حقيقه لم يكن زعيمنا يستحق الخساره بكل المقاييس وقدم نجوم الفريق جهدا جبارا وابدعوا في فرض ايقاعهم برغم من ان بعض العوامل لم تكن تصب لمصلحتنا مثل نقص 3 لاعبين في مركز واحد خصوصا ان هالمركز (محور الارتكاز) هو باسوورد نجاح اي فريق من ناحيه هجوميه ودفاعيه .. وللامانه فلم اتوقع ظهور بعض اللاعبين في هذا المستوى المقنع والمشرف الذي بصراحه خفف علينا صدمه الخساره بعض الشي ..

كان هدفنا هو عدم خسارتنا للمباراه وفعلا استطعنا تحقيق المعادله لولا اراده الله ثم غلطه ويلهامسون في فتح ثغره الحائط البشري.. انا لا يمكن ان الوم او اغضب على ويلهامسون بسبب اضاعته لضربه الجزاء لان هذه جزء من اللعبه وكثير من النجوم اضاعوا بطولات على فرقهم بسبب اضاعه بلنتي ... ويلي لاتوجد مشكله في اضاعه البلنتي لانك اجتهدت ولا يلام المرء بعد اجتهاده ولكن مسأله انك تفتح ثغره في الحائط البشري فهذه مصيبه وكارثه بحكم انك لاعب دولي فالتفافك للجهه اليمنى (وكانك خايف لاتجي الكوره بوجهك) هذي ثمنها هدف ربما يكون هو سبب خروجنا من البطوله لاسمح الله .. فأرجوك ارجوك لاعاد تجي توقف بالحيطه ... اضافه الى خطأك في وقوفك بالحائط ايضا مستواك اثناء المباراه يضع الف علامه تعجب !!!!!!!!!! يوم جد الجد واحتجناك تغيب ياويلي وتتسبب في هدف ؟؟ لايمكن ان نغفر لك او نسامحك اذا لم تعوض غلطتك بمستوى مبهر في مباراه الاياب ..


نواف العابد كنت رائعا بكل ماتحمله الكلمه من معنى تحركت بلياقه عاليه هاجمت ودافعت ومررت فعلت كل شي شكلت لوحدك جبهه ناريه في المنطقه اليسرى برغم فارق البنيه الجسمانيه ولكنك ابيت الا ان تسجل حضورا باهرا وملفتا في هذا اللقاء ..

جيريتس وفق في رسم النهج التكتيكي للقاء وتعامل مع مجرياتها حسب ماتقتضيه الضروف المصاحبه فوجود المثلث البرقان والفرج والفريدي قد احكم السيطره على عمق الملعب ولم يعط للايرانيين فرصه لخلق فرص كثيره ماعدا بعض الفرص من الاطراف ..

ياسر القحطاني لم يظهر كثيرا يحكم ضعف المسانده والامداد ولكن عندما يتراجع للمنتصف يسيطر على الكره ويمرر باتقان وكان حاضرا في هذه الكرات .. ياسر يجيد اللعب في المساحات الضيقه والتحرك الرأسي والانسلال من بين المدافعين .. لو اكمل اللقاء ولم يصب لكان هناك شأن اخر ..

الفريق بكامله قدم مستوى جيد ويجب ان ننتقد بعقل وليس معنى الخساره ان الفريق سيء لا .. فكثيرا ماكان الهلال يكسب ولكن بمستوى سيء ..

بالنسبه للتحكيم انا في الحقيقه لا احب ان اتكلم كثيرا عن التحكيم بحكم اننا كهلاليين لم نتعود ان نعلق الخسائر والاخطاء على شماعه التحكيم .. وانا شاهدت تعليق جمال الشريف على بعض اللقطات واقر بوجود ضربتين جزاء للمحياني ولكن انا اشوف ان اكثر القرارات تأثيرا على سير المباراه هو عدم طرد المدافع الايراني بحكم توافر اسباب الطرد وهي الاستحواذ على الكره ومواجهه المرمى ولو تم طرد المدافع الايراني لتغير شكل المباراه بالكامل ولا ادري هل الحكم لايعرف القانون ام انه يعرف القانون ولكن تعمد عدم الطرد ..


الفريق الايراني اعتبره جيد ولكن بالمقابل الهلال بحالته الفنيه الطبيعيه افضل منه بمراحل ..

هناك جزئيه تشغل بالي كثيرا وهي انه في مباراه الاياب بالرياض سيكون الهلال مطالب بتسجيل هدف وبالمقابل مطالب وجوبا عدم قبوله لهدف في مرماه فكيف سيحلها جيريتس ؟؟؟

الفريق الايراني سيقفل ملعبه حتما وسيعتمد على المرتدات ودفاعه صعب جدا اذا اعتمد الفريق على الكرات العاليه والعرضيه .. شاهدنا الهلال اليوم كيف اتعب دفاعهم بالكرات القصيره البينيه من لمسه واحده بحكم ثقل حركتهم .. انا ارى ان نواف العابد لايشارك في مباراه الاياب بحكم ان الفريق الايراني سقفل ملعبه ولن تكون هناك مساحات بالتالي نحتاج الى لاعب يجيد اللعب من لمسه ويجيد صناعه تمريره الهدف مثل الشلهوب او نيفيز.. اليوم العابد ابدع وصال و جال بحكم ان ذوباهان كان فاتح ملعبه ويهاجم بينما في الاياب لن تكون هناك مساحات



في الاياب اتمنى اللعب بمحور واحد وهو رادوي واللعب بالشلهوب ونيفيز وويلي والزج بياسر والمحياني بغيه تسجيل هدف مبكر يريح الاعصاب قليلا مع التركيز على مراقبه خلعتبري وكاسترو مراقبه لصيقه والاعتماد على الكرات القصيره البينيه ..


في النهايه ياجمهور الزعيم لاتضيق صدوركم الفريق الايراني مقدور عليه والهلال بيرجع له رادوي اللي له دور كبير في تنظيم وضبط ايقاع اللعب .. وباذن الله مع امتلاء دره الملاعب بالجمهور وبتوفيق الله راح ننتصر وبالثلاثه بحول الله وقوته



نلتقى ان شالله في طوكيو

ليش مانشر الموضوع بالمنتدى الهلالي ؟؟؟؟؟

للرفع لتاخر نقله من منتدى التقييم

قسمبلاه مستواهم أوب ذاك الزود هم قرمبع و يتعبون بسرعه همين ربي ما أراد لنا نفوز يمكن خيره و بإذن الله الوعد الدرة و بحيل الله ربي ما يخيب رجانا

متشكره لحدرتك يافندم

مع اني مادري وش تقولين بس شكرا على مرورك

إقتباس الرسالة الأصلية كتبت بواسطة بدر نواف العابد كنت رائعا بكل ماتحمله الكلمه من معنى تحركت بلياقه عاليه هاجمت ودافعت ومررت فعلت كل شي شكلت لوحدك جبهه ناريه في المنطقه اليسرى برغم فارق البنيه الجسمانيه ولكنك ابيت الا ان تسجل حضورا باهرا وملفتا في هذا اللقاء ..

هههههه رفع رفع ياحبيبي رفع

ابي اسالك يوم تمدح ذالبزر شفت وش سوى شفت كم باص خطا فك شفت كم هجمه قتل شفت كيف يتحرك

ياخي قسم بالله حرام حرقو دمي لامبالاه وين ايام ابو يعقوب وسامي والتيماوي الناس اللي تحس بالجماهير


موب ذالمبزره قسم بالله هالكلام ماطلع الا من الغبنه اللي فيني يشهد الله انها مقفله معي من اليوم


الفريق الايراني سيء جدا حرام يفوز

يجيني البزر نواف العابد والفرج الواحد يقتلنا قتل

ابي اعرف قيرتس وش يحس فيه مايشوف هالمبزره ضعيت زعيمنا خلاص والله خلاص المباراه مفهومه

حنا موب حمير مانفهم كوره الشوط الثاني طلع الفرج والعابد ونزل الشلهوب عزوز الدوسري

شوف كيف الفريق بيشتغل بتشوف يمين ولي ويسار عزوز وبالنص بيضبطنا الشلهوب والفريدي

المباراه سهله مايبيلها اي تفكير بس شكوتي لله

بالتوفيق لهلال في قادم الايام


ماودنا نتكلم عن الاعبين ونقيمهم لاننا في مرحلة حرجه

مشكور ونتطلع منك المزيد

شكرا لكـ
الفريقـ الهلاليـ لمـ يكنـ سيئـ
كانـ الافضل والأجرأ والاسرعـ
وقد فرضـ سيطرتهـ ورتمهـ على الفريقـ
التعويضـ فيـ الايابـ بإن الله

