بسم الله الرحمن الرحيم
اللهم لك الحمد كله ولك الشكر كله. انتهت مباراة ذوب أهان الايراني بأقل الخسائر الحمد لله وبنتيجه يمكن تعويضها بسهوله في الرياض بعد توفيق الله عز وجل.
الإنتقادات وما يمارسه البعض من تجريح لبعض اللاعبين ( هذا كله من الحماس ) لا يفيدنا ابدآ.
كلنا كنا متخوفين من نتيجه اكبر من كذا لأننا نلعب بإيران وبنقص يهز اكبر اندية العالم.
اوجه شكري لكل اللاعبين كلهم اجتهدوا وما قصروا والله يعطيهم العافيه واللي يناظر المباراة بالبيت مو مثل اللي يلعب بالميدان.
نجي لمبارة الإياب...
في مثل يقول( اعطي الخبز لخبازه لو اكل نصه)... جريتيس واللاعبين ابخص بالفريق.
بعد توفيق الله نحن كجماهير علينا ان نحضر ونؤازر ونشجع ونهز الإيرانيين والباقي على اللاعبين
في مباراة الرياض فريقنا ان شاء الله راح يكون شبه كامل والكمال لله عز وجل لا تخافوا يا جمهور ترى الفريق الايراني ما يعرف يدافع وعندهم ثغره كبيره بين قلوب الدفاع وكذلك اظهرة الجنب.
رادوي مع نيفيز مع الشلهوب وويلي وياسر وجمهور عظيم خلفهم بعد توفيق الله سوف يهزون اركان الايرانيين.
قرات تصريح لأحد اللاعبين الإيرانيين قبل المبارة يقول فيه نبي نفوز بنتيجه مريحه عشان اذا لعبنا وسط جمهور الهلال ما نتأثر.
مهاجم الفريق الايراني رقم 9 صرح بعد المباراة على احد القنوات الفضائيه وقال ان مبارة الاياب صعبه بالرياض وواضح انه ضايق صدره على النتيجه.
تعالوا يا جمهور الهلال وابشروا بالنتيجه الزينه ان شاء الله.
تحياتي