لا إهتمام ولا مُبالاة من رجال الهلال ( سادو ثُم إختفوا ) .. شكرا ً بتّال ! - نادي الهلال السعودي - شبكة الزعيم

sir'ABDULAZIZ · #1 05/10/2010, 07:22 AM

السلام عليكم ورحمة الله وبركاته ..
صباح الخير على المصبّح , ومساء الخير على المُمَسّي ..

قبل ما أدخل بالحديث , اتقدم بـ الشُكر لـ فريق عمل العربية وخصوصا ً برنامجه الرائع
( في المرمى ) ومُقدمه المُنصف بتال القوس , فـ شُكرا ً لكم على الذكرى الرائعه بـ زيارة
منزل رجل البطولات الهلالية عمي الأُستاذ فوّاز المسعد ..

طبعا ً ابي اتكلم مع الهلاليين اللي متابعته كبيرة للهلال وقديمه .. لأن نختصر الموضوع
وتكون خدمه الرئيس الأسبق فواز المسعد معروفه بالنسبة له , ويفهم كلامي على طول
, مااحب اطوّل الموضوع عشان ما اسلب وقتكم اعزائي لـ ذلك ابقتصر حروفي قدر
الإمكان ..

لي عتب كبير على الهلالييّن القديمين التابعين لـ الحاضر مع الإداره .. حديثي على كل
من حدث الفرق او خدم النادي ليس فقط لأنه عمي بل الكلام بشكل عام كان قريبا ً لي
او بعيد , للأسف الفتره الماضية لا من إدارة هلاليّه ولا من إعلام انصف الرجال الرياضيين
السابقين حقّهم .. وياللأسف إنه كان محقق 5 آسيويات بفتره ضيقه للغايه فـ وين بيروح
عقلك ؟ اتكلم معه كل عزيمة تحصل او مناسبه تحدث .. والكل يسأله عن غيابه الإعلامي
ويرد إنه ما يبي والإعلام منقطع عنّه تماما ً ومعه الإدارة الهلالية الحاليّة ومن سبقتها
وحتى بـ فترة محمد بن فيصل .. والأغرب من ذلك واللي كنت ابكتب عنّه موضوع هُنا
حفله او سهره نادي القرن قبل عدّه شهور , تخيّلوا انا انعزم لها وعمي فواز المسعـد
مااحد عزمه وعلى باله الإسبوع اللي بعده ولا احد بلّغه إنه فيه إحتفال اصلا ً .. إتصل
عليه عمي ( عبدالرحمن المسعد ) احد مسؤولي النادي ومُدير مكاتب النادي وقاله بالساعه 10 " وينك ؟ " ..
ورفض عمي الحضور للأسف لأن ماجاه إتصال من عبدالرحمن بن مساعد او مسؤول
رسمي خلفه ليدعوه , فـ جاه إتصال من أخوه ليبلغه .. وش شعورك بالله ؟

ليس فقط مع فواز المسعد .. اتمنى افهم ليه هالإنقطاع يحصل بين السابقين واللاحقين
واللاحقين المتابعين من السابق لـ إنجازات القُدامي .. وهذا عكس ما يحدث مع الجار النصر ..

هذي نُقطه تستحق الإهتمام من الآن ونُحاول نمحيها مُبكرا ً قبل أن تكبر وتأخد مساحتها بـ " المانشيتات " ..
كَتبت لـ مصلحه النادي وإطفاء شرارة مشاكل المُستقبل قبل إشتعالها ..

نُقطة النهاية .. شكرا ً للجميع

شكرا ً للعربية .. شكرا ً بتال القوس

في أكثر من مُنتدى ..