما بودرة فقط !!

فقبل الموافقة على طرح أي دواء جديد لابد أن تقدم الشركة المخترعة أبحاثا تثبت فعالية هذا الدواء ولا بد أن تجرى التجربة على متطوعين بحيث يتم تقسيمهم الى مجموعتين !! مجموعة تأخذ الدواء الحقيقي ومجموعة تأخذ الدواء الوهمي بدون أن تعرف اي من المجموعتين ماذا أخذت !! وبعده يتم قياس استجابة هؤلاء المتطوعين للدواء فالمجموعة التي اخذت دواء حقيقي تكون استجابتها عالية من 75 الى 95 % اما المجموعة التي اخذت الدواء الوهمي فالمنطق يقول أن استجابتها للدواء الوهمي تكون 0 % !! لكن المذهل أنه في كل التجارب ولدى كل الشركات تكون هناك نسبة استجابة تترواح بين 10 الى 25 % وقد تصل الى 35 %

ووجد أن سبب الأستجابة للدواء الوهمي هو التاثير الأيحائي الداخلي للدواء !! حيث أن قناعة المريض الداخلية بأنه يتناول علاجا للمرض أثرت على جسمه فقاوم المرض من دون أدوية !!

وهذا العلاج يعطى لبعض المرضى المصابين بأمراض مستعصية وصلت لمرحلة اليأس من الشفاء (الا باذن الله) بدل تركهم بدون علاج! بدون علمهم ايضا وتكون لديهم نسبة مقاومة للمرض واستجابة !!

شكرا لك شوق على هذا الطرح الراقي !!

سيكولوجي · #6 30/09/2010, 01:08 PM

موضوع محفز رائع جدا ..

وهناك مقوله جميلة ما تفكر به تحص عليه لذلك علينا التفكير بإجابيه دائما
شكرا لك شوق الكويت ولكن بالنسبة للقصة الاخيرة هي ليست لبيل غيتس
وهي وردت بروايات كثيرة لكن نقطة بيل غيتس ما عنده ايميل تجعل القصة اقرب الى المستحيل

شكرا لك ,,,

احتيآج · #7 30/09/2010, 02:00 PM

يَ هلآ بشوق

بَ آلنسبه للبيي تبعكم
آنآ آستغرب من آللي يشبهون هآلبزآرين
مدري و ش ينآظرون آحسهم زي بعض كلهم قطعه حمرآء

آمآ سآلفه آلعلك فَ مآشآء الله صيدلآني آلمجلس عطآنآ آلجوآب
الله مير يجزآه خيير

صرآحه مخرجك روعه
تصدقين من زمآن كنت رآفضه آني آعمل لي آيميل آقول يمكن آصير مثله
بس آشوى ربي هدآني

الضحى · #8 30/09/2010, 02:28 PM

حياك ربي شوق الله يسعد أيامك اللهم آمين ومن قال آمين .

موضوع جداً مهم وهو التحفيز للذات وتذكر الإجابيات للتقدم للأفضل والسلبيات لا نغفلها

لإنها هي من علمتنا الا نكرر ما نكره في سلوكياتنا ..عندما أنتقلت والدتي إلى رحمة ربها

الله يجمعني بها في جنات النعيم ووالدي وجميع أحبابنا وجميع أمة محمد صلى الله عليه وسلم اللهم آمين

أجتاحتني أحزان شديدة وأستغل الشيطان الفرصة وصارت صور سلبية تترأى أمامي

كيف لم أذهب لها عندما دعتني وعندها زوار ؟؟!!ليش عندما أشتكت من طباختها

قعدت أبرر لها أنها غريبة ومسكينه ويجب أن تحن عليها وتسامحها؟؟ليش ماطيبت خاطرها ؟؟

عندما مزحت مع إحدى الزائرات ورأيت الزائرة قد تضايقت ليش لمت والدتي ؟؟

وكنت أعيش في هذه الدوامة التي زادت حزني حزن ..وبعد أن فكرت وتذكرت

أخر كلامها لي تدعو لي وللذريتي بالتوفيق شع بصيص فرح في قلبي ثم توالت صور

كانت تمدحني وتقول بيض الله وجهك أنتي عن مائة رجال ..وذلك في مواقف كثيرة

صارت وهذا من فضل ربي ..ولكنها رحمها الله مدرسة حية وميته الله يجعله في ميزان

حسناتها لقد تعلمت الكثير الكثير وطبقته في حياتي وعلمته من حولي وعنوان علمي

ما تزرعه اليوم تحصده غداً ..والعاقل خصيم نفسه ..وخلقنا الله في أحسن تقويم

وأختارنا لعمارة الأرض وعبادته على الوجه الذي يرضيه سبحانه وتعالى

لذا يجب علينا أن نشكره ونحمده ونسبحه كثيراً على هذه النعم ولا نفكر في النقم إلا بما يجعلنا نتعلم

أكثر أن رب الكون هو سبحانه المتصرف .

آسفة خرجت عن سياق الموضوع ولكن كله يلتقي في حديث النفس وقناعاتها .

سمانا هلاليه · #9 30/09/2010, 02:45 PM

هههههههههههههههههههههههههههههه

بالنسبه لي صااااااااااااار لي مووووقف قريب من موقفك بالبنووووووووته وحده جااااااااابت لي

صووووره بنووووووته صغيره وكااااانت صورتهااااا موزعه بشكل صغير على الصوره الوحده وقالت لي شوووفي

هذولي يقربووولي اربع تواااائم وقالت في اختلاف بينهم قلت ايه فيه جلست تضحك وقالت هي صوره وحده

مووووزعه بس ليش حسيت ان فيه اختلاف مدري!!!!!!!!