إقتباس هههههه رفع رفع ياحبيبي رفع ابي اسالك يوم تمدح ذالبزر شفت وش سوى شفت كم باص خطا فك شفت كم هجمه قتل شفت كيف يتحرك ياخي قسم بالله حرام حرقو دمي لامبالاه وين ايام ابو يعقوب وسامي والتيماوي الناس اللي تحس بالجماهير موب ذالمبزره قسم بالله هالكلام ماطلع الا من الغبنه اللي فيني يشهد الله انها مقفله معي من اليوم الفريق الايراني سيء جدا حرام يفوز يجيني البزر نواف العابد والفرج الواحد يقتلنا قتل ابي اعرف قيرتس وش يحس فيه مايشوف هالمبزره ضعيت زعيمنا خلاص والله خلاص المباراه مفهومه حنا موب حمير مانفهم كوره الشوط الثاني طلع الفرج والعابد ونزل الشلهوب عزوز الدوسري شوف كيف الفريق بيشتغل بتشوف يمين ولي ويسار عزوز وبالنص بيضبطنا الشلهوب والفريدي المباراه سهله مايبيلها اي تفكير بس شكوتي لله

انشهد ان هذا التعليق اللي يبرد على الكبد

والله صرعني صرع العابد ياخي تحركاتـه وتمريراتـه كلها غلط بغلط

والله انا اليوم عند اخوياي اقول ياخي المدرب جيريتس اتوقع انه مايتابع المباراة , اتوقع انه نايم او قاعد يشوف الجمهور

ياخي العابد مستواه سئ جدا ليش المجاملــة

ياخي الرجال قدم كل اللي عنده ماسوى شيء للهلال

اغيره وانزل عبد العزيز الدوسري مكانـه

والفرج كذلك مدري شفيه

يعني معقولة الهلال يعتمد على لاعب او لاعبين

يعني راح رادوي ونيفيــز يمـوت الهلال ؟؟!!!!!!

ارجو بالمباراة الجايــه ياجيريتس كانك تسمعني تكفاااا لاتطبب العابــد انا فدى ذا الوجــه

عط الدوسري فرصة مثل ماعطيت العابـد وشوف النتـايج الطيبــة

يارب وفق الهــــــــــــلال يوووووووووه يالاسيويه تعبتينا

الفريق ماكان سيء .. ونواف العابد لعب افضل مبارياته بالرغم من ضروف النقص .. والمدرب اوكل للعابد مهام دفاعيه وهجوميه بنفس الوقت وقام فيها بكل اقتدار عاد ما جا الفوز او ماجاب هدف هذي توفيق من رب العالمين

إقتباس هههههه رفع رفع ياحبيبي رفع ابي اسالك يوم تمدح ذالبزر شفت وش سوى شفت كم باص خطا فك شفت كم هجمه قتل شفت كيف يتحرك ياخي قسم بالله حرام حرقو دمي لامبالاه وين ايام ابو يعقوب وسامي والتيماوي الناس اللي تحس بالجماهير

لاتجلس تقول لي سامي والثنيان والتيماوي كل مباراه ولها ضروفها .. وياما خسر الهلال وموجودين اللي ذكرت .. وش كنت تبي من نواف العابد او الفرج ياخي نواف العابد لاعب عمره لم يتعدى الـ 20 سنه وشف كيف ثقته في نفسه وكيف يتحكم في الكره وشكل خطوره اما الفرج انا ما الومه على مستواه لانه بالاساس موب لاعب اساسي ومن زمان مالعب اساسي واصلا مركزه وسط يسار تجي تلعبه فجاه في دوري ابطال اسيا ودور الاربعه وبمركز خطير ومهم وقدام فريق ايراني وبارضه يارجل موب السالفه فرد عضلات بالانتقاد لازم نكون موضوعييين ونقول الفريق كان جيد المستوى كان جيد يعني هل تقارن مستوى الفريق قدام الغرافه ؟؟ مافي مقارنه برغم من سوء الارضيه وتلعب خارج ارضك

ياااااااااااااااااااااااااااااااااااااااااااااااااااااااااااااااااااااااااااااااااااارب

أستغرب من بعض الردود اللي مـآأمتدحت لعب الهلال ..

يـآناس أفهموو الهلال قدم ماعنده أمس رغم الغيـآبات ..

صرآآحه مدرى وش تبون أكثر من كذآ ..

نرجع لنوآف الع ـآبد شفنا ألحين أحد يمدحــه ..

لكن ماشفنا أحد يمدح الفريدي لو الفريدي كان سيئ أمس كان شفنا أنوآع الموآضيـع ..

لكن طـآلما الفريدي مبدع ماحد جاب طـآريه ..

باالنسبه لآفضل لآعب أمس وبشهـآدة الاستديو التحليلي هو الفريدي قدم كل شي ..

وآن شاء الله من أفضل الى أفضل ..

باالتوفيق لزعيمنا في درة الملآعب ..