نادي الهلال السعودي - شبكة الزعيم - الموقع الرسمي - قفزة الأسطورة العجيبة + عيب سوني أريكسون + وش سوّى رادوي ( صوره ) ..!

بسم الله الرحمن الرحيم

نواف الهلالي يعود لكم من جديد :yes:

هاردلك < على وشو :s5s:

لا بس ملينا من كلمة مبروك وقلت من زمان عن هاردلك فـ قلت خل نقولها تضامنا مع الجيران :naughty:s121s

طبعا مباراة متوسطة المستوى إلى ضعيفة ولا شفنا فيها إلا الركض فقط ويمكن نلتمس عذر

للاعبين بعدما تمصعوا وتملعوا :razz: بعد مباراة قطر ..!!

أفضل ما في المباراة عودة الثلاثي الرائع .. ماجد المرشدي و عبد الله الزوري و ميريل ..!

عودة اللاعبين هذولا مهمة جدا في هذا الوقت بالذات فـ المباريات الثلاث القادمة

لا تحتمل أي نقطة ضعف أو أي ثغرة في الفريق ..!

المرشدي قدم مستوى جيد ولكن وضح ضعف الكنترول والحساسية للكره بسبب الابتعاد

لكن إن شاء الله هالمباراة تكون مجرد تحضير والمباراة القادمة يكون في أعلى مستوى

ونحن بحاجة شديدة للمرشدي لأجل إنقاذ ما يمكن إنقاذه من الكرات العرضية :yes:

الزوري بدأ بطيء شوي ومثل ما قلنا للمرشدي نلتمس له العذر لأنها أول مباراة

وإن شاء الله في المباريات القادمة يكون أكثر جاهزية وحماس وحركة ..

لأن وجوده مهم جدا حتى يعود الكوري لليمين لتغطية الضعف في الظهير الأيمن :yes:

رادوي عاد :ba1::naughty: .. وكالعادة عندما يعود رادوي يعود الوسط كله

ويعود الترابط القوي بين الدفاع والهجوم وتعود الروح والحماسة في وسط الملعب :yes:

بعض الشباب يقول ياخي ليش تبالغون في مدح رادوي دون باقي زملاؤه ..؟! < سؤال وجيه < احلف :razz:

الجواب هو إن الجمهور وخصوصا الجمهور الهلالي دائما يقدر من يقدره وهذا من الوفاء

يعني الجمهور لما يشوف اللاعب يحترق في الملعب ويشتغل ويتحرك ويبذل مجهوده

يعني باختصار يحس بالجمهور .. الجمهور في الحالة هذي يقدّر اللاعب حتى لو ما كان مستواه ممتاز جدا < صوره مع التحية لبعض اللاعبين

فـ كيف إذا كان اللاعب يحترق بالملعب وحاس بالجمهور وفوق هذا مستواه أفضل من الممتاز ..!

بالحالة هذا لا تلومون الجمهور لو يعشق هذا اللاعب :

يردد الجمهور يا ذيبها قدها ..:.. سدد على صفر النوايا سهومك

لا رددوا رادوي والناس تشهدها ..:.. الله يلوم اللي بعدها يلومك

أما أسوأ ما في المباراة فهو إصابة ياسر اللي خوفتنا كثير بصراحه

خوفتنا ليه .. لأنه باختصار جميع البدلاء ولو إنهم ممتازين لكن ليسوا بمستوى ياسر

وكلهم ما يفيدون الفريق إلا بالصندوق ..!

عشان كذا طالبنا مع نهاية الموسم الماضي بـ مهاجم أجنبي ينافس ياسر يعني في مستواه أو أفضل

مثل فيكتور الأهلي :s5s: تحسبا لمثل هذي المفاجآت ..!

لكن اللهم لك الحمد والشكر يومنها وقفت على كدمه وعدت إن شاء الله على خير

والحمد لله على سلامة أبو عزوز ..!

بالنسبة لمستوى اللاعبين أمس فـ الشلهوب يعتبر هو الأفضل وهو أكثر واحد تحرك وحرث الملعب

ولاحظت على محمد إنه حركته أخف من قبل وإذا استمر على ذا الحماسه وهذا المستوى الجميل

أتوقع إن أسيست كأس آسيا من يسراه الرائعة :yes:

لي يونج واضح إن المدرب أمس طلب منه التسديد .. وتسديداته رائعة بصراحه وأتمنى إنه يستمر عليها :yes:

بالنسبة لـ ويلي فـ هو دائما مزعج لأي فريق لكن في الجهة اليمنى فقط

وهالمدرب الله يهديه من يوم جاء وهو كل ما هذا قال له رح يسار :to: ولا عمره فادنا بالجهة اليسرى أبد

فـ ما أدري ليش يصر جريتس على الحد من خطورة ويلي بإرساله لذيك الجهة ..!

الجمعان لا يمكن أبدا تقييمه من أول مباراة ولا حتى من ثاني أو ثالث مباراة بل يجب الصبر عليه

مع إني أمس أشوف المدرب معطيه مهام دفاعية يعني شفته بالدفاع أكثر من الهجوم :to:

# المباريات الثلاث القادمة في الآسيوية كلها نهائيات .. وأنا متفائل في الفوز فيها إن شاء الله

لكن بشرط إن جيرتس يبتعد عن الغرور نهائيا ويلعب المباريات بواقعية فـ أي خلل لا قدر الله

أو استهتار أو غرور أو عدم القراءة الجيدة فـ يبي يكون نهائي آسيا مثل نهائي الملك ونهائي فيصل

خسرناها بسبب الغرور وعدم القراءة الجيدة مع إنها كانت في يدينا ذيك المباريات وكنا الأجهز ..!

فـ الله يستر والله يوفقنا يا رب ..!

# بصراحه أنا ما شفت مثل حماس رادوي ما شاء الله :ba1::s5s:

الولد فيه حماس عجيب يعني لو لاحظتوا لما أصيب وطلع يتعالج في هذي اللقطه

http://upload.alhilal.com/img/019/SP...Ettifaq-10.gif

لو الشباب قدموا اللقطة ثانيتين شوي تبي تلاحظون الطبيب قاعد يعالج رادوي

ولما رفع راسه والتفت للملعب شاف هجمه على الهلال فـ على طووول أشر بيده

يعني خلاص أنا طيب وراح يبي يطب .. أي حماس تمتلكه يا رادوي :smilie47:s13s

بشأن موضوع الكبتنية اللي يثار بين الفينة والأخرى < كيف الفينه :razz:

أنا اقترحت اقتراح أعتقد إنه جيد لو تم تطبيقه ..

من أول مهام الكابتن هو تحفيز وتشجيع زملاؤه في الملعب إضافة إلى مناقشة الحكم

في الأخطاء المحتسبة وقبل ذلك الشخصية القيادية بحيث تكون كلمته مسموعة عند اللاعبين ..!

كل هذي الصفات تنطبق على الكابتن أسامة هوساوي فهو يستحق الكابتنية وبجدارة

لكن اقتراحي هو لما يكون حكم المباراة أجنبي ..! هنا أسامة سيفتقد لإحدى المهام بحكم اللغة ..

لذلك ما المانع عندما يكون حكم المباراة أجنبي أن تعطى الكابتنية لـ رادوي تقديرا لـ وفاءه وإخلاصه

ولأنه قائد فعلي للفريق أضف إلى أنه يلعب في منطقة الوسط الدفاعي وهي أفضل منطقة للكابتن

لأنه يكون قريب من المدافعين والمهاجمين وقريب دائما من حكم المباراة ..

ولاعب المحور هو أكثر من يلمس الكره في الملعب .. ونجوم العالم الكباتنة في المحور كثير

أبرزهم باتريك فييرا وجيرارد وبالاك وغيرهم :yes:

# عبد اللطيف الغنام ..

بعد مباراة الغرافة حصل من الجميع انتقاد كثير وحصل ثناء على بعض اللاعبين لكن نسينا هذا اللاعب ..

الغنام أقدر أقول جريتس ورّطه ودوّخه بذيك المباراة بإجماع المحللين يوم خلاه وحيد ..!

ومع ذلك قاتل وبذل جهده وجاب حيله كله وزياده حتى يثبت نفسه لين المسكين بعد المباراة

ما بقى فيه عضله ما انشدّت وجاه تمزق في بعض العضلات بسبب المجهود الكبير اللي سواه

وإلى الآن هو في غرفة العلاج .. فـ نقوله مشكور يا عبد اللطيف وما قصرت وإلى الأمام

والله يشفيك ويعافيك يا لاعبنا الخلوق :ba1::rose:

# المعلق عبد الله الحربي .. تجيه كثير من الانتقادات في المنتدى دائما من البعض .. والبعض الآخر

معجب بتعليقه وأنا منهم وأعتبره من أفضل المعلقين ..!

وبالنسبة لـ ميوله فـ بحكم اتصالي بأحد أصدقاؤه المقربين قال : أقسم بالله إنه هلالي ومو بس هلالي

إلا هلالي متعصب ودمّه أزرق :yes:

لكنه يحاول يكون حيادي وبعض المرات يخونه التعبير هذا كل ما في الموضوع :yes:

# المدرب سوني أريكسون < منهو ذا :to:

طلعت إشاعات في الأيام الماضية عن اقتراب الهلال من التعاقد مع السويدي أريكسون

بصراحة ما أدري من اللي اقترح على الإدارة هالاسم فـ المسألة ماهي أوربي وخلاص

المسألة هل هو جيد وإلا لا .. يعني كيف البلوتوث والتصوير < تلامست الأسلاك :s5s:

هذا المدرب بصراحة معروف إنه سيء جدا سواء يوم يدرب الانجليز في 2006 ومعه

أفضل نجوم العالم ومع ذلك دج بهم وإلا في 2010 مع المنتخب الرائع ساحل العاج

ومع ذلك ما قدر يأهلهم وحتى مع الأندية مسيرته غير جيده إطلاقا ..!

فأتمنى إنه ما يطب العريجاء لا أحش رجليه < شغل عرابجه s121s

# بالنسبة لتأجيل الاتحاد والزوبعة اللي صارت فـ أنا أتمنى إنه الهلاليين سواء جماهير

أو إدارة أو إعلام ما يتعبون أنفسهم معهم ولا يعطونهم وجه .. المهم فقط إننا ناخذ

حقنا من الاتحاد السعودي وبعدها يقولون اللي يقولون ..

لأنهم باختصار شديد وجيههم مغسولة بمرق ولا يستحون يعني توها تخلص البطولة

الماضية وشفنا الدلع اللي صار لهم لكن هذا هم أصحاب القلوب الصفراء

دائما ما يخجلون ويستخدمون إعلامهم الأقوى عشان يحاولون التأثير على القرارات

وعندهم حساسية شديدة ومرض مزمن من الهلال عشان كذا مناقشتهم ما لها أي فائدة

لأنهم ما فيه أمل يعترفون بأي حق للهلال بأي حال من الأحوال ..!

هم أصلا اعترفوا ببطولات الهلال حتى نناقشهم بالأمور الثانية :yes:

# نفس الكلام ينطبق على برنامج خط البلدة يعني بعد رجوع البرنامج شفنا مواضيع هنا

تتكلم عنه وعن ما قالوا واللي يرد وهلاليين اتصلوا .. وهذا أكبر خطأ

لأنه البرنامج وش سالفته .. البرنامج بعد ما تركت موبايلي رعاية البرنامج تكفل أحد أعضاء شرف الفقر

برعاية البرنامج عشان كذا هم يحاولون بكل الطرق وبأنواع اللف والدوران

إنهم يخلون الهلال دائما هو الفريق الظالم المتسلط وباقي الأندية مظلومة وخصوصا الفقر ..!

كما شهد شاهد من أهلها إنه ( خط الفقر ) فـ حقرانهم أفضل شيء والحقران يقطع المصران s121s

# مهاجم الاتفاق أمس هو أكثر لاعب انحسب عليه فاولات s121s أنواع التكسير الخبل s121s

ما دروا عنه الاتحاد وإلا كان جابوه بجنب تكر :d

http://upload.alhilal.com/img/019/SP...1-0Ettifaq.gif

الأسطورة الحية خوجة s121s

هذي القفزة العجيبة لهذا الأسطورة ذكرتني بنكباته السابقة والدائمة سواء بكأس الخليج

أو يوم انهزم الشباب بالستة في آسيا وغيرها كثير وآخرها هذي اللقطة الرائعة :to:

والشيء المهم اللي ذكرتني فيه هو تصريح خوجه يوم وقع مع الاتفاق أول السنة وقال :

( فضلت الاتفاق على عرض الهلال ) < يعني إني

:s2: :s2: :s2:

أي هلال اللي عرض عليك يابو الشباب يمكن يقصد الهلال السوداني أو اليمني ما أدري :to:

أو يمكن الهلال يعرض عليك لكن مب السنة هذي .. يمكن في سنة قادمة يقرر أعضاء شرف النادي

الهبوط بالفريق إلى دوري المناطق فـ يقدمون لك عرض عشان ناصل للدرجة الثالثة بأسرع الطرق :s5s::d

المعذرة دائما على الإطالة .. ولكم منى أرق وأعذب التحايا ،،،