حروف الغلا · #10 30/09/2010, 02:50 PM

هلا و غلا بشوق

و مثل ما يقولون
welcome back

بصراحة موضوعج جا ع الجرح ، انا بصراحة مبرمجة نفسي ع أيام معينة ، الأيام اللي تبدأ بتاريخ زوجي سعيدة ، و الفردي العكس

حتى لو يكون اليوم سعيد سبحان الله من اتذكر انه فردي ، انحس نفسي بنفسي

دايما احاول اتخلص من الوساوس ، بس خلاص صارت جزء مني ... و أشياء وايد نحن نصنعها بنفسنا ... لو اعدد ما تخلص ...
و في النهاية بنقول كله من الشيطان ... و الفقير ما له ذنب ...
يعطيج العافية و دايما أسأل نفسي ليش ما يكون بالمنتدى عيادة نفسية >>>>> اتكلم جد مب غشمرة ...
و البركة في خريجي علم النفس ....

جوري الربيع · #11 30/09/2010, 03:21 PM

هلا وغلا شوق

..
أنا ياما تصير لي مواقف ووساوس وأذكر إني شفت موضوع عن الديدان اللي تكون بالملابس الجديدة وانه لازم نغسلها قبل فأنا صرت أحك جسمي لدرجة إني جرحت نفسي وصار الدم ينزف

بدون إسم >>مدخل رآئع ومخرج أروع

شكرآ شوق

..

Hilaly Madridi · #12 30/09/2010, 04:37 PM

بدون اسم

>آخبرهـ محل ملابس

صراحهـ موضوعكـ بالصميم

ياكثر ماتصير هالمواقف قدامي

القناعة كنز لا يُفنى

يعطيكـ العافيهـ شوق

HILALYA ]~ · #13 30/09/2010, 06:33 PM

.

يالله حي شوق ق1 ..
الف الحمد لله ع السلامه ..
,
,
بالنسبه للمدخل ::
اذكر سمعتهـــا من احد وجلسـت اضحـــك مدري هو يضحــك ,
والا انا فيني شيء ض1 ,اوما موقف بنت اخوك ههههههههههه,
تصير دايما معنى ض1 , وحقت العلك هذي وحده من قريباتي :
كذا فيها وسواس بس تقول كلام ع طول يصير فيها سبحان الله ض1..
الرد هذا من العصر ض1, كل ما جيت برسل تصير لي سالفه ض1 ..
يعطيك العافيه شوق ق1 ..

هلاليــ دوت كوم ـــه · #14 30/09/2010, 07:31 PM

يَ هلآ بـ بريق ..

موضوعك الأغلبيّة يعآني منّه !

كثير أسمع قريبآت لي يقولون حنّآ أكلنآ مدري أيش و رحنآ لـ كذآ و تعبنآ

أعرف وحدة الله يذكرهآ بِ الخير

أغلب طلعآتهآ مآترجع للبيت و يصير من بكرى إلا تقول أنآ تعبت من طلعة أمس !

،
أمّآ سآلفة تشبيه الموآليد

.. أنآ مدري وشلون اللي يشبّه مآشآء الله عليه

كلّهم يتشآبهون !

بسّ حلوووو موقفكم

،
فعلاً أشيآء كثيرة نتوّهم فيهآ .. بعدين نحسّ إنهآ موجودة فينآ صدق

المفروض الوآحد يبرمج تفكيره بآلشكل الإيجآبي .. و يبعده عن التفكير السلبي - قدّ مآيقدر - .. بسّ وين اللي يطبّق

، أنآ وحدة من اللي مبآشرة تفكيرهم يتبرمج بآلشكل السلبي لأيّ حدث !

بسّ أضيف له نكهة إيجآبيّة شوي

^^ و على ردّي و تلويني لكلمتيّ ( السلبي و الإيجآبي )

- خطر في بآلي

- ليش احنآ غآلباً الشيء الخطأ أو فيه تحذير نستخدم ( اللون الأحمر ) و الشيء الصحّ و الإيجآبي نستخدم ( اللون الأخضر ) ..؟ - مدري عآد الكلّ مثلي أو لآ ؟

-
و التصحيح ( بِ المدآرس وكذآ ) نستخدم (اللون الأحمر ) ؟ .. أذكر أيآم مآكنت أدرس بِ الإبتدآئي وكذآ أتضآيق لمّآ تصحح لي الأستآذة بِ لون مختلف عن الأحمر !

.
.
عوآإفي بريق على الموضوع

تقبّلي مروري و ردّي اللي مدري كيف جآي

мιѕѕ ∂ισя · #15 30/09/2010, 08:24 PM

هلآآآ وغلاآآ يــ شاقي يـــ شواقة << هذا دلع صديقتي شوق يا اني مشتاقة لها حيل يــ الله السبت نشوفها.

الموهيم

ع البركة ماجاكم.. وان شاء الله يكون من مواليد السعادة .. والله يطرح فيه البركة ويكون بار بوالدية << عجيز لا تشرهين علي

اعجبني المخرج مرررا لأن فيه حث على التفاؤل وعدم اليأس.. وأن لا يأس مع الحياة.

وترى الوساويس ما خلت احد بحالة زوج اختي اذا زكم يجيب اختي وبنتها عندنا << كل هذا خوف لايعديهم << متخلف

وبنت عمي عندها بنت وحدة بثاني ابتدائي ودايم تتعالج عشان تجيب عيال مع ان مافيها الا العافية وبعد 8 سنوات قررت انها تترك العلاج وتهتم في بيتها وتنسى الحمال وسبحان الله حملت ويقولون ان الحالة النفسية والوسواس له دور.

وفالأخير مـــآآآ أقول الا الله يعطيك العافية على هيك موضوع.
تحيــــــــآآآآتي,,