باقي على المباراه اقل من 48 ساعه والمشكله الجمهور الهلالي مشغول برادوي , ياسر نبيك لو تلعب بدون اقدام بس تسجل من فرص سهله وماتضيع + نقاط متفرقه
السلام عليكم ورحمة الله وبركاته
اخواني واخواتي . هل تعلمون انه سيفصلنا فقط اقل من 48 ساعه
عن مباراه الهلال
× ذوب اهن الايراني
لكن للأسف ,, الجمهور الهلالي مشغول برادوي اكثر من ماهم مشغولين على الكيان الهلالي الفريق اللي لديه استحقاقات مهمه قادمه ,, وهذا مارأيته من خلال مواضيع الشبكه
لهالدرجه جماهير اللاعبين سيطرت على المنتدى ؟؟
المشجع الهلالي الحقيقي هو اللي يحب الكيان (
الهلال وبس )
خلاص رادوي ماراح يلعب ,, قفلو على الموضوع ,, كل شوي واحد طالع لي رادوي قال ورادوي صرح ورادوي نام ورادوي ورادوي ورادوي ,,,,, الخ
اشوف الشبكه هالمره من جد جد الاعضاء مو حاسين بخطوره المباراه وخطوره المنافس وخطورة الخروج من كأس اسيا بعد كل ها( التعب )
نقاط متفرقه بخصوص المباراه ,
ياسر صرح انه سيلعب امام ذوب اهن الايراني لو بقدم واحده ,,!
احب اقول لنجمنا ياسر , نبيك تلعب لو بدون اقدام اذا كنت بتسجل الفرص السهله والسانحه اللي تجيك على طبق من ذهب وان لا تهدرها وتركز
بالمقابل لو معك مية قدم وماراح تسجل من انصاف الفرص (
اقولها لك ياياسر وبالفم المليان لاتلعب الكيان اكبر من كل شي )
لكن بإذن الله ياسر هالمره عندي احساس انه بيسجل وبيشكل خطر على الفريق الايراني سواء بصناعة هدف او تسجيل هدف بإذن الواحد الاحد ,,
..
مباراه الغرافه ( الذهاب ) اللي اهدر فيها الهلال فرص كثيره تعدت 6 اهداف محققه ( لو سجلت ) لم يستطع الغرافه فعل مافعله
(
وهنا اشدد على اهمية التسجيل من اي فرصه سانحه محققه )
ولا نريد في مباراه الهلال مع ذوب اهن يتكرر السينارو , نضيع فرص سهله ونخرج من عنق الزجاجه
..
الهلال سيواجه صعوبه بالغه جدا جدا جدا في فك دفاعات الفريق الايراني اذا كان لعب الهلال لعب بطيء او فيه شيء من الانانيه وعدم المناوله السريعه ويجب علينا اللعب السريع والتسجيل من اي فرصه او على الاقل تهديد المرمى لأربااك الخصم
..
في الحقيقه ( جميع مباريات الهلال الفائته كان عندي احساس ان الهلال راح يفوز , حتى في مباراه الغرافه بعد الاربعه صفر حسيت اننا بنتأهل ,, لكن هالمره مدري وش فيني احس بتشائم ,
وان شالله احساسي يخيب قوولو يارب , لأن المباراه حساسه وخطيره بكل ماتحملها الكلمه من معنى)
..
يجب على
الدفاع الهلالي الحذر من الكرات العرضيه او الركنيه ,, وعدم تشتيت الكره الى الركنيات ,, لانها بتشكل خطوره ,, احس بكل ركنيه للفريق الايراني بيدق قلبي من الخوف . لانهم خطييييييرين لآبعد درجه في الكرات العرضيه ولو تشوفون اهدافهم بالدوري اغلبها من ركنيه
.
الهلال لو يلعب على العمق بتمريرات ارضيه قصيره سريعه او ارسال كوره طوليه لياسر لكسر الدفاعات الايرانيه ابصم لكم بالعشره ان الهلال بإذن الله راح يسجل او اللعب على الون تو
.
لو مرت
العشرين دقيقه الاولى بسلام , الخطر راح يقل على الفريق الهلالي ويخف الضغط والعكس صحيح عند الفريق الايراني , بيحسون بضغط ومرور الوقت ,, ويمكن الهلال يخطف له هدف ان شالله او اكثر لكن التركييز ثم التركيز ثم التركيز واللعب بتوازن كبير بين الدفاع والهجوم والوسط
.
ادعو ان الهلال يفوز ,, يارب اجعل بطولة دوري اسيا من نصييب الهلال يارب ياكريم
حط مواضيع عن الاجواء المتوقعه
الوضع المتطور
