نادي الهلال السعودي - شبكة الزعيم - الموقع الرسمي - الهلال ..وذوب آهآن ..ومباراه للنسيان

http://upload.alhilal.com/img/019/2010-THob.jpg Vs http://upload.alhilal.com/img/019/2010-3.jpg

قبل كل شي

قدر الله وماشاء فعل

لعب الهلال اليووم مباراه كبيره ..مع العلم انا فاقدين 5 لاعبين وفقدنا لاعب بالمباراه
..وجاءت لنا فرص كثيره والبلنتي اهمها
مع اني يوم عرفت ان ولي بيشوتها عوررني قلبي
بس نظرا"
لظرروف
غيابات لاعبين مهمين + مباراه بعيده عن جماهيرالزعيم الرقم الصعب :ba:

اقوووول الوعد الرياض ان شااء الله

وقفات مع نجومنا

العتيبي
ذكرتني ببورصه الاسهم يووم فوق ويووم تحت ...اليووم بدعت وان شاء لله يستمر..مؤشر الصعود

اسامه

لبى قلبك لاعب كبير وكابتن ..ومبدع وانيق بتخليص الكور
مثل مايفصل
الدكتور الربيعه التوائم ..انت تفصل اللاعب الخصم عن كورته بدون ماتسبب فاول

:ba:

المرشدي

رغم عودتك من اصابه الا انك قدمت مباراه كبيره ..عوده حميده ياكابتن

لي
ياخي حبيت كوريا باسبابك ... ظهير تعبنا ندوور عليه تمركز جيد ..مسانده هجوميه ..عارف دورك بالملعب
يالبى قلبك
اذا مسكت اليمين وانطلقت كانك ماسك خط الرياض - القصيم

الزوري

مسستوى حلو وجيد جدا مع انك راجع من اصابه
بس يبي لك تششد حيلكعشمنا فيك اكبر من كذا

البرقان

ما الوومك فجأه لقيت نفسك اساسي بمباراتين مهمتين ..قدمت مسستوى جيد قياسا بلاعب مبطي مالعب بس يبي لك تركز
عليك فاولات باماكن خطره مدري وش تبي
بس ان شاء الله تتعلم من اخطائك

الفرج
لاعب انيق على مستوى الكنترول والتمرير بس ناقص تكون التحاماتك اقوى مع لاعبين الخصم
وتركز بالشوت ..
ان شاء الله كثرة المباريات تصقل موهبتك

الفريدي
اذا تخليت عن المزاجيه ونويت تلعب وتصنع ما احد يقدر يوقفك ..اليوم ابدعت وكنت لاعب له ثقله ..

وليهامسسون

ياويلي من ولي ..اليوووم ضيعت علينا بلنتي مع انك بالبلنتيات لك سووابق ماتعرف تركن الكوره
وتسببت بقول اليوم .. ما هو ذا مستواك يالاشقراني.. اليوم كنت غايب وحنا بحاجه حضورك
بس نقول انك تبي تفرحنا من الرياض:yes:
العابد

آآه..تلعب زين وتحاور وتركض وتحرث الملعب
بس اذا جت لك الفرص السهله ضيعتها
اقرب تشبيه لك ..واحد عنده تاكسي يقوم الصبح ويكد عليه ويجمع فلووس كثير
بس اذا جاء اخر الليل وجاء وقت رجعته للبيت سوا حادث وراحت فلوسه بلووشي

الشلهووب
مبدع حتى لو تلعب ثلاث دقائق ..دخلت بديل وسويت اللي عليك
بس حنا شايلينك لمباراه الاياب... وانشالله ماتخيبنا

الدوسري
لاعب صغير ومبدع ..اليوم اخذت ربع فرصه ودخلت ولعبت زين
بس المستقبل والايام الجايه كلها لك.. انت شلهوب آخر بالهلال بس انتظر فرصتك الكامله

ياسر

ابو عزوز .. وش اقول تحاملت على اصابتك .وتسببت لنا بلنتي بس الاصابه ما امهلتك
بيض الله وجهك

المحياني
خير خلف لخير سلف..دخلت بدل القناص ولعبت زين ..وتسسببت بــ بلنتي غض الحكم النظر عنه
لكن اذا اجتمعت انت وياسر شكلتم قوه تهز اي دفاع بالعالم..هاردلك يابطل

وقفه مع التحكيم الاسيوي
الحكم محمد صبح الدين

اليووم للاسف كنت ليل مظلم واخطائك اثرت على المباراه

زبدة الهرج

الهلال لعب مباراه كبيره لكن ظرووف المباراه ماساعدتنا يمكن انها خيره
لان الله اراد ان التأهل يكون بالرياض الاسبوع بعد القادم

آخر الكلام

يبقى الهلالي ذوق في كل الاحوال.. من مستوى ذوقه تحدد ميوله
:wub::wub